၂၇ - သꩻရင်ꩻဟဝ် ‘ရှမာရိတန်’ ပွုံႏဝတ္ထု

တနီꩻတွော့ꩻ ‘ယုဒ’ လိုꩻမျိုꩻဖုံႏ ပိဋကတ်ဥပဒေႏကျင်ႏလည်ႏလိုꩻတဖြာꩻနဝ်ꩻ တွိုႏလွဉ်ခန်း ‘ကိုယ်ႏတောႏယေရှု’ ထျꩻနဝ်ꩻသွူ။ ဝွေꩻနဝ်ꩻ ‘ကိုယ်ႏတောႏယေရှု’ ကသွဉ်သင်ဒါႏထာꩻကအဝ်ႏနဝ်ꩻ မာႏအ ကျောင်ꩻယို ထွာမဲဉ်အွဉ်ႏပျꩻ သေငါႏ လိုꩻတွိုင်ꩻဖုံႏနဝ်ꩻသွူ။ နောဝ်ꩻတွော့ꩻ ဝွေꩻနဝ်ꩻ “ဆရာႏ ခွေနဝ်ꩻ ဖေႏကလꩻနိစ္စထာꩻဝရအသက်ယို အီႏမာꩻဗာႏ နုဲင်းမုဲင်ꩻ” ရီလဝ်းနုဲင်းနဝ်ꩻတဲင် “ဘုရာꩻသျင်ꩻ ပ ညတ်တောႏကို တဲမ်းခါꩻတမုဲင်ꩻဖုံႏဟောင်း” ‘ကိုယ်ႏတောႏယေရှု’ ရီချာခန်းနုဲင်းနဝ်ꩻသွူ။

လိုꩻနောဝ်ꩻနဝ်ꩻ ဘုရာꩻသျင်ꩻပညတ်တောႏကို မိန်းဟွိုန်ခါꩻနောဝ်ꩻ “နာꩻနမ်းသꩻသွံပါꩻယို ရက်သွော့ꩻ ဘုရာꩻသျင်ꩻ။ မိဉ်ႏထွူ နာꩻနမ်း တွမ်ႏနာꩻ နာꩻလမ်းအသောင်အရင်ꩻဖုံႏယို အွဉ်ႏသွော့ꩻ မေတ္တာႏတဲမ်းခါꩻနုဲင်းနဝ်ꩻ” သျောက် လဝ်းခန်းနုဲင်းနဝ်ꩻသွူ။ နဝ်ꩻတွော့ꩻ ‘ကိုယ်ႏတောႏယေရှု’ “နာꩻအဖြေႏယို မန်ႏကန်ႏမုꩻအဝ်ႏတဲင် နာꩻမဉ်ႏမာꩻနုဲင်းယို နဝ်ꩻ နိစ္စထာꩻဝရအသက်ယို မဲ့လꩻလွဉ်ဒျာႏ” မိန်းခန်း နုဲင်းနဝ်ꩻသွူ။

ကွဲတွော့ꩻ ပိဋကတ်ဥပဒေႏကျင်ႏလယ်ႏလိုꩻနဝ်ꩻ လိုꩻဖုံႏယို ဝွေꩻသီးအသက်မွန်ဗန်အုံအဝ်ႏရေꩻလွုမ်ꩻ ထွာꩻအ မဲဉ်ႏ မဉ်အွဉ်ႏနယ်ပျꩻငါႏတဲင် ဝွေꩻနဝ်ꩻ သျောက်ခန်း ‘ကိုယ်ႏတောႏယေရှု’ “မဉ်ႏရိုꩻနုဲင်း နောဝ်ꩻကခွေလမ်းဗော့ꩻချင်ꩻနဝ်ꩻ ထွာတမုဲင်ꩻဟောင်း” ရီလဝ်းခန်းနုဲင်းနဝ်ꩻသွူ။

‘ကိုယ်ႏတောႏယေရှု’ နဝ်ꩻ ကျမ်ꩻဥပဒေႏကကျင်ႏလယ်ႏဒါႏလိုꩻယို ဖြေႏပြန်ႏနယ်ချာခန်း ငဝ်ႏခြုဲင်းတပွုဒ်အ နေႏနဝ်ꩻသွူ။ “ယေရုရှ လင်မꩻ လွေꩻ ယေရိခေါ ထျꩻတဖူꩻတလီးယို ‘ယုဒ’ လိုꩻမျိုꩻတဖြာꩻ အဝ်ႏလွေꩻသဲင်ꩻတဖူꩻနဝ်ꩻသွူ။”

ကွဲတွော့ꩻ စွန်ꩻသားယဟန်ႏနဝ်ꩻ ထီႏထိုꩻခန်းဝွေꩻတဲင် တွိုက်ꩻတဖန်ႏလွေꩻခန်းဒျာႏနဝ်ꩻသွူ။ ဝွေꩻသီးဖုံႏနဝ်ꩻ ထူႏသွူ ဝွေꩻထာꩻခြွိုꩻကားကအဝ်ႏယို တွဲႏနက်ခန်း မသီတသီတဲင် အွဉ်ကုဲင်သွူဝွေꩻတွော့ꩻ ထန်ႏညာꩻထိုꩻခန်းဒျာႏ နဝ်ꩻသွူ။

“နဝ်ꩻဆချာ တညတဝ်းအချိန်ႏတွင် ‘ယုဒ’ ဘာႏသာႏရေꩻအွဉ်ငါသားတဖြာꩻ ကထွိုင်ႏထောင်ꩻတဖူꩻနဝ်ꩻ ဘာႏသာႏရေꩻအွဉ်ငါသား နဝ်ꩻနဝ်ꩻ ထီႏခန်းလိုꩻတဖြာꩻ အဝ်ႏတလွာꩻထာꩻနဝ်ꩻသွူ။ ဘာႏသာႏရေꩻအွဉ်ငါသားနဝ်ꩻ နဝ်ꩻ ကထွိုင်ႏထီႏပါꩻနောဝ်ꩻတဲင် ကဲဉ်းမာꩻခန်း တမဲဉ်ထီႏတဝ်းတွော့ꩻ လွေꩻခန်းတဖူꩻအွိုးတလီးတဲင် လွေꩻဆွိုက် ခန်းတဖူꩻနဝ်ꩻသွူ”။

“တညတဝ်းအချိန်ႏတွင်ꩻ ‘လေဝိ’ တဖြာꩻနဝ်ꩻ တွိုႏလွဉ်ခန်းတဖူꩻ နဝ်ꩻအတွိုင်ꩻနဝ်ꩻသွူ။ (‘လေဝိ’ ဖုံႏနဝ်ꩻ ဘုရာꩻကျောင်ꩻတောႏဖုံႏ ဘာႏသာႏရေꩻအွဉ်ငါသားဖုံႏယို ကူႏညီႏခန်း ‘ယုဒ’ လိုꩻမျိုꩻစုꩻ တစုꩻနဝ်ꩻသွူ။) ‘လေဝိ’ နဝ်ꩻ လဲ့ꩻ ယောင်ႏဆောင်ႏကဲဉ်းမာꩻခန်းတမဲဉ်ထီႏတဝ်း လိုꩻနဝ်ꩻတဲင် လွေꩻခန်းတဖူꩻအွိုးတဖဲ့ꩻနဝ်ꩻသွူ။”

“တဖူꩻနဝ်ꩻတလီးလွဉ်ယင်း လိုꩻဆုဲင်ꩻတဖြာꩻနဝ်ꩻ ထွာ ‘ရှမာရိ’ လိုꩻတဖြာꩻနဝ်ꩻသွူ။ (ရှမာရိတန်ဖုံႏတွမ်ႏ ‘ယုဒ’ လိုꩻမျိုꩻဖုံႏနဝ်ꩻ အချင်ႏချင်ႏလွꩻထီႏခန်းနဝ်ꩻသွူ။) ‘ရှမာရိတန်’ လိုꩻနဝ်ꩻနဝ်ꩻ ထီႏခန်း လိုꩻ အဝ်ႏတလွာထာꩻတဖူꩻ ကိုနဝ်ꩻသွူ။ ဝွေꩻနဝ်ꩻ ပါꩻယို ထွာ ‘ယုဒ’ လိုꩻမျိုꩻတဖြာꩻ ထီႏခန်းရိုꩻကီလဲ့ꩻ ဝွေꩻသꩻမဲဉ်ကူႏညီႏထွာသန်းခန်းဒျာႏ ဝွေꩻ သွူ။ နဝ်ꩻတွော့ꩻ ‘ရှမာရိတန်’ နဝ်ꩻ ပါꩻနဝ်ꩻထာꩻဆာခင်ႏလမ်းဖုံႏယို သော့ꩻသွူတသီႏတွော့ꩻ ပတ်ခါꩻဖေႏခန်း ထာꩻ ပတ်နဝ်ꩻသွူ”။

“နဝ်ꩻဆချာ ‘ရှမာရိတန်’ လိုꩻမျိုꩻနဝ်ꩻ ဝွေꩻနမ်းကိုယ်ႏတဲင်ႏ ထန်ႏခန်းဝွေꩻသေလောင်းတွော့ꩻ ဟဲ့ꩻလွေꩻခန်း အဗော့ꩻတဝွိုက်ကအဝ်ႏဒါႏ အအုံနားခင်ႏလမ်းတဲင် ဝွေꩻနဝ်ꩻ ခင်ႏလမ်းယို ပျုꩻစုꩻဆွိုက်ခန်းပါꩻ နဝ်ꩻသွူ။”

“တွိုႏတနီꩻတွော့ꩻ ‘ရှမာရိတန်’ လိုꩻမျိုꩻနဝ်ꩻ ဝွေꩻအဝ်ႏလွေꩻဆွိုက်တဖူꩻတဲင် ဝွေꩻနဝ်ꩻ ဖေႏသွူလမ်းဗွေႏသားရွဉ်ယဟန်ႏတဲင် ထွဉ်ႏအွဉ်ႏရေꩻပါ ထာꩻဆာလꩻသား၊ ကဖေႏဒါႏရွဉ်ယို မဉ်ႏလို့ꩻပိုႏလဲ့ꩻ မဲ့ꩻခေွသွဉ်း ဖေႏယင်းဒျာႏ” ထွန်ႏဟွိုန်ခါꩻခန်းနုဲင်းနဝ်ꩻသွူ။

နဝ်ꩻဆချာ ‘ကိုယ်ႏတောႏယေရှု’ နောဝ်ꩻ ပိဋကတ်ကျမ်ꩻဥပဒေႏ ကျင်ႏလည်ႏလိုꩻယို “နာꩻထင်းနုဲင်းမုဲင်ꩻဟောင်း။ ကခံႏဗာႏဝင်ꩻစွန်ꩻယို ဝွေꩻလမ်းဗော့ꩻချင်ꩻနဝ်ꩻ ရထွာနွောင်ꩻတမုဲင်ꩻဟောင်း” ရီလဝ်း ခန်းနုဲင်းနဝ်ꩻ သွူ။ “ဝွေꩻအလောင်း ကေꩻဇူႏကအဝ်ႏလိုꩻ ကထွိုင်ႏဖြေႏပြန်ႏချာနုဲင်းနဝ်ꩻအချိန်ႏတဲင် ‘ကိုယ်ႏတောႏယေရှု’ နဝ်ꩻ ပါꩻယို နာꩻတဲ့ꩻမာꩻလွေꩻနုဲင်းဝွေꩻဟုဲင်း” မိန်းခန်းနုဲင်းနဝ်ꩻသွူ။

သျင်ႏလုကာခရစ်နွို့ꩻ ၁၀:၂၅-၃၇ မꩻ သမ္မာႏလိတ်ကျမ်ꩻ ငဝ်းခြုဲင်း