၄။ ဆာဒိက် အန်ဇဝ်ဖြာဂါယ် အာဘြာဟမ်

ဝါယ်ဟဲ့ဟွတ့် အိုမ်တာင်၊ ဆီနမ် အန်ဘောလှေန်ကိူန့်။ ခုဝ် ဒဲင်ကာဒါယ် မိူဝ် ဟဲ့ဝီမိုဝ်း ဒူအီ ကိူန့်။ ဒူအီ ဂေတီ ဂေဟဲ့ဘူင် အီတူမွှိုမ်ဂေ ဟဲ့ဘူင်မှာပ် နာအာတ့်ဇဝ်ဖြာ။ ဒေါအန်တီ ဂေဒူအီ အီကွယ်ဒဲင်ကာဒါယ် ဂေ ဘော ကာဂ့လျီတ့် ဟဲ့ကာလာင် ဂြုဝ်းအူမျုဝ်။ န့ဟဲ့ပီ၊ ပီဟဲ့ဒမ်ဇဝ်ဖြာ တဲးဒူအီ ဘြဲကိူန့် ဒဲင် ကာဒါယ်။ မာလဲ၊ ဂေဒူအီ တီဂေဘော ကွယ် ကာဇုတဝ်း ဒီဆမ်မိူင် အူမိူင်။

ဒူအီဂေတီ၊ ဂေနပ်အီနဝ်းဂေ ဒုဝ်ဂေ။ ဂေဟဲ့ဘူင် ပီဆီဘူင်ဂေ။ ဂေတူထူမ်ဂြုဝ်း ပီကာလာင်ဇဝ်ဖြာ ဒီဂေ။ ဂေဒူအီ တီ ဝီလာယ်ကာမွုန်တဝ်း တဲးအေဘူင် အုတ်တဲးအေဆမ် မိူင်အေ၊ ဘောဟုဝ်တာင်။ ဟုဝ်စာတဲး ကော ဇမ်ဂါင်ဟြာဝ်။ ဂေ ဘောဘူင် ပါယ်တီ။ အန်ဇဝ်ဖြာ ဘောလေးလူင် ယွတ်မိူင်ဂေ အန်ဘောယိုဝ် ဟုဝ်တာင် ဟုဝ် စာ ပီဘူင်ဂေ။ ခုဝ်၊ ဂေကြဲဝီနပ် ပီဘူင်ဟာဝ် ရိုမ်ဂေ၊ ကြဲဝီဘဲန်မှာပ် တာင်ဒီဂေ။

"လုဝ်လာယ်ကာယဝ်းဂြုဝ်းဂေ"၊ တဲးန့ဝီဘဲန်ဂြုဝ်း ဘဲန်မျုဝ်ဘဲန်မျုဝ်၊ တဲးဂေလာယ် ကာယဝ်း န့ပြတ့် ဟာဝ် ဒဲင်ကာဒါယ်နီ ဒွန်ဘ့လုဝ့်ဒွန်နာ၊ မိူင်ပီစုးဂေ ဒီဒဲတီ၊ န့စိူဝ် မိူင်ဘာဘဲ၊ လွင့်ဆီဖါဝ် စိူဝ်မိူင်တီ၊ န့မုးလာယ်ကာ ယဝ်း၊ လာယ်ကာဝှ်ုကာဝျှီန်။

ဆီနမ်အန်ဘောလှေန့် ကိူန့်ကာဆဝ်၊ အန်ဇဝ်ဖြာ ဝီကာလာင်ဂြုဝ်း ဒီဒူအီ အူဝီအန်စိူဝ် ဒါအာဘြာန်၊ ဇဝ်ဖြာတဝ်း။ "တဲးမဲလေးဟာဝ် ခဲင်မိူင်မဲ၊ လေးခဲင်ကာင် ဂုန့်မဲ၊ ဝဲန်ဘောဝါဝဲ မဲ၊ မဲလုဝ်ဟာဝ်မိူင် ပေါမိူင်ပီဒီ နှဲအုဝ် ဒီမဲ။ အုဝ်ဒီမွင့်ကာရာ တဲးဒီမဲ၊ အီဟဲ့တာင်၊ မိူင်ကွယ်မဲအုဝ် ဒီတဲးစိူဝ်မဲတာင်။ အာဆေ မွင့်ကာရာ ဒွါဒီမဲ၊ အုဝ်ဒီ မွင့် ကာရာ ဒွါဘောဒီအန်၊ အာဆေ အီဒိူက်မဲ၊ အုဝ်ဇဝ်ဖြာ ဒီဒိူက်အန်။ ကူပ်မဲ ဒူအီ၊ အီကွယ်ဒဲင်ကာဒါယ်၊ ဘောကာဂ့ လျီတ့် အုဝ်ဒီမွင့်ကာရာ"။ ဇဝ်ဖြာကာလာင်ပါယ်တီ။

ခုဝ်အန်တီ၊ ဟဲ့ဟွတ့်ဒါအာဘြာန်တွိုန်၊ ဘောဝီဘူင်ပီ၊ ပီဟဲ့ဒမ်ဇဝ်ဖြာ ဒီအန်။ ဒါအာဘြာန် ဘောဒဲ့အီဘေန့် အန်အီဟဲ့စိူဝ် နာင်ဆာရာယ်၊ ဘောဂေဒီ ဘဲအန်၊ အန်ဘောဒိုဝ်းဟာဝ် ဘောကြုဝ်ကြာမ်အန်၊ လေးဟာဝ်ဇမ် ခဲင် အိူင်ကာနန့်ပီဟဲ့ နှဲဇဝ်ဖြာဒီအန်။

ဒါအာဘြာန်တွိုန်၊ ဟဲ့ဇမ်အိူင်ကာနန့်၊ ဇဝ်ဖြာ ကာလာင် ဒီအန်တဝ်း၊ "ယွတ်ဂေအီ ဟဲ့ကွယ် ခူပ်မဲ။ ကာ ဒါယ်တီ အုဝ်ဟဲ့ဒွါဒီမဲ ဘောကာဂ့လျီတ့် ဘောဂေလှုက်လှာန် မဲဟဲ့ပွိုန်အာတီ။ ကာဒါယ်တီမဲ ဟဲ့ပွိုန်ဆေဆေ"။ ဇဝ်ဖြာကာလာင်ပါယ်တီ။ ဝါယ်အန်တီ ဒါအာဘြာန်တွိုန်မိူဝ်ဝီကွယ် ဒီတီ။

ကာဒူင်တီ န့ဟဲ့မိုဝ်း ဒါအီ ဘျာန်ဂြုဝ်းဇဝ်ဖြာ အီတာင် လွှိုမ်တူတ့် ဒွန်ဝီ။ အန်စိူဝ် အာမေခေဒေက်။ အူဆီ ငဲ ဒါအာဘြာန်တွိုန် အန်ဟဲ့ကာဂုဝ်း အာခြာဝ်တီအန်ဘောဝီ ယိုဝ် အာမေခေဒေက်တွိုန်။ အာမေခေဒေက် တီ အန် ဘောမွင့်ကာရာ ဒွါဒီ ဒါအာဘြာန် တွိုန်တဝ်း၊ "အုဝ်ဟဲ့ဒွါဒီမဲ မိူင် ဂါင်ဟြာဝ် ဂါယ်ကာဒါယ်တီ"။ ဟဲ့ဟွတ့် အန် ဘော ဆီခိုဝ် ဒီဇဝ်ဖြာ တဲးအန်ဇဝ် မွင့်ကာရာ ဒွါဒီ ဒါအာဘြာန်ခုဝ် အန်တီဒါအာဘြာန် တွိုန်၊ ကြုဝ်ကြာမ်ပီ ဟဲ့ကာ ဂုဝ်း ပီပဲ အန် ဒီရန်ဆူအန်တွိုန်၊ အန်ဘော ဒွါဒီ အာမေခေဒေက် ဂိုဝ်ဘုန်အူဘုန်။

ဆီနမ်အန်၊ ဂေမာဂျီန်အန်၊ ဘောလှေန့် မိူဝ် ဒါအာဘြာန်ဂါယ် နင်ဆာရာယ်တွိုန် ညှမ် မိုဝ်း ဂွန်။ ဇဝ်ဖြာ ဘောဝီကာလာင် ဂြုဝ်းဒီ ဒါအာဘြာန်တွိုန်၊ "မဲဟဲ့ပွိုန်ဂွန် အူဝီ လှုက်လှာန် မဲဂေ အာမျုဝ် မဲဒီ ဘော ကိူန့်ပီဆီ မန့်"။ ဇဝ်ဖြာဘ့လေးဂြုဝ်း ကာဒိက်ဆတ်ဇာ ပါယ်တီ ဒီဒါအာဘြာမ်။ ဒါအာဘြာန်တွိုန်၊ အန်ဟဲ့ညှိုမ် ဂြုဝ်း ကာဒိက်ဆတ်ဇာ ပီဒွါဇဝ်ဖြာ ဒီအန်။ ဇဝ်ဖြာ ဘောကာလာင်လွင် ညှိုမ် ဒါအာဘြာန်ဂြုဝ်း ကာဒိက်ဆတ်ဇာ အန်။

၀ါယ်အန်တီ၊ ဇ၀်ဖြာဟဲ့ဟွတ့် ဘ့လေး ကာဒိက်ဆတ်ဇာ ဒီဒါအာဘြာန်တွိုန်။ လွင် ကာဒိက်ဆတ်ဇာ တီ န့မုးဂါယ် ဘောအာဝီ ဟဲ့ဟွတ့် ဆီဖဝ် ဟဲ့ဟွတ့် လာယ်ဖြူမ်။ ခုဝ် အန်တီ၊ ဇဝ်ဖြာဘော တဲးဒါ အာဘြာန်ပွိုန် ဒီအိတ်ဆီချာ အာတီ န့ဟဲ့ မုး ဇဝ်ဖြာ ဒွါ ကာဒိက်ဆတ်ဇာ တီဒီအန်။ ခုဝ် ဒါအာဘြာန်တွိုန်၊ အန်ဘောယိုဝ် ဂြုဝ်းဇဝ်ဖြာ။ ဇဝ်ဖြာဝီကာလာင် ဂြုဝ်းတဝ်း၊ "မဲ၊ ဒုဝ်မဲ၊ နှမ်မဲ၊ ယင်မဲ ခုဝ်အုဝ် ဒီတဲး မဲမိုဝ်း ဂွန်အီမာယ် အူဝီ။ အိူင်ကာနန့် နီ၊ အုဝ်ဒီဒွါ နာပန်နီ ဟာဝ်ဘောဒီ ဂွန်မဲဂေ အာ မျုဝ်မဲ ဘော လူက်လှာန်မဲဂေ အုဝ်ဒီဒွါ။" ဇဝ်ဖြာ ကာလာင်ပါယ်တီ။ ခုဝ်အန်တီ၊ ဒါအာဘြာန်တွိုန် ညှမ်မိုဝ်းဂွန်။

A Bible story from: Genesis 11-15