၁၀ - ကပ်ဘေႏတန် ဆီဗာႏ

ဘုရာꩻသျင်ꩻနဝ်ꩻ ‘ဖာရောခွန်’ အီငြင်ꩻကတူႏဆွော့ဆွုမ်ႏသီး ဖေႏသတိလွေꩻခန်း ‘မောရှေ’ တွမ်ႏ ‘အာရွန်’ နုဲင်းနဝ်ꩻသွူ။ ဝွေꩻသီးဖုံႏ လွေꩻသွူ ‘ဖာရောခွန်’ ထျꩻတဲင် ဝွေꩻသီးဖုံႏ “ယိုနဝ်ꩻ ထွာ ‘ဣစရေး’ ဘုရာꩻသျင်ꩻဒေါ့ꩻသွူ၊လွေꩻခွင်ꩻဖေႏသွော့ꩻ နီလိုꩻဖုံႏ” ဒေါ့ꩻရိုꩻနုဲင်းနဝ်ꩻသွူ။ ကွဲႏတွော့ꩻ ‘ဖာရောခွန်’ နောဝ်ꩻ တနာႏတဝ်းဝွေꩻသီးငဝ်းဖုံႏ တဲင် လွေꩻခွင်ꩻအီဖေႏ ‘ဣစရေး’ လိုꩻမျိုꩻတွမ်ႏရိုꩻမွိုန်း ထွဉ်ႏမာꩻကျပ်ထဲင်းဝွေꩻသီးထာꩻမာꩻ၊ ထွဉ်ꩻတရာꩻတဝ်းဝွေꩻသီးဖုံႏသွူ။

‘ဖာရောခွန်’ နဝ်ꩻ ကွပ်ဖေႏတဝ်း ‘ဣစရေး’ လိုꩻဖုံႏလွေꩻခွင်ꩻ ကွပ် ငြင်ꩻဆွုမ်ꩻတဲင် ဘုရာꩻသျင်ꩻ ‘အီဂျစ်’ ကို အွဉ်ႏထွာခန်းဒျာႏ ငမ်းခရာႏ ကပ်ဘေႏတန်ဆီဗာႏနဝ်ꩻသွူ။ အဝ်ႏကပ်ဘေႏယိုတဆျွုက် ဘုရာꩻသျင်ꩻနောဝ်ꩻ ခွေယိုတန်ခိုꩻအာႏရဲင်ꩻတန်ကယ်ꩻထဲင်း ‘ဖာရော’ ခွန်တွမ်ႏ ‘အီဂျစ်’ သီး တနံဘုရာꩻအကျောင်ꩻအွဉ်ႏနယ်ခန်းနုဲင်း နောဝ်ꩻသွူ။

ဘုရာꩻသျင်ꩻနဝ်ꩻ နိုင်းထီခြောင်ယို ပြောင်ꩻထွာလုဲင်သွီႏခြောင်ရိုꩻကီလဲ့ ‘ဖာရော’ ခွန်နဝ်ꩻ လွေꩻခွင်ꩻတဖေႏတဝ်းဒွုမ်း ‘ဣစရေး’လိုꩻမျိုꩻဖုံႏနဝ်ꩻသွူ။

ဘုရာꩻသျင်ꩻနဝ်ꩻ ‘အီဂျစ်’ တခမ်းလွုမ်း အွဉ်ႏစွခန်းဒျာႏ ဒေႏဖုံႏတဲင် ‘ဖာရော’ ခွန်နဝ်ꩻ ဖေႏကဝါးထန်းထိုꩻဒေႏဖုံတဲင် တောင်ꩻပြန်ႏခန်း ‘မောရှေ’ နဝ်ꩻသွူ။ နဝ်ꩻတွော့ꩻ ဒေႏဖုံႏကထွိုင်ႏသီထိုꩻလို့နဝ်ꩻ ‘ဖာရော’ ခွန်သꩻရာႏယိုကျံႏထန်ꩻလွဉ်ယင်းတဲင် ‘ဣစရေး’ လိုꩻမျိုꩻဖုံႏ ထန်ႏခွင်ꩻတဖေႏတဝ်းဒွုမ် ‘အီဂျစ်’ သွူ။

နဝ်ꩻတွော့ꩻ ဘုရာꩻသျင်ꩻနဝ်ꩻအွဉ်ႏလွစ်သွူ ‘တကျင်’ ဖုံႏတဲင်အွဉ်ႏထွာခန်းဒျာႏကပ်ဘေႏနဝ်ꩻသွူ။ နဝ်ꩻဆ ချာ ဘုရာꩻသျင်ꩻနဝ်ꩻ အွဉ်ႏလွစ်သွူ ‘ဖီႏထူꩻ’ ဖုံႏတဲင် အွဉ်ႏထွာလွေꩻခန်း ကပ်ဘေႏနဝ်ꩻသွူ။ ‘ဖာရော’ ခွန်နောဝ်ꩻ ဟဲ့ခန်း ‘မောရှေ’ တွမ်း ‘အာရုန်’ တဲင် မဉ်ႏအွဉ်ႏနွိုင်းဖေႏ နီကပ်ဘေႏဖုံႏနဝ်ꩻ ‘ဣစရေး’ လိုꩻမျိုꩻယိုထန်ႏခွင်ꩻအီႏဖေႏ ‘အီဂျစ်’ ဒေါ့ꩻရိုꩻနုဲင်းနဝ်ꩻသွူ။ ‘မောရှေ’ ကထွိုင်ႏဆုꩻ တောင်ꩻနောဝ်ꩻ ‘အီဂျစ်’ကို ကအဝ်ႏဒါႏ ဖီးထူꩻဖုံႏဘုရာꩻ သျင်ꩻဖုဲင်းထိုꩻဖေႏခန်းနဝ်ꩻသွူ။ ကွဲႏတွော့ꩻ ‘ဖာရိုခွန်’ သꩻကို ကျံꩻထန်ꩻလွဉ်ယင်းတလဲင်ႏတဲင် တဖေႏတဝ်း လိုꩻဖုံႏ လွတ်လပ်ခွင်ꩻနဝ်ꩻသွူ။

ထွိုင်ႏထွူတဲင် ဘုရာꩻသျင်ꩻနဝ်ꩻ ‘အီဂျစ်’ လိုꩻမျိုꩻဖုံႏ ကလွူးဒါႏတိရိစ္ဆာန်ႏဖုံႏယို အွဉ်ႏထွာရောဂါႏထွဉ်ႏသီထိုꩻခန်းရိုꩻကီလဲ့ꩻ ‘ဖာရော’ ခွန်အသꩻကိုနဝ်ꩻကျံꩻထန်ꩻထွူတဲင်လွေꩻခွင်ꩻတလꩻဖေႏတဝ်းဒွုမ်း ‘ဣစရေး’ လိုꩻမျိုꩻဖုံႏသွူ။

နဝ်ꩻဆချာ ဘုရာꩻသျင်ꩻနဝ်ꩻ ‘မောရှေ’ ဖာႏဖုံႏ အွဉ်ႏစွစ်ꩻထွူတွမ်ႏတလီꩻတဲင် အွဉ်ႏစွစ်ꩻစွဉ်ႏ ‘ဖာရိုခွန်’ ဖဲ့ꩻငါနဝ်ꩻသွူ။ ဝွေꩻသီးမာꩻစွဉ်ႏ နုဲင်းနဝ်ꩻရိုꩻကီလဲ့ꩻ ‘အီဂျစ်’ လိုꩻမျိုꩻအလောင်း ထွာခန်းဒျာႏ သꩻဆာခရာꩻ ယာႏယော့ꩻမုꩻဖုံႏတဲ့ ‘ဣစရေး’ လိုꩻမျိုꩻအလောင်းနဝ်ꩻ တပေါꩻပေါက်တဝ်းသွူ။ ဘုရာꩻသျင်ꩻနဝ်ꩻ မာꩻဆာသွူ ‘ဖာရောခွန်’ အသꩻရာႏတဲ့ ‘ဖာရိုခွန်’ နဝ်ꩻ တဖေႏတဝ်းဒွုမ်း ‘ဣစရေး’ လိုꩻမျိုꩻဖုံႏ လွတ်လပ်ခွင်ꩻနဝ်ꩻသွူ။

နဝ်ꩻတွော့ꩻ ဘုရာꩻသျင်ꩻနဝ်ꩻ မို့ꩻလောင်းမာꩻထဲ့ꩻသွူ ခမ်းရာႏ ‘အီဂျစ်’ ကို ကအဝ်ႏဒါႏ အဒီႏအရာႏဖုံႏယို ဖေႏကကုဲင်၊ လိုꩻမဉ်ႏထမ်ႏ အထမ်ႏတဲ့ ဖေႏကသီသွူ။ ‘ဖာရောခွန်’ နဝ်ꩻ ဟဲ့သွူ ‘မောရှေ’ တွမ်ႏ ‘အာရုန်’တဲင် ခွေမာꩻမာႏလဲဉ်း အပဲစ်၊ သီဖုံႏတဲ့ လွေꩻနွောင်ꩻလဲဉ်း ဒေါ့ꩻနုဲင်းနဝ်ꩻထွူတဲင် ‘မောရှေ’ ကထွိုင်ႏဆုတောင်ꩻနဝ်ꩻ မို့ꩻလောင်းခမ်းရာႏကထဲ့ꩻလင်ꩻဖုံႏယို ဆွိုးခန်းဒျာႏနဝ်ꩻသွူ။

ကွဲတွော့ꩻ ‘ဖာရော’ ခွန်နဝ်ꩻ မာꩻထဲင်းယင်းအပဲစ်တဲင် ဝွေꩻသꩻရုဲင်းရွိုင်ꩻကျံꩻလွဉ်ယင်းနဝ်ꩻသွူ။ ဝွေꩻယို တလꩻဖေႏတဝ်းဒွုမ်း ‘ဣစရေး’ လိုꩻမျိုꩻဖုံႏ လွတ်လပ်ခွင်ꩻသွူ။

နဝ်ꩻအချိန်ႏတွင်ꩻ ဘုရာꩻသျင်ꩻနဝ်ꩻ ‘အီဂျစ်’ တခမ်းလွုမ်းအွဉ်ႏတွိုႏလွေꩻစွဉ်ႏ ‘ပဒွေႏ’ ပဉ်ဖုံႏနဝ်ꩻသွူ။ ပဒွေႏဖုံႏ ဖုံႏယိုနဝ်ꩻ ခမ်းရာႏဖုံႏ တဗာႏကုဲင်နွောင်ꩻတဝ်း အဒီႏအရာႏဖုံႏယို အံႏကုဲင်လို့စွဉ်ႏနဝ်ꩻသွူ။

နဝ်ꩻဆချာ ဘုရာꩻသျင်ꩻနဝ်ꩻ အွဉ်ႏထွာခန်းထာꩻခေ့ꩻကရစ် ညသွံနီꩻရပ်သွူ။ ထာꩻခေ့ꩻလွဉ်ꩻငါႏတဲင် ‘အီဂျစ်’ လိုꩻမျိုꩻဖုံႏနဝ်ꩻ တထန်ႏနွောင်ꩻတဝ်း၀င်ꩻ အလမ်းကိုဖုံႏသွူ။ ကွဲတွော့ꩻ ‘ဣစရေး’ လိုꩻမျိုꩻကအုံဒါႏအရပ်နဝ်ꩻ လꩻဒျာႏထာꩻလေရောင်ႏနဝ်ꩻသွူ။

တွိုႏစွဉ်ႏ ကပ်ဘေႏကွတ်ဗာႏထွာထွူ ‘ဖာရော’ ခွန်နဝ်ꩻအဝ်ႏငြင်ꩻကဒွုမ်း ဖေႏ ‘ဣစရေး’ လိုꩻမျိုꩻဖုံႏ လွတ်လပ်ခွင်ꩻနဝ်ꩻသွူ။ ကွပ် ‘ဖာရော’ ခွန် နာႏတဝ်းငဝ်းတဲင် ဘုရာꩻသျင်ꩻနဝ်ꩻ စီႏစဲဉ်ႏခန်း အီအွဉ်ႏစွꩻ အဆုဲင်သွတ်ꩻ အတာႏ ကပ်ဘေႏနဝ်ꩻသွူ။ ယိုတဗာႏနဝ်ꩻ ‘ဖာရော’ ခွန် သꩻဖေႏကပြောင်ꩻအီနုဲင်းနဝ်ꩻသွူ။

ဓမ္မလီꩻ ၄-၁၀ မꩻ သမ္မာႏလိတ်ကျမ်ꩻ ငဝ်းခြုဲင်း