၁၅။ လွင် အိူင်နဲ ပီဟဲ့ဘ့လေး ကာဒိက်ဆတ်ဇာ

ပန်ဒီကာဒဲ့အန်၊ ကာနန့်တွိုန်၊ အိူင်နဲ ပီဟဲ့ဘ့လေး ဇဝ်ဖြာ ကာဒိက်ဆတ်ဇာ။ ဒီဂေ ဒူအီ အီဆာရေလ တွိုန်၊ ဟဲ့ဇမ် အာခါန် လုဝ်ဂေလိုပ်။ ခုဝ်၊ ကာဒူင့် ကွယ် ကာဒါယ်မိူင်တီ။ န့ဟဲ့မိုဝ်း စိူဝ် ယေရီခုဝ်၊ အီဟဲ့ဂွင့်လေ မိူင်တီ၊ ဘ့လေး တဲးန့မိုဝ်း ရဲင်။ အာယောရူ တွိုန်၊ အန်ဘောဘ့လေးဟာဝ်၊ ဒူအီ အာဝီခဲင် မိူင်တီ။ ခုဝ်ခဲင်မိူင်တီ၊ န့ဟဲ့မိုဝ်း ယာဆာပြး အူဝီ၊ အီဟဲ့စိူဝ် နာင်ရာခတ် အီဟဲ့ကွယ်ဒီတီ။ အီဘေန့်တီအန်ဟဲ့ ချြီင် ဒူအီ အာဝီတီ၊ စွယ် ဘောတဲး ဂါယ်ပွိုန်၊ ဒီလေးခဲင်မိူင်တီ။ အီဘေန့် တွိုန်၊ ခုဝ်အန်ဟဲ့ ဘူင်ပါယ်တီ။ အန်ဟဲ့မိုဝ်းနဝ်း ညှိုမ် ဇဝ်ဖြာ။ ဒူအီ အီဆာရေလဂေတွိုန်၊ ဟဲ့ဇမ် အာခါန် ဒီလုဝ်ဂေ လိုပ် ပျာက့် ယေရီခုဝ် တွိုန်။ ဂေဒူအီကိူန့်၊ ဟဲ့ဘ့လေး ကာဒိက်ဆတ်ဇာ၊ လွင်လုဝ်ဂွင့်ရဲနာင်ရာခတ် ဂါယ်ဂွန်အန်ဂေ။

ဒူအီ အီဆာရေလ ဂေ၊ ဟဲ့လုဝ်လိုပ်ခဲင်မိူင်။ ပီဟဲ့ဘ့လေး ကာဒိက်ဆတ်ဇာတွိုန်၊ ဂေလုဝ်ကာလုဝ်း ဘ့လဲင် ယော ဒါန်။ ဇဝ်ဖြာတဝ်း ဒီ အာယောရူ။ "ဒွါဂေ ဒါတာင် အီဟဲ့နပ် ဂြုဝ်းကာလာင် ဟာဝ် နာအာတ့်"။ ဇဝ်ဖြာကာလာင် ပါယ်တီ။ ဂေဒါတာင်အီဟဲ့နပ် ဂြုဝ်းကာလာင်ဟာဝ်နာအာတ့်တွိုန်၊ ဂေဘောစုး ဒီလူင်ခဲင် အိုမ်ဘ့လင် ယောဒါန် တွိုန်။ အိုမ် အီဟဲ့လှဲ တီ၊ န့ဘောစွင့်၊ ဂေဒူအီ အီဆာရေလ၊ ဘောကာလုဝ်းဟာဝ်၊ ခဲင်ဘ့လဲင် အီဟဲ့ကာဟဝ်းတီ။

ဂေဒူအီကိူန့် ဟဲ့ဟွတ့်၊ ကာလုဝ်း ဘ့လဲင် ယောဒါန် တွိုန်။ ဇဝ်ဖြာ ဟဲ့ဟွတ့်တဲး၊ အာယောရူ န့ပြာယ် မှဝ်ဂေ ဒီပါယ် ဒီကာဂုဝ်း ခဲင်မိူင် ယေရီခုဝ်၊ အီဟဲ့မိုဝ်း ပ့လူမ်။ ဇဝ်ဖြာ ဟဲ့တဲးဂေဒူအီ ကိူန့်၊ ဘော ဂေဒါတာင် အီဟဲ့နပ် ကာလာင် ဂြုဝ်းဟာဝ်နာအာတ့်၊ ဂါယ်ဂူနာန်ကိူန့်၊ တဲးဂေ လာယ်လဲ့ မိူင်တီ။ တဲးန့ကော နုဝ့်ဒဝ် ဆီငဲ။ ခုဝ်၊ အန်တီ၊ ဂေဒါတာင် အီဟဲ့ နပ်ကာလာင် ဂြုဝ်းဟာဝ်နာအာတ့် ဂါယ်ဂူနာန် ကိူန့်ဂေဘော ဘူင်ပါယ်တီ။

ဟဲ့ဝီဇမ် ဆီငဲမ့ဘူ၊ ဇဝ်ဖြာ ဘောတဲး၊ ဒူအီ အီဆာရေလ လာယ်လဲ့မိူင် တီဘူဇေန့်။ ဝါယ်အန်တီ၊ ဂေဒါ တာင်အီ နပ် ကာလာင် ဂြုဝ်းဟာဝ်နာအာတ့်တွိုန်၊ ဂေဘော ဘုတ်နိုင်မာပဲ၊ ဘောဂေ ဒူအီ ဒွန်အီ ဟဲ့ဒတ်တာင် ကာဆဝ်။ ခုဝ်ဂေဟဲ့ ဘူင် ပါယ်တီ။

၀ါယ် အန် တီ၊ မိူင် ယေ ရီ ခု၀် တွိုန်၊ ပီဟဲ့ရဲင်ဂေ မိူင်ဂေ ဘောဒီဂ့လဝ်းတူတ့်။ ဒူအီ အီဆာရေလ ဂေ ဘော ဘူင် ပီ၊ ပီကာလာင် ဇဝ်ဖြာ၊ ဂေဘောပျာက့် တူတ့် ဘောကာဂ့လျီတ့် ခဲင်မိူင်တီ။ မာလဲ၊ ဂေဘောတဲး နာင် ရာခတ် ဂါယ်ဂွန် အန် ဂေမိုဝ်း၊ နဝ်းဒါခိုယ်။ ခုဝ်၊ ဂေဘောဝီလိုပ် ဘဲန့် ဒူအီ အီဆာရေလ။ ဂေ ဒူအီ အီဟဲ့ကွယ် ကာနန့်တွိုန်၊ ဂေဒူအီ ဟာဝ်ဘော ယိုဝ်လွင် ဒူအီ အီဆာရေလ ဂေဟဲ့ကာဂုဝ်း မိူင် ယေရီခုဝ်။ ခုဝ်၊ ဂေဘော ဝီ ယုဝ် ဒူအီ အီဆာရေလ ဂေတး ကာဂုဝ်းဒီဂေ။

ခုဝ်အန်တီ၊ ဇဝ်ဖြာ ဟဲ့ကာလာင် ဒီဒူအီ အီဆာရေလ ဂေ။ "ဘေ အာမျုဝ် ဒူအီ အီဟဲ့ကွယ် ခဲင်မိူင် ကာနန့်နီ၊ အာဝ် ပွိုန်ဘ့လေး ဆိူက်ကွယ် ရိုမ်ဒူပ်ဂေ။ ခုဝ်အန်တီ၊ န့ဟဲ့မိုဝ်း (ဒူအီ ဂီဘောင်) ခဲင်အာမျုဝ် ဒူအီ ကာနန့် အူမျုဝ်၊ ဂေဘော ကာလုဝ် တဝ်း၊ ဂေဟဲ့တး ကာဒူင့်တူင့် ဒီမိူင် ကာနန့်တီ၊ ဒီအာယောရူ တွိုန်။ ခုဝ် အာယောရူ၊ ဘောဝီတဲး ဂေဘူင်ဆိူက်၊ တဲး ဂေပွိုန် ဒီကွယ်ရိုမ်"။ အန်ဘောကာလာင် ပါယ်တီ။ အာယောရူ ဂါယ်ဒါတာင် ဒူအီ အီဆာရေလ ဂေ၊ တူမိုဝ်း ဒီမွှတ့်ဇဝ်ဖြာ မှဝ် န့ပါယ်။ ခုဝ်၊ ဂေဘောဝီ ဘ့လေးဆိူက်၊ တဲး ဂေပွိုန် ကွယ်ရိုမ် ဒူပ်အာမျုဝ် ဒူအီ ဂီဘောင် ဂေတွိုန်။

ဟဲ့ ၀ီ လှေန့် အူယ် ဆီငဲ၊ ဒူအီ အီဆာရေလ ဂေ ဘော ယို၀် အာမျု၀် ဒူအီ (ဂီဘောင်) ဂေ၊ ဟဲ့ ကွယ် ခဲင် မိူင် ကာနန့်။ ခု၀် ဂေ ဟဲ့ ၀ီ နပ် ဒူအီ (ဂီဘောင်) ဟဲ့ ကာလု၀် ဂေ။ ခု၀်၊ ဂေ ဘော ရူ ကာဆ၀်။ ခု၀် အန် တီ၊ ပီ ဟဲ့ ဘူင် ဂေ ဆိူက် အီ ဟဲ့ ပွိုန်၊ ဒီ ကွယ် ရိုမ် တွိုန်၊ ဂေ ဟဲ့ ဆီဖ၀် ဒီ ဇ၀်ဖြာ။ ခု၀် ဂေ ဘော ၀ီ ဘ့လေး ဟာ၀် ပါယ် တီ။ အာ ခြာ၀် အန် ဟဲ့ ၀ီ လှေန့်၊ န့ ဘော ၀ီ မို၀်း အာမောရီ အီ ဟဲ့ မုး ခုန်ဒီခမ် ဒူအီ ကာနန့် ဂေ။ ခု၀် အန် ဟဲ့ နပ်၊ လွင် ဒူအီ အီဆာရေလ ဂါယ် ဒူအီ ကာနန့် ဂေ၊ ဟဲ့ ဘ့လေး ဆိူက် အီ ဟဲ့ ပွိုန်၊ ဒီ ကွယ် ရိုမ် ဒူပ် ဂေ။ ခု၀်၊ ဂေ ဘော ၀ီ ဒဲ့ ကာဇူင် ဂူနာန် ဂေ ကိူန်၊ လု၀် ကာဂု၀်း ဒီ မိူင် (ဂီဘောင်) ဂေ တွိုန်။ ဒူအီ (ဂီဘောင်) ဂေ ဘော မှာန်၊ တဲး အာယောဆူ စွယ် ဂေ။

ခု၀် အန် တီ အာယောရူ တွိုန်၊ ဘော ကာဇုက် ဂူနာန် ဒူအီ အီဆာရေလ ဂေ၊ ဟာ၀် ကာဒူင့် ကွယ် အာမျု၀်၊ ဒူအီ (ဂီဘောင်) ဂေ၊ ဂေ ဘော ဟာဝ် ဘော ခဲင် မှို၀်၊ ဆိန်၀း ပြဲ ဟဲ့ ၀ီ ဘ့လာင်၊ ဂေ ဘော ဝီ ကာဂု၀်း ရိုမ် ဒီ ဂူနာန် အာမောရိ ဂေတွိုန်။

ဇဝ်ဖြာ၊ ဆီငဲတီ၊ အန်ဟဲ့လိုပ် ကာဂုဝ်း ဒါင် ဒူအီ အီဆာရေလဂေ။ ဇဝ်ဖြာ ဘော ဘူင်၊ တဲးနဝ်း ဒူအီ အာမောရိ ဂေ မိုဝ်း၊ နဝ်းကာဝှ်ု ကာဝျှီန်။ ကာဒူင့်တီ၊ အန်ဘော ဘ့လေး ဘျြီတ်လေး ခဲင်ဂါင် ဟြာဝ်၊ တဲး န့စုးဒဲင်ဂေ တဲးဂေယမ်။

အာမျု၀် ဒူအီ အီဆာရေလ ဂေ တွိုန်၊ တဲး ဂေ ပွိုန်၊ ဒီ ပဲ ဒီ ကာဂု၀်း ဒီ ဒူအီ အာမောရိ ဂေ။ ခုဝ်၊ ဇဝ် ဖြာ ဟဲ့ ဘူင်၊ တဲး ဆီငဲ စွင့် အူ ပ့လုဝ်း။ ခုဝ်၊ ဆီငဲ တီ ဇဝ်ဖြာ ဟဲ့ ဘူင်၊ ဘ့လွယ် အွင် ဒီ ဒူအီ အီဆာရေလ ဂေ။ ခု၀်၊ အန် ဟဲ့ ဒို၀်း တး အာ တီ။

ဇ၀်ဖြာ ဟဲ့ဟွတ့်၊ ကာဂု၀်း ဒီ ဂူနာန် ကိူန့် ဂေ တွိုန်။ န့ ယီ မို၀်း၊ ဂေ ဒူအီ (ကာနန့်)၊ အီ ဟာ၀် ကိူန့် ကာဇူင် ကွယ် ရိုမ်။ တ၀်း ဒီ ကာဂု၀်း ဒီ ဒူအီ အီဆာရေလ ဂေ။ (အာယောဆူ) ဂါယ်ဒူအီ အီဆာရေလ ဂေ။ ဘော ၀ီ ကာဂု၀်း ဒီ ဒူအီ ကိူန့် ဂေ တီ တဲး န့ ဟွတ့်တူတ့်။

ခု၀်၊ ကာဂု၀်း တီ ဟဲ့ ဟွတ့် တူတ့်၊ အိူင်နဲ ပီ ဟဲ့ ဘ့လေး၊ ဇ၀်ဖြာ ကာဒိက် ဆတ်ဇာ တွိုန်။ ဒူအီ အီဆာ ရေလ ဂေ ဘော ကာယ၀်း ဒူအီ အူမျု၀်၊ အူ မိူင် ဂေ ကာယ၀်း ဒွါ ပါယ်တီ။ ၀ါယ် အန် တီ၊ ဇ၀်ဖြာ ဘော တဲး န၀်း ဒူအီ အီဆာရေလ ဂေ ဒါခိုယ်။

(အာယောဆူ) တွိုန်၊ အာဆာက် အန်ဟဲ့ဟွတ့်ကိူန့်၊ အန် ဘော ဒဲ့ ဒူအီ အီဆာရေလ ဂေ၊ ဘောကာ ဂ့လျီတ့် ကွယ် ရိုမ်။ ၀ါယ် အန် တီ၊ အာယောရူ ဘော ကာလာင်၊ လွင် နွန် ဆီနာယ် ပီ ဟဲ့ ဘူင် ဘ့လေး ဇ၀်ဖြာ ကာဒိက် ဆတ်ဇာ ဒီ ဒူအီ အီဆာရေလ ဂေ။ အန် ဟဲ့၊ ဘ့လေး ဆီဒိက် ပါယ် တီ။ ခု၀်၊ ဂေ ဒူအီ ကိူန့်၊ ဘော ညှိုမ်ဇဝ်ဖြာ။ ဘော ထူမ် ဒူပ် ဒါရာ ဇ၀်ဖြာ ဘော ကာဂ့လျီတ့်။ ခု၀်၊ ဂေ ဘော ဝီ ဘ့လေး ကာဒိက် ဆတ်ဇာ။

A Bible story from: Joshua 1-24