၃၁ - လွင် ဇဝ်ယေဆူ ဟာဝ် ဒဲင် အိုမ်

ဇဝ်ယေဆူ တွိန် ဝါယ် ဟဲ့ ဟွတ့် ဟျီင် ဒူအီဂေ ဟူမ် ဖန် ဟြဲန့် တွိုန် အန် ဘော တဝ်း ဒီ ဘဲ အန် ဟုဝ် ဒဲင် ရိုဝ်။ ဝါယ် အန် တီ ဇဝ်ယေဆူ ဂေ ဒီ ဘဲ အန် တွိုန်၊ ဂေ ဘော ပဝ့်ရိုဝ်လှဲ ဟာဝ် နာ ဒွယ် အိုမ် ဒိုင် တွိုန်၊ ဒေါ အန် ဘော ကာယဝ်း ဟာဝ် ဒီ ဘဲ အန် ဂေ တွိုန် ဒီ ဘဲ အန် ဂေ အီ ဆီ ဂီ ကွယ်တွိုန် တဲး ဂေ ဝေန့် ဒီ ကာင် ဂေ။ ဝါယ် အန် တီ ဇဝ်ယေဆူ တွိုန် အန် ဘော ဟုဝ့် ဒဲင့် နွန် ကာဒူင့် တီ နှောင် ခိူန် တွိုန် အန် ဘော ဆာခိုဝ် ဒီ ဂုန် အန်၊ အူဝီ ပါယ်တီ။

ဒေါအန်တီမိူဝ်၊ ဒေါဟာဝ် အန်ဇဝ်ယေဆူ၊ ဘောဒါဘဲအန်ဂေတွိုန် ပဝ့်ဟာဝ် ရိုဝ်ခဲင်အိုမ်တီ၊ ဝီညာခုန်တာင် တး တာဘုတ် ရိုဝ်ဂေ၊ အာခြဝ်တီ န့မုး ကာတဲဆွိုမ်၊ ဂေမိူဝ်ဆီ လွတ့်ဇမ်ကာတဲအိုမ်။

ဒေါ အန် တီ ဇဝ်ယေဆူ တွိုန် ဝါယ် ဟဲ့ ဟွတ့် ဆာခိုဝ် အန် ဒီ ဇဝ်ဖြာ အန် လေး တး ကာဇု ဒီ ကွယ် ဒီ ဘဲန် အန် ဇဝ်ယေဆူ တွိုန် ဘော ဟာဝ် ဒဲင် အိုမ် ဒီ ဘဲ အန် ဂေ တွိုန် ဘော ပဝ့် ရိုဝ် ဟာဝ် ဒိုဝ်း အန် ဒူင် ခိူန် ဂေ တွိုန် ဂေ ဟဲ့ ဇမ် ကာတဲ အိုမ် တာင် တွိုန်။

ဒေါ ယိုဝ် ဒီ ဘဲ အန် ဂေ ဇဝ်ယေဆူ တွိုန် ဂေ ထာင် ကာလိုပ် အန် ဂေ ဘော ယုဝ် အန်၊ ဇဝ်ယေဆူ တွိုန် ဘော နပ် ဘော ယုဝ် ဂေ အန်၊ အန် ဘော တဝ်း ဘေ ကွယ် ယုဝ် အုဝ်။ အုဝ် မုး ဇဝ်ယေဆူ’’။ အန် ဘော ကာလာင် ပါယ် တီ။

ဝါယ် အန် တီ အာပေတာရူ တွိုန် အန် ဘော တဝ်း ဒီ ဇဝ်ယေဆူ ဆေမဲ မုး ဇဝ် မှာန် တဲး အာ မျုဝ် ယေ ပွိုန် ဒီ ဟာဝ် ကာဒူင့် ကွယ် မဲ ဒဲင် အိုမ် အန် ဘော မှာန် ပါယ် တီ ဒီ ဇဝ်ယေဆူ၊ ဇဝ်ယေဆူ ဘော တဝ်း တဲး မဲ ဟာ၀်။

ဝါယ် အန် တီ အာပေတာရူ တွိုန် ဘော လေး ဒဲင် ရိုဝ် အန် ဘော တး ကာဒူင့် ကွယ် ဇဝ်ယေဆူ ဟာဝ် ဒဲင် အိုမ် တွိုန်၊၊ အန် တူ ဝီ ယိုဝ် ဇဝ်ယေဆူ တွိုန် အန် ဘော ယုဝ် မာ အိုမ် တာင် တွိုန် ကာဒူင့် ဟာဝ် အန် တူ ဝီ ကာဆိူဝ် ဒူင့် ကွယ် ဇဝ်ယေဆူ ဒေါ အန် တီ ခုဝ် ဟဲ့ ယုဝ် မာ အိုမ် တာင် ခုန် ဟဲ့ ဘုတ် ကာဆဝ်။ ဘ့လေး။ ဒေါ အန် တီ၊ ဇဝ်ယေဆူ ဘော “တဝ်း တဲး မဲ တး ဒီ အာပေတာရူ၊’’ အန် ဘော ကာလာင် ပါယ်တီ၊၊

ပန်တီ အာ ပေတရု တွိုန်၊ ဘော ဝီ ယုဝ်ကာဆဝ်၊ ဘောဝီ စုး ဒီစိုတ် ခဲင်အိုမ် အန်ဝီတဝ်း "ဒါ ဆရာ စွယ် အုဝ်"၊ ဘောဝီ ဒတ်ယမ် ပါယ်တီ၊ ဒေါမှဝ် ဒေါအန် အန်ဇဝ်ယေဆူ ဘောဝီ ဒိုဝ်းဟုဝ့် အန်အူဇေန်၊ ဟဲဟွတ့် အန် ဇဝ်တဝ်း မှာဝ် န့ ပါယ်နဝ်း ညှိုမ် မဲ ဒီ အုဝ် နှာယ် ဒီပ့ဘြေတ့် ကာဆဝ်၊ အုဝ် နီ အာခါ၊ တူတဲး မဲကာဒုး ဒုက် ဂေနီ၊ မှာဝ်န့ ပါယ် မဲ ပီတူ ညှိုမ် အာတီ၊ အန်တဝ်း ပါယ်တီ။

ဝါယ် အန် တီ ဇဝ်ယေဆူ ဂေ အာပေတာရူ တွိုန် ဂေ ဘော ဟုဝ့် ဇမ် ဒဲင့် ရိုဝ် တွိုန် အူ ဇေန့် ခုန် တာင် ဂေ တွိုန် န့ ဘော ယေန် ဘော မာ အိုမ် တွိုန်၊ န့ ဘော ယေန် တူတ့် ဒွန်မျုဝ် ဒီ ဘဲ ကိူန် အန် ဂေ တွိုန် ဘော အာမ် ဟာဝ် ကာဆဝ် ဝါယ် အန် တီ ဂေ ဘော ဝီ ကြိုပ် အန်၊ ဂေ တွိုန်၊‘‘ မဲ ဟဲ့ မုး ဟဲ့ မှာန် ဂွန် ဇဝ်ဖြာ’’။ ဂေ ဟဲ့ ဟွတ့် ကာလာင် ပါယ် တီ ဂေ ဘော ဝီ ကြိုပ် အန်၊ ပါယ် တီ။

A Bible story from: Matthew 14:22-33; Mark 6:45-52; John 6:16-21