၂၄ - လွင် အာယောဟန် စိုပ်တဲး အန်ဇဝ် ယေဆူ ခဲင်အိုမ်
အာဆာခါရာ ဂါယ် အေလီဆာဘေတ့် ဂွန်အီမာယ် အာယောဟန်။ တွိုန် အာခြာဝ် ဟဲ့ တာင် တး အန် အန် ဝီ ဘဲန် အီ မိုဝ်း အာငျာန်နပ်ဒီခဲ ဟာဝ်နာအာတ့်၊ အန် တွိုံန် ကွယ် ခဲင် နင် ဟူမ် ငါမ် မာဖျီန် ဟဲ့ ဟွတ့် အန် ဘော ဟူမ် ဘော မာ အာ ဇူင့်တာ ဟိုက် မင်ပြွင့် ဘူင် ခြိုင် တဲး အန် ဝီ တာ။
ဒူအီ ကိူန် ဂေ ဟဲ့ ဟွတ့် လေး ဟာဝ် ခဲင်နင် တွိုန် ဂေ ဝီ ထူမ် ဒါရာ ပီ ဟုဝ်် အာယောဟန်။ အာယောဟန် တွိုန် ဂေ ဒူအီ ကိူန် တွိုန်။ ‘‘တဲး ဘေ န့လှုဝ်း မှာပ် ဘေ မိူင်အန်ဇဝ်ဖြာ၊ ဟဲကာတက် ဒီဘဲန်’’ ခုဝ် အာယောဟန် ဟုဝ် ကာလာင် ပါယ်တီ။
ဒူအီ ကိူန် တွိုန် အာခြာဝ် ဒေါ ယိုဝ် အာယောဟန်။ ကာဟာဝ် ဂြုဝ်း ဂေ တွိုန် ဒူအီ ကိူန် ဂေ တီ၊ ကူပ် ကိူန် မှာပ် ဂေ တီ ခုဝ် ဂေ ဘော န့ လှုဝ်း မှာပ် ဂေ၊ အာယောဟန် တွိုန် ဘော စိုပ် ဂေ ခဲင် အိုမ် ဒါတာင် အီ ဘျာန် ဂြုဝ်း ဂေကိူန် တွိုန် ဂေ ဝီ တး ကာ ဒူင့် ကွယ် အာယောဟန် တွိုန် မာလဲ မှာပ်ဂေ ဟဲ့ ကိူန် ကာ ဆဝ် ဂေ တူ ကာလာင် မှာပ် ဂေ။ ဂေ တူ န့ လှုဝ်း မှာပ် ဂေ ။
အာယောဟန် တွိုန် အန် ဘော ကာလာင် ဒါတာင် အီ ဘျာန် ဂြုဝ်း ဂေ တွိုန်။ ‘‘ဘေ တီ၊ ဟဲ့ ဘဲန် မာဟန့် တဲး ဘေ မ့ပြာယ် ဒုဝ် ဘြိမ် ဘေ တဲး န့ လှုဝ်း မှာပ် ဘေ ဇဝ်ဖြာ ကာလာင် တဝ်း ဟေ ဒွန် ကာဒင် အီတူ မိုဝ်း ဘေလေး တွိုန် တဲး ဘေ ဂါဝဲန် တဲး ဘေ ဟပ် ခဲင် ငဝ်’’။ အန် ဘော ကာလာင် ပါယ် တီ။ ‘‘တဲး မဲ ပဲ န့ပြာယ် အန် န့တေန့် နာဒီဝွဝ် မဲ။ နာအာတ့် မဲ အုဝ် ဒီ ဘ့လေး အီ ဒီ ယဲတ့် မဲ အူဝီ’’။ ဒေါ အန် တွိုန် န့ မိုဝ်း အီ မုး အာငျာန် အီ ကာလာင် ဂြုဝ်း နပ်ဒီခဲဟာဝ်နာအာတ့် အာယောဟန် တွိုန်။
ဒါ အီဘျာန် ဂြုဝ်း ဂေ တွိုန် မန် အီ ဘော ဒီ မွှတ် အာယောဟန် တွိုန်၊‘‘ တဝ်း မဲ ဟဲ့ မုး ဇဝ်ဖြာ အာရီမေရီယ’’။ အာယောဟန် တဝ်း အုဝ် တူ မုး ဇဝ်ဖြာ အာရီ မေရီယ။ ခုဝ် အန် တီ အန် မုး တး ဇမ် နာ ပန် အုဝ် အန်တီ၊ ပွုန် အန်ဟဲ့တာင် ကာဆဝ် အုဝ် နီ အာဟူ ကာအာပ် အုဝ် ပက့် ၀န် ခူဒိန့် အန် အာယောဟန် ဘော ကာ လာင် ပါယ်တီ။
ဘော အူ ဆီငဲ ကာ ဒူင့် ကွယ် အာယောဟန် ဇဝ်ယေဆူ တွိုန် ဟဲ့ ဇမ် အာ ခြာဝ် ဒီ စိုပ် အန် ခဲင် အိုမ် အာယောဟန် တွိုန် ဒေါ ဟဲ့ယိုဝ် အာယောဟန် မှာပ် ကိူန် ဂေ ဒူအီ ‘‘ဒဲင် ကာဒါယ် တွိုန် ၊ ဇဝ်ဖြာ ဘော ဒိုဝ်း ဟာဝ် ကာ ဒူင့် တူင့် အန်ဇဝ်ဖြာ ဘော တဝ်း တဲး မဲ ယိုဝ် မာဘူ’’။ အန် ဘော ကာလာင် ပါယ် တီ။
အာယောဟန် တီ တဝ်း ဒီ ဇဝ်ယေဆူ။ ‘‘အုဝ် နီ ဂါယ် မဲအာ ဟူလာယ် ကာအာပ် စိုပ် ခဲင် အိုမ်။ ဇဝ်ယေဆူ တဝ်း ဘော မဲ ဘော အုဝ် လိုဝ် ဘူင် စိုပ် ခဲင် အိုမ် အန် ဘော ကာလာင်ပါယ် တီ။’’ခုဝ် အန််တီ ဇဝ်ယေဆူ တွိုန်။ ပါယ် တီ ဇဝ်ယေဆူ တွိုန် တဝ်း။ "ဘောမဲ ဘော အုဝ် လိုဝ် ဘူင် စိုပ် ခဲင် အိုမ်။ ခုဝ် မှဝ် န့ပါယ် ဒွန် မျုဝ် တီ ဟဲ့မုး အီဒူပ် ဒါရာ ကာဆိူဝ် မှာန် ပါယ် တီ’’။ ခုဝ် အန် ကာလာင် ပါယ် တီ၊ ခုဝ် အန် တီ ဇဝ်ယေဆူ တွိုန် တူ မိုဝ်း မှာပ် မာဆေ အာယောဟန် ဘော စိုပ် အန် ခဲင် အိုမ်။
ဇဝ်ယေဆူ တွိုန် ဟဲ့ ဟွတ့် စိုပ် ခဲင် အိုမ် တွိုန် ဝါယ် ဟဲ့ လေး ဇဝ်ယေဆူ ခဲင် အိုမ် တွိုန် နဝ်း ဖွိုန် ဇဝ်ဖြာ ဘော ပီ မာဘ့လူယ် တး လူင့် ဒဲင် ဇဝ်ယေဆူ။ အာခြာဝ် အန် တီ ဇဝ်ဖြာ တွိုန် တ၀်း”။ အာတီ မုး ဂွန် အုဝ်၊ အုဝ် ဂါယ် အန် ဟဲ့ လာယ် ရွက့် ပီ ဘူင် အန် ဟဲ့ လုဝ် နဝ်း အုဝ် ။’’ ဂြုဝ်း တီ န့လေး ခဲင် ဂါင်ဟြာဝ် ပါယ် တီ။
ဇဝ်ဖြာ ကာလာင် ဒီ အာယောဟန်။‘‘ပဲ စိုပ် မဲ ခဲင် အိုမ် ဒူအီ အူ ဝီ တွိုန် အန် ဟဲ့ ဆီငါ ဘွတ့် အာရိပ် အန်ဟဲ့ ဘ့လောင် ဒီလေး၊ လွင်တး အန် တီ အန် မုး ဂွန် ဇဝ်ဖြာ အိမ်’’။ ခုဝ် အန် ဘော ကာလာင် ပါယ် တီ၊၊ ဇဝ်ဖြာ တီ အန် မုး ဇဝ်ဖြာ အူ ကာဒင် ။ခုဝ် အန် တီ အာယောဟန် တွိုန်၊ အာ ခြာဝ် ဟဲ့ ဘူင် ဒွါ အန် ဇဝ် ယေဆူ စိုပ် ခဲင် အိုမ် တွိုန် အန် ဘော ယိုဝ် ဂြုဝ်း ဂုန့် အန်၊ ဂွန် ဇဝ်ဖြာ ဇဝ်ယေဆူ တွိုန် အန် ဝီ ယိုဝ် အီ ဆီငါ ဘွတ့် ဟုဝ် ဒဲင် ဇဝ်ယေဆူ တွိုန်။
A Bible story from: Matthew 3; Mark 1:9-11; Luke 3:1-23