၈။ လွင် ဂေဇူအန်ဇဝ်ဖြာ အာယုဝ် ဘောန့ဟူမ်အန်
ဆီနမ် အန်ဟဲ့လှေန့်ဟဲ့ ကိူန့်အာကူပ် တွိုန်၊ အာဆာက် အန်ဟဲ့ကိူန့် ကာဆဝ်။ အန်ဟဲ့မိုဝ်းဂွန် အူဝီ ပီဟဲ့ ရွက့် ကာ ဆဝ်အန်။ ဂွန်အန်တီ ဟဲ့စိူဝ် အာယုဝ်။ အန်ဘောဝီ ဘ့လေး အာယုဝ် ဟာဝ် ဘ်ုဒုဝ်ဆတ်တာဝါ ကာဒူင် ကွယ်အီကတ် အန်ဂေ။
အီကတ် အာယုဝ် ဂေတွိုန် ဘောတဝ်း၊ "အန်ဟဲ့မုး၊ ဂွန်ပီဟဲ့ရွက့် ဂုန်လွှိုမ် တူတ့်အေ။ အန်ဟဲ့တဝ်း၊ အန် မ့ ဘာဝ်အန်မုး ဒါအီဒီ အိုပ်အေ"။ ခုဝ်၊ ဂေဘော ရူကာဆဝ် ဒီအာယုဝ်တွိုန်။ အာယုဝ်တွိုန် အန်ဟဲ့တး ဒူပ်အီ ကတ်အန်ဂေ။ ဂေဘော လာယ်ဖြူမ် ဒီမှေတ့် ဒီယွင့် အန်ဒီဒါဂေ အီကာစိုဝ်း ကာယွင့်မှာယ်။
အူကတ် အူဝါ အာယုဝ်ဂေတွိုန်၊ ဂေဟဲ့ကာတတ် ဒီဝေန့်ဒီကာင်။ ခုဝ်၊ ဂေဘောဝီ ဒိုဝ်း ခြိုင်အာယုဝ်။ ဟဲ့ ဟွတ့် ဂေဘော ဝီငဝ်းမာပဲ အူဒုဝ်၊ ဝီစေတ့်ခြိုင် အာယုဝ်တွိုန် ခဲင်နှာမ်မာပဲတီ။ ဂေဝီဒိုဝ်းတး ဘျာဒွါခြိုင်တီ ဒီဂုန့် ဂေ။ တဲးဂုန့်ဂေထာင် မာဒုဝ်ပြဲ အီဟဲ့ကဝ့်ယမ် အာယုဝ်။ ခုဝ်အန်တီ၊ အာကူပ်တွိုန် ဘောမိုဝ်းနဝ်း ကလိုဝ်ကာ ဆဝ်။
ဒါဂေအီ ကာစိုဝ်း ကာယွင့်မှာယ်တွိုန်၊ ဘောဒဲ့ဟာဝ် အာယုဝ် ဇမ်မိူင် အဲဂိုပ်တီ၊ အန်ဟဲ့မုးမိူင် အီဟဲ့ တာင် အူမိူင် ဘောအီ ဟဲ့မိုဝ်း ပ့လူမ်တာင်။ ဒါဂေအီ ကာစိုဝ်း ကာယွင့်တွိုန်၊ ဂေဘောယွင့် အာယုဝ် ဒီဒါ ဘုဝ် အီဟဲ့အိုပ် ဂေဂူနာန် အီဟဲ့ခြမ် အူဝီ။ အာယုဝ်တွိုန် အန်ဟဲ့ဘူင် ယွတ်ဆီချာ ဂါန်ဒါကာညာအန်။ ဇ၀်ဖြာဘော၀ီ မွင့်ကာရာဒွါဒီအန်။
န့ဟဲ့မို၀်းအီဘေန့်ဒါကာညာအာယု၀်တွိုန်၊ အန်ဝီဒဲ့ အာယုဝ် တဲး အာယုဝ်အိတ် ရိုမ်ဒူပ်အန်။ ခုဝ်၊ အာယုဝ်တူ အိုင်ပီ ဟဲ့ဘူင်အန်တီ။ ဟဲ့ဟွတ့် အီဘေန့်တွိုန်၊ အန်ဘောရူ ကာဆဝ် ဒီအာယုဝ်။ ခုဝ်၊ အန်ဝီ ဘူင်တဲး အန်ကောပွိုန် ဒီခြွင့် အာယုဝ် ခဲင်ကာပိုမ်။ ခုဝ် အာယုဝ်တွိုန် အန်ဘော ဟဲ့ကွယ် ခဲင်ကာပိုမ်။ ကူပ်ဟဲ့ညှိုမ် အန်ဇဝ်ဖြာ။ ခုဝ်၊ ဇဝ်ဖြာဘောဝီ မွင့်ကာရာ ဒွါဒီ အန်။
၀ါယ်ဟဲ့ ဟွတ့် လှေန့်အာဆီနမ်၊ အာယု၀်တွိုန်၊ အန်ယီတူမို၀်းမှာပ်၊ အန်ယီဆီ ကွယ်ခဲင် ကာပိုမ်။ ဟဲ့ဝီ ဇမ် အူမှိုဝ် တီ၊ ခုန်ဒီခမ် ဖာရုဝ်မိူင် ခဲင် အဲဂိုဝ်ဂေတွိုန်၊ အန်ဘောအိတ် မ့ဘာဝ်အီ တူမွှိုန် ကာမျုဝ်။ မ့ဘာဝ် အန် တီ၊ ဟဲ့ဘဲန်နဝ်း ကာဟွါ ဒီအန်။ အန်ဘောဝီဒဲ့ဂေ အီဟဲ့မိုဝ်း အာငျာန် တဲးဂေ ကာလာင် လွင်မ့ဘာဝ် အန်တီ။ ဂေ အူဝီမိူဝ် ယီတူနပ် လွင်မ့ဘာဝ်အန်တီ။
ဇဝ်ဖြာ ဟဲ့တဲး အာယုဝ် နပ်လွင်ဆီ ဖဝ်ပီ ဟဲ့အိတ် မ့ဘာဝ် ခုန်ဒီခမ် အဲဂိုပ်ဂေတွီုန်။ ခုန်ဒီခမ် ဖာရုဝ် အဲဂိုဝ် တွိုန် အန်ဘော ဒဲ့လေး အာယုဝ် ခဲင် ကာပိုမ်။ တဲး အာယုဝ် ကာလာင် လွင်ဆီဖဝ် ပီဟဲ့အိတ် မ့ဘာဝ် အန်။ အာယုဝ် ဝီကာလာင် လွင်အန်တီတဝ်း။ "ပီဒီ ကာလာင် အုဝ်ဒီမဲ၊ န့ဟဲ့မုးဇဝ်ဖြာအီဘျာ။ ခုဝ်၊ န့ဒီမိုဝ်း အာခါန် ကိူန့် ပီဒီဟူမ် ဘူ ဆီနမ်ဂါယ် အာခါန် အေတ့်ပီဒီဟူမ် ဘူဆီနမ်"။ အန်ကာလာင်ပါယ်တီ ဒီခုန်ဒီခမ်။
ခုန်ဒီခမ် ဖာရုဝ် အဲဂိုပ်ဂေတွိုန် န့ဟဲ့လဝ် နဝ်းအန်ပီ ဟဲ့ကာလာင် အာယုဝ် ဒီအန်။ ခုန်ဒီခမ် ဝီတဝ်း ဒီအာယုဝ်၊ "အုဝ် ဒီတဲးမဲ အိုပ်မိူင်အဲဂိုပ်၊ ဂေဒူအီ ဒွန်အီ၊ တဲးဂေထူမ်ဂြုဝ်း ပီစ်ုမဲ။ န့ဟဲ့မုးအီ အုဝ်တာင်လွှိုမ်မဲ"။
အာယု၀်တွိုန် အန်ဘောစ်ုဂေဒူအီကိူန့်၊ ကာဇူးအုန်ငှုဝ် တဲးန့ကော ဇမ်အာခြာဝ် အေတ့် ပီဒီဟူမ်ဘူ ဆီနမ်တွိုန်။ ဝါယ်အန်တီ။ န့ဘောဝီဇမ် ဘူဆီနမ် အာခြာဝ်အေတ့် ပီဒီဟူမ်။ အာယုဝ်တွိုန် အန်ဘောယွင့်ဒွါဒီ ဒူအီဂေ ပီဒီဟူမ် တဲးဂေ ပွိုန်ပီဒီဟူမ်။
အာဝ်မုး၊ အီမိူင် အဲဂိုပ်အေတ့် ပီဒီဟူမ်၊ ဘောကာဒူင် ကွယ် အာကူပ်ဂေ ဂွန်အန်ဂေ အီဘေန့်အန်၊ မိူင်ကာနန့် တွိုန် ဟဲ့အေတ့်ပီဒီဟူမ်။
ခုဝ်အန်တီ၊ အာကူပ်တွိုန် အန်ဘောဝီ ဘ့လေးဂွန် အန်ဝီအီတာင် ဟာဝ်စိုဝ်းပီဒီ ဟူမ်ခဲင်မိူင် အဲဂိုပ်တီ။ အူကတ် အူဝါ အာယုဝ် ဂေတွိုန်၊ ဂေဘောတး စိုဝ်းပီဒီဟူမ်၊ ဂေဘောခြိုပ်ခြဝ်နာအာတ့်အန်။ အီကတ် အာယုဝ် ဂေတီ၊ ဂေယီတူနပ် အာယုဝ်။ ခုဝ်၊ အာယုဝ် တွိုန် အန်ဟဲ့နပ်ဂေ။
၀ါယ်အန်တီ။ အာယု၀်တွိုန် အန်ဘောထေ၀်န၀်းအီကတ်အန်ဂေ၊ ယုဝ်နဝ်းဂေ ဘျွင်အာဘျွင်။ ဟဲ့ဟွတ့်၊ အန်ဝီတဝ်း။ အန်ဝီတဝ်း ဒီအီကတ်အန်ဂေ။ "အုဝ်ဟဲ့မုး ဝါဘေ အာယုဝ်၊ ဘေကွဲ့ယုဝ်။ ဘေဘောယွင့်အုဝ် ဘဲန် မှာယ်အီ၊ ဘေ ဘောဘူင် အီတူမွှိုမ်ဒီအုဝ်။ ခုဝ်ဖဝ်ဖြာ ဟဲ့ဝီဘူင်တဲး အီတူမွှိုမ်၊ ဟဲ့ဝီ ဘဲန်တူတ့်အီမွှိုမ်"။ ခုန်ဒီခမ် အဲဂိုပ်ဘောတဝ်း ဒီအာ ယုဝ်၊ "ဒဲ့ဂုန်မဲဂေ အူကတ် အူဝါမဲဂေတး ကွယ်ခဲင်မိူင် အဲဂိုပ်နီ၊ အုဝ်ဒီတဲး ဒီဂေပီဒီဟူမ်"။ အန်ကာလာင်ပါယ်တီ ဒီအာယုဝ်။
အူကတ် အူဝါ အာယုဝ်ဂေတီ။ ဂေဟဲ့ဝီဟာဝ် ဇမ်ဒီကာင်ဂေတွိုန်၊ ဂေဘောဝီ ကာလာင်လွင်အန်တီ ဒီဂုန့်ဂေ။ အာယုဝ် ညှမ်ယမ်။ ဂုန့်ဂေဘော မိုဝ်းနဝ်း ဒါခိုယ်ကာဆဝ်။
အာကူပ်တွိုန်၊ အန်ဘောဟဲ့ဟွတ့် ကတ်ကာဆ၀်၊ မိူဝ်အန်ဘော ဆီဘျွင် ကာဒူင်ကွယ်အန်ဟာဝ် ကွယ် ခဲင်မိူင် အဲ ဂိုပ်တီ။ ခုဝ်၊ ဂွန်အန်ဂေ အီဘေန့် အန်ဘောကွယ် ဒါခိုယ်ခဲင်မိူင် အဲပိုပ်တီ။ အာကူပ်တွိုန် အာတ့်ညှမ် ယမ်အန်။ အန်ဘော မွင့်ကာရာဒွါဒီဂွန် အီမာယ် ဒီဂေ ဘောကာဂ့လျီတ့်။
ပီဟဲ့ဒွါ ဇဝ်ဖြာ ဆာဒိက် ဒီဒါအာဘြာန်ဟမ် တွိုန်၊ ဟဲ့ဝီဇမ်ဒဲင်ဒါ အာဆဲက်။ ဝါယ်အန်တီ၊ ဘောဝီဇမ် ဒီအာကူပ် ဂါယ်ဂွန်အန်ဂွန်အီမာယ် ဂိုဝ် ဒီအာဝီတွိုန်။ ခုဝ်၊ န့ဟူမ်ဂေ ဂိုဝ်ဒီအာ န့ဟူမ်တီ ဂေဘော ဝီဘဲန်အာမျုဝ် အီဆာရေလ ဂိုဝ်ဒီ အာ၊ အာမျုဝ်။
A Bible story from: Genesis 37-50