၁၉ - ဒူအီဂေ မိုဝ်းအာငျာန် နပ်ဒီ ကာလာင်ဟာဝ် နာအာတ့်
ဇ၀်ဖြာ ဘော ဘ့လေး၊ ဒါ ဒေါမွိုန် အီ မို၀်း အာငျာန် နပ်ဟာဝ်နာအာတ့် အူ၀ီ ဟာ၀် ကာ ဒူင့် ကွဲ့ ဂေ ဒူအီ အီဆာရေလ ဂေ ဆေဆေ။ ဒါ ဒေါမွိုန် အီမို၀်း အာငျာန် နပ်ဟာဝ်နာအာတ့် တွိုန်၊ အန် ဘော ကာလာင် လွင် ဇ၀်ဖြာ တဲး ဂေ ယို၀်၊ တဲး ဂေထူမ်။
ခဲ့ မိူင် အီဆာရေလ ဂေ တွိုန်၊ န့ ဟဲ့ ဒဲမ် မို၀်း အာဟါတ်၊ အီ ဒဲမ် ဘဲန် ခုန်ဒီခမ်။ ခု၀်၊ န့ ဟဲ့ မို၀်း ဒါ အာ အေလိယ ဒေါ မွိုန် အီ ဟဲ့ မို၀်း အာငျာန် နပ်ဟာဝ်နာအာတ့်။ ခုန်ဒီခမ် အာဟါတ် တွိုန်၊ အန် ယီ မုး ခုန်ဒီခမ် ဟါယ် ကာဆ၀်။ အန် ဟဲ့ ဘူင် အာရိုပ် ရာင်၊ အီ စိူ၀် ဘာလ တဲး န့ ဘဲန် ဇ၀်ဖြာ တဲး ဒူအီ ဂေကြိုပ်။ ဒါ အာအေလိယ တွိုန်၊ အန် ဘော ကာလာင် တ၀်း၊ “ဇ၀်ဖြာ မဲ ပီ တူ ဒွါ မှာပ် ဒီ ဒူအီ ဂေ နီ”။ အန် ဘော ကာလာင် ပါယ်တီ။ အန်၀ီတ၀်း၊ “ဆေ အု၀် ယီ တ၀်း တဲး န့ ဂ့လါယ် အန် ဒီ ဂ့လါယ် ဆေ အု၀် တ၀်း ကွဲ ဂ့လာယ် ခဲ့ မိူင် အီဆာရေလ နီ အန် ယီ တူ ဂ့လာယ်”။ အန် ကာလာင် ပါယ်တီ။ ဟဲ့ ဟွတ့်၊ ခုန်ဒီခမ် အာဟါတ် တွိုန်၊ ဘော ရူ ကာဆ၀် ဒီ ဒါ အာအေလီယာ တွိုန်၊ အန် ဘော ဆုင်ဖျာတ် တ၀်း ဒီ င၀်း ယမ် ဒါ အာအေလိယ။
ဟဲ့ ဟွတ့်၊ ဇ၀်ဖြာ ၀ီ တိုယ် ဟာ၀် ဒါ အာအေလီယာ တွိုန်၊ ဟာ၀် ကွယ့် ခဲင် နင် ကာ ဒူင့် တူ ယို၀် ခုန်ဒီခမ် အာဟာတ် တွိုန်။ ဒါ အာအေလိယ တွိုန်၊ ဘော ဟာ၀် ကာဒူင့် တ၀်း ဇ၀်ဖြာ ဟာ၀် ဒီ အန် တွိုန်။ ဆိန့်၀း ဂါယ် ခဲင် မှို၀်၊ ဒူင် ဆီငဲ မာဆိန် ကိူန့် ဘော ဒို၀်း တး ခါမုန့် ဂါယ် ယင် တဲး အန် ပွိုန် ဒီ ဟူမ်။ ခုန်ဒီခမ် အာဟါတ် ဂါယ် ဂူနာန် အန် ဘော ဟြောတ့် ဒါ အာအေလိယ ဂေ ယီ တူ ယို၀် အန်။
န့ ဘော ၀ီ လှေန့်၊ ဘော တူ မို၀်း ဂ့လါယ် အိုမ် ကိူန့် ဘော ကာ ဟ၀်း ဘဲန် ကာဒါယ်။ ပန် တီ၊ ဒါ အာ အေလိယ တွိုန်၊ ဘော ဟာ၀် ကာဒူင့် ကာတတ် အန် ဟဲ့ မို၀်း မိူင် အူမိူင် အန် ဘော ဟာ၀် ဒီ တီ။ မိူင် တီ၊ န့ ယီ မို၀်း ယာဆာပြး ဂါယ် ဂွန် အန် အူ၀ီ ကွယ် ဒီ တီ။ ဂါယ် ဟဲ့ ဘူင် နာ ၊န့ ယီ တူ ဘဲန် ခု၀် အာ၀် မို၀်း အိုမ်။ န့ ဘော ဘဲန် ပါယ် တီ၊ မိူ၀် ဂါယ် ဟဲ့ ယွတ် ဆီချာ ဒါ အာအေလီယာ တွိုန်။ ခု၀်၊ ဇ၀်ဖြာ ဘော မွင့်ကာရာ ဒီ ဂါယ်။ ယာဆာပြး တွိုန်။ ဟဲ့ ဇမ်၊ အာခါန် အေတ့် ပီ ဒီ ဟူမ် ဂါယ် ယီ တူ အေတ့် ပီ ဒီ ဟူမ် ဂါယ် ဟဲ့ မို၀်း ပီ ဒီ ဟူမ် ဆေဆေ။ ဒါ အာအေလီယာ တွိုန်၊ ကွယ် ဒီ တီ အာ ဒါ အူယ်ဆီနမ်။
အူယ် ဆီနမ် ဇ၀်ဖြာ ဘော ၀ီ စ်ု ဒါ အာအေလီယာ တွိုန်၊ တဲး န့ ၀ီ ဂ့လာယ် အန် ဘော ဂ့လာယ် ပါယ် တီ။ ဇ၀်ဖြာ စ်ု ဒါ အာအေလိယ ဟာ၀် ကာလာင် ဂြု၀်း၊ ဒီ ခုန်ဒီခမ် အာဟါတ် တွိုန်၊ ဒါ အာအေလီယာ တီ အန် ဘော ၀ီ ဟာ၀် ကာ ဒူင့် ကွယ် အာဟာတ်။ အာဟါတ် ဘော ၀ီ ယို၀်၊ ဒါ အာအေလီယာ တွိုန် အန်တ၀်း၊ “အော၊ မဲ ကွယ် မိူ၀် ဒီ နေ မဲ ဟဲ့ မုး ဒူအီ အီ ဒွါ ဒုက် အူ၀ီ”၊၊ အန် ကာလာင် ပါယ်တီ။ ဒါ အာအေလီယာ ၀ီ တ၀်း၊ ဒီ အန် “မဲ ဟဲ့ တဲး ဒုက်၊ မဲ ဟဲ့ ၀ဲန် ဇ၀်ဖြာ ယေ ၀ါ။ ဟဲ့ မုး ဇ၀်ဖြာ မှာန် အာခ်ု။ ခု၀်၊ မဲ ဘော ဘူင် တဲး ဒူအီ ဂေ ကြို၀်၊ ဘာလ တွိုန်။ ဆီ တူ နဲ မဲ လု၀် ဒဲ့ ဟာ၀် ဒူအီ အီဆာရေလ ဂေ၊ အီ ကွယ် ခဲင် ဟု၀် မဲ တွိုန် မဲ လု၀် ဒဲ့ ဟာ၀် ဂေ ဒဲင် နွန် ကရမေလ တွိုန်”။ အန် ဟဲ့ ကာလာင် ပါယ်တီ။
ပန် တီ၊ ဒူအီ ခဲ့ ဟု၀် မိူင် အီဆာရေလ ဂေ၊ ဘောကာဂ့လျီတ့် ဟဲ့ ဟာ၀် ကာ ဒူင့် ကွယ် နွန် ကရမေလ တွိုန် ဘော ဂေ ဒူအီ အီဘျာန် ဂြု၀်း ဒီ ဘာလ တွိုန် ဒူပ် ဟာ၀်။ ဂေ ဒူအီ ကိူန့် တီ၊ ဂေ ဟဲ့ မုး၊ ဒူအီ မို၀်း အာငျာန် နပ်ဒီခဲ ဟာဝ်နာအာတ့် ဒီ ဘာလ တွိုန်၊ ဒူအီ ဂေ တီ ဘောကာဂ့လျီတ့် မုး ဖွုန် မာယ၀်း ဒီ ဖန်ဂို၀်။ ဒါ အာအေလီယာ တွိုန် ၀ီ တ၀်း၊ ဒီ ဂေ ဒူအီ ကိူန့် တွိုန်၊ “မှ၀် န့ ပါယ် အာ၀်လှေန့် အာ၀်လှေန့် ဘေ ပီ နပ် ဒီ ဘျွင် န၀်း ဘေ။ ဆေ ယေ၀ါ တွိုန် မုး၊ ဇ၀်ဖြာ ဘေ လု၀် ကြိုပ် ယေ၀ါ တီ၊ ဆေ ဘာလ တွိုန် မုး၊ ဇ၀်ဖြာ ဘေ လု၀် ကြိုပ် ဘာလ တီ”။ အန် ဟဲ့ ကာလာင် ပါယ် တီ။
၀ါယ် အန် တီ၊ ဒါ အာအေလီယာ တွိုန် ဘော တဲး ဒူအီ ဒါ အီဘျာန် ဂြု၀်း မိုဝ်းအာငျာန်နပ် ဒီခဲဟာဝ်နာ အာတ့် ဒီ ဘာလ ဂေ တွိုန်၊ “င၀်း မာမက် အူဒု၀် ကာဇေ့ ယင် အန် ဘဲန် ကာဆိတ် ဘဲန် ကာဆိတ် ဘ့လေး ဒဲင် မာလာင် လှူ ဒီ ဇ၀်ဖြာ။ ခု၀် အာ၀် မို၀်း ပလူမ် င၀်။ ခု၀်၊ အု၀် ဟဲ့ လှူ ဒီ မာလာင် ဇ၀်ဖြာ ကာ ဒူင့် ဟာ၀် အု၀် ဟဲ့ ဘူင် ပါယ် နီ။ ခု၀်၊ ဆေ ဇ၀်ဖြာ ဟဲ့ ဘူင် လေး င၀် ဒီ မာလာင် လှူ နီ ဘေ ဒီ နပ် မုး၊ အန် ဇ၀်ဖြာ မှာန် အာခ်ုခါ”။ အန် ဟဲ့ ကာလာင် ပါယ် တီ။ ပန် တီ၊ ဒါ အီ မိုဝ်းအာငျာန်နပ် ဒီခဲဟာဝ်နာအာတ့်၊ ဘာလ ဂေ တွိုန် ဘော န့ မ့ပြာယ် မာလာင် လှူ ဒီ ဇ၀်ဖြာ တွိုန် င၀် ယီ တူ ကုး ဒဲင်အန်။
ခု၀်၊ အု၀် ဟဲ့ လှူ ဒီ မာလာင် ဇ၀်ဖြာ ကာ ဒူင့် ဟာ၀် အု၀် ဟဲ့ ဘူင် ပါယ် နီ။ ခု၀်၊ ဆေ ဇ၀်ဖြာ ဟဲ့ ဘူင် လေး င၀် ဒီ မာလာင် လှူ နီ ဘေ ဒီ နပ် မုး၊ အန် ဇ၀်ဖြာ မှာန် အာခ်ုခါ”။ အန် ဟဲ့ ကာလာင် ပါယ် တီ။ ပန် တီ၊ ဒါ အီ မိုဝ်း အာငျာန် နပ်ဒီ ခဲဟာဝ်နာအာတ့်၊ ဘာလ ဂေ တွိုန် ဘော န့ မ့ပြာယ် မာလာင် လှူ ဒီ ဇ၀်ဖြာ တွိုန် င၀် ယီ တူ ကုး ဒဲင် အန်။
ဒါ အီ မိုဝ်းအာငျာန်နပ် ဒီခဲဟာဝ်နာအာတ့်၊ ဘာလ ဂေ တွိုန် ဂေ ဟဲ့ ဆာခို၀် ဒီ ဘာလ တွိုန်၊ ဆီငဲ အန် ဟဲ့ ဟွတ့် တူတ့် ဒီ ပန် အန် ဂေ ဘော ၀ီ စု၀် ပီ ဆာခို၀် ဂေ။ ၀ါယ် အန် တီ၊ ဒါ အာအေလိယ တွိုန်၊ ဘော ၀ီ ဒို၀်း မာမက် ပေါ အူဒု၀် ၀ီ ဘ့လေး ဒဲင် မာလာင် လှူ ဒီ ဇ၀်ဖြာ တွိုန်၊ အန် ဘော စ်ု ဂေ ဒို၀်း တး အိုမ် အန် ၀ီ လှု၀်း ဒဲင် ယင် ဂါယ် ဒဲင် မာလာင် လှူ ဒီ ဇ၀်ဖြာ တွိုန် တဲး န့ ဝီအမ်ညတူတ့် ဘောဒဲင် ကာဒါယ်။
၀ါယ် အန် တီ၊ ဒါ အာအေလီယာ တ၀်း။ “ယေ၀ါ၊ ဇ၀်ဖြာ ဒါ အာဘြာန်ဟမ်၊ အာဆဲက် ဂေ အာကူပ်။ ဘေ ဟဲ့ မုး၊ ဇ၀်ဖြာ အီဆာရေလ။ အု၀် ဟဲ့ မုး၊ မှာယ် ဘေ ဘျာ ဒီ ယေ အာတို၀် နီ၊ ဘော ဒီ ဂေ ဒူအီ ကိူန် ဂေ နီ၊ ဘျာမုး၊ ဘေ ဇ၀်ဖြာ မှာန် အာခ်ု ၊ခါ နီ ဒွါ တဲး ယေ ယို၀် နပ် မုး ဘေ ဇ၀်ဖြာ မှာန်”။ အန် ဘော ဆာခို၀် ပါယ် တီ။
င၀် ဘော တး အူဇေန့်၊ ခဲင် ဂါင်ဟြာ၀် တဲး ယင်၊ ဂေ ဟေ ကာဒါယ် ဘော အိုမ် အီ ကွယ် ဒူပ် မာလာင် တွိုန် ကာဆိူမ် တူတ့်။ ဒူအီ ကိူန် ဘော ဂိုပ် ဒဲင် ကာဒါယ် တ၀်း “ယေ၀ါ ဟဲ့ မုး ဇ၀်ဖြာ။ ယေ၀ါ ဟဲ့ မုးဇ၀်ဖြာ“ ဂေဟဲ့ တ၀်း ပါယ် တီ။
၀ါယ် အန် တီ၊ ဒါ အာအေလီယာ တ၀်း၊ “ကွဲ့ ဘ့လေး ဟာ၀် ဂေ ဒါ အီဘျာန် ဂြု၀်း ဘာလ ဂေ တွိုန်“ အန် မိုဝ်းအာငျာန်နပ်ဒီခဲဟာဝ်နာအာတ့် ဟဲ့ ကာလာင် ပါယ်တီ။ ပန်တီ၊ ဂေ ဒူအီ ကိူန့် ဘော မှေတ့် ဒါ အီဘျာန် ဂြု၀်း ဘာလ ဂေတွိုန်၊ ဒဲ့ ဟာ၀် ဂေ ကာ ဒူင့် တူင့် အန်၊ င၀်း ယမ် ဂေ။
၀ါယ် အန် တီ၊ ဒါ အာအေလီယာ တွိုန်၊ တ၀်း ဒီ ခုန် ဒီ ခမ် အာဟါတ်၊ ”၀ေဲန့် ဒီ ကာင် မဲ အူဇေန့် အန် ဒီ ဂ့လါယ် ခု၀် အန်”။ ပန် တီ၊ ဂါင်ဟြာ၀် ဘော အပ် ၀ွင့် န့အုန် န့ ဘော ၀ီ ဂ့လါယ်။ ယေ၀ါ တွိုန်၊ ဟဲ့ တဲး ဂ့လာယ် စုး တွိုန်၊ အန် ဘျာ မုး အန် ဇ၀်ဖြာ မှာန် အာခါခ်ု ။
ဒါ အာအေလီယာ တွိုန်၊ ဟဲ့ ဟွတ့်ဘူင် တူတ့် ဂါန်အန်ဇ၀်ဖြာ။ ၀ီ ရ၀်း ဒူအီ ပေါ အူ၀ီ ဘဲန် ဒါ အီမိုဝ်း အာ ငျာန် နပ်ဒီခဲဟာဝ်နာအာတ့် ဇ၀်ဖြာ။ အန် စိူ၀် အာအဲလီဆေ၊ ဇ၀်ဖြာ ဟဲ့ ဟွတ့် ရ၀်း အာအဲလီဆေ တီ၊ အန် ဘော ဘူင် အီမွှိုမ် အာန် ကာဆ၀်။ ခု၀်၊ အီမွှိုမ် အာန်၊ ပီ ဟဲ့ ဘူင့် ဇ၀်ဖြာ အူမျု၀် ဘော ၀ီဇမ် ဒီ ဒူအီ အူ၀ီ အီ စိူ၀် အာနေ မာန်။ အန် ဟဲ့ မုး၊ ဒါ အီ အိုပ် ရန်ဆူ အူ၀ီ။ အန် ဘော မို၀်း၊ ရောဂါ ဟုန် န့လျက်။ အာနေမာန် တွိုန် အန် ဘော ယို၀် ဆီဒါင် အာအဲလီဆေ တွိုန်၊ အန် ဘော ဟာ၀် ဇမ် မှာန် တဲး အာအဲလီဆေ ဆီနမ် အန် တဲး ဆ၀် အန် ဟြာယ် အာ အဲလီဆေ တွိုန် တ၀်း၊ ဒီ အာနေမာန် မဲ လု၀် ဟာ၀် မိူင် ယောဒါန်၊ ဟဲ့ ဇမ် ဒီ တီ မဲ ဘော စိုပ် မဲ ခဲင် အိုမ် ဘူဇေန့်။
ခု၀်၊ အန် ဟဲ့ ကာလာင် ပါယ် တီ အာနေမာန် တွိုန်၊ ထာင် အာအဲလီဆေ ထာင် အန်မုး၊ ဒါရို၀် အန် ဘော ရူ ကာဆ၀်၊ အာ တီ။ ဟဲ့ ဟွတ့် ၀ါယ် အန် တီ၊ အာနေမာန် တွိုန် န၀်း အန် ဘော ၀ီ ဘျွင်၊ အန် ဘော ၀ီ ဟာ၀် ဇမ် အိုမ် ယောဒါန် တွိုန်၊ အန် ဘော စိုပ် အန် ခဲင် အိုမ် ဘူဇေန့်။ အန် ဘော စိုပ် အန် ခဲင် အိုမ် ဘူဇေန့် ဟဲ့ ဂိတ်၊ အူ ဇေန့် တီ၊ အန် ဘော စိုပ် အန် ဟဲ့ ဟွတ့် အန် ၀ီ လေး၊ ခဲင် အိုမ် တွိုန် ဇ၀်ဖြာ ၀ီ တဲး ဆ၀် အန် ဟြာယ်။
ဇ၀်ဖြာ ဘော ဘ့လေး ဟာ၀်၊ ဒါ အီမိုဝ်းအာငျာန်နပ်ဒီခဲ ဟာဝ် နာအာတ့်ဇ၀်ဖြာ ကိူန့် ဟာ၀် ဇမ် ကာဒူင့် ကွယ် အီဆာရေလ ဂေ။ ဒူအီ ဂေ တီ၊ ဘောကာဂ့လျီတ့် ဟဲ့ ဘူင် အာရိုပ် ရာင် တီ။ ဟဲ့ ဟွတ့်၊ ဒါ အီမိုဝ်းအာငျာန် နပ်ဒီခဲဟာဝ်နာအာတ့် ဇ၀်ဖြာ ဂေ ဘော တ၀်း၊ “တဲး ဘေ မို၀်း န၀်း လာ ရွက့် န၀်း လာ ကာ၀ေ”။ ဒူအီ ဂေ တီ၊ ဂေ ဟဲ့ ဘူင် အီ တူမွှိုမ်၊ ဒါ အီ မိုဝ်းအာငျာန်နပ် ဒီခဲဟာဝ်နာအာတ့် ဇ၀်ဖြာ ဂေ ဘော ၀ီ ကာလာင် တ၀်း၊ “တဲး ဘေ ကြိုပ် ဇ၀်ဖြာ တဲး ဘေ ထူမ် ဂြု၀်း ဇ၀်ဖြာ”။ ခု၀်၊ ဆေ ဒူအီ ကိူန့် ဂေ တီ၊ တူ ထူမ် ဂြု၀်း ဇ၀်ဖြာ ပီ ကာလာင် ဇ၀်ဖြာ။ ဇ၀်ဖြာ ဘော တ၀်း၊ “ဂေ ဟဲ့ မို၀်း မှာပ်၊ တဲး ဂေ ခမ် မှာပ် ပီ ဒွါ အု၀် ဒီ ဂေ”။
ခု၀်၊ ဂေ ဟဲ့ ကိူန့် ဒူအီ ကိူန့် တူ ထူမ် ဂြု၀်း ပီ ကာလာင် ဇ၀်ဖြာ။ ဂေ ဒူအီ ကိူန့် တွိုန်၊ ဂေ တူ ထူမ် ဂေ ဂြု၀်း ဂေ ၀ီ တူ ယွတ် ဆီချာ ဂေ ဒါ အီဘျာန် ဂြု၀်း ဇ၀်ဖြာ တွိုန်၊ မန်ဇေန့် ဂေ ဘူင် ဘော ၀ီ င၀်း ယမ်။ အူဇေန့် ဒါ အီမိုဝ်းအာငျာန်နပ်ဒီခဲ ဟာဝ်နာအာတ့် ဇ၀်ဖြာ၊ အီ စိူ၀် အာဆေရာမီ အူ၀ီ၊ ဂေ ဘော ဘျွာ အန် ခဲင် အိုမ် န့ခြိုမ် အီ ဟဲ့ ကာပျာတ့် တဲး အန် ယမ်။ အန် ဘော စေတ့် ဇမ် အီ ခြိုမ်။ ခု၀်၊ ခုန်ဒီခမ် ဘော မို၀်း န၀်း ကာ၀ေ အာအေရာမီ တွိုန်၊ အန် ဘော စ်ုမှာယ် အန် ဒို၀်း လေး အာအေရာမီ တွိုန် ခဲင် အိုမ်။
ဒါ အီ မိုဝ်းအာငျာန်နပ်ဒီခဲ ဟာဝ်နာအာတ့်ဇ၀်ဖြာ ဂေ တွိုန်၊ ဒူအီ ကိူန် ဘော တူ ထူမ် ဂြု၀်း ဂေ၊ ဘော ရူ ဒီ ဂေ မိူ၀်။ ဂေ န ကာလာင် ဟာ၀် ပီ ကာလာင် ဇ၀်ဖြာ ဒီ ဂေ ပါယ် တီ။ ခု၀်၊ ဆေ ဒူအီ ကိူန် ဂေ တီ၊ တူ န့ လူ၀်း မှာ၀် ဂေ၊ ဇ၀်ဖြာ ဟဲ့ ဘ့လေး ဆာဒိ ဒီ ဂေ၊ အန် ဒီ ပျာက့် ၀ဲန့်။ ဇ၀်ဖြာ ဟဲ့ ၀ီ တ၀်း၊ ဒီ ဂေ ဘ့လေး ကာဒိက် ဆတ်ဇာ တဲး ဒူအီ ဂေ တီ၊ ဟာ၀် ဇမ် ကာဒူင့် ကွယ် မေဆီယ တွိုန်။
A Bible story from: 1 Kings 16-18; 2 Kings 5; Jeremiah 38