၁၆ - လွင် ဒါ အီ ချွတ် ကိူန်

၀ါယ် ဟဲ့ ဟွတ့် ယမ် အာယောရူ တွိုန်။ ဒူအီ အီဆာရေလ ဂေ တွိုန်၊ ဂေ တူ ထူမ် ဒူပ် ဇ၀်ဖြာ။ ဂေ တီ၊ ဂေတူထူမ် ဒူပ် ဒါရာ ဇ၀်ဖြာ။ ဒူအီ ကာနန့် ဂေ အီ ဆီကွယ် နာ ပန် တွိုန်။ ကာဒူင် ဘ့လေး ဇ၀်ဖြာ ကာဒိက် ဆတ်ဇာ ဒဲင် ကာဒါယ် တွိုန်။ ဂေ တူ လာယ် စ်ု လေး ဂေ၊ ဂေ တူ ဘူင် ပါယ် တီ။ ဒူအီ အီဆာရေလ ဂေ တွိုန်၊ အာ ဒါ ဇ၀်ဖြာ ဆေဆေ၊ ဂေ ဘော ဝီ စုး ဒီ ကြိုပ် ကာနမ် ဇဝ်ဖြာ အာမျုဝ် ဒူအီ ကာနန့် ဂေ။ ဒူအီ ဆာရေလ ဂေ တွိုန်၊ ဂေ တူ မို၀်း ခုန်ဒီခမ်။ ခု၀် အန် တီ၊ ဂေ ဒူအီ ဒွန် အီ တွိုန်၊ ဂေ တ၀်း န့ ဟဲ့ မှာန် အာ ဒါ ဂေ ဒွန် မျု၀် ဂေ ဘော ဘူင် တး ပါယ် တီ။

ဒူအီဆာရေလ ဂေ တွိုန်၊ ဂေ တူ ဒူပ် ဇ၀်ဖြာ၊ အာခြာ၀် အန် ဟဲ့ လှေန့် ဂေ၊ စုး ဒီ ဘူင် ကာလိုပ် အူမျု၀် တီ။ အာ တီ န့ ဟဲ့ မုး ပါယ် တီ။ ဒူအီ အီဆာရေလ ဂေ တွိုန် ဂေ တူ ထူမ် ဒူပ် ဇ၀်ဖြာ ဆီနမ် အန် န့ ကော ၀ီ လှေန့်။ ၀ါယ် အန် တီ ဇ၀်ဖြာ ၀ီ ဒွါ ရန်ဆူ အီဆာရေလ ဂေ တွိုန် ပဲ အာမျု၀် အီဆာရေလ ဂေ။ ဇဝ်ဖြာ ဒွါ မှာပ် ဒီ ဂေ ပါယ် တီ။ ရန်ဆူ ဂေ တီ ဘော ဒူအီ အီ ဟ၀် တး ပြာ ကြု၀် ဂေ။ ဘော ကြု၀် ကြာမ် ပီ ပွိုန် ဂေ ကာပျာတ့် ဂါယ် င၀်း ၀ဲန် ဂေ ဒူအီ ကိူန်၊ ဂေ ကာလိုပ် ဒီ ဘူင် မှာပ် ပါယ် တီ။ ၀ါယ် အန် တီ ဒူအီ အီဆာရေလ ဂေ၊ ဘော ဝီ န့ လှု၀်း မှာပ် ဂေ။ အာ တီ ဂေ ဘော ၀ီ မှာန် တဲး ဇ၀်ဖြာ ကာဝဲ ချွတ် ‌‌‌ဂေ။

အာမျု၀် ဒူအီ အီဆာရေလဂေ၊ ဟဲ့ န့ လူ၀်း မှာပ် ဂေ။ ခု၀်၊ ဇ၀်ဖြာ ဘော ၀ီ ချွတ် မှာပ် ဂေ။ ဇ၀်ဖြ၀် ဘော တဲး ဂေ ကာဂု၀်း ပဲ ဒီ ရန်ဆူ ဂေ၊ အန် ဟဲ့ ဘူင် ဒွါ ဒါ အူ၀ီ အီ ဒီ ချွတ် ဂေ၊ ၀ါယ် အန် တီ၊ ခု၀် ကာဒူင့် ကွယ် အိူင်နဲ ဂေတွိုန်။ ဂေ ဘော ၀ီ ပွိုန် ကွယ် ဘျု၀် ဒါခိုယ်။ ဒါ အီ ချွတ် ဂေ ဒူအီ အူ ဝီ တီ အန် ဘော အိုပ် ဆီချာ နာ ဒဲင် ဂေ။ ဇဝ်ဖြာ ဘော လုဝ် ချွတ် ဂေ ဒူအီ တီ။ အန် ဝီ ဘ့လေး ဒါ အီ ဒီ ချွတ် ဂေ ကိူန်၊ ဇဝ်ဖြာ ဘော တဲး အာ မျုဝ် ရန်ဆူ ဒူအီ အီဆာရေလ ဂေ တွိုန်။ အီ ဟဲ့ ကွယ် ကာပိတ် ခူပ် ဂေ အာမျု၀် ဒူအီ မီဒီအာန်။ ဂေတီ‌ဂေ ဒွိုမ် ဇွင့် ဂေ အီဆာ ရေလ ဂေ။

အာမျု၀် ဒူအီ မီဒီအာန် ဂေ တွိုန်၊ ဘော ဒို၀်း ဟာ၀် တူတ့် ဘ့လေ ပီ ဟူမ် အာမျု၀် ဒူအီ အီဆာ‌ရေလ ဂေ တွိုန်။ အာ ဒါ ဟဲ့ နု၀် ဘူ ဆီနမ်၊ အာမျု၀် ဒူအီ အီဆာ‌‌‌ရေလ ဂေ တွိုန်၊ ဂေဘော ယု၀် ကာဆ၀် အာမျု၀် ဒူအီ မီဒီ အာန် ဂေ၊ ဂေ ဘော ဘူင် ကွဲ့ တဲး အာမျု၀် ဒူအီ မီဒီအာန် ယို၀် ဂေ။ ‌ဂေ ဘော ချြီင် ဂေ၊ ‌ဂေ ဘော ကွယ် တူတ့် ခဲင် ကာဒ၀်။ ဒီ ပန် အန်၊‌ဂေ ဘော ၀ီ ဒတ်‌ တာင် ယာမ် မှာန် ဇ၀်ဖြာ၊ ချွတ် ဂေ။

န့ ဟဲ့ မို၀်း အာမျု၀် ဒူအီ အီဆာရေလ ဂေ၊ အီမာယ် အူ ၀ီ အီ စိူ၀် အာကီဒီအူန်။ အူ ဆီငဲ အန် ဘော ဒို၀်း ဘ့လေ ပီ ဒီ ဟူမ် အန် ဘော ပြာ ဒီ ချြီင်၊ ကာ ဒူ့င် တူ ပွိုန် ဒီ ယို၀် အာမျု၀် ဒူအီ မီဒီအူန် ဂေ၊ ဒူအီ ပီ ရ၀်း ၀ီ ဆေ ဆေ။ တွိုန်၊ အန်ဘော တး ကာဒူင့် ကွယ် အာကီဒီအူန် တ၀်း။” ဂူ နာန် ဇ၀်ဖြာ အီ ဟဲ မို၀်း ပ့လူမ် တာင် တွိုန် အန် ဒီ ကွယ် ဒူပ် မဲ၊ မဲ လု၀် ဟာ၀် ကာဒူင့် ကွယ် အာမျု၀် ဒူအီ မီဒီအူန် ဂေ ချွတ် လေး အီဆာရေလ ‌ဂေ”။ အန် ကာ လာင် ပါယ် တီ။

ဂုန့် အာကီဒီအူန် တွိုန်၊ ဟဲ့ မို၀်း အာရိုပ် ရာင် မာလာင် အီ ပွိုန် လှူ ကာဆိုမ် ခဲင် င၀် အူ ဘူင့် ဇ၀်ဖြ၀် ကာ လာင် ဒီ အာကီဒီအူန် အူ ဆိန် ဒေါ ဂု၀်၊ အာ တီ န့ မုး လု၀် ပျာတ့် ၀ဲန် ကာဒူင့် လု၀် လှူ ကာဆိုမ် တွိုန်။ ခု၀် အန် တီ အာကီဒီအူန်၊ တွိုန် အန် ဟဲ့ ယု၀် ဒူအီ ကိူန် ‌ဂေ တီ။ အန် ဘော နု၀့် ကော ဇမ် အာခြာ၀် ခဲင် မှို၀်။ ဝါ အန် တီ၊ အန် ဘော ပျာတ့် ကာဒူင် တီ တဲး န့ ဘဲန်၊ ဘဲန် ကာဆီ ဘဲန် ကာဆီ။ အန် ဘော ဘူင် အာ ဒါ ဇဝ်ဖြာ မာလာင် လှူ ကာဆိုမ် ကာဒူင် တီ အူဘူင့်၊ အန် ဟဲ့ ဟွတ့် ဆမ် ကာဒူင့် ကာပိတ် ဒီ တီ၊ အန် ဘော လှူ ကာဆိူမ် ဒီ ဇဝ်ဖြာ။

ပေါ အူ ဆီငဲ ဆိန့် ဝး ဒူအီ ကိူန်၊ ဂေ ဘော ယိုဝ် မာလာင် ကာဒူင့် လှူ ကာဆိုမ် ဟဲ့ ဟွတ့် ကာပျာတ့်၊ ဂေ ဘော မိုဝ်း နဝ်း ရူ ကာဆဝ်။ အာ တီ ဂေ ဘော တဝ်း ဒီ ဂုဝ်း အာကီဒီအူန်၊ ဂေ ဘော ဝီ ဟာဝ် ဒီ ကာင် အန်။ ဂုန့် အာကီဒီအူန် တဝ်း ဒီ ဂေ၊ “မှဝ် န့ ပါယ် ဘေ ပီ ဆီ စွယ် ဇဝ်ဖြာ ဘေ။ ဆေ အန် မုး ဇဝ်ဖြာ စ်ု အန်ဝီဂွင့် အန်။” အန် ကာလာင် ပါယ် တီ။ ကူပ် ဟဲ့ ကာလာင် အန် ပါယ် တီ ဂေ ဒူအီ ကိူန် တွိုန်၊ ဘော အာဝ် ဝီ ဂုဝ်း အာကီဒီအူန်။

ဝါယ် အန် တီ၊ ကာဒူင့် ကွယ် အာမျုဝ် ဒူအီ အီဆာရေလ တွိုန်၊ အာမျုဝ် ဒူအီ မီဒီအာန် ဂေ ဘော ဝီ တး တဝ်း ဒီ ပြာ ပေါ အူစိုပ် ဂေ ဟဲ့ ကိူန် ကာဆဝ် ကော အာဝ် ဟူ ပွိုန် ဒီ တိး။ အာကီဒီအူန် တွိုန် အာ တီ အန် ဘော ကာ ဇူင် ဒူပ် အာမျု၀် ဒူအီ အီတာရေလ ဂေ၊ အန်ဘော ဒဲ့ ဟာ၀် ဂေ လု၀် ကာ ဂု၀်း။ အာကီဒီအူန် တွိုန်၊ အန် ဘော မှာန် ဒီ ဇ၀်ဖြာ။ အန် လု၀် ချွတ် အီဆာရေလ ဂေ၊ဆေ န့ မှာန် ပီ ကာလာင် ဇ၀်ဖြာ ဒီ အန် ယု၀် န့ မုး အာ၀်မုး ယု၀် ဆီချာ။ အန် ဘော မှာန်လာခါနာ အာမျု၀်ဒီ ဇ၀်ဖြာ။

ပီ ဟဲ့ မုး လာခါနာ အူဆိန်ဒေါ ဂု၀်။ အာကီဒီအူန် တွိုန် ဒဲင် ကာဒါယ် အန် ဘော ဒို၀်း ဟုန် မာဘူ ဘရုတ် ဟဲ ၀ီ ဇမ် ဆိန် ၀း န့ ပ့လှိုင်း ဘောကာဂ့လျီတ်‌ ဘော အာစူင် ဒဲင် ကာဒါယ် န့ ဘော စူင် တူတ့် ဒဲင် ဟုန် မာဘူ တွိုန် အာကီဒီအူန် တွိုန်။ အန် မှာန် ပါယ် တီ။ ဇ၀်ဖြာ မိူ၀် ဘူင် ပါယ် တီ။ ဒီ ပန် ဘော ဆီငဲ ခဲင် မိူင် အာကီဒီအူန် တွိုန် အန် ဘော မှာန် တဲး ဇဝ်ဖြာ ဘူင် အီ ကာဒါယ် အာမ် ညှ ကွဲ့ တဲး ဟုန် မာဘူ အာမ် ညှ၊ ဇဝ်ဖြာ မိူဝ် ဟဲ့ ဘူင် ပါယ် တီ။ ကူပ် လာခါနာ အာမျုဝ် တီ၊ ဇဝ်ဖြာ ဒီ ချွတ် လေး အီဆာရေလ ဂေ ခဲင် ဒဲ အာမျုဝ် ဒူအီ မီဒီအာန် ဂေ န့ ဟဲ့ မုး န့ ဟဲ့ မှာန်၊ ခုဝ် အာကီဒီအူန် ဘော ဟဲ့ ညှိုမ် အာ တီ။

ဝါယ် အန် တီ အာကီဒီအူန် တွိုန်၊ ကာဒူင့် တီ တဲး ဂူန်နာန် ဂေ ဇမ် ဒီ တီ။ အန် ဘော ဒဲ့ ဟာဝ် ဒူအီ ဝီ အန် အူယ်မှိုန် ဒီ အာဟြဲန့် ဟာဝ် ဇမ် ဒီ တီ။ ခုဝ် အန် တီ၊ ဇဝ်ဖြာ ဝီ ကာလာင် ဒီ အာကီဒီအူန်၊ ဒူအီ ဂေ ဟဲ့ ကိူန်ကာဆဝ်။ အာကီဒီအူန် တွိုန်၊ အန် ဘော ဝီ ဘ့လေး တဲး ဂေ ဒူအီ အီ ဟဲ့ ယုဝ် ဒီ ကာဂုဝ်း ဝီ အန် အာမွိုန် ဒီ အာဟြဲန့် ဝေန် ဒီ ဂေ။ ဇဝ်ဖြာ ပီ ဝီ ကာလာင် ဒီ အာကီဒီအူန် ဒူအီ ဟဲ့ ကိူန်။ အာကီဒီအူန် တွိုန်၊ ဘော ကာလာင် နာ ဒဲင် ဂူန်နာန် အူယ် မာယဝ်း၊ ဂေ ဒူအီ ကိူန် အီ ဆီ ကွယ်၊ အန် ဘော ဘ့လေး တဲး ဒူအီ ဂေ တီ ဝေန်း တူတ့် ဒီ ကာင် ဂေ။

ခုဝ် ခဲင် မှိုဝ် တီ၊ ဇဝ်ဖြာ ကာလာင် ဒီ အာကီဒီအူန် တဝ်း၊ “ဟာဝ် ကာဒူင့် ကွယ် မီဒီအာန် ဂေ တွိုန်၊ ထူမ် ပီ ဟဲ့ ကာလာင် ဂေ။ ပီ ဟဲ့ ကာလာင် ဂေ တီ၊ ဆေ ဘေ ဟဲ့ ယိုဝ်၊ ဘေ ဒီ ဘော အာဝ် ယုဝ် ဒီ ကာဂုဝ်း ဒါင် ဂေ။” ဇဝ်ဖြာ ကာလာင် ပါယ် တီ။ ခုဝ် ခဲင် မှိုဝ် တီ အာကီဒီအူန် တွိုန်၊ ဘော ဟာဝ် ဇမ် ကာဒူင့် ကွယ် ဂူန်နာန် မီဒီအာန် ဂေ။ အန် ဘော ယိုဝ် ဂူန်နာန် မီဒီအာန် ဂေ အူ ဝီ ကာလာင် လွင် ပီ ဟဲ့ အိတ် မ့ဘာဝ် အန် အူ မျုဝ် ဒီ ဒါ အီ ဟဲ့ မုး ဂိုက် အန်။ ခုဝ် ဒူအီ တွိုန် ဘော ကာလာင် ဒီ ဂိုက် အန် တဝ်း၊ “ပီ ဟဲ့ အိတ် မ့ဘာဝ် အုဝ်၊ ဂူန်နာန် အေ မီဒီအာန်၊ ဂူန်နာန် အာကီဒီအူန် ဂေ ဒီ ဘော ပဲ အုန် တူတ့် ဂူန်နာန် ‌အေ ဆီ ဖဝ် အန် ဟဲ့ ပွိုန် ပါယ် တီ။” အန် ဟဲ့ ကာလာင် ပါယ် တီ။ အာကီဒီအူန် တွိုန် အန် ဟဲ့ ယိုဝ် ဂေ ဟဲ့ ကာလာင် ပါယ် တီ အန် ဘော ဝီ ကြိုပ် ဇဝ်ဖြာ။

ဝါယ် အန် တီ၊ အာကီဒီအူန် တွိုန်၊ အာ တီ အန် ဘော ဝီ ဝေန် ကာဒူင့် ကွယ် ဂူန် အန် ဂေ။ အူဝီ၊ အူဝီ နီ ဂေ ဘော ဘူင် နိုင် မာဘူတဲး ဘဲန် နိုင် ဝဝ် အူဘူင့်၊ ကာလုဝ့် ကာဒါယ် အူဘူင့် ဂါယ် ငဝ်ရာင် အူညွင့်၊ အန် ဟဲ့ ဒွါ ဒီ ဂေ။ ဂူန်နာန် အာကီဒီအူန် အူယ် မာယဝ်း ဂေ တွိုန်၊ ကာဒူင့် အိတ် ဂူနာန် မီဒီအာန် ဂေ။ အာ ခြာဝ် လာယ် ဂေ တီ၊ အာ တီ ကူပ် ဟဲ့ ဟပ် ဂေ ငဝ်ရာင် ခဲင် ကာလုဝ့် ကာဒါယ်။ အာမျုဝ် ဒူအီ မီဒီအာန် ဂေ၊ အာ တီ ဘော တူ ဝီ ယိုဝ် ငဝ်ရာင် ဂေ တီ။

ဝါယ် အီ တီ ဂူနာန် အာကီဒီအူန် တွိုန်၊ ကာလုဝ့် ကာဒါယ် ဂေ တီ ဂေ ဘော ဆတ် ကာလဲတ့် အူစိုပ်။ ဘောဝီ လာယ်လေး ငဝ်ရာင်ဂေ အူဇေန့်၊ ဟဲ့ဟွတ့်ဂေဘောဝီ ဘုတ့်ဝဝ်ဂေ။ ဟဲ့ ဟွတ့် ဂေ ဘော ဝီ ဒတ် တာင် တဝ်း၊ “ဇဝ်ဖြာ ဆေဆေ ဂါယ် အာကီဒီအူန် အာ တာ အာတိုမ် အူညွင့်။ ဂေ ဟဲ့ ဒတ် တာင် တဝ်း ပါယ် တီ။

ဇဝ်ဖြာ ဘော ဘူင် တဲး နဝ်း အာမျုဝ် ဒူအီ မီဒီအူန် ဂေ ကာဝှ်ု ကာဝျီန်။ ဂေ ဘော ဝီ လာ ကာဂုဝ်း ကာတဲ ဂေ၊ ကာငဝ်း ကာတဲ ဂေ။ အူ ဇေန့် အာကီဒီအူန် တွိုန်၊ အာမျုဝ် ဒူအီ အီဆာရေလ ဂေ၊ အီ ဟဲ့ ကွယ် ဒီ ကာင် ဂေ။ ဂေ ဘော ဟာဝ် ဒဲ့ တး ဒူအီ ပီ ဟဲ့ ရဝ်း ဇဝ်ဖြာ၊ ချွတ် ဆုတ့် လေး ဂေ အာမျုဝ် ဒူအီ မီဒီအာန်။ အာ မျုဝ် ဒူအီ အီဆာရေလ ဂေ တွိုန်၊ ဂေ ဟဲ့ ဟွတ့် ငဝ်း အာမျုဝ် ဒူအီ မီဒီအာန် ဂေ။ ဘော ဂေ ဒူအီ ဟဝ် ဂေ ဘော ဆုတ့် လေး ကာဒါယ် ကာဒူင့် ဟဲ့ ကွယ် ဂေ။ ခုဝ်၊ ဆီငဲ တီ အာမျုဝ် ဒူအီ မီဒီအာန် ဂေ ဟဲ့ ယမ် ဝီ အန် ဂိုဝ် ဒီ အာ မွိုန်။ န့ ပါယ် တီ ဇဝ်ဖြာ ဟဲ့ ချွတ် အီဆာရေလ ဂေ။

ဂေ ဒူအီ ကိူန် တွိုန်၊ ဂေ ဟဲ့ တဲး အာကီဒီအူန် ဘဲန် ခုန်ိဒီခမ် ဂေ။ မာ လဲ၊ အာကီဒီအူန် တူ ခွါ ဂေ ဘူင် ပါယ် တီ။ အန် ဘော မှာန့် ခြိဝ် အီစဲတ် ဒီဂေ။ ဂေ ဒူအီ ကိူန် တီ ဂေ ဘော ဒွါ ခြိဝ် ကိူန် ဒီ အာကီဒီအူန်။

ဝါယ် အန် တီ အာကီဒီအူန် တွိုန်၊ ခုဝ် အန် ဘော ဝီ တာ ခြိဝ် ကိူန် တီ၊ အန် ဝီ ဘူင် တဲး န့ ဘဲန် ဒါ အီ လှူ ဒီ ဇဝ်ဖြာ။ ခုဝ် အန် တီ ဒူအီ ကိူန် ဂေ တွိုန်၊ ကာဒူင့် တီ ဂေ ဘော ဝီ စုး ဒီ ကြိုပ် အာရိုပ် ရာင်။ ဒေါ အန် တီ ဇဝ်ဖြာ ဟဲ့ နပ် အာမျုဝ် ဒူအီ အီဆာရေလ ဂေ ဟဲ့ ဝီ ကြိုပ် အာရိုပ် ရာင်။ ကူပ် အာ တီ ဇဝ်ဖြာ ပီ ဒမ် မှာပ် ဒီ ဂေ။ ဇဝ်ဖြာ ပီ ဝီ တဲး၊ အာ တီ တဲး ရန်ဆူ ဂေ ကိူန် ဝီ အိုပ် ဝီ ဇွင့် ဂေ။ ဒူအီ ဂေ တီ၊ ဂေ ပီ ဝီ မှာန့် တဲး ဇဝ်ဖြာ ချွတ် ဂေ ပေါ အူ စိုပ်။ ဇဝ်ဖြာ မိူဝ် ပီ ဝီ ဘ့လေး ဒါ အီ ဒီ ချွတ် ဂေ အူဝီ တဲး အန် ချွတ် ဂေ။

ခုဝ် ပီ ဟဲ့ ဘဲန် မျုဝ် တီ န့ ဘော ဘဲန် ကိူန်။ အာမျုဝ် ဒူအီ အီဆာရေလ ဂေ၊ ဂေ ဘော ဘူင် ကိူန် မှာပ် ကာဆဝ်။ ခုဝ် အာ တီ ဇဝ်ဖြာ ပီ ဝီ ဒွါ မှာပ် ဒီ ဂေ။ အာ တီ ဂေ ပီ ဝီ န့ လှုဝ်း မှာပ် ဂေ။ ဝါယ် အန် တီ၊ ဇဝ်ဖြာ ပီ ဝီ ဘ့လေး ဒါ အီ ဒီ ချွတ် ဂေ အူဝီ။ ခုဝ် အန် တီ၊ ဆီနမ် အန် န့ ဟဲ့ ကိူန် အာမျုဝ် ဒူအီ အီဆာရေလ ဂေ တွိုန်၊ အာ တီ ဇဝ်ဖြာ ဟဲ့ ဘ့လေး ဒါ အီ ဒီ ချွတ် ဂေ လေး ခဲင်လာဒဲ ရန်ဆူ ဂေ ကိူန်။

ပန်ဒီကာဒဲ့ အန်၊ အာမျုဝ် ဒူအီ အီဆာရေလ ဂေ တွိုန်၊ တဲး န့ ပီ မိူင် ဟဝ်။ ဂေ ဘော မှာန့် ခုန်ဒီခမ် အူဝီ ဒီ ဇဝ်ဖြာ။ ဒူအီ ဂေ တီ၊ ဂေ ဟဲ့ လုဝ် ခုန်ဒီခမ် အူဝီ၊ တဲး န့ စာ၊ တဲး န့ ခမ်။ အာ တီ တဲး န့ ပဲ ဒီ ကာဂုဝ်း ဒီ ယဲတ့် ဂေ။ ဇဝ်ဖြာ တူ ဆီ ပွိုန် ပီ ဟဲ့ မှာန့် ဂေ တီ။ မာလဲ အန် ဟဲ့ ဒွါ ခုန်ဒီခမ် ပီ ဟဲ့ မှာန့် ဂေ တီ။

A Bible story from: Judges 1-3; 6-8; 1 Samuel 1-10