၂၉ - လွင် အာဘိုမ် ဒဲစေန့် အူဝီ တူ နပ် ဒီလာယ်ကာဝေ

ဟဲ့ ဇမ် အူဆီငဲ တွိုန် အာပေတာရူ တီ တဝ်း ဒီ ဇဝ်ယေဆူ တွိုန်၊‘‘ ဝါအုဝ် ဟဲ့ ဘူင် ကိူန် မှာပ် နှာန် ဇေန့် အုဝ် လုဝ် ဘ့လွာ့ ဝဲန် မှာပ် အန် အုဝ် ဘော လုဝ် ဘလွာ့ ဝဲန် ဘူ ဇေန့် အန် ဘော ကာ မွှတ့်၊’’ ပါယ် တီ၊ ဇဝ်ယေဆူ တွိုန်၊‘‘ ဘော တဝ်း ဒီ အန် အာ ဝန် မဲလုဝ် ဘ့လွာ့ ဝဲန် ဘူ ဇေန့် ဒီ ဘူ ဂိုဝ် မဲ လုဝ် ခမ် ဘူင် ပါယ် တီ’’။ ခုဝ် အန် ဘော ဝီ ကာလာင် ပါယ် တီ၊ အာတီ အန် ဘော ကာလာင် ပါယ် တီ တဲး ဂေ ပွိုန် ဒီ ဘ့လွာ့ ဝဲန် မှာပ် အီ ဆေဆေ၊ဝါယ် အန် တီ ဇဝ်ယေဆူ တွိုန် ဘော ကာလာင် အူဖာမာ ပါယ်တီ။

ဇဝ်ယေဆူ တွိုန်၊‘‘ အန် ဘော နပ် နဝ်း ကာဝေ ဇဝ်ဖြာ ဘော ရွိုန် ပီ ထုက် ဂေ ဒီ အီ ဟဝ် အန် ဘော ဘ့လွာ့ ဝဲန် န့ ဘော ပီ ဒါတာင် အူဝီ၊ ကာဒူင့် ကွယ် ဒါတာင် တွိုန် န့ဘော မိုဝ်း မှာယ် အူဝီ အန် ဟဲ့ ထုက် ရွိုန် ဒီ ဒါတာင် တွိုန် အန် ဘော ကွယ် ဒီ ဒါတီ န့ ကော နုဝ် အာ ဆဲန် ဆီနမ်ဝီ ဝျီ့နီ ပီ ထုက် အန် ဒီ ဒါတီ။

ခုဝ် အန် တီ မှာယ် ဂေ တွိုန် တူ ပဲ ဒီ ဝျီ့ရွိုန်ပီ ထုက် အန် ဒီ ဂေ ဒါတာင် တွိုန် ဘော ဒဲ့ ခဲင် ဟူမ် ဂေ၊ ဒါတာင် တွိုန် ဘော ယွင့် ဂေ တဲး ဂေ ဘဲန် ဒဲစေန့် အီ တဲး န့ ဘဲန်ရွိုန်ပီ ထုက် ဂေ ဒီ အန်’’။ ခုဝ် အန် ဘော ကာလာင် ပါယ် တီ။

‘‘မှာယ် တွိုန် အန် ဘော ဒွင် ဘာန် နာအာတ့် ဒါတာင် တွိုန်” အန် ဘော တဝ်း တဲး မဲ ယိူန် ခမ် ဒွါ ဒီ အုဝ် ပီ ထုက် အုဝ် ဝျီ့ရွိုန် ဒီ မဲ တဲး မဲ ဘ့လွာ့ ဝဲန် ဒွါဒီ အုဝ် အန် ဘော ကာလာင် ပါယ် တီ ဒါတာင် တွိုန် ဘော မိုဝ်း နဝ်း ကာဝေ ကာဆဝ် အန် ၊ဒါတာင် တွိုန် အန် ဘော ယိုမ်း ဒွါ ပီဘူင် အန် ဂေရွိုန် ပီ ထုက် အန် ဘော တဲး အန် လေး ဟာဝ်။

‘‘ဒေါ အန် တီ မှာယ် တွိုန် အန် ဟဲ့ လေး တး ကာဒူင့် ကွယ် ဒါတာင် တွိုန် အန် တွိုန် ကွယ် ကော လှေန့် ဖွိုန် မာဂျီန် အန် တွိုန် ဟဲ့ မိုဝ်း ပီ ထုက် အန် ဒီ မှာယ် အီ တီ၊ မှာယ် အီ တီ ဘောယိုဝ်အန် ဘော မေတ့် အန်‘‘ အန် ဘော တဝ်း တိုယ်ရွိုန်ပီ ထုက် မဲ ဒီ အုဝ်’’။ အန် ဘော ကာလာင် ပါယ်တီ။

‘‘မှာယ် ဂေ အီ မိုဝ်း ပီ ထုက် ဂေ ဒီ အီ တွိုန် တဲး ဂေ တုတ့် ဒွင် ဘာန် အီ ‘‘၊ဂေ ဘော တဝ်း တဲး နဝ်း မဲ တုင့် ဘ့လွာ့ ဒွါ ဒီ ယေ ။ ပီ လုဝ် ယေ၊ ယေ ဒီ ဝျီ့ တူတ့်’’။ ပါယ် တီ ဒါတာင် တွိုန် ဘော တဝ်း ဒဲစေန့် အီ တူ ပဲ ဒီ ဝျီ့ရွိုန်ပီ ထုက် ဂေ ဒီ အီ ဟပ် တူတ့် ဂေ ခဲင် ကာပုမ်။"

‘‘မှာယ် ဂေ မင် အီ တွိုန် ပီ ဘူင် ဂေ မင် မျုဝ် ဒွန် မျုဝ် တွိုန် ဆေ အီ ယိုဝ် ဂေ ဘော ဝီ ကာလာင် ဒီ ဒါတာင် ပါယ် တီ”။

‘‘ဒါတာင် တွိုန် ဘော ဒဲ့ ဒဲစေန့် အန် တွိုန် တဝ်း၊ ‘‘မဲ မုး ဒဲစေန့် အီ တူ မွှိုမ် ကူပ် မှာန် မဲ ဒီ အုဝ်။ အုဝ် မုး ဒီ ဘ့လွာ့ ဝဲန် မှာပ် မဲ ပီ လုဝ် မဲ ဒီ အုဝ် ဟဲ ကာတာန် ပီ ဒွင် ဘာန် မဲ ဘူင် ပါယ် တီ’’။ အန် ဘော ကာလာင် ပါယ်တီ၊ ဒါတာင် တွိုန် ဒေါ ရူ ကာဆဝ် အန် တွိုန် အန် တဝ်း ဂါယ် တူဝီ ဒွါမဲရွိုန်ပီ ထုက် မဲ ဒီ အုဝ်၊ အုဝ် ဒီ ဟပ် မဲ ခဲင် ကာပုမ်”။

ပန်တီအန် ဇဝ်ယေဆူတဝ်း "ပီဘူင် ဘေစိုဝ်နီ၊ ဆေဘေနပ်ဝီ အုန်နဝ်း ဘေဒီအီ၊ ခဲင် ဘာန်နဝ်း ဘေ၊ ဂုန့်အုဝ် ဟဲကွယ်ခဲင် မိူင်ခြီင်တွိုန် မိူင်နပ် ဝီဘူင် ဒီအီကတ် အူဝါဘေ ပါယ်တီ၊" အန်ဝီတဝ်း ပါယ်တီ။

A Bible story from: Matthew 18:21-35