၂၅ - လွင် ဘုဝ် ကာနမ် ကာဆုး ဇဝ်ယေဆူ ဘူင် မှာပ်
ဇဝ်ယေဆူ ဟဲ့ ဟွတ့် စိုပ် အန် ခဲင် အိုမ် တွိုန် အူ ဇေန့် နဝ်း ဖွိုန် ဇဝ်ဖြာ ဘော ဒဲ့ ဟာဝ် အန် ခဲင် ပြဲ ကာဟဝ်း။ ဇဝ်ယေဆူ တွိုန် ကာဒူင့် တီ အန် ကွယ် အာဒါ ဖွုန်ဂိုဝ် ဆီငဲ။ အာခြာဝ် ဒေါ အန် တီ၊ အန် တွိုန် ဘော ယိူန် ပီ ဒီ ဟူမ် ဘု၀် ကာနမ် တွိုန် အန်ဘော တး ဇမ် ကာ ဒူင် ကွယ် ဇဝ်ယေဆူ အန် ဘော ကာဆုး တဲး ဇဝ်ယေဆူ ဘူင် မှာပ်။
ဒေါ အန် တီ ဘုဝ် ကာနမ် တွိုန် အန် ဘော ကာလာင် ဂြုဝ်း ဒီ ဇဝ်ယေဆူ တဝ်း ဆေ မှာန် မုး။‘‘ မဲ ဂွန် ဇဝ်ဖြာ မဲ ဘူင် တဲး မာဝ် တီ ဘဲန် ခါမုန် ပီ ဒီ ဟူမ် မဲ’’။ အန် ဘာ ကာလာင် ပါယ်တီ။
ပန် တီ ဇဝ်ယေဆူ ကာလာင် ဒီ ဘုဝ် ကာနမ် တွိုန် တဝ်း။‘‘ဒူအီ ကိူန် ဂေ တွိုန်၊ အာဒါ အာဆာက် ဂေ အာလုဝ် မီ ပီ ဒီ ဟူမ် ခါမုန် န့ဟဲ့ လုဝ် ဘော ဂြုဝ်း ပီကာလာင် ဇဝ်ဖြာ ဒွန် မျုဝ် ဟဲ့ လုဝ်ဒူပ် ခဲင် ဘပ် ဇဝ်ဖြာ ဟဲ့ဒဲမ် အုန် ပါယ် တီ’’။ အန် ဘော ကာလာင် ပါယ်တီ ။
ဝါယ် အန် တီ ဘုဝ်် ကာနမ် တွိုန် ဒဲ့ ဟာဝ် ဇဝ်ယေဆူ ကာ ဒူင့် စာ တွိုန် နာ ဒဲင် ဟုဝ် ဇဝ်ဖြာ ကာလာင် တဝ်း။ ‘‘မဲ မုး ဂွန် ဇဝ်ဖြာ တဲး ဘုင်ဘ့လုး ဘျွာ ဒူင် ကွယ် မဲ တီ၊ ခုဝ်၊ ခဲင် ဘပ် ဇဝ်ဖြာ န့ ဟဲ့ ဒဲမ် အုန် တဝ်း၊ ဇဝ်ဖြာ ဒီ စ်ု အာမူ အာမာတ် အန်၊ တဲး ဂေ လုမ်လာ မဲ၊ တဲး ဂေ ကွယ် ရိုမ် ဒုပ် မဲ ၊ကွဲ တဲး ပ့လဝ် မဲ တာ ဒုး ဒီ မာဝ်၊ အန် ဘော ကာလာင် ပါယ်တီ။
ဒေါ အန် တီ ဇဝ်ယေဆူ တဝ်း အုဝ် တူ ဘူင် ဒူပ် ပီ စ်ု ဘုဝ် ကာနမ် အန် ဘူင် အန် တဝ်း‘‘ဇဝ်ဖြာ ကာလာင် ဒီ ဘေ ဒွန် အီ တဝ်း အာဝ်လုဝ် ထောဝ် ဇဝ်ဖြာ တွိုန်၊ အန် ဘော ကာလာင် ပါယ်တီ။
ဝါယ် အန် တီ ဘုဝ် ကာနမ် တွိုန်၊ အန် ဘော ဘျ ဒီ ဇဝ်ယေဆူ မိူင် ဒွန် မိူင် အီ ကွယ် ဒဲင် ကာဒါယ်၊ ဘုဝ် ကာနမ် တီ တဝ်း ဒီ ဇဝ်ယေဆူ တွိုန် မိူင် တာင် ဂေ မိူင် ဒါခိုယ် နီ အန် ဘော ဘျ ဒီ ဇဝ်ယေဆူ။ ဘုဝ် ကာနမ် တွိုန် အန် ဘော ကာလာင် ဒီ ဇဝ်ယေဆူ တဝ်း ဆေ၊‘‘ မဲ ကြိုပ် အုဝ်၊ ဒွန် မျုဝ် အုဝ် ဒီ ဒွါ ဒီ မဲ’’။ အန် ဘော ကာလာင် ပါယ် တီ။
ဇဝ်ယေဆူ တွိုန် တဝ်း ဒီ ၊ ‘‘ဘုဝ် ကာနမ် တီ မဲ လေး ဟာဝ် တူင့်တးအုဝ်၊ ခဲင် ဂြုဝ်း ဇဝ်ဖြာ တွိုန် ဇဝ်ဖြာ တဝ်း ဘေ တီ၊ ဘေလုဝ် ကြိုပ် အီ မုး ဇဝ်ဖြာ အိမ် ဘေ၊ တဲး ဘေ ဒါင် ဂုင်ဂေဇူ ဒီ ဇဝ်ဖြာ ပါယ် တီ’’။ အန် ဘောဝီ ကာလာင် ပါယ် တီ၊၊
ဘုဝ် ကာနမ် တွိုန် ၊ ပီ ဘူင် အန် တဲး ဇဝ်ယေဆူ ကာဆုး မှာပ် တွိုန် ဇဝ်ယေဆူ တူ ဘူင် ဒူပ် အန် ခုဝ် အန် ဘော ဝီ ဘ့လေး ဝဲန် ဇဝ်ယေဆူ အန် ဘော လေး ဟာဝ်၊၊ ပါယ် အန် တီ အာမူ အာမာတ် ဇဝ်ဖြာ ဘော တး ဇမ် ကာဒူင့် ကွယ် ဇဝ်ယေဆူ ဝီ လိုမ်လာဂျုဝ်ဂျာ အန်ဇဝ်။
A Bible story from: Matthew 4:1-11; Mark 1:12-13; Luke 4:1-13