၂။ လွင် မှာပ်ဟဲလိုပ် ဒဲင်ကာဒါယ်တာင်နီ
ဇ၀်ဖြာဟဲ့ ဖာန်ဘ့လေး "ဒါအာဒမ်" ဂါယ်ပါ၀်အန်ကွယ်ကာပိုမ်အေဒေန်တွိုန်၊ ဂါယ်ဟဲ့ ကွယ်ဒါခိုယ်။ ဂါယ်ယီ တူမို၀်း ဒီတာမာဆေဂါယ်ဟဲ့ ကွယ် ဂ့လ။ ခု၀်၊ ဂါယ်တူဆာယ်။ ခု၀်အန်တီ၊န့ညှမ်မို၀်း မှာပ်ဒဲင်ကာဒါယ်။ ခု၀်၊ န့ ဟဲ့ ပွိုန်ဟာ၀်၀ီ၀် ဟာ၀်၀ေန့်၊ ဂြု၀်းဒီဇ၀်ဖြာ။
ဟဲ့ဟွတ့်၊န့၀ီမို၀်း မာဟန့်အူဒု၀်န၀်းအန်အာ၀်ကျက်။ ဟန့်တ၀်း၊ ‘’ဒီအီဘိုန့်တွိုန်၊ဟဲ့ မှာန်၊ ဇ၀်ဖြာတူတဲး ဘာယ်ဟူမ်ဘ့လေဟေဒွန်မျု၀်ခဲင်ကာပိုမ်တီ။”
အီဘေန့်၀ီတ၀်း၊“ဇ၀်ဖြာဟဲ့ တဲးယာယ်ဟူမ်ဘ့လေဟေဒွန်မျု၀်ခဲင်ကာပိုမ်နီ၊န့ယီမို၀်းဟေအီနပ်အီမွိုမ် ဂါယ် အီတူ မွိုမ်အူကာဒင်ကာတဲကာပိုမ် နီအဝ်ပွိုန်ဟူမ်။ ဇ၀်ဖြာတ၀်း၊ ဟေတီဘာယ်ကွဲ့ ဟူမ်ဘ့လေအန်၊ဘာယ်ကွဲ့ ပါ၊ အု၀် ယု၀် ဘာယ်ယမ်”။ အန်ဇဝ်ဖြာ တဲးဒမ်ပါယ်တီ။
မာဟန့်တွိုန်၀ီတ၀်း၊ “အာ၀်မုးပါယ်တီ။ ဘာယ်တူလု၀်ယမ်၊ ဆေဘာယ်ဟူမ်ဘ့လေတီ၊ ဘာယ် ဒီဘော နပ် အီမွှိုမ် ဂါယ်၊ အီတူမွှိုမ်၊ ဘာယ်ဒီ ဘောဘဲန် ပီဇ၀် ဖြာ”။ အန်ဇဝ်ဖြာတဝ်းပါယ်တီ။
အီဘေန့်တွိုန်ဘောယွတ်ဘ့လေတီန့ဟဲ့ စှိတ်ကာဆ၀်၊န့ဟဲ့ မွှိုမ်ဟူမ်။ တဲးအန်၊ ကောနပ် တူတ့်ဒွန် မျု၀်၊ အန်မိူ၀် ဒို၀်း ဟူမ် ဘ့လေ တီ။ ဟဲ့ ဟွတ့် အန်၊ ၀ီဒွါဘောအီမာယ်အန်ဟူမ်။ ဒါအာဒမ် မိူဝ် ဘောဒိုဝ်းဟူမ်။
ဒေါမှာဝ်ဒေါအန် အာငျာန်ဂါယ် ဘောဝီခါလှုဝ်း၊ ဂါယ်ဘောဝီ နပ်ဘောဝီအာဂ့လဂါယ်။ ဂါယ် ဘောဝီဒိုဝ်း လှာဟေ ဘူင်တဲးန့ ဘဲန်ခြိုင် ဂါယ်တဲးန့ ကာဒးဒုဝ်ဂါယ်။
ခု၀်အန်တီ၊ ဇ၀်ဖြာမိူ၀် ဟာ၀်၀ီ၀်ဒီ လဲခဲင်ကာ ပိုမ်တွိုန်။ ဂါယ် အီမာယ်အီ ဘေန့်တွိုန်ယီ ယို၀်ဂြန်ဇ၀်ဖြာ။ ခု၀်၊ ဂါယ် ဘောချြီင်ကွဲ့ တဲးဇ၀်ဖြာယို၀်ဂါယ်။ဟဲ့ ဟွတ့် ဇ၀်ဖြာယီဒဲ့ဂါယ် “မှ၀်ဘာယ်ကွယ်“။ဒါအာဒမ်၀ီတ၀်း၊“အု၀်ဟဲ့ နပ် မဲ ဟာ၀် ၀ီ၀်ဒီလဲခဲင် ကာပိုမ်။ အု၀်ဟဲ့ ယု၀်။ ခု၀်၊ အု၀် ဟဲ့ ကွယ်အာဂ့လ၊ အု၀်ဟဲ့ ချြီင်အု၀်”။ အန်တဝ်းပါယ်တီ။
ဟဲ့ ဟွတ့်၊ ဇ၀်ဖြာ၀ီတ၀်း၊ “အာဆေဟဲ့ တ၀်းမဲအာဂ့လ။ မဲဟဲ့ ဟူမ်ဘ့လေပီတ၀်းအု၀်ကွဲ့ ဟူမ်”။ အီ မာယ် တွိုန် ၀ီတ၀်း၊ “အီဘေန့်ပီဒွါမဲဒီအု၀်၊ အန်ဟဲ့ ဒွါအု၀်ဟူမ်ဘ့လေတီ “။ ဇ၀်ဖြာ၀ီတ၀်း၊ “ဒီအီဘေန့်၊ မာဆေပီဟဲ့ ဘူင် မဲ“။ အီဘေန့် ၀ီတ၀်း၊ “ဟန့်ဟဲ့ ကာလု၀်အု၀်။ အု၀်ဘောဟူမ်”။ အန်ကာလာင်ပါယ်တီ။
၀ါယ်အန်တီ၊ ဇ၀်ဖြာ ၀ီ တ၀်း၊ ဒီဟန့်၊“ဒေါတီနီအု၀်ဟဲ့ ဒိူက်မဲဟန့်။မဲ လု၀် လှန်ဟာ၀်တာ၀တ်မဲ၊ တဲးမဲဟူမ်ကာ ဒါယ်။ အု၀်ဒီတဲးမဲဟန့်ဘဲန်ရန့်ဆူအီဘေန့်။ ဘောဂွန်အာမျု၀်မဲဂွန်အာမျု၀်အီဘေန့်တွိုန် ဒီညာတ့်ကာတင့် ဂိန့်မဲ။ မဲမိူဝ်ဘော ဝီဇုဝ့်ခါနှုတ့်အန်။ အန်တဝ်းပါယ်တီ။
ဟဲ့ ဟွတ့်၊ ဇ၀်ဖြာတ၀်း၊ ဒီအီဘေန့် တွိုန်။ “ပန်ဒီဂွန်မဲ၊ မဲဒီ လု၀် ခမ် ဆ၀် ကာဆ၀်၊ မဲဟဲ့ရွက့် အီမာယ်မဲ၊ အီမာယ်မဲ အန်ဒီဝီအိုပ်မဲ"။ အန်တဝ်းပါယ်တီ။
ဇ၀်ဖြာ၀ီတ၀်း၊ ဒီအီမာယ်တွိုန်၊ “မဲဟဲ့ ထူမ်ဂြု၀်းအီဘေန့်မဲ၊မဲမိူ၀်ဟဲ့ ဟွတ့်ဟူမ်ဘ့လေဟေပီတူတဲး အု၀်ဘာယ် ဟူမ်။ ခု၀် အန်တီ၊ အု၀်ဟဲ့ ဒိူက်ဒဲင်ကာဒါယ်၊ တဲးမဲလု၀်ရန့်မာန်ကိူန်၊ ဂါန်ကိူန်မဲကောပွိုန်ဒီဟူမ်။ ခု၀်၊ ဆေမဲဟဲ့ ယမ်၊ ဒေါဂု၀် အန်မဲဟဲ့ မုးကာဒါယ်။ ခု၀်၊ မဲဒီ၀ီဘဲန်ကာဒါယ်၀ါယ်အန်တီ”။ဟဲ့ဟွတ့်၊ အီမာယ်တွိုန်၊ ၀ီ ဒွါအီဘေန့်အန်စိူ၀်နာင်အေ၀ါ။ခု၀်၊ အန်တီ၊ အန်ဟဲ့ မုးမာအေဒူအီ။ ဇ၀်ဖြာဟဲ့ ဒွါဒါအာဒါမ်ဂါယ်နာင်အေ၀ါတွိုန်၊ တာဟုန်ဒု၀်ဆတ်တာ၀ါ။
၀ါယ်အန်တီ၊ဇ၀်ဖြာမိူ၀်တ၀်း၊ “အိုယ်၊ဒူအီအီဟဲ့ ဘဲန်ပီအု၀်၊မဲဟဲ့ ဟွတ့် နပ်အီမွှိုမ် ဂါယ် အီတူမွှိုမ်။ ဒေါတီနီ၊မဲဟဲ့ ဟွတ့် ဟူမ်ဘ့လေဟေ၊ အီဒွါအာဆာက်ဒီအီ။ မဲအာ၀် ပွိုန်အာဆာက်ဆေဆေ”။ ဟဲ့ ဟွတ့် ဇ၀်ဖြာဆု့တ်လေး၊ ဂါယ်ခဲင် ကာပိုမ်တွိုန်။ ဇ၀်ဖြာ၊ စ်ုအာမူအာမာတ်အန်ဂေဘ်ုဟေအီဒွါအာဆာက်တီ။ ကွဲ့ တဲး အာဆေပွိုန်ဒီဟူမ် ဘ့လေအန်တီ။
A Bible story from: Genesis 3