၇။ လွင်ဇ၀်ဖြာ ဟဲ့မွင့်ကာရာဒွါဒီ 'အာကူပ်'
ခု၀်အန်တီ၊ ဂွန်အီမာယ် အာဝီတွိုန်၊ ဂါယ်ဘော ဟဲ့ဝီတာင်။ အာကူပ်တွိုန်၊ အန်ယီနှိမ်၊ အန်ကွယ်အီခဲင် ထိုပ်ဂါယ် ခဲင်ကာင်အန်။ အာဆုဝ်တွိုန်၊ အန်အိုင်ဒီကွယ် အီခဲင်ပြဲ ဘူင်ဒါမူဆိုဝ်၊ ဒူပ်ဒီမှေတ့် မာဒုဝ်ပြဲ။ နာင်ဘဲက် တွိုန်၊ အန်ယီရွက့် အာကူပ်။ ဒါအာဆဲက်တွိုန်၊ အန်ယီရွက့်အာဆုဝ်။
ဟဲ့ ဇမ်၊ အူဆီငဲအာဆု၀်တွိုန်၊ ဘောဟာ၀်ခဲင်ပြဲ။ မှေတ့် မာဒုဝ်ပြဲ။ အန်ဟဲ့ဝီတး အန်ဘောကာပြာန့် ကာဆဝ် ပီဒီ ဟူမ်။ အန်ဝီတဝ်း ဒီအာကူပ် "တဲးအုဝ်ဟူမ် အီစျီက်ပီဟဲ့ဒင်မဲ"။ ဟဲ့ဟွတ့် အာကူပ် ဝီတဝ်း ဒီအန်။ "မဲဟဲ့မုး ဂွန်ဂိန့်၊ ခုဝ်ပီ ဟဲ့ပွိုန်မဲ ဂွန်ဂိန့်တီ၊ မဲလုဝ် ဘ့လေး ကာဒိက်ဆတ်ဇာ၊ အာတီဒွါ တူတ့်ဒီအုဝ်၊ တဲးအုဝ်ဝီ ဘဲန်ဂွန်ဂိန့်"။ အန်ကာလာင်ပါယ် တီ။ ပန်တီ၊ အာဆုဝ်ဝီတဝ်း၊ "အုဝ်ဟဲ့ဘ့လေး ကာဒိက်ဆတ်ဇာအုဝ်၊ ဒီဒွါတူတ့် ဒီမဲအာတီ။ ခုဝ်၊ အန်ဟဲ့ဘ့လေး ကာဒိက်ဆတ် ဇာ ပါယ်တီ။ အာကူပ် တွိုန် ဘောဝီဒွါအီစျီက်၊ ပီဒီဟူမ်ဒီအန်။
ဒါအာဆဲက်တွိုန်၊ အန်ဆီမွင့်ကာရာဒွါဒီအာဆု၀်။ ခုဝ်အန်တီ၊ အေတ့်ညှမ်မိုဝ်းဒါ အာဆဲက်တွိုန် မွင့်ကာ ရာ ဒွါဒီ အာဆုဝ်။ နာင်ဘဲက်ဂါယ် အာကူပ်တွိုန် ဂါယ်ဘော ကာလုဝ်တဝ်းဂါယ်မုး၊ အာဆုဝ်။ ခုဝ်၊ ဒါအာဆဲက် တွိုန် အာဆာက် အန် ဟဲ့ဟွတ့် ကိူန့်၊ အန်ဟဲ့ဟွတ့်ကတ်၊ ငါယ်အန်ဟဲ့ဟွတ့် ကာတုန်။ ခုဝ်အန်တီ၊ အာကူပ် တွိုန်အန်ဝီဒိုဝ်း စှိုပ်ခြိုင် အာဆုဝ် ဒီ အန်။ အန်ဘောဒိုဝ်း ဘောဟုန်မာပဲ ဘ့လေးဒဲင် ကူမ်အန်၊ ဘောဒီဒဲအန်၊ တဲးန့ ကာဘိတ်ဒုဝ်အန်။
အာကူပ်တွိုန်၊ အန်ဝီတး ဒူပ်ဂုန့် အန်ဒါအာဆဲက်၊ အန်ဝီတဝ်း၊ "အုဝ်ဟဲ့မုး အာဆုဝ်။ ဂုန့်၊ မှဝ်ပီဒီ ဒွါမဲဒီအုဝ်။ တဲးမဲ မွင့်ကာရာ ဒွါဒီအုဝ်၊ အုဝ်ဟဲ့တး ဒိုဝ်းအာတီ"။ ဒါ အာဆဲက်တွိုန် အန်ဘောဝီပါဟုန် မာပဲဘော အုတ်ဟုတ် မာပဲတီ။ အန်ဟဲ့ ထာင်အာဆုဝ်၊ အန်ဘောဝီ မွင့်ကာရာ ဒွါဒီ အာကူပ်။
အာကူပ်တွိုန်၊ ပီ ဟဲ့လုဝ်ပွိုန် အန်ဂွန်အီ ဟဲ့ဂွိုပ် ဒီအာတ့် ဂါယ်ပီလုဝ် ဂုန့်အန် မွင့်ကာရာ ဒွါဒီအန်တီ။ ကူပ်ဟဲ့ပြာ ကလုဝ်အာကူပ် ဒီအန်။ အန်ဘောရူကာဆဝ် ဒီအာကူပ်၊ ဟဲ့ဟွတ့်၊ အန်ဘောတဝ်း၊ ဒီငဝ်း အာကူပ်။
ခုဝ်အန်တီ၊ နာင်ဘဲက်တွိုန် ဘောဟဲ့နပ်၊ လွင်တဝ်း အာဆုဝ်၊ ဒီငဝ်းယမ် အာကူပ် တွိုန်။ အန်ဘောဝီ တဲး အာကူပ် ဟာဝ် ကွယ်ဒူပ် အာမျုဝ်အန်ဂေ၊ ကာဒူင်တူင့်အန်။
အာကူပ်တွိုန်၊ အန်ဟဲ့ကွယ်ရိုမ်ဒူပ်အာမျု၀်နာင်ဘဲက်တွိုန်၊ အန်ဟဲ့ကွယ် ဆီနမ် အန်ကောလှေန့်ကိူန့် ကာဆဝ်။ အာခါန်တီ၊ အန်ဟဲ့ဟွတ့် ခတ် ဟဲ့ဟွတ့်မိုဝ်း၊ အီဘေန့်ဘော ဂွန် အီမာယ် ဂိုဝ် ဒီအာဝီ၊ ဂါယ်ဂွန် အီဘေန့် အူဝီ။ အန်ဟဲ့မိုဝ်း ဂွန်။ ဇဝ်ဖြာ ဟဲ့ဘူင် တဲးနဝ်း အန်ဒါခိုယ် ကာဆဝ်။
အာကူပ်တွိုန်၊ အန်ဟဲ့ မိုဝ်းကာင်ခဲင်မိူင် ကာနန့်တွိုန်။ အန်ဟဲ့ ကာတူင့် ဒီကာင် အန်တီ၊ ဟဲ့နုဝ့် အာဂိုဝ် ဆီနမ်။ ပန်တီ၊ အန်ဘောဝီ ဒဲ့ဟာဝ် အီဘေန့် အန်ဂေ ဂွန်အန်ဘော ဂူလီအန် ကိူန့်ဘော ဒုဝ်ဆတ်တာ ဝါပီ ဟဲ့ ဟျီင်အန်။ အန်ဘော ဝီဒဲ့ဟာဝ် ဂေမိူင် ကာနန့်။
အာကူပ်တွိုန်၊ အန်ဘောထာင် အာဆုဝ် ဟဲ့ဆီငဝ်းအန်။ အန်ဘော ယုဝ်ကာဆဝ် အာဆုဝ်။ ခုဝ်အန်တီ၊ အန်ဘော ဒွါဒုဝ်ဆတ်တာဝါ ကိူန့် ဒီအာဆုဝ် တဲးန့ ဘဲန်လာဆွင် ဒီအန်။ ဂူလီ အန်အီ ဟဲ့ဒိုဝ်းတး ဒုဝ်ဆတ်တာဝါ ဂေတွိုန်ဘောတဝ်း၊ ဒီအာဆုဝ် "ဝါမဲ အာကူပ် အီဟဲ့ဒွါ ဒုဝ်ဆတ်တာဝါ တီဒီမဲ။ အာဝ်ဘောလှေန့် အန်ဒီတး"။ ဂေဟဲ့ကာလာင်ပါယ်တီ။
ခုဝ်အန်တီ၊ အာဆုဝ်တွိုန် အန်ဘောအာဝ် ရူဒီအာကူပ်။ အန်ဘောလုဝ် ယိုဝ်အာကူပ်တွိုန် နဝ်းအန်ဟဲ့ ဒါခိုယ်ခူယ် ကာဆဝ်။ ခုဝ်၊ ဂါယ်အူကတ် အူဝါတီ ဂါယ်ဘော ကွယ်ဒါခိုယ်ခဲင်မိူင် ကာနန့်။ ဝါယ် အန်တီ ဒါ အာ ဆဲက် ဘောဝီယမ်၊ အာကူပ် ဂါယ် အာဆုဝ်တွိုန် ဘောဝီဒိုဝ်း ဒုဝ်ဂုန့်ဂါယ်၊ ဝီဟာဝ် ဒိပ်ခဲင် ကာဒါယ်။ ခုဝ်၊ ပီဟဲ့ ဘ့လေး ဇဝ်ဖြာ ဆာဒိက် ဒီဒါ အာ ဘြာန်ဟမ်တွိုန် ဟဲ့ဝီဇမ်ဒီအာကူပ်။
A Bible story from: Genesis 25:27-35:29