၃၀ - အန်ဇဝ်ယေဆူ တွိုန် ဟျီင် ဒူအီဖန့်ဟြဲန် ဟူမ် ပီဒီဟူမ်ဟျီင်
ဇ၀်ယေဆူ တွိုန် အန် ဘော မာနု၀် ဒီ ဘဲ အန် ဂေ တွိုန် အီ ပါယ် ဒီ ဟာ၀် ဘော အူ ရ၀် ဂေ တွိုန် ဒေါ ၀ီ တး ဇမ် ဂေ ကာ ဒူင့် ကွယ် ဇ၀်ယေဆူ တွိုန် ဂေ ဘော ၀ီ ဒီ ကာလာင် ပီ ဟဲ့ ဘူင် ဂေ၊ ဝါယ် အန် တီ ဇ၀်ယေဆူ တွိုန် ဘော တ၀်း ဒီ ဂေ တဲး ဘေ ဟာ၀် ကာ ဒူင့် ယေန် ဒီ လှါဝ် နာဒ အိုမ် ဒွယ် အန် ဘော ကာလာင် ပါယ် တီ ခု၀် အန် တီ ဂေ တွိုန် ဂေ ဘော ဟု၀့် ဒဲင် ရို၀် အူလှာင် ဂေ ဘော ဟာ၀် ကာ လူ၀်း အိုမ် အူ ဘုင့်။
ခု၀် အန် တီ ဇ၀်ယေဆူ ဂေ ဒီ ဘဲ အန် ဂေ ဘော ပ၀့် ရို၀် ဂေ ဘော ယို၀် ဒူအီ ကိူန့်ဂေ တီ ဂေ ဘော တး ဇမ် နာ ပန် ဇ၀်ယေဆူ တွိုန် ဂေ ဘော ကွယ်ပေါ အူ ဘ့လာင် အိုမ် တွိုန် ဂေ ဘော လဲပ့် အိုမ် တွိုန် ဇ၀်ယေဆူ ဂေ ဒီ ဘဲ အန် တွိုန် ဒေါ တး ဇမ် ဂေ တွိုန် ဒူအီ ဂေ တွိုန် ဘော နာန် တး ဇမ် ကာဒူင့် တီ။
ကာဒူင့် ကိူန် ဒူအီ တီ အီ ဘိုန့် ဂေ ဂွန် အာင မုး ခဲ့ အီမာယ် မို၀်း ဖန့် ဟြဲန် အာဝ် မို၀်း အီ မာဘူ တွိုန် ဂေ ဘော ၀ီ နှဲန် မာဘူ တီ ဇ၀်ယေဆူ တွိုန် အန် ဟဲ့ မို၀်း န၀်း ကာ၀ေ ဒီ ဒူအီ ကိူန် ဂေ တီ ခဲင် ဒူအီ ဂေ တီ အီ မို၀်း ဇ၀်ယေဆူ အန် ဟဲ့ ဆီနမ် တဲး ဒီ ဂေ။
၀ါယ် ဘော ဆီငဲ တီ ဒီ ဘဲ အူ အီ တီ အန် “ဘော တ၀်း ဒီ ဇ၀်ယေဆူ တွိုန် အာခြာ၀် အန် ဟဲ့ လုတ် ခုဝ် ယီတူ မို၀်း ရ၀် အန် ဘော ဇမ် ကာဒူင့် ကိူန် ဒူအီ တီ အန်ဒီ ဘောလုဝ် ဟူမ် အူ မျု၀်မျု၀် ဘော ၀ီ ဘလေး အန် ပါယ် တီ’’၊ ခု၀် ဘော ဟာ၀် ပါယ်တီ၊၊
ခု၀် အန် တီ ဇ၀်ယေဆူ တွိုန် ဘော "ဒီ ဒီ ဘဲ အန် ဂေ တွိုန် တဲး ဘေ ဒွါ”၊ ပီ ဒီ ဟူမ် အူ မျု၀် ခု၀် အန် ဘော ကာလာင် ပါယ် တီ ဒီ ဘဲ အန် ဂေ တီ“ ဂေတ၀်း ယေ ဟဲ့ မို၀်း ခါမုန် ဖန် ဘူင့် မာဂါ အာ ဒု၀် မာ ဆေ အီ ဒီ ဘူင်”၊ ဂေ ဘောဒီ မွှတ့် ပါယ် တီ။
ဇ၀်ယေဆူ တွိုန် ကာဒူင့် ဖိုင် ဒူအီ တီ အန် တဲး ဂေ ကွယ် အူ ပ့လု၀့် ဖန့် ဂို၀် ကွယ် ဒဲင် ပေတ့် တီ အန် ဘော စ်ု ဒီ ဘဲ အန် ဂေ တီ ကွယ် ပါယ်တီ။
၀ါယ် အန် တီ ဇ၀်ယေဆူ တွိုန် အန် ဘော ဒို၀်း ခါမုန် ဖန့် ဘူင့် ဂါယ် မာဂါ အာ ဒု၀် တွိုန် အန် ဘော ဆာ ကိုဝ်း ယွတ် နာ ဒဲင့် အန် ဘော ဆာခိုဝ် ဒီ ဇ၀်ဖြာ အာ ဒါ ပီ ဟူမ် တီ။
၀ါယ် အန် တီ ဇ၀်ယေဆူ တွိုန် ခါမုန် ကိူန် ဂါယ် မာဂါ ကိူန် အန် ဘော ကာဘက် ဒွါ ဒီ ဘဲ အန် တဲး ဒီ ဘဲ အန် ၀ီ ကာဆာင် ဒီ အီ ဟ၀် ဂေ ပွိုန် ဒီ ဟူမ် ဖဲ ကော လ၀်း န၀်း ဂေ ဒွန် အီ ဘော အာနပ် ဒီ တူတ့် တဲး ဂေ ပွိုန် ဒီ ဟူမ်။
၀ါယ် အန် တီ ဒီ ဘဲ အန် ဂေ တွိုန် ဇ၀်ယေဆူ တီ ဘော ကာဇု ပီ ညှုမ် ဟူမ် ဂေ တီ န့ ကာလူယ် ဟူမ် ဂေ ကော နု၀့် ဘူ ခွန် ပီ ဒီ ဟူမ် ဂေ တီ န့ မုး မာဂါ အာ ဒု၀် ခါမုန် ဖန့် ဘူင့် ဂေ ပွိုန် ခဲင် အာ တီ။
A Bible story from: Matthew 14:13-21; Mark 6:31-44; Luke 9:10-17; John 6:5-15