၁၁။ ဘ့လွယ် ပါဆာခါ

ဇ၀်ဖြာ ဟဲ့ ဘ့လေး၊ အာမု၀်ဆဲ ဂါယ် အာရူန်၊ ဟာ၀်ဒူပ် ခုန်ဒီခမ် ဖာရု၀်တွိုန်၊ ဂါယ်ဘောကာလာင်မှာန် တဲး ခုန် ဒီခမ်၊ ဒွါ ဒူအီ အီဆာရေလ ဂေတွိုန်လေး။ ဂါယ်တဝ်း၊ "ဆေမဲ ခုန်ဒီခမ် ဖာရုဝ်၊ တူဒွါ အာမျုဝ် ဒူအီ အီဆာရေလ ဂေလေး၊ ခဲင် မိူင် အဲဂိုပ်တီ၊ ဂွန်ဒူအီ၊ ဂေဂွန် ဒုဝ် ဆတ်တာဝါ အီဟဲ့ဂွိုတ် ဒီအာတ့်၊ ဘောကာဂ့ လျီတ့်၊ တဲး န့ယမ်တူတ့်"။ ဂါယ်ဟဲ့ ကာလာင် လွင် ဘ့လေး ဇဝ်ဖြာ ဆီဒိက် ပါယ်တီ။ ခုဝ်၊ ခုန်ဒီခမ် ဖာရုဝ် တွိုန်၊ အန်ဘောယိုဝ်၊ ဘောထူမ် ဂြုဝ်းပီ ကာလာင် ဂါယ်၊ အန်ယီ တူညှိမ်ဇဝ်ဖြာ။

ဇဝ်ဖြာ ဘောတဲးဂေ အီဟဲ့ညှိုမ်အန်၊ အန်ဘောတဲးဂေ ဘူင် အူမျုဝ်တီ၊ ကွဲ့တဲး ဂွန်ဂေယမ်။ ခုဝ်၊ ပီဟဲ့ ဘူင် အန်အူမျုဝ်တီ၊ အန်ဘောတဲး၊ ဂေအီဟဲ့ ညှိုမ်အန်၊ ခဲင် န့ဟူမ်ဂေ ဘောကာဂ့လျီတ့်၊ တဲးဂေ ငဝ်းမာဘူ အီ ဟဲ့ ဘွတ် အူဒုဝ်။ အူန့ဟူမ်တီ၊ ဂေဘောငဝ်း မာဘူ အီဟဲ့ဘွတ် အူဒုဝ်။

ဇဝ်ဖြာဘောတဲး၊ ဂေဖဝ်း နှာမ်မာဘူ တီ၊ ဒီမာလူဝ်းဂေ။ ဂေဟဲ့ဟွတ့်၊ ယင်အန် ဇဝ်ဖြာ ဘောတဲး၊ ဂေ ကာဝှါ ဒူပ် ခါမုန်၊ တဲးဂေ ဝီဟူမ်။ ခုဝ်၊ ဂေဟဲ့ဟွတ့်ဟူမ်၊ အန်ဘောတဲးဂေ န့ပြာယ်ဆီချာ။ ခုဝ်ဂေ လုဝ်လေး ဟာဝ်၊ ခဲင်မိူင် အဲဂိုပ်တီ။ အန်ဇဝ်ဖြာ ဟဲ့တဲး၊ ဂေဘူင်ပါယ်တီ။

အာမျု၀်ဒူအီအီဆာရေလဂေတွိုန်၊ ဂေဘောဘူင်တဲး န့ပီ၊ ပီ ကာလာင်ဇ၀်ဖြာဒီဂေ။ ဘောကာဂ့လျီတ့်။ ဟဲ့ဝီဇမ် အာခါန် အန်၊ ဇဝ်ဖြာ ဘောတဲး၊ ဂွန်အီ ဟဲ့ဂွိုတ် ဒီအာတ့်၊ ခဲင်မိူင် အဲဂိုပ် တွိုန်၊ ယမ်တူတ့် ဘောကာဂ့ လျီတ့်။

ဇ၀်ဖြာဘောဟဲ့နပ်၊ ဆေယီ ဟဲ့မို၀်းနှာမ်၊ ဒီမာလု၀်း၊ န့ဘောမုး၊ အာမျု၀်ဒူအီအီဆာရေလဂေ။ ခုဝ်၊ ဇ၀်ဖြာ ဘော ကာလု၀်း ဟာ၀်။ ဂေအီ ဟဲ့ကွယ် ခဲင်ကာင်တီ၊ ဂေယီ တူစိူမ် အာဆာက်ဂေ။ ဂေအာမျုဝ် ဒူအီ အီဆာရေလ တီ၊ နးဟဲ့မုး နှာမ် မာဘူတွိုန် အီဟဲ့ချွတ်အာဆာက်ဂေ။

ခုဝ်အန်တီ၊ အာမျုဝ် ဒူအီ အဲဂိုပ် ဂေတွိုန်၊ ဂေတူမိုဝ်းနဝ်း ညှိုမ်ဇဝ်ဖြာ။ ဂေတူ မိုဝ်းနဝ်း ထူမ်ဂြုဝ်းဇဝ် ဖြာ။ ခုဝ်၊ ဇဝ်ဖြာ တူမိုဝ်း၊ ဒီကာ လူဝ်းဟာဝ် ကာင်ဂေ။ ဇဝ်ဖြာ ဘောတဲးဂွန်ဂေ၊ အာမျုဝ် ဒူအီ အဲဂိုပ်၊ ယမ်တူတ့် ဘောကာဂ့လျီတ့်။

အာမျု၀်ဒူအီအဲဂိုပ်ဂေတွိုန် ဘောဂွန်ဂေ အီဟဲ့ကွယ် ခဲင်ကာပိုမ်ယမ်၊ ဘောဂွန်ခုန်ဒီခမ် ဖာရုဝ် ယမ်။ ခု၀်၊ ခဲင်မိူင် အဲဂိုပ်တွိုန်၊ န့ ဘောမို၀်းဒူအီ ကိူန့်၊ န၀်းလိူ၀် ဒတ့်ယာမ်တာင်။

ခု၀်၊ ခဲင်မှို၀်တီ၊ ခုန်ဒီခမ် ဖာရု၀် တွိုန်၊ အန်ဘောဒဲ့ အာမု၀်ဆဲဂါယ်အာရူန်။ အန်ဘောတ၀်း၊ ”ဒဲ့ဟာ၀် အာမျု၀် ဒူအီ အီဆာရေလ ဂေတီ၊ ဆီ တူနီ”။ အန်ကာလာင်ပါယ်တီ။ ခု၀်၊ ဘော အာမျု၀် ဒူအီ အဲဂိုပ်ဂေ၊ ဆုတ့် အာမျု၀် ဒူအီ အီဆာရေလ ဂေ၊ လေးဟာဝ်ခဲင်မိူင်ဂေ။

A Bible story from: Exodus 11:1-12:32