၃၅ - လွင်အာဘိုမ် ဂုန်ဒါအူဝီ မိုဝ်းနဝ်းကာဝေ
န့ မိုဝ်း အာ ဒါ အူ ဆီငဲ 'အန် ဇဝ်ယေဆူ' ဝီဝ် ဟာဝ် မာနူဝ် ဒူ အီဂေ၊ အီထူမ် ဒါရာ အန်၊ ခဲင် ဖိုင် ဒူ အီ ဂေ တီ၊ ဘော ဒူ အီ ဂေ အီ ဂဲပ် ရွှိုန် စိုင်၊ ဘော ဒူ အီ ဂေ အီ တူ ဒူပ် ဒါရာ 'အာမုဝ်ဆဲ' န့ ပါ ခဲင် အာ တီ။
ဘော ဂေ အီ ဘူင် ဂါန် ဇဝ်ဖြာ၊ ဂေ ယွတ် အန် ဇဝ်ယေဆူ လာယ် ကာ မွုန် ဒီ ဒူ အီ ဂေ ကော ဝီ နှဲန် ဂိုက် အန်၊ ဂေ ဘော လာယ် တဝ်း ခါ နာ ဂေ၊ ပီ ဘူင် အန် ဇဝ်ယေဆူ နီ အာဝ် မုး န့ ကာ လိုပ်။ ပန်တီ အန်ဇဝ်ယေဆူ ဘောဝီတာ အူဖါမာနီ ကာလာင်ဒီဂေ။
ဒါ အူ ဝီ တီ မိုဝ်း ဂွန် အီ မာယ် အာ အီ။ ဇမ် အာ ဒါ အူ ဆီငဲ ဂွန် ဝီ တျီ့ တွိုန် တဝ်း အိုယ် ဂုန့်၊ အုဝ် ဆီ ပွိုန် ခါ ဂုန် ဒီ အုဝ် ဟဲ ဟွတ့် ကာလာင် ပန် တီ မိူဝ်၊ ဂုန့် အန် တွိုန် မိူဝ် ဘော ဝီ လာယ် ကာ ယဝ်း ကြုဝ် ကြာမ် အန် ဒီ ဂွန် ဂါယ် အာ အီ တီ။
အာဝ် ဒန် လှေန် မိူဝ် ဂွန် အန် ဝီ တျီ့ တွိုန်၊ ဘော ဝီ ဒိုဝ်း တူတ့် ကြုဝ် ကြာမ် အန်တွိုန်၊ ဘော ဝီ လေး ဟာဝ် တူင့် ဝီ ပျဲက့် ကာ လဲ့ တူတ့် ရွိုန် အန်၊ ဘော ကြုဝ် အန် ဝီ ဘူင် ဘော ဘ့လာင် နာတူအး တူခါ။
အန်ဟဲ့ဟွတ့် ပျဲက့် ရွိုန် အန်ဂေတီ မိူဝ် ကာ ဒူင့် ကွယ် ဂွန် တျီ့ အန် ဂေ တီ၊ ဂေ ဝီဝ် ကာ ဒုး ဒုက် တာင် အေတ့် ပီ ဒီ ဟူမ် ဒွန် မျုဝ်၊ ရွိုန် ပီ ဒီ လုဝ် စိုဝ်း ဂေ ဟူမ် အာဝ် မိုဝ်း ပန် တီ၊ အန် ဝီ ဟာဝ် ဟြောတ့် ဂါန် အန် ဝီ ပွိုန် ဂါန် ဟျီင့် မာ လေတ့်၊ အန် ဘော ကာ ဒုး ဒုက် တာင် ဘော ကာ ပြာန့် ဘော ဝီ ဆီ ဟူမ်၊ ဟူမ် မာ လေတ့် ဂေ။
ဒီ ပန် အန်တီ အန် တဝ်း "မာ ဆေ န့ မုး ပီ ဘူင် အုဝ် အာနီ ပီ ဒီ ဟူမ် မှာယ် ဂေ ကာင်းဂုန့် အုဝ် ဆီ ဘော လိူက် မာ ဆေ ဒေါ တီ အုဝ် ပီ တူ မိုဝ်း ပီ ဒီ ဟူမ် အုဝ် လုဝ် ဝီ ဝေန့် မှာန်၊ တဲး အုဝ် ဘဲန် မှာယ် ဂုန့် အုဝ် အန် ဘော ဝီ ငှူန် တဝ်း ပါယ်တီ။
ပန် တီ ဂွန် ဝီ တျီ့ တွိုန် ဘော ဝီ ဝေန့် ကာင် ဂုန့် အန်၊ ဂုန့် အန် ဘော ဝီ ယိုဝ် ဒေါ ဆီ ကွယ် တူင့် အန် ဘော နဝ်း ဒါ ခိုယ်၊ ဘော ကာဘ့လဲပ် ဟာဝ် ခူပ် ဂွန် အန်၊ ငျီမ် ဂွန် အန်၊ ပုတ့်အန်။
အိုယ် ဂုန့်၊ အုဝ် ဟဲ ဟုဝ့် ကာ လိုပ် ကိူန် ဒီ ဘူင် မှာပ် အုဝ် ဒီ မဲ့ ဘော ဒီ အန် ဇဝ်ဖြာ၊ အုဝ် နီ မိူဝ် အာဝ် ကာ အာပ် ဘဲန် ဂွန် မဲ့ ဂွန် ဝီ တျီ့ တွိုန် တဝ်း ဒီ ဂုန့် အန် ပါယ်တီ။
ဂုန့် အန် ယီ စ်ု ဒဲ စေန့် အန် တဝ်း ၊ တဲး ဘေ ပီ ခြန် ဘေ၊ ဟာင် ဒိုဝ်း ဆီ တုပ် အီ စှိတ် လွိုမ် ဒွန် ဘူင့်၊ တဲး ဘေ တဲး အန် စှိုပ်။ စှိုပ် ဘော ဆီ ကာ နူ ဘော ခူ ဒိန့် ဒီ အန်၊ ဟဲ ဟွတ့် တဲး ဘေ ဟာဝ် ဒိုင်း ရွန် မာ မက် အာ လူင့် ဒီ တဲတ် ၊ တဲး ဘေ ငဝ်း၊ ဝီ ဘူင် ဘ့ လွယ် အေ။ ရွန် အုဝ် နီ ခါ အာတ့် နူ၊ န့ ပီ အန် ဟဲ ဟွတ့် ယမ်၊ ဒေါ တီ နီ န့ ပီ အန် ဟဲ ဝီ ယိတ့် အိမ်၊ ခါ အာတ့် အန် ဟဲ ဘျုဝ်း၊ ဒေါ တီ နီ ယေ ဟဲ ဝီ ကာ ဒုး အန်။
ပန် တီ ဂေ ဘော ဝီ စုး ဒီ ဘူင် ဘ့ လွယ် တာင် ၊ ဝါယ် အန် တီ မှိုင် ဂွန် ဂိန့် ဒါ အီ တီ တွိုန်််််််််််််််် တး ဘူင် ဂါန် အန် နာ မာန်၊ ဝီ ဝေန့် နာ ကာင့် အန် ဘော ဝီ ယိုင် ၊ ဟမ် မှုဝ် ဂေ ဘး ဒိင် ၊အန် မိူဝ် ဆီ ယိုဝ် ကာ ဆင် လွင် အန်တီ။
ဂွန် အန် ဝီ ဂိန့် တွိန် ဘော ဝေန့် ဇမ် နာ တာင် ၊ ကော ဝီ ယိုဝ် ပီ ဘူင် ဂေ ဘ့ လွယ် ၊ အန် ဘော ဝီ ရူ ကာ ဆဝ် ဘော ခဲင် ကာင် မိူဝ် အန် အာဝ် လိုပ် ၊ ဂုန့် အန် ဘော ဝီ လေး ဒဲ့ အန် ၊ဟာဝ် ဘူင် ဘ့ လွယ် ဒူပ် ဂေ မိူဝ်၊ အန် အာဝ် အိုင် ၊ အီ ကတ် အန် နပ် ဂျီတ့် ဂြုဝ်း။
ဂွန် အန် ဝီ ဂိန့် တဝ်း ဒီ ဂုန့် အန့် ဟဲ လှေန် ကွယ် ရိုမ် အုဝ် ဒူပ် မဲ့ ၊ ကွယ် မွိုင် ဘူင် ဂါန် ဒူပ် မဲ့ ၊ အုဝ် တူ ဒွိုမ် ယ ဝး ဂြုဝ်း မဲ ဒေါ မှဝ်၊ အာ ဒါ ပီ ဒီ လုဝ် ဘူင် ဘ့ လွယ် ၊ ဒူပ် ဂိုက် အုဝ် ဂေ နီ မိူဝ်၊ မာ ပဲ ဒဲတ့် ခေါ အူ ဒုဝ် မဲ တူ ဒွိုမ် လှီဝ် ဒီ အုဝ်၊ အာ နီ အာ ခါ ဂွန် မဲ ဝီ တျီတ် နီ၊ ဟဲဟွတ် မိုဝ်း ဒီ ဒွိုမ် ပျဲတ့် ကြုဝ် ကြာမ် မဲ ပန် ဒီ တး အန် နီ၊ မဲ နပ် ဝီဝ် ငဝ်း မာ မက် ဘူင် တဲး ဘ့လွယ် အာ ဒါ အန်၊ အန်တဝ်း ဒီ ဂုန့် အန် ပါယ်တီ။
ပန် တီ ဂုန့် အန် ဝီ တဝ်း အိုယ် ဂွန် ပူင့် န့ ဆီ ကွယ် အာဆာက် အန် ဂေ နီ ဒွန် မျုဝ် ဒူပ် အုဝ်၊ န့ ပီ တူတ့် အာ ဒါ မဲ ခုဝ် လုဝ် ဘူင် အေ ဘ့ လွယ် နီ အာ ခ်ု န့ ပီ ဝါ မဲ ဟဲ ဟွတ် ယမ် န့ ပီ အန် ဟဲ ဝီ တး ခုဝ် လုဝ် အေ ဘူင် ဘ့ လွယ် နီ၊ န့ ပီ ဂွန် ပီ ဘျုဝ်း အေ၊ အေ ဝီ ယိုဝ် ခုဝ် ဘူင် အေ ဘ့ လွယ် အန် ကာ လာင် အန် ပါယ် တီ။
A Bible story from: Luke 15:11-32