၃၄ - ‘ကိုယ်ႏတောႏယေရှု’ သွဉ်သင်ဒါႏငဝ်းခြုဲင်းအလင်ဖုံႏ
(၃၄-၁) ‘ကိုယ်ႏတောႏယေရှု’ နဝ်ꩻဘုရာꩻသျင်ꩻသီးနိဗ္ဗာန်ႏခံꩻဝေင်ꩻတောႏအကျောင်ꩻယို ဒေါ့ꩻနယ်ခန်းပွုံႏဝတ္ထုဖုံႏ နဝ်ꩻသွူ။ ဥပမာႏအနေႏတဲင်ဝွေꩻနဝ်ꩻ “ဘုရာꩻသျင်ꩻနိဗ္ဗာန်ႏခံꩻဝေင်ꩻတောႏယို လိုꩻတဖြာꩻနဝ်ꩻလွေꩻလုဲင်းကွင်ꩻကို ထွာဆို့ꩻခါꩻညောင်ႏခူꩻနဝ်ꩻသွူ။ အခူႏဖုံႏအကိုယို ညောင်ႏခူꩻနဝ်ꩻထွာအပေႏသွတ်ꩻကရိုꩻယို သီဖုံႏအဝ်ႏသေဒျာႏနဝ်ꩻ သွူ။”
“ကွဲတွော့ꩻ ညောင်ႏခူꩻနဝ်ꩻအမွူးကထွိုင်ႏဒေါ့ အပင်ဖုံႏထွိုင်ႏတန်လွဉ်ဝါးဖုံႏနဝ်ꩻ လွဉ်အုံပဆားနွောင်ꩻ သွူတဲင် ဥယျာဉ်ႏကို ထွာထိုꩻခန်းအမွူးအတန်သွတ်ꩻနဝ်ꩻသွူ။”
ထဲင်းယင်းငဝ်းခြုဲင်းတပုဒ်နဝ်ꩻ ‘ကိုယ်ႏတောႏယေရှု’ ရိုꩻ “ဘုရာꩻ သျင်ꩻသီးနိဗ္ဗာန်ႏခံꩻဝေင်ꩻတောႏနဝ်ꩻ ပါꩻ မူႏတဖြာꩻအီဖို့ꩻတခိုးပေါင်မုန့်တဲင် ဖေႏကတိုးစွစ်ꩻဂျုံကိုယို ထွာဗွိုန်နုဲင်း နုဲင်တွမ်ႏတသီႏပွꩻ” ဒေါ့ꩻဟွိုန်ခန်းနုဲင်း နဝ်ꩻသွူ။
“ဘုရာꩻသျင်ꩻသီးနိဗ္ဗာန်ႏခံꩻဝေင်ꩻတောႏနဝ်ꩻ ဗွိုန်နုဲင်းလိုꩻတဖြာꩻ ပလို့သေꩻရတနာႏတွိုက်လုဲင်းကွင်ꩻကိုနဝ်ꩻ သွူ။ လိုꩻအလင်တဖြာꩻ နဝ်ꩻ ထီႏထိုꩻခန်းရတနာႏနဝ်ꩻတဲင်ꩻ မဲဉ်လꩻသန်ငါႏနဝ်ꩻသွူ။ နောဝ်ꩻတွော့ꩻဝွေꩻနောဝ်ꩻ ပလို့ꩻ တေားလုဲင်ႏခင်ႏလမ်းအွိုးတထွောင်းနဝ်ꩻသွူ။ ဝွေꩻနဝ်ꩻသꩻရေꩻငါႏ မရေႏမရာႏတဲင် ဝွေꩻဖေႏကဖြေ့ꩻနွောင်ꩻ ကပလို့ꩻ သေꩻဒါႏရတနာႏတွိုက်လုဲင်းနဝ်ꩻကိုနဝ်ꩻ ဝွေꩻကပဲင်ႏဆဲင်ꩻဒါႏကားကအဝ်ႏယိုစာထိုꩻခန်းဒျာႏနဝ်ꩻသွူ။”
“ဘုရာꩻသျင်ꩻသီးနိဗ္ဗာန်ႏခံꩻဝေင်ꩻတောႏနဝ်ꩻ တန်ႏဖိုꩻတန်မွေးငါႏ နုဲင်းပလဲတဖြုံႏတဲ့ꩻဗွိုန်သွူ။ ပလဲကွုံႏ သယ်ႏတဖြာꩻကထွိုင်ႏထီႏယို ဖေႏကဖြေꩻနွောင်ꩻပလဲနဝ်ꩻအတာႏဗွိုန်နုဲင်း ကစာထိုꩻဗာꩻဝွေꩻကပဲင်ႏဆဲင်ႏမုꩻအလို့ꩻ နဝ်ꩻသွူ။
လိုꩻယဟန်ႏဖုံႏနဝ်ꩻ ကွပ်ဝွေꩻသီးဖုံႏမာꩻထာꩻဟဝ်တဲင် ဘုရာꩻသျင်ꩻ နဝ်ꩻမဲ့လက်ခံႏဒျာႏဝွေꩻသီးဖုံႏ အဝ်ႏထီႏ ခံႏထူႏနုဲင်းနဝ်ꩻတဲ့ꩻအဝ်ႏသွူ။ လိုꩻနဝ်ꩻဖုံႏနဝ်ꩻ ကန်ꩻကွက်ခန်း ကုသိုလ်ႏထာꩻမာꩻဟဝ်တမာꩻတဝ်းလိုꩻဖုံႏနဝ်ꩻသွူ။ နဝ်ꩻအချိန်ႏတွင်ꩻ ‘ကိုယ်ႏတောႏယေရှု’ နဝ်ꩻ မိန်း ဟွိုန်ခန်းဝွေꩻသီးဖုံႏငဝ်းခြုဲင်း “ဝွတ်ပတ်အတာႏ လိုꩻနီဖြာꩻလွေꩻ ဘုရာꩻသျင်ꩻကျောင်ꩻနဝ်ꩻသွူ တဖြာꩻနဝ်ꩻ ထွာကောက်အခွဉ်ႏသား တဲင်ꩻ ယင်းတဖြာꩻနဝ်ꩻ ထွာဘာႏသာႏရေꩻအွဉ် ငါသား” နုဲင်းနဝ်ꩻသွူ။
ဘာႏသာႏရေꩻအွဉ်ငါသားနဝ်ꩻ ဝွတ်ပတ်ခန်းဘုရာꩻနုဲင်းယိုသွူ။ “ခွေသွဉ်းနဝ်ꩻ အလင်စွန်သားဖုံႏ၊ လိုꩻတ တရာꩻတဝ်းဖုံႏ၊ ကပဲစ်မာႏဒါႏဝင်ꩻပိုမာဖုံႏတွမ်ႏခင်ႏလမ်းနဝ်ꩻကိုကအဝ်ႏဒါႏ ဗွိုန်နုဲင်းကောက်အ ခွဉ်ႏသား အပဲစ် သားဖုံႏတမွေးတဝ်းအတွက် ကေꩻဇူꩻတင်ႏငါႏ ဘုရာꩻသျင်ꩻယိုသွူ။”
“ဥပမာႏအနေႏတဲင် ခွေသွဉ်းနဝ်ꩻ တပတ်ယိုနီလဲင်ႏသျောင်ႏသွူထာꩻအံႏတဲင် ခွေသွဉ်းကလꩻဒါႏ ကွန်ႏ ဖုံႏတွမ်ႏရွဉ်ဖုံႏ တဆီနှုံႏယိုဖေႏခါꩻဒျာႏဘုရာꩻသျင်ꩻနဝ်ꩻသွူ။”
“ကွဲတွော့ꩻ ကောက်အခွဉ်ႏသားနဝ်ꩻ အုံနွိုင်းခန်း တွမ်ႏဘာႏသာႏရေꩻအွဉ်ငါသားပေါင်းညာꩻညာꩻတွော့ꩻ အွော့ꩻတထွားတဝ်းမို့နဝ်ꩻသွူ။ နဝ်ꩻကိုယ်ႏစာꩻဝွေꩻသꩻအင်ယို တွုပ်ꩻသွူတွမ်ႏစူထွံꩻတဲင် “ဖာဘုရာꩻသျင်ꩻ ခွေသွဉ်း နဝ်ꩻထွာအပဲစ်သားတဲင် သꩻညင်ꩻဖေႏသွော့ꩻခွေသွဉ်း” ဆုတောင်ꩻခန်းနုဲင်းနဝ်ꩻသွူ။
နဝ်ꩻဆချာ ‘ကိုယ်ႏတောႏယေရှု’ နဝ်ꩻ “ခွေ ဒေါ့ꩻနယ်သီအမဲဉ်ႏတရာႏဖုံႏနဝ်ꩻသွူ။ ဘုရာꩻသျင်ꩻနဝ်ꩻ က ထွိုင်ႏဟွိုန်ကောက်အခွဉ်ႏသားဆုတောင်ꩻမုꩻတဲင် လွိုကယ်ထဲင်းဘာႏသာႏရေꩻအွဉ်ငါသား ထွာလိုꩻရိုꩻသာꩻစွဉ်ႏ သွော့ꩻအကျောင်ꩻ” မိန်းဟွိုန်ခန်းနုဲင်းနဝ်ꩻသွူ။ ဘုရာꩻသျင်ꩻနဝ်ꩻ မာနကထိုꩻဒါႏလိုꩻတွိုင်ႏယို ကန်ႏကွက်သွူတဲင် နမ်းတွမ်နမ်း ကချꩻဖွိုႏဒါႏလိုꩻဖုံႏယိုဂွုဏ်ႏပျုအံႏယောꩻခန်းနဝ်ꩻသွူ။
သျင်ႏမဿဲခရစ်နွို့ꩻ ၁၃:၃၁-၃၃, ၄၄-၄၆; မာကုခရစ်နွို့ꩻ ၄:၃၀-၃၂; သျင်ႏလုကာခရစ်နွို့ꩻ ၁၃:၁၈-၂၁; ၁၈:၉-၁၄ မꩻ သမ္မာႏလိတ်ကျမ်ꩻ ငဝ်းခြုဲင်း