၃၉ - ဆွမ်ꩻ ‘ကိုယ်ႏတောႏယေရှု’

အချိန်ႏယို ဗꩻတွိုႏလဲဉ်းထာꩻလွိုက်ꩻမွူးကွို့ꩻနာꩻနဝ်ꩻသွူ။ စဲ့ꩻသားဖုံႏနဝ်ꩻ အီႏရီစဲစ်ဆေꩻ ‘ကိုယ်ႏတောႏယေရှု’ ငဝ်းရီယဟန်ႏယို ဟဲ့ꩻလွေꩻခန်းသာႏသနာႏရေꩻဆဲင်ႏရာꩻမဟာႏနာႏယကသီးကအုံလမ်း နဝ်ꩻသွူ။ စဲ့ꩻသားဖုံႏ က ထွိုင်ႏဟဲ့ꩻသော့ꩻ ‘ကိုယ်ႏတောႏယေရှု’ လမ်းကိုချိန်ႏတွင်ꩻ ‘ပေတရု’ နဝ်ꩻဖေႏကလꩻထာꩻလွံꩻဓာတ်အတွက် အုံသို့ꩻမေႏအထန်ႏ အုံပွိုးခန်းဒျာႏနဝ်ꩻသွူ။

ကထွိုင်ႏတွိုႏလမ်းကိုတဲင် ‘ယုဒ’ လိုꩻမျိုꩻအွဉ်ငါသားဖုံႏနဝ်ꩻ စဲစ်ဆေꩻစခန်း ‘ကိုယ်ႏတောႏယေရှု’ နဝ်ꩻသွူ။ ဝွေꩻသီးဖုံႏနဝ်ꩻ အီႏလဲဉ်အီတဲင်မဲ့ꩻထီႏသက်သေႏကအီႏမာꩻဒါႏ လိုꩻသက်သေႏအာဖုံႏယိုလဲ့ꩻ ဟဲ့ꩻလွဉ်ခါꩻခန်းနဝ်ꩻသွူ။ ကွဲတွော့ꩻ စွတ်စွယ်ꩻချက်ဖုံႏနဝ်ꩻ တဗာႏတွမ်ႏတဗာႏကျဲက်ငီႏဝင်ꩻတအဝ်ႏတဝ်းတဲင် ‘ကိုယ်ႏတောႏယေရှု’ ယို စွတ် စွယ်ꩻအပဲစ်အဝ်ႏနဝ်ꩻတလꩻတဝ်းသွူ။ ‘ကိုယ်ႏတောႏယေရှု’ ယိုနဝ်ꩻ ငဝ်းတမုဲင်ꩻငါလဲ့ꩻ တဖေႏဒေါ့ꩻတဝ်းနဝ်ꩻသွူ။

အဆုဲင်ꩻသွတ်ꩻတွော့ꩻ သာႏသနာႏရေꩻဆဲင်ႏရာꩻ မဟာႏနာႏယကတန်နဝ်ꩻ ထွားစဲင်းသွူ ‘ကိုယ်ႏတောႏယေရှု’ တဲင် “နာꩻနဝ်ꩻ အသက်ကတင်ႏဆျာꩻဒါႏ ဘုရာꩻပိုခိုတောႏ ‘မေရှိယ’ ကရိုꩻနဝ်ꩻမွေးနေ” ရီခန်းနုဲင်းနဝ်ꩻသွူ။

‘ကိုယ်တောႏယေရှု’ နဝ်ꩻ “မွေး နဝ်ꩻနဝ်ꩻခွေသွူ နိဗ္ဗာန်ႏခံꩻဝေင်ꩻတောႏသူꩻခွေတွမ်ႏဘုရာꩻသျင်ꩻအုံလင်ꩻ ငီꩻဝင်ꩻယို မဲ့ꩻနာꩻအီႏထီႏဗာႏ” မိန်းပြန်ႏချာခန်းနုဲင်းနဝ်ꩻသွူ။ သာႏသနာႏရေꩻဆဲင်ႏရာꩻမဟာႏနာႏယကနဝ်ꩻ ကထွိုင်ႏ ဟွိုန် ‘ကိုယ်ႏတောႏယေရှု’ ဒေါ့ꩻပြန်ႏချာ ငဝ်းယိုတဲင် ဒေါသထန်ႏသန်သွူထာꩻတွော့ꩻ အဲ့ꩻသဲ့ꩻထိုꩻခန်း ‘ကိုယ်ႏတောႏ ယေရှု’ ခွမ်ꩻလာꩻနဝ်ꩻသွူ။ ဝွေꩻနဝ်ꩻ အွဉ်ငါသားအလင်ဖုံႏယို “သီဖုံႏအလို့ ဝွေꩻကဒေါ့ꩻဒါႏငဝ်းယို ဟွိုန်လွဒျာႏမွေး တဝ်းနဲ့ꩻ၊ နုဲင်းယိုနဝ်ꩻ နီဖုံႏတလွိုႏတဝ်းဒွုမ်သက်သေႏအလင်၊ သီဖုံႏဝွေꩻအလောင်းအီႏဆွုံꩻဖျက်လွꩻနုဲင်းမုဲင်ꩻ” ခြဝ်ငဝ်းရီခန်းဒျာႏနုဲင်းနဝ်ꩻသွူ။

သာႏသနာႏရေꩻဆဲင်ႏရာꩻမဟာႏနာႏယကတန် ကရီဒါႏယို ‘ယုဒ’ လိုꩻမျိုꩻအွဉ်ငါသား ကားကအဝ်ႏနဝ်ꩻ “ပါꩻယိုနဝ်ꩻ အဝ်ႏလွိုႏသီသင်ꩻလဲဉ်း” ဒေါ့ꩻဟွိုန်ပြန်ႏချာလွခန်းနုဲင်းနဝ်ꩻသွူ။ နဝ်ꩻဆချာ ဝွေꩻသီးဖုံႏ နဝ်ꩻ စွိုင်ဗဉ်ႏခါꩻသွူ ‘ကိုယ်ႏတောႏယေရှု’ မဲ့ꩻဖြုံႏတွော့ꩻ တွဲႏရောင်၊ တထျိုတွမ်ႏယုဲင်ꩻ သွမ်ꩻရောင်ငရောင်ဖုံႏယို မာꩻလွꩻခန်းဝင်ꩻနဝ်ꩻ သွူ။

‘ပေတရု’ ယို အဝ်ႏအုံပွိုးလမ်းခြံအထန်ႏတွင်ꩻ သွဉ်းသယ်ႏမူႏတဖြာꩻနဝ်ꩻ ထီႏထိုꩻခန်းဝွေꩻတဲင် “နာꩻတဖြာꩻ နဝ်ꩻအဝ်ႏပါလွဉ်ꩻ ‘ယေရှု’ မွေးတဝ်းနဲ့ꩻ” ရီနုဲင်းနဝ်ꩻတွော့ꩻ ‘ပေတရု’ နဝ်ꩻ ညင်ꩻထိုꩻခန်းဒျာႏနဝ်ꩻသွူ။ နဝ်ꩻဆချာ ယင်းအသွဉ်းအသယ်ႏတဖြာꩻရီချိန်ႏတွင်ꩻလဲ့ꩻ ‘ပေတရု’ နဝ်ꩻ ညင်ꩻထိုꩻယင်းစွဉ်ႏနဝ်ꩻသွူ။ အဆုဲင်ꩻသွတ်ꩻတွော့ꩻ လိုꩻ ဖုံႏနဝ်ꩻ “သီဝင်ꩻနီလွုမ်း ထွာလိုꩻအဝ်ႏ ‘ဂါလိလဲ’ လွဉ်တဲင် သီဖုံႏတွမ်ႏ ‘ယေရှု’ လွဉ်ညီꩻဝင်ꩻကရိုꩻယို နီဖုံႏအဝ်ႏသေဒျာႏ” ဒေါ့ꩻလွꩻခန်းဝင်ꩻနုဲင်းနဝ်ꩻသွူ။

နဝ်ꩻဆချာ ‘ပေတရု’ နဝ်ꩻ “ခွေတသေတဝ်းပါꩻယိုမွေးဒျာႏ။ ခွေမဉ်ႏသေ ပါꩻယိုနဝ်ꩻ ဘုရာꩻတွိုက်ꩻသွော့ꩻ ခွေကျိန်ႏစာႏ” ဒေါ့ꩻပြန်ႏနယ်ချာခန်းနုဲင်းနဝ်ꩻသွူ။ ‘ပေတရု’ ရိုꩻကျိန်ႏစာႏထွူ တလဲင်ႏချင်ႏ ဆျာထီးတန်အူႏငဝ်း လဲ့ꩻထန်ႏလွဉ်ခန်းဒျာႏနဝ်ꩻသွူ။ ‘ကိုယ်ႏတောႏယေရှု’ နဝ်ꩻ လဲ့ꩻထွားတချာခန်း ‘ပေတရု’ နဝ်ꩻသွူ။

‘ပေတရု’ နဝ်ꩻ ဖင်းထန်ႏညာꩻထိုꩻသွူတဲင် ယူႏစဉ္စာႏတလꩻတဝ်းတွော့ꩻ ငွိုးသန်မွေးမုဲင်းထာꩻနဝ်ꩻသွူ။ နဝ်ꩻချိန်ႏတွင်ꩻ သစ္စာႏကဖောက်ဒါႏ ‘ကိုယ်ႏတောႏယေရှု’ ‘ယုဒ’ နဝ်ꩻ ထီႏလွေꩻခန်း ‘ယုဒ’ အွဉ်ငါသားဖုံႏ အီချꩻအမိန်း အီဖေႏ ‘ကိုယ်ႏတောႏယေရှု’ သီတန်ႏတဲင် သꩻပေႏခရာႏဖုံႏ ဗွေလွဉ်ꩻငါႏတွော့ꩻ ဖင်းထန်ႏညာꩻသွူတဲင် မာꩻသီချာခန်း အနမ်းနဝ်ꩻသွူ။

နောဝ်ꩻအချိန်ႏတွင်ꩻ ‘ပိလပ်’ နဝ်ꩻ ထွာ ‘ယုဒ’ ဘုရင်ခံႏတွမ်ႏ ‘ရောမ’ လိုꩻမျိုꩻအတွက် ထွာစီႏမံႏအုပ် ချွုတ် ဖေႏအချိန်ႏနဝ်ꩻသွူ။ ‘ယုဒ’ လိုꩻမျိုꩻအွဉ်ငါသားဖုံႏနဝ်ꩻ ‘ပိလပ်’ ဘုရင်ခံႏယိုမဉ်ထွဉ်ႏချမတ်ꩻလွ ‘ကိုယ်ႏတောႏယေရှု’သီတန်ႏနဝ်ꩻသွူ။ ‘ပိလပ်’ နောဝ်ꩻရီခန်း ‘ကိုယ်ႏတောႏယေရှု’ နာꩻယို ‘ယုဒ’ လိုꩻမျိုꩻသီးဖုံႏခွန်ကရိုꩻနောဝ်ꩻ မွေးနေ ဟောင်း” နုဲင်းနဝ်ꩻသွူ။

‘ကိုယ်ႏတောႏယေရှု’ နဝ်ꩻ “နာꩻကဒေါ့ꩻယို ထွာအမန်ႏတရာꩻနဝ်ꩻသွူ။ ကွဲတွော့ꩻ ခွေနိုင်ႏငံႏတောႏနဝ်ꩻ အဝ်ႏကမ္ဘာႏယိုလောင်း တမွေးတဝ်း၊ မဉ်ႏအဝ်ႏကမ္ဘာႏဟံႏယိုအလောင်းကရိုꩻနဝ်ꩻ ခွေတွက်တာႏခွေသွဉ်းသယ်ႏ ဖုံႏနဝ်ꩻ အီႏတွိုက်ꩻခꩻဖေႏဒျာႏ၊ ခွေကတွိုႏလွဉ်ဗာႏ ကမ္ဘာႏဟံႏယိုအလောင်းနဝ်ꩻ အဝ်ႏလွိုႏဒေါ့ꩻနယ် ဘုရာꩻ သျင်ꩻသီး သမ္မာႏတရာꩻအကျောင်ꩻနဝ်ꩻသွူ။ လိုꩻကနှစ်သက်ဒါႏ သမ္မာႏတရာꩻယို လွိုက်ꩻနာႏလွꩻဒျာႏခွေငဝ်း” မိန်းခန်းနုဲင်း နဝ်ꩻသွူ။ ‘ပိလပ်’ ဘုရင်ခံႏနဝ်ꩻလဲ့ꩻ “သမ္မာႏတရာꩻကရိုꩻနဝ်ꩻတမုဲင်ꩻ” ရီပြန်ႏချာခန်းနုဲင်းနဝ်ꩻသွူ။

‘ပိလပ်’ နောဝ်ꩻ တွမ်ႏ ‘ကိုယ်ႏတောႏယေရှု’ ဒေါ့ꩻငဝ်းထွိုင်ႏထွူချိန်ႏတွင်ꩻ ထန်ႏသွူလိုꩻအမျာꩻဖဲ့ꩻငါတဲင် “ပါꩻယိုအတွက် ဖေႏကသေနွောင်ꩻဒါႏ အကျောင်ꩻခရာႏတမုဲင်ꩻမုဲင်ꩻတဲ့ ခွေထုမ်ႏတမော့ꩻတဝ်း” ဒေါ့ꩻဟွိုန်ခန်းနုဲင်း နဝ်ꩻသွူ။ ကွဲတွော့ꩻ ‘ယုဒ’ ဘာႏသာႏရေꩻအွဉ်ငါသားဖုံႏတွမ်ႏလိုꩻအမျာꩻဖုံႏနဝ်ꩻ “ဝွေꩻယိုဒင်ႏဖေႏသွော့ꩻ စူယာꩻကပ် ထွန်ႏလောင်းဟုဲင်း” ခြဝ်လွခန်းဝင်ꩻနုဲင်းနဝ်ꩻသွူ။ “ဝွေꩻနဝ်ꩻ အမာႏတမုဲင်ꩻလဲ့ꩻ မာꩻခါꩻတအဝ်ႏတဝ်းတဲင် အပဲစ် တအဝ်ႏတဝ်း။” ‘ပိလပ်’ ဘုရင်ခံႏနဝ်ꩻ ဒေါ့ꩻဟွိုန်စွဉ်ႏလဲ့ꩻ လိုꩻအမျာꩻဖုံႏနဝ်ꩻ ယိန်းခြဝ်သန်သန်ထဲင်းအငဝ်းဖုံႏနဝ်ꩻ သွူ။ နဝ်ꩻဆချာ ‘ပိလပ်’ နဝ်ꩻ တတိယအလဲင်ႏ “ဝွေꩻယိုအပဲစ်တအဝ်ႏတဝ်း” ဒေါ့ꩻဟွိုန်ထဲင်းယင်းနုဲင်းနဝ်ꩻသွူ။

‘ပိလပ်’ ဘုရင်ခံႏနဝ်ꩻ ငမ်းလွဉ်လိုꩻအမျာꩻဖုံႏထွာအဓိကရုန်ႏပျဿနာႏတဲင် အီႏဒင်ႏ ‘ကိုယ်ႏတောႏယေရှု’ စူယာကပ်ꩻထွန်ႏလောင်းအတာႏ မဲ့ꩻဝွေꩻအီႏထွဉ်ႏဝွေꩻစဲ့ꩻသားဖုံႏသဘောꩻတူႏခန်းလိုꩻအမျာꩻဖုံႏနဝ်ꩻသွူ။ ရောမ စဲ့ꩻ သားဖုံႏနောဝ်ꩻ ‘ကိုယ်ႏတောႏယေရှု’ နမ်းလောင်းယို ထွဉ်ႏကꩻဖေႏခန်းဟော်ꩻကိုခွမ်ꩻလာꩻဖုံႏတဲင် ဖေႏခူးခန်းလက် ဆောင်ႏ ထာꩻဆူႏခတ်သရဖူနောဝ်ꩻသွူ။ နဝ်ꩻဆချာ ဝွေꩻသီးဖုံႏနဝ်ꩻ ဒေါ့ꩻရိုꩻခန်း ‘ကိုယ်ႏတောႏယေရှု’ “ထွားသွော့ꩻ ‘ယုဒ’ လိုꩻ မျိုꩻဘရင်ယိုဟုဲင်း” သွမ်ꩻဒေါ့ꩻရောင်ခန်းနုဲင်းနဝ်ꩻသွူ။

သျင်ႏမဿဲခရစ်နွို့ꩻ ၂၆:၅၇-၂၇:၂၆; မာကုခရစ်နွို့ꩻ၁၄:၅၃-၁၅:၁၅; သျင်ႏလုကာခရစ်နွို့ꩻ ၂၂:၅၄-၂၃:၂၅ သျင်ႏယောဟန်ခရစနွို့ꩻ ၁၈:၁၂-၁၉:၁၆ မꩻ သမ္မာႏလိတ်ကျမ်ꩻ ငဝ်းခြုဲင်း