၄၀ - ဒင်ႏ ‘ကိုယ်ႏတောႏယေရှု’ စူယာကပ်ꩻထွန်ႏလောင်း

‘ရောမ’ စဲ့ꩻသားဖုံႏနဝ်ꩻ ဒေါ့ꩻသဲ့သွမ်ꩻ ‘ကိုယ်ႏတောႏယေရှု’ ထွူဆချာတွင်ꩻ ဒင်ႏစူယာꩻကပ်ꩻထွန်ႏတွော့ꩻ အီႏမာꩻသီဟဲ့ꩻလွေꩻခန်းအွိုးအညာꩻနဝ်ꩻသွူ။ ကအီႏမာꩻသီဒါႏဝွေꩻ စူယာꩻကပ်ꩻထွန်ႏယို ထွဉ်ႏထန်ႏချာခန်း ဝွေꩻနမ်း ကိုယ်ႏတိုင်ႏနဝ်ꩻသွူ။

စဲ့ꩻသားဖုံႏနဝ်ꩻ ဟဲ့ꩻလွေꩻခန်း ‘ကိုယ်ႏတောႏယေရှု’ ‘ကတူႏခြုံ’ ကမဉ်ꩻကလꩻဒါႏခင်ႏလမ်းနဝ်ꩻတဲင် ဝွေꩻခင်ႏ တွမ်ႏစူဖုံႏယို စူယာꩻကပ်ꩻထွန်ႏလောင်းထွဉ်ႏတွဲႏခန်းတွမ်ႏ ပသီႏဖုံႏနဝ်ꩻသွူ။ ကွဲတွော့ꩻ ‘ကိုယ်ႏတောႏယေရှု’ နောဝ်ꩻ “ဖာဘုရာꩻသျင်ꩻ ဝွေꩻသီးနမ်းကိုယ်ႏတိုင်ႏ ဝွေꩻသီးမာꩻထမုဲင်ꩻယို ကွပ်တသေတဝ်းတဲင် ခွင်ꩻလွစ်ဖေႏသွော့ꩻဝွေꩻသီး ဖုံႏ” သျောက်သေꩻခန်းနုဲင်းနဝ်ꩻသွူ။ ဝွေꩻသီးဖုံႏနဝ်ꩻ စူယာꩻကပ်ꩻထွန်ႏကိုကအဝ်ႏဒါႏ ‘ကိုယ်ႏတောႏယေရှု’ ကတူႏဆ ကီယို ‘ယုဒသီးခွန်’ ကရိုꩻဒါႏဆိုင်းဘုတ်ယို အွဉ်ႏချိတ်သေꩻခါꩻခန်းဒျာႏနဝ်ꩻသွူ။ နဝ်ꩻနဝ်ꩻ ‘ပိလပ်’ ဘုရင်ခံႏ ထွာ ထွဉ်ႏတဲမ်းခါꩻအခရာႏနဝ်ꩻသွူ။

နောဝ်ꩻဆချာ ‘ရောမ’ စဲ့ꩻသားဖုံႏနဝ်ꩻ ‘ကိုယ်ႏတောႏယေရှု’ အကွဉ်အကꩻခွမ်ꩻလာꩻဖုံႏအတွက် မာꩻလွခန်း ထာꩻတောႏထာꩻလောင်ꩻ နဝ်ꩻသွူ။ ဝွေꩻသီးဖုံႏကမာꩻနုဲင်းယိုနဝ်ꩻ “ခွေအကွဉ်အကꩻခွမ်ꩻလာꩻဖုံႏယို ဖန်းလွသွူဝင်ꩻ တဲင် ခွမ်ꩻလာꩻနဝ်ꩻဖုံႏအတွက် မဲ့ꩻအီႏမာꩻလွထာꩻတောႏထာꩻလောင်ꩻ” ကရိုꩻယိုနိမိတ်ထွားဟော်ꩻကျမ်ꩻချက်အတွိုင်ꩻ ထွာလွဉ်ဒျာႏနဝ်ꩻသွူ။

‘ကိုယ်ႏတောႏယေရှု’ အသောင်နီဖဲ့ꩻနဝ်ꩻလဲ့ꩻ စူယာꩻကပ်ꩻထွန်ႏအလောင်း ကဒင်ႏခံႏဗာႏဒါႏ စွန်သားဝင်ꩻနီ အဝ်ႏနဝ်ꩻသွူ။ စွန်သားတဖြာꩻနဝ်ꩻ သဲ့သွမ်ꩻစွဉ်ႏ ‘ကိုယ်ႏတောႏယေရှု’ လဲ့ꩻ အွိုးတဖြာꩻနဝ်ꩻ “သီဖုံႏယိုငမ်းတဝ်း ဘုရာꩻဖေႏအပဲစ်ဟောင်း၊ နီဖုံႏနဝ်ꩻ မာꩻထာꩻတဟဝ်တဝ်းဖုံႏတဲင် အပဲစ်အဝ်ႏရိုꩻကီလဲ့ꩻ ပါꩻယိုနဝ်ꩻထွာဒျာႏလိုꩻအ ပဲစ်စင်ႏကြယ်ႏ” ဒေါ့ꩻဟွိုန်ခန်းနုဲင်းနဝ်ꩻသွူ။ နဝ်ꩻဆချာဝွေꩻနဝ်ꩻ “နာꩻနိုင်ႏငံႏတောႏကို နာꩻမဉ်ႏထွာဘုရင်ချိန်ႏနဝ်ꩻ ယူႏ လꩻဖေႏသွော့ꩻခွေသွဉ်း” ဒေါ့ꩻဟွိုန်ခန်းနုဲင်းနဝ်ꩻသွူ။ ‘ယေရှု’ မိန်းခန်းပါနဝ်ꩻ “နာꩻနဝ်ꩻတဲႏဟန်ႏစနီꩻယို တွမ်ႏခွေ အီႏအဝ်ႏညီႏဒျာႏ ‘ပရာဒိသု’ ဘွုံႏသူ” နုဲင်းနဝ်ꩻသွူ။

‘ယုဒ’ လိုꩻမျိုꩻသီးဖုံႏအွဉ်ငါသားဖုံႏတွမ်ႏ လိုꩻစွိုꩻကိုကအဝ်ႏဒါႏလိုꩻယဟန်ႏဖုံႏနဝ်ꩻ သဲ့သွမ်ꩻရောင်ခန်း ‘ကိုယ်ႏ တောႏယေရှုနဝ်ꩻသွူ။ ဝွေꩻသီးဖုံႏနဝ်ꩻ ဒေါ့ꩻရိုꩻခန်း ‘ကိုယ်ႏတောႏယေရှု’ “မဉ်ႏထွာဘုရာꩻသျင်ꩻပိုခိုတောႏလဲ့ꩻ လင်ꩻ သွူစူယာꩻကပ်ꩻထွန်ႏလောင်းတဲင် နမ်းတွမ်ႏနမ်းကယ်ႏသွော့ꩻဟုဲင်း။ နုဲင်းနဝ်ꩻမꩻ နီဖုံႏကားကအဝ်ႏနဝ်ꩻ အီႏယွုမ်းနာꩻ” နုဲင်းနဝ်ꩻသွူ။

နဝ်ꩻဆချာ မို့ꩻခင်ႏလမ်းနဝ်ꩻကိုနဝ်ꩻ အချိန်ႏတွိုႏမွူးယာခိုႏရိုꩻကီလဲ့ꩻ ထာꩻခေ့ꩻဒို့ꩻဗဉ်ႏထိုꩻခန်းနဝ်ꩻသွူ။ မွူး ယာချိန်ႏတွင်ꩻမို့ꩻတန်နဝ်ꩻ ခေ့ꩻထိုꩻခန်းသွံနားရီႏရပ်နဝ်ꩻသွူ။

နဝ်ꩻဆချာ ‘ကိုယ်ႏတောႏယေရှု’ နဝ်ꩻ “ထွူသွတ်ꩻထိုꩻလဲဉ်းဖာဘုရာꩻသျင်ꩻ၊ ခွေသက်ဝိညာဉ်ႏယိုဖေႏအပ် သော့ꩻထိုꩻလဲဉ်း ဖာဘုရာꩻသျင်ꩻစူကို” ခြဝ်သန်ခန်းငဝ်းနဝ်ꩻသွူ။ နဝ်ꩻဆချာဝွေꩻနဝ်ꩻ ကတူႏငေါက်ꩻလထိုꩻသွူတဲင် စွဉ်ꩻထိုꩻခန်းဝွေꩻသက်ဝိညာဉ်ႏနောဝ်ꩻသွူ။ ဝွေꩻထွိုင်ႏသီထိုꩻအချိန်ႏတွင်ꩻ ဟံႏစောက်ꩻစွိုးထိုꩻခန်းဒျာႏနဝ်ꩻသွူ။ လိုꩻက အဝ်ႏဘုရာꩻကျောင်ꩻတွမ်ႏ ဘုရာꩻအခါႏ ကရဲးသေꩻဒါႏခန်းထိန်ႏပီးဆိန်ႏနဝ်ꩻ ဟဲ့ꩻကီဟဲ့ꩻလ သဲ့ꩻထိုꩻခန်းနီခဝ်နဝ်ꩻသွူ။

အဝ်ႏ ‘ကိုယ်ႏတောႏယေရှု’ မꩻတဆွိုက် လိုꩻဖုံႏကအီႏလွဉ်ဘုရာꩻထျꩻအတာႏ တဖူꩻဗွောင်ထိုꩻခန်းဒျာႏနဝ်ꩻ သွူ။ ကအုံပွိုးဒါႏ ‘ကိုယ်ႏတောႏယေရှု’ စဲ့ꩻသားနဝ်ꩻ ကထွိုင်ႏထီႏအထွာအကုဲင်အကျောင်ꩻ ခရာႏနုဲင်းယိုတဲင် “ပါꩻ ယိုနဝ်ꩻ ထွာအပဲစ်ကစင်ႏကြယ်ႏဒါႏ ထွာ ဘုရာꩻပိုခိုတောႏ” ဒေါ့ꩻဟွိုန်ခန်းနုဲင်းနဝ်ꩻသွူ။

‘ယုဒ’ လိုꩻမျိုꩻအွဉ်ငါသားဝင်ꩻနီကထွာဒါႏ ‘ယောသပ်’ တွမ်ႏ ‘နိကောဒင်’ သီးနီဖြာꩻနောဝ်ꩻ ‘ကိုယ်ႏတောႏ ယေရှု’ ရျွုပ်ကလပ်အလောင်ꩻယို လွေꩻကွီခန်း ‘ပိလပ်’ ဘရင်ခံႏထျꩻနဝ်ꩻသွူ။ ဝွေꩻသီးဖုံႏနဝ်ꩻ ‘ကိုယ်ႏတောႏယေရှု’ ထွာ ‘မေရှိယ’ ကရိုꩻယိုထွာလိုꩻယွုမ်းဖုံႏ နဝ်ꩻသွူ။ ဝွေꩻသီးဖုံႏနဝ်ꩻ ‘ကိုယ်ႏတောႏယေရှု’ နမ်းခန္ဓာႏယိုပတ်ခါꩻသွူခွမ်ꩻ လာꩻတဲင် သော့ꩻခါꩻခန်း ကဒိုခါꩻဒါႏလုံး အုတ်ဂူႏကိုနဝ်ꩻသွူ။ နောဝ်ꩻဆချာ တွမ်ႏလုံးတူႏတန် တလေင်ႏပေ့ꩻခါꩻခန်း အပေါက်ꩻနဝ်ꩻသွူ။

သျင်ႏမဿဲခရစ်နွို့ꩻ ၂၇:၂၇-၆၁; မာကုခရစ်နွို့ꩻ ၁၅:၁၆-၄၇; သျင်ႏလုကာခရစ်နွို့ꩻ ၂၃:၂၆-၅၆; သျင်ႏယောဟန်ခရစ်နွို့ꩻ ၁၉:၁၇-၄၂ မꩻ သမ္မာႏလိတ်ကျမ်ꩻ ငဝ်းခြုဲင်း