၁၆-ကယ်ႏဒင်ႏသျင်ꩻပွုံႏ

‘ယောရှု’ သီထွူချိန်ႏတွင်ꩻ ‘ဣစရေး’ လိုꩻမျိုꩻဖုံႏနဝ်ꩻ နာႏခံႏတဝ်းဘုရာꩻသျင်ꩻငဝ်းနဝ်ꩻသွူ။ ဝွေꩻသီးဖုံႏ နဝ်ꩻ လွိုက်ꩻနာႏတဝ်း ဘုရာꩻ သျင်ꩻပညတ်တောႏဖုံႏတဲင် ကအဝ်ႏဒါႏ ‘ခါနန်’ လိုꩻမျိုꩻဖုံႏနဝ်ꩻလဲ့ꩻ ကတိတောႏ ကမာꩻ ခါꩻဒါႏ ဟံႏခင်ႏလမ်းယို တဝါးထန်ႏထိုꩻတဝ်း နဝ်ꩻသွူ။ ‘ဣစရေး’ လိုꩻမျိုꩻဖုံႏနောဝ်ꩻ ဘုရာꩻသျင်ꩻစဲစ်ကထွာဒါႏ ‘ယေဝါ’ ကိုယ်ႏစာႏ ကိုယ်ႏကွယ်ႏစခန်း ‘ခါနန်’ လိုꩻမျိုꩻ တနံဘုရာꩻဖုံႏနဝ်ꩻသွူ။ ‘ဣစရေး’ လိုꩻမျိုꩻယို ခွန်အဝ်ႏတဝ်းသွူ။နဝ်ꩻတွော့ꩻ လိုꩻဖုံႏနဝ်ꩻ ဝွေꩻသီးတွက်တာႏ ဝွေꩻသီးမဲဉ်ဒျာႏ ခံႏထူႏမာꩻလွေꩻခန်းဒျာႏနဝ်ꩻသွူ။

လွိုက်ꩻနာႏတဝ်း ဘုရာꩻသျင်ꩻတဲင် ‘ဣစရေး’ လိုꩻမျိုꩻဖုံႏနဝ်ꩻ လဲင်ႏပေါင်ꩻအာႏ ကထွာပွာꩻဒါႏ ပွုံႏစံꩻတမျိုꩻယို အဝ်ႏမာꩻပျုရီးဗာႏထပ်ဒျာႏနဝ်ꩻသွူ။ ပွုံႏစံႏနောဝ်ꩻနဝ်ꩻ ထွာနုဲင်းယိုသွူ။ ‘ဣစရေး’ လိုꩻမျိုꩻဖုံႏနဝ်ꩻလွိုက်ꩻနာႏလွꩻတဝ်ဘုရာꩻသျင်ꩻ နေင်ႏပေါင်ꩻအာနဝ်ꩻသွူ။ နဝ်ꩻဆချာ ဘုရာꩻသျင်ꩻနဝ်ꩻ ‘ဣစရေး’ လိုꩻမျိုꩻဖုံႏ ရန်ႏသူႏဖုံႏယို ဖေႏ အနွိုင်ꩻတဲင် ဖေႏခန်းဝွေꩻသီးဖုံႏ အပဲစ်နုဲင်းနဝ်ꩻသွူ။ ရန်ႏသူႏ နဝ်ꩻဖုံႏနဝ်ꩻ ‘ဣစရေး’ လိုꩻမျိုꩻအလောင်းယို ထူႏတခွန်ꩻထာꩻခြွိုꩻဖုံႏ၊ မာꩻကုဲင်ထိုꩻ ပဲင်ႏဆဲင်ႏမှုဖုံႏတွမ်ႏ မာꩻသီထိုꩻ လိုꩻဖုံႏတဲင် မဲ့ꩻအီလွဉ်မာꩻ မိန်းနုဲင်းနဝ်ꩻသွူ။ နောဝ်ꩻဆချာ ‘ဣစ ရေး’ လိုꩻမျိုꩻဖုံႏရန်ႏသူႏဖုံႏနဝ်ꩻ ဝွေꩻသီးဖုံႏယို နေင်ႏပေါင်ꩻအာ ဝင်ꩻတှိပ်နျꩻထွာဆချာ ဝွေꩻသီးအပဲစ်ဖုံႏ လသွူ သံႏဝွေႏဂတဲင် ဖေႏကကယ်ႏဖေႏဝွေꩻသီးယို သျောက်လဝ်းတောင်ꩻပြန်ႏခန်း ဘုရာꩻသျင်ꩻနဝ်ꩻသွူ။

‘ဣစရေး’ လိုꩻမျိုꩻဖုံႏ လꩻသံႏဝွေႏဂချိန်ႏတွိုင်ႏ ဘုရာꩻသျင်ꩻ ကယ်ႏ ဒင်ႏဖေႏ ဝွေꩻသီးဖုံႏနဝ်ꩻသွူ။ ဘုရာꩻသျင်ꩻနဝ်ꩻ တွိုက်ꩻခꩻနွိုင်ꩻ ရန်ႏသူႏဖုံႏ ထောက်ပံ့ ပံ့ပိုးဖေႏသွူ ကယ်ႏဒင်ႏသျင်ꩻတဖြာꩻတဲင် မာꩻလွေꩻခန်းနုဲင်းနဝ်ꩻသွူ။ နဝ်ꩻ ဆချာ ဟံႏခင်ႏလမ်းနဝ်ꩻနဝ်ꩻ ငိမ်ꩻချံႏသာႏယာႏမုꩻ အဝ်ႏလွဉ်သွူတဲင် ကယ်ႏဒင်ႏသျင်ꩻတဖြာꩻနဝ်ꩻ နီဖုံႏအလောင်းယို အီႏအုပ်ချွုတ်ဟဝ်လွေꩻဖေႏဒျာႏနဝ်ꩻသွူ။ ဘုရာꩻ သျင်ꩻနဝ်ꩻ ဖေႏကကယ်ႏဒင်ႏဖေႏ လိုꩻဖုံႏယို အွဉ်ႏလွစ်လွေꩻဖေႏခန်း ကယ်ႏဒင်ႏသျင်ꩻတဖြာꩻနဝ်ꩻသွူ။ ဘုရာꩻသျင်ꩻနဝ်ꩻ ‘ဣစရေး’ လိုꩻမျိုꩻ ရန်ႏသူႏကထွာဒါႏ အဗော့ꩻတဝွိုက် ‘မိဒျန်’ လိုꩻ မျိုꩻဖုံႏယို ဖေႏခန်းနှိမ်နင်ႏ တွိုက်ꩻခꩻခွင်ꩻ ‘ဣစရေး’ လိုꩻမျိုꩻဖုံႏတဲင် ဗွိုန်နုဲင်းယို မာꩻဆွိုက်ဗာႏဖိုနဝ်ꩻသွူ။

‘မိဒျန်’ လိုꩻမျိုꩻဖုံႏနဝ်ꩻ ကထူႏသိမ်ꩻထိုꩻ ‘ဣစရေး’ လိုꩻမျိုꩻ အဒီႏအရာႏအလို့ယိုနဝ်ꩻ အဝ်ႏသွူ နွတ်နေင်ႏ ဗွေနဝ်ꩻသွူ။ ‘ဣစရေး’ လိုꩻမျိုꩻဖုံႏနဝ်ꩻ ငမ်းလွ ‘မိဒျန်’ လိုꩻမျိုꩻဖုံႏတဲင် ‘မိဒျန်’ လိုꩻမျိုꩻဖုံႏ ဖေႏကထီႏနွိုင်ꩻမွိုန်းဝွေꩻ သီးဖုံႏ အုံနွို့ꩻသော့ꩻခန်း ထမ်းအိုကို နဝ်ꩻသွူ။ အဆုဲင်သွတ်ꩻတွော့ꩻ ဘုရာꩻသျင်ꩻဖေႏကကယ်ႏဝွေꩻသီး ခြဝ်ငဝ်း ငွိုး လွꩻခန်းဝင်ꩻထာꩻနဝ်ꩻသွူ။

‘ဂိဒေါင်’ ကဟဲ့ꩻဒါႏ ‘ဣစရေး’ အမျိုꩻသာꩻတဖြာꩻအဝ်ႏသွူ။ တနီꩻတွော့ꩻ ဝွေꩻနောဝ်ꩻ ဝွေꩻအဒီႏအရာႏဖုံႏယို ‘မိဒျန်’ လိုꩻမျိုꩻဖုံႏ ဖေႏကတခွန်ꩻလꩻမွိုန်းနဝ်ꩻ အွဉ်ႏဒို့ꩻလောင်ႏသေꩻခန်း ခင်ႏလမ်းတထွောင်းနဝ်ꩻသွူ။ ‘ယေဝါ’ သီး တနံဗျဟ္မာႏတဖြာꩻနဝ်ꩻ လွဉ်သွူ ‘ဂိဒေါင်’ ထျꩻတဲင် “အာႏရဲင်ꩻကတန်စဲ့ꩻသည်ႏတောႏ ဘုရာꩻသျင်ꩻနောဝ်ꩻ အဝ်ႏညီꩻတွမ်ႏနာꩻနဝ်ꩻသွူ။ ‘မိဒျန်’ လိုꩻမျိုꩻအထျꩻ လွေꩻကယ်ႏသွော့ꩻ ‘ဣစရေး’ သူꩻ” မိန်းခန်းနုဲင်းနဝ်ꩻသွူ။

‘ဂိဒေါင်’ ဖာနဝ်ꩻ ပူႏဇောႏဆယ်ꩻကပ်ခါꩻဒါႏ ရျွုတ်ထုတဗာႏယို ပလ္လင်ႏတဗာႏအဝ်ႏနဝ်ꩻသွူ။ ဘုရာꩻသျင်ꩻ ကဒေါ့ꩻ ‘ဂိဒေါင်’ ပထမသွတ်ꩻအခရာႏနဝ်ꩻ ဖေႏကမာꩻကုဲင် ကပူႏဇောႏဒါႏ ခင်ႏလမ်းနဝ်ꩻသွူ။ ကွဲတွော့ꩻ ‘ဂိဒေါင်’ နဝ်ꩻ ကွပ်ငမ်းလိုꩻဖုံႏတဲင် အုံပွိုးဗꩻတွိုႏစွဉ်ႏ မွူႏဟာနဝ်ꩻသွူ။ နဝ်ꩻဆချာ ဝွေꩻနဝ်ꩻ မာꩻကုဲင်သွူ ခင်ႏလမ်းနဝ်ꩻတဲင် ဖေႏကထွာ ပဲစ်ꩻတနဲစ်ꩻထိုꩻ ထဲင်းဖွန်ႏထိုꩻခန်းနဝ်ꩻသွူ။ ဝွေꩻနဝ်ꩻ ဘုရာꩻသျင်ꩻအတာႏ ပူႏဇောႏအီ ခင်ႏလမ်းတဗာႏ ယို မာꩻသေꩻခန်း အဗော့ꩻဗော့ꩻတဲင် ပူႏဇောႏခန်း ဘုရာꩻသျင်ꩻနဝ်ꩻသွူ။

တွိုႏတနီꩻ မွူးရဝ်ချိန်ႏ လိုꩻဖုံႏကထွိုင်ႏထီႏ ဝွေꩻသီးမာꩻကုဲင်ခါꩻ ပူႏဇောႏအီႏခင်ႏလမ်းယို ဒေါသထန်ႏခန်း ဒျာႏထာꩻနဝ်ꩻသွူ။ ဝွေꩻသီးဖုံႏနဝ်ꩻ အီႏမာꩻသီ ‘ဂိဒေါင်’ ကထွိုင်ႏလွေꩻအလမ်းနောဝ်ꩻ ‘ဂိဒေါင်’ ဖာရိုꩻ “သီဖုံႏဘုရာꩻ သျင်ꩻနဝ်ꩻ ပွိုးတမုဲင်ꩻ ကျိုꩻစာꩻကယ်ႏတွိုႏသီဟောင်း။ ဝွေꩻနဝ်ꩻ မဉ်ႏနုဲင်း ဘုရာꩻတဲ့ꩻ အွဉ်ႏကိုႏကွယ်ႏချာ ဝွေꩻ တွမ်ႏ ဝွေꩻဟုဲင်း” ဒေါ့ꩻခန်းနုဲင်းနဝ်ꩻသွူ။ ဝွေꩻကထွိုင်ႏဒေါ့ꩻနုဲင်းယို တဲင် လိုꩻဖုံႏနဝ်ꩻ မာꩻသီတဝ်းဒွုမ် ‘ဂိဒေါင်’ နဝ်ꩻသွူ။

နဝ်ꩻဆချာ ‘မိဒျန်’ လိုꩻမျိုꩻဖုံႏနောဝ်ꩻ အီလွဉ်တခွန်ꩻယင်း ‘ဣစရေး’ လိုꩻမျိုꩻဖုံႏထျꩻယို အာလွဉ်ꩻငါတဲင် တွက်တနွိုင်ꩻတဝ်းဒွုမ်သွူ။ ‘ဂိဒေါင်’ နဝ်ꩻ ဝွေꩻသီးဖုံႏ အီတွိုက်ꩻခꩻယို စုꩻပေါင်ꩻညီႏ ‘ဣစရေး’ လိုꩻမျိုꩻဖုံႏတွော့ꩻ ဟဲ့ꩻလွေꩻခန်းဒျာႏနဝ်ꩻသွူ။ ‘ဂိဒေါင်’ နဝ်ꩻ ဘုရာꩻသျင်ꩻအွဉ်ႏကယ်ႏဝွေꩻ ‘ဣစရေး’ လိုꩻမျိုꩻဖုံႏယို ဒေါ့ꩻမွေးနဲ့ꩻ မွေး တဝ်းနဲ့ꩻ ဖေႏကသေႏချာႏနဝ်ꩻ ကွီခန်း နိမိတ်နီဗာႏနဝ်ꩻသွူ။

အရီးသွတ်ꩻ နိမိတ်အနေႏတဲင် ‘ဂိဒေါင်’ နဝ်ꩻ ဒါသွူ ဗဲ့ꩻ ဖျွို့ꩻဟံႏလောင်းတဲင် မွူးရဝ်ꩻခိုႏ တအိုမုတ်ကား ကအဝ်ႏ ဖေႏကလင်ꩻမွိုန်းဟံႏလောင်း ဖေႏကလင်ꩻဗဲ့ꩻဖျွို့ꩻလောင်းယို သျောက်လဝ်းဘုရာꩻသျင်ꩻနုဲင်းနဝ်ꩻတဲင် ဘု ရာꩻသျင်ꩻတဲ့ꩻ မာꩻခန်းနုဲင်းနဝ်ꩻသွူ။ တွိုႏတဟာတွော့ꩻ ဝွေꩻနဝ်ꩻ ထွဉ်ႏမာꩻခန်းဟံႏဖေႏကဆီး ဗဲ့ꩻဖျွို့ꩻဖေႏကဆီးမွိုန်း ယိုလဲ့ꩻ ဘုရာꩻသျင်ꩻမာꩻခန်းဒျာႏနဝ်ꩻသွူ။ တွမ်ႏနိမိတ် နီဗာႏယိုတဲင် ဘုရာꩻသျင်ꩻအဝ်ႏလွိုꩻကယ်ႏ ‘ဣစရေး’ လိုꩻမျိုꩻ ‘မိဒျန်’ လိုꩻမျိုꩻထျꩻယို ‘ဂိဒေါင်’ ယွုမ်းထိုꩻခန်းဒျာႏနဝ်ꩻသွူ။

နဝ်ꩻဆချာ ‘ဂိဒေါင်’ နဝ်ꩻ စဲ့ꩻသားဖေႏကတွိုႏ ဝွေꩻသီးထျꩻယို ဟဲ့ꩻလွေꩻသွူတဲင် လိုꩻတွိုꩻလွဉ်ခန်းအဖြာꩻ ပေါင်ꩻ သွံသောင်ꩻနီရေင် နဝ်ꩻသွူ။ ကွဲတွော့ꩻ ဘုရာꩻသျင်ꩻရိုꩻခန်း နာꩻလိုꩻအာလွဉ်ꩻငါႏတဲင် ‘ဂိဒေါင်’ အီတွိုက်ꩻခꩻ ကငမ်းဒါး လိုꩻအဖြာꩻ နီသောင်ꩻနီရေင်ယို အွဉ်ႏလွစ်သဲင်ꩻချာခန်းလမ်း နဝ်ꩻသွူ။ ဘုရာꩻသျင်ꩻနဝ်ꩻ ‘ဂိဒေါင်’ နာꩻ လိုꩻအာဒွုမ်းက မိန်းလဝ်းယင်းနုဲင်းနဝ်ꩻတဲင် ‘ဂိဒေါင်’ လွဲꩻသွူလိုꩻအဖြာꩻသွံရျာꩻယို အဝ်ႏကုဲင်လိုꩻအလင်နဝ်ꩻ အွဉ်ႏ သဲင်ꩻလို့ခန်း လမ်းဖုံႏနဝ်ꩻသွူ။

အဟာနဝ်ꩻတွော့ꩻ ဘုရာꩻသျင်ꩻ မိန်း ‘ဂိဒေါင်’ “လွေꩻသွူ ‘မိဒျန်’ စ ခန်ꩻကိုတဲင် နာႏရီးဝွေꩻသီးဖုံႏ ကဒေါ့ꩻ ဒါႏငဝ်းနဝ်ꩻသွူ။ သီဖုံႏမဉ်ꩻဟွိုန်ဗာႏ ဝွေꩻသီးကဒေါ့ꩻဒါႏ ငဝ်းဖုံႏယို အီတွိုက်ꩻခꩻယိုလဲ့ꩻ ငမ်း တဝ်းဒွုမ်” မိန်းခန်းနုဲင်း နဝ်ꩻသွူ။ အဟာနောဝ်ꩻတွော့ꩻ ‘ဂိဒေါင်’ ကထွိုင်ႏတွိုႏ ‘မိဒျန်’ စဲ့ꩻတပ်ကိုတဲင် ဟွိုန်ခန်း ‘မိဒျန်’ စဲ့ꩻသားတဖြာꩻ ဝွေꩻ ဗေင်ႏမင်းထာꩻ အကျောင်ꩻခရာႏယို ဒေါ့ꩻနယ်ခန်းအသွꩻဖုံႏနဝ်ꩻသွူ။ လိုꩻနဝ်ꩻနဝ်ꩻ ကထွာဒါႏ ဝွေꩻသွꩻယို ဒေါ့ꩻရိုꩻခန်း “ခွေꩻထာꩻဗေင်မင်ႏနဝ်ꩻ နီဖုံႏ ‘မိဒျန်’ စဲ့ꩻတပ်ယို ‘ဂိဒေါင်’ စဲ့ꩻတပ် အီႏသိမ်ꩻထိုꩻ အဓိပ္ပါယ်ႏလꩻနုဲင်းနဝ်ꩻ” ဒေါ့ꩻဟွိုန်ခန်း နုဲင်းနဝ်ꩻသွူ။ ‘ဂိဒေါင်’ ကထွိုင်ႏဟွိုန်နုဲင်းနဝ်ꩻအချိန်ႏတွင်ꩻ ဝုဲင်ꩻခန်းဘုရာꩻသျင်ꩻနဝ်ꩻသွူ။

နဝ်ꩻဆချာ ‘ဂိဒေါင်’ နဝ်ꩻ သဲင်ꩻသွူ စဲ့ꩻတပ်နဝ်ꩻထျꩻတဲင် လိုꩻတဖြာꩻစီႏယို ဖေႏသေꩻခန်း တွမ်ႏဗဲ့ꩻနုံꩻကမာꩻ ခါꩻဒါႏ တံႏဖွူꩻတဗာႏ၊ ဖွိုင်ꩻဟံႏ တဖြုံႏတွမ်ႏ မေႏကွို့ꩻ တလောင်ꩻနဝ်ꩻသွူ။ ‘ဂိဒေါင်’ စဲ့ꩻသားသွံရျာꩻနောဝ်ꩻ ‘မိဒျန်’ စဲ့ꩻ သားဖုံႏ အဝ်ႏဗေင်ႏထာꩻတပ်ဖွဲ့ယို ဝဲင်ꩻခါꩻချိန်ႏတွင်ꩻ ဝွေꩻသီးဖုံႏ မေႏခွဉ်းယို သော့ꩻခါꩻ ဖွိုင်ꩻဟံႏကိုတဲင် ‘မိဒျန်’ လိုꩻ မျိုꩻဖုံႏ တထီႏတဝ်း ဝွေꩻသီးဖုံႏ မေႏခွဉ်းနဝ်ꩻသွူ။

နဝ်ꩻဆချာ ‘ဂိဒေါင်’ စဲ့ꩻသားဖုံႏနဝ်ꩻ ဝွေꩻသီႏဖွိုင်ꩻဟံႏယို တွဲႏပ့ꩻသွိုသွူဝင်ꩻတဲင် အွဉ်ႏနယ်ꩻသွိုခန်းဝင်ꩻ မေႏ ကွို့ꩻဖုံႏနဝ်ꩻသွူ။ နောဝ်ꩻဆချာ ဝွေꩻသီးဖုံႏ အူသွူ အနုံꩻဖုံႏတဲင် “ယေဝါတွမ်ႏ ဂိဒေါင်အတာႏ နꩻတဗာႏ” ခြဝ်လွꩻခန်း ဝင်ꩻနုဲင်းနဝ်ꩻသွူ။

ဘုရာꩻသျင်ꩻမာꩻသွူ ‘မိဒျန်’ လိုꩻမျိုꩻဖုံႏသꩻဖေႏကတရေင်တဲင်အ ချင်ꩻချင်ꩻ မာꩻသီခန်းဝင်ꩻနောဝ်ꩻသွူ။ တလဲင်ႏချင်ꩻစွဉ်ႏဒျာႏ ‘ဂိ ဒေါင်ꩻ’ နဝ်ꩻ ဝွေꩻသီးဖုံႏလမ်းကို ကအုံဒါႏ ‘ဣစရေး’ လိုꩻမျိုꩻဖုံႏ နောဝ်ꩻ အီႏဝါးထန်ႏ ‘မိဒျန်’ လိုꩻမျိုꩻဖုံႏယိုလဲ့ꩻ ကူႏညီႏဖေႏသွူတဲင် လွေꩻဟဲ့ꩻဖေႏခန်း တနံဗျဟ္မာႏဖုံႏနဝ်ꩻသွူ။ ‘ဣစရေး’ လိုꩻမျိုꩻဖုံႏနောဝ်ꩻ မာꩻသီသွူ ‘မိဒျန်’ လိုꩻမျိုꩻဖုံႏတဲင် လိုꩻယဟန်ႏဖုံႏနဝ်ꩻ ဝါး ထန်ႏထိုꩻ ဝွေꩻသီးဟံႏခင်ႏလမ်းနဝ်ꩻသွူ။ အနီꩻနဝ်ꩻနဝ်ꩻ ‘မိဒျန်’ လိုꩻမျိုꩻ သီထိုꩻခန်း တသိမ်ꩻနီသောင်ꩻနဝ်ꩻသွူ။ အနယ်ꩻယိုနဝ်ꩻ ဘုရာꩻသျင်ꩻ ကယ်ႏဒင်ႏအီ ‘ဣစရေး’ နဝ်ꩻသွူ။

လိုꩻအမျာꩻနဝ်ꩻ ‘ဂိဒေါင်’ ယို မဲဉ်သတ်မတ်ထွာခန်း ဝွေꩻသီးဖုံႏ ခွန်ရိုꩻကီလဲ့ꩻ ‘ဂိဒေါင်’ မာꩻခွင်ꩻဖေႏတဝ်း နုဲင်းယိုတွော့ꩻ ကွီလဲ့ꩻကွို့ꩻ ‘မိဒျန်’ လိုꩻမျိုꩻအထျꩻ ကထူႏခါꩻဒါႏ စူသွို့ခံꩻဆေ့ꩻဆေ့ꩻလွုမ်ꩻသွူ။ လူထုဖုံႏနဝ်ꩻ ဖေႏခန်း ‘ဂိ ဒေါင်’ ခံꩻဖုံႏအာ နဝ်ꩻသွူ။

နဝ်ꩻဆချာ ‘ဂိဒေါင်’ နဝ်ꩻ သွုံႏသွူ ခံꩻဖုံႏနဝ်ꩻတဲင် မာꩻခန်း သာႏသနာႏရေꩻဆဲင်ႏရာꩻ မဟာႏနာႏယကသီး ခွမ်ꩻလာꩻမျိုꩻနဝ်ꩻသွူ။ ကွဲတွော့ꩻ လိုꩻဖုံႏနောဝ်ꩻ ခွမ်ꩻလာꩻယွုံႏယို ဗွိုန်နုဲင်းရျွုတ်ထု စကိုႏ ကွယ်ႏလွဉ်ခန်းနဝ်ꩻသွူ။ တွိုႏ နဝ်ꩻတွော့ꩻ ဘုရာꩻသျင်ꩻနဝ်ꩻ ‘ဣစရေး’ယို ကိုႏကွယ်ႏရျွုတ်ထုတဲင် ဖေႏယင်းအပဲစ်နဝ်ꩻသွူ။ ဘုရာꩻသျင်ꩻနဝ်ꩻ ဝွေꩻ သီးဖုံႏ ရန်ႏသူႏဖုံႏယို ဖေႏယင်းတွိုက်ꩻခꩻခွင်ꩻ ဝွေꩻသီးဖုံႏနဝ်ꩻသွူ။ ဝွေꩻသီးဖုံႏနဝ်ꩻ ဘုရာꩻသျင်ꩻ ဖေႏကကယ်ႏယင်ႏဝွေꩻ သီး တောင်ꩻပြန်ႏတဲင် အွဉ်ႏလွစ်ဆွိုက်သွူ ကယ်ႏဒင်ႏသျင်ꩻတဖြာꩻတွော့ꩻ ကယ်ႏဒင်ႏခန်းနဝ်ꩻသွူ။

အထွာအကုဲင်ထွာနုဲင်းယိုနဝ်ꩻ အာငါႏနဝ်ꩻသွူ။ ‘ဣစရေး’ လိုꩻမျိုꩻဖုံႏပဲစ်မာꩻခန်း အပဲစ်ဖုံႏတဲင် ဘုရာꩻသျင်ꩻဖေႏခန်း ဝွေꩻသီးအပဲစ်နဝ်ꩻသွူ။ ‘ဣစရေး’ဖုံႏ လꩻယင်းခန်း သံႏဝွေႏဂနဝ်ꩻသွူ။ နဝ်ꩻဆချာ ဘုရာꩻသျင်ꩻနဝ်ꩻ အွဉ်ႏလွစ်လွေꩻယင်းခန်း ကယ်ႏဒင်ႏဝွေꩻသီးဖုံႏ ကယ်ႏဒင်ႏသျင်ꩻတဖြာꩻနဝ်ꩻသွူ။ နောဝ်ꩻတွော့ꩻ နေင်ႏပေါင်ꩻအာအ တွင်ꩻ ‘ဣစရေး’ လိုꩻမျိုꩻဖုံႏယို ဝွေꩻသီးဖုံႏရန်ႏသူႏစူကို အွဉ်ႏလွစ်လွေꩻဖေႏခန်း ကယ်ႏဒင်ႏသျင်ꩻဖုံႏနဝ်ꩻသွူ။

အဆုဲင်ꩻသွတ်ꩻတွော့ꩻ ‘ဣစရေး’ လိုꩻမျိုꩻဖုံႏနောဝ်ꩻ ဗွိုန်နုဲင်းနုဲင်ႏငံႏလောင်းလင် လွဉ်ကွီခန်း ခွန်တပါꩻ ဘုရာꩻသျင်ꩻထျꩻနဝ်ꩻသွူ။ ဝွေꩻသီးဖုံႏနဝ်ꩻ အနမ်းထို ဆွို့ꩻကတဲ့ꩻ ဝွေꩻသီးဖုံႏတွိုက်ꩻပွယ်ꩻကို အဝ်ႏလွိုႏအွဉ်ငါသား ခွန်တ ပါꩻနဝ်ꩻသွူ။ ဘုရာꩻသျင်ꩻနဝ်ꩻ ကကွီဒါႏခွန်ယို တနိက်သက်တဝ်းရိုꩻကီလဲ့ꩻ ဝွေꩻသီးကကွီဒါႏခွန်တပါꩻယို ဖေႏခန်း ဒျာႏနဝ်ꩻသွူ။

တရာꩻသူႏကီႏလိတ်မတ်၁-၃: ၆-၈: ၁ တရာꩻရာႏဇဝင်ႏ မꩻ သမ္မာႏလိတ်ကျမ်ꩻ ငဝ်းခြုဲင်း