၁၈ - လွင် မိူင် တူလာယ် ခါနှဲမ်

ခုန်ဒီခမ် အာဒါ၀ိတ် တွိုန်၊ အန် ဟဲ့ အိုပ် မိူင် တွိုန် အာ ဒါ ဖွုန် ဂို၀် ဆီနမ်။ အန် ဘော ၀ီ ယမ်။ ဂွန် အန် အာဆော်လမူန် တွိုန်၊ အန် ဘော ၀ီ အိုပ် မိူင် အီဆာရေလ။ ဇ၀်ဖြာ ဒီ မွှတ် အာဆော်လမူန် တွိုန် တ၀်း၊ “မာ ဆေ ပီ ဆီ ဘူင် ပီ ဆီ ပွိုန် မဲ”။ အာဆော်လမူန် တ၀်း၊ “အု၀်၊ ဆီ ပွိုန် တဲး အု၀် မုး ဒူအီ အီ မို၀်း အာ ငျာန် တာင်”၊ အန် ဟဲ့ ကာ လာင် ပါယ် တီ။ ဟဲ့ ဟွတ့်၊ ဇ၀်ဖြာ ဘော ခူယ် ဒါခိုယ် အန် ဘောဘူင် တဲး အာဆော်လမူန် မုး၊ ဒါ အီ မို၀်း အာ ငျာန် လွှိမ် တူတ့် အီ ဒဲင် ကာဒါယ်။ အာဆော်လမူန် တွိုန်၊ အန် ဘော ရ၀်း ဒီ ယွတ် ဒီ ဟေ ကိူန် အန် ဘော ဘဲန် ဒါ အီ မို၀်း အာ ငျာန် အီ ပွိုန် ဒီ အိုပ်။ န၀်း ဇ၀်ဖြာ မိူ၀် ဘော ဒါခိုယ် ကာဆ၀်။

အာဆော်လမူန် အန် ဟဲ့ အိုပ်၊ မိူင် အီဆာရေလ ဂေ တွိုန်၊ အန် ဘော ဇူ့ အုန် ကြု၀်ကြာမ် ဂေ ဟဲ့ ဟွတ့်၊ အန် ဘော ၀ီ တာ ကြုမ်ကြာမ် ဂေ တီ ၀ီ ဆမ် ဟု၀် ဇ၀်ဖြာ။ အန် ဘော ဘူင် ခဲ့ ဟု၀် တီ ဘော ကာ ဒူင့် ကြိုပ် ဂေ ဒူအီ၊ မာ လာင် ဇ၀်ဖြာ။ ဇ၀်ဖြာ ဘော ၀ီ တး၊ ကွယ် ခဲင် ဟု၀် တီ။ ကွယ် ရိုမ် ဒူပ် ဂေ။

ပန် တီ၊ အာဆောလမူန် တွိုန် အန် ဘော ယို၀် အီဘေန့် စှိတ်၊ မိူင် အီ ဟာ၀် အန် ‌ဘော ဒို၀်း အီဘေန့် ဂေတီ အူ ဟြဲန့် ၀ီ အန်။ အန် ဘော ဘူင် အီ တူ မွှိုမ် နာ အာတ့် ဇ၀်ဖြာ။ အီဘေန့် မိူင် ဟာ၀် ပီ ဟဲ့ ဒို၀်း အန် အီ ကိူန် ဂေတီ၊ ဂေ ဘော ဒို၀်း တး၊ ဇ၀်ဖြာ ပီ ဟဲ့ ကြိုပ် ဂေ၊ ဂေ ဘော ကြိုပ် ရိုမ် ဒူပ် ဂေ ဒူအီ အီဆာရေလ ဂေ တွိုန်။ အာဆောလ မူန် တွိုန်၊ အန် ဘော ၀ီ ကတ်။ ခု၀်၊ ဘော အန် ၀ီ ကြိုပ် ဘော ဇ၀်ဖြာ အီဘေန့် ဂေတီ။

ခု၀်၊ ဇ၀်ဖြာ ဘော ရူ ဒီ အာဆောလမူန် တွိုန်။ခု၀်၊ ပီ ဟဲ့ ဘူင့် အန် အာ၀် လ၀့် န၀်း ဇ၀်ဖြာ။ ဇ၀်ဖြာ ဘော တဲး မိူင် အီဆာရေလ တီ ကာ ယ၀်း ဘဲန် အာမိူင်။ အာဆောလမူန် တွိုန်၊ အန် ဘော ၀ီ ယမ်။ ဇ၀်ဖြာ ဟဲ့ ဒွါ မှာပ် ပါယ် တီ ဒီ ဂေ။

အာဆောလမူန် တွိုန်၊ ဟဲ့ ဟွတ့် ယမ် ဂွန် အန်၊ အီ စိူ၀် အာရေဘူမ် အန် ဘော ၀ီ ဘဲန် ခုန်ဒီ ခမ်။ ဒူအီ အီဆာရေလ ဂေ တွိုန်၊ ဂေ ဘော တး ကာ ဇူင် အာ ဆေ အီ ဘဲန် ခုန်ဒီခမ် ဂေ။ ဂေ ဒူအီ အီဆာရေလ တွိုန်၊ ဂေ ဘော ကာ လာင် လွင် ခုန်ဒီခမ် အာဆောလမူန် ဂေ တ၀်း၊ “ကာဒူင့် အိုပ် အာဆောလမူန် တွိုန် ဒီ ယေ၊ အန် ဟဲ့ ဂူင့်ရွှန်၊ အန် ဘော စ်ု ယေ ဘူင် ကိူန့် ဂါန် ကာဆ၀်။ ဂေ ဘော စ်ု၊ ခုန်ဒီခမ် အာရေဘူမ် တွိုန်၊ ကွဲ့ တဲး အန် စ်ု ကိူန့်ဂေ၊ ဂေဟဲ့ ကာလာင် ပါယ်တီ။

ခုန်ဒီခမ် အာရေဘူမ် တွိုန် ၀ီ တ၀်း၊ “ဘေ ဟဲ့ ကာ လာင် လွင် ဂုန့် အု၀်၊ ဟဲ့ စ်ု ဘေ ဘူင် ကိူန် ကာ ဆ၀် ဂါန်”။ ဟဲ့ ဟွတ့်၊ အန် ပီ ၀ီ တ၀်း၊ ဒီ ဂေ “အု၀် ဒီ ၀ီ တဲး ဘေ ဘူင် ဂါန်၊ တဲး ကော ၀ီ လွိုမ် ဂုန့် အု၀် စ်ု ဘေ၊ တဲး ဘေ ကော ရို၀် ဒီ ဘူင်ဂါန်”။ အန် ဘော ကာလာင် ပါယ်တီ။

ဂေ ဘော ယို၀် အန် ဟဲ့ ကာလာင် ပါယ် တီ၊ ဒူအီ ကိူန့် ဂေ ဘော ချြီင် ဂေ။ အာမျု၀် ဂေ ဒူအီ အာ ဒါ ဂို၀် မျု၀် ဘော လေး ဟာ၀်။ အာ ဒါ ဒူအီ အာမျု၀် ဂေ ဘော ကွယ်။ ဒူအီ အာမျု၀် အီ ဆီ ကွယ် တီ၊ ဂေ ဘော တ၀်း ဂေ မုး၊ အာမျု၀် ဒူအီ ယူဒါ။

ဟဲ့ ဆီ ကွယ် ဒူအီ ဂို၀် မျု၀် တွိုန်၊ ဂေ ဘော ဒို၀်း ဒူအီ အူ၀ီ အီ စိူ၀် အာရေဘူမ် ဘဲန် ဒါ တာင် ဂေ။ ခု၀်၊ ဒူအီ ဂေ တီ၊ ဂေ ဘော ဟဲ့ ကိူန့် ခု၀် ဂေ ၀ီ တဲး ကာ ဒူင့် ကွယ် ဂေ တီ စိူ၀် မိူင် အီဆာရေလ။

အာရေဘူမ် တွိုန်၊ အန် ဘော ဘူင် အီ တူ မွှိုမ်၊ ဘော ဂေ ဒူအီ ကိူန့် ဟဲ့ ဘူင် အီ တူ မွှိုမ်၊ ဂေဘော ကိူန့်ဟဲ့ ဘူင့် မှာပ် ဂေ။အာ၀် ထူမ် ဂြု၀်း ဇ၀်ဖြာ။ အန် ဘော ဘူင် ဒွါ အာရိုပ် ရာင် အာဘူင့် တဲး၊ ဒူအီ ကိူန် ဂေ တီ ကြိုပ် အာရိုပ် ရာင် တီ။ ဂေ ဘော ၀ီ အာ၀် ဟာ၀် ကာ ဒူင့် ကွယ် ဟု၀် ဇ၀်ဖြာ၊ မိူင် ယေရူဆာလဲမ် တွိုန်။

ခု၀် အန် တီ၊ မိူင် ယူဒါ ဂါယ် မိူင် ယေရူဆာလဲမ် တွိုန်၊ ဘော ဘဲန် ရန်ဆူ အာ၀်လှေန် အာ၀်လှေန် ဂေ ဘော လာယ် ကာဂု၀်း ကာတဲ ဂေ။

ခဲင် မိူင် အီဆာရေလ ဂေ တွိုန်၊ အာ၀် မို၀်း ခုန်ဒီခမ် အီမွှိုမ် အီကျက်။ ခု၀်၊ ဂေ အီ ဆီ ဘဲန် ခုန်ဒီခမ် ခဲ့ မိူင် အီဆာရေလ ဂေ တွိုန်၊ ဂေ ဘော ဒူပ် ဒီ င၀်း ဒူအီ ဂေ အီ ကွယ် ခဲင် မိူင်တီ။

ခုန်ဒီခမ် ကိူန့်၊ ဂေ ဒူအီ ကိူန် အီ ကွယ် ခဲ့ မိူင် အီဆာရေလ ဂေ တွိုန်၊ ဂေ ဘော ကြိုပ် အာရိုပ် ရာင်။ ခု၀်၊ ဂေ ဟဲ့ ဘူင် ပါယ် တီ၊ မန်ဇေန်မန်ဇေန် ဂေဝီဟာဝ် အိတ် ဒူပ်ယာမာလမ်၊ ဂေဝီစ်ု ဘောဂွန်ဂေ ကြိုပ်ဘူင် ဒီလှူ ဒီအာရိုပ် ရာင်ပီဘူင်ဂေ။

ခုန်ဒီခမ် ယူဒါ ဂေ တွိုန်၊ ဂေ ဟဲ့ မုး အာမျု၀် ခုန်ဒီခမ်၊အာဒါ၀ိတ် ခု၀် ဂေ ဟဲ့ အိုပ် ဆီချာ ဒူအီ ဂေ။ ခု၀်၊ ခုန်ဒီခမ် ကိူန် ဂေ ဟဲ့ ဘဲန်၊ ခုန်ဒီခမ် အီ တူ မွှိုမ်။ ခုန်ဒီခမ် ဂေ တီ၊ ဂေ အိုပ် ဒူအီ ဂေ။ ဂေ ဘော ဘူင် အီ တူ မွှိုမ် ဂေ ဘော ကြိုပ် ဘော အာရိုပ် ရာင်။ ခုန်ဒီခမ် အီ ဟာ၀် ကိူန့် ဂေ ဘော လှူ ဂွန် ဂေ ဒီ အာရိုပ် ရာင်။ အာမျု၀် ယူဒါ ဂေ တီ၊ ဂေ ဘော ဘူင် အီ တူမွှိုမ် နာအာတ့် ဇ၀်ဖြာ၊ ဂေဘောဂူဂွါ ဘိုက်ဘော ကာနမ် ပီဟာဝ်။

A Bible story from: 1 Kings 1-6; 11-12