၂၉ - ကေꩻဇူꩻတသေတဝ်း အသွဉ်းအသယ်ႏတဖြာပွုံႏဝတ္ထု
တနီꩻတွော့ꩻ ‘ပေတရု’ ရိုꩻ ‘ကိုယ်ႏတောႏယေရှု’ “ဗေွႏ၊ ခွေအလောင်း ခွေဖူးကမာꩻမာႏအပဲစ်ယို ခွင်ꩻလွစ်ဖေႏဗာႏနုဲင်းမုဲင်ꩻ လဲင်ႏဟောင်း။ ခွင်ꩻလွစ်ဖေႏဗာႏနွတ်ꩻလဲင်ႏရပ်ဟောင်း” ရီခန်းနုဲင်းနဝ်ꩻသွူ။ ‘ကိုယ်ႏတောႏယေရှု’ နဝ်ꩻ “နွတ်ꩻလဲင်ႏလွုမ်ꩻတမွေးတဝ်း သယ်ꩻခံႏခွင်ꩻလွစ်ဖေႏဗာႏ နွတ်ꩻဆီနွတ်ꩻလဲင်ႏ” ဖြေႏပြန်ႏချာနုဲင်း နဝ်ꩻသွူ။ ကထွိုင်ႏမိန်းနုဲင်းနဝ်ꩻနောဝ်ꩻ ထွဉ်ႏဟွိုန်သေꩻခန်း ဖေႏကခွင်ꩻလွစ်တသေႏအတာႏ နဝ်ꩻသွူ။ နဝ်ꩻဆချာ ‘ကိုယ်ႏတောႏ ယေရှု’ ဒေါ့ꩻခြုဲင်းနယ်ခန်း ငဝ်းခြုဲင်းယိုသွူ။
‘ကိုယ်ႏတောႏယေရှု’ နောဝ်ꩻ “ဘုရာꩻသျင်ꩻသာႏသနာႏတောႏ အ သွဉ်းအသယ်ႏဖုံႏယို ဗွိုန်နုဲင်းခွန်တဖြာꩻ ချောꩻဖေႏအနီးဖုံႏနောဝ်ꩻသွူ။ ခွန်ထျꩻယို ဝွေꩻထာꩻမာꩻသားတဖြာꩻအဝ်ႏလွိုႏဆပ်ဗာႏအနီးနေင်ႏပေါင်ꩻနီသိန်ꩻရပ်နဝ်ꩻသွူ။”
ကွဲတွော့ꩻ အသွဉ်းအသယ်ႏနဝ်ꩻ “ဖေႏဆပ်ချာ အနီးနွောင်ꩻတဝ်း တဲင် ခွန်နဝ်ꩻ ပါꩻယိုတွမ်ႏဝွေꩻလမ်းသားယို ဖေႏကဆပ်နွောင်ꩻအနီးနဝ်ꩻ အသွဉ်းအသယ်ႏအထွာ စာဟုဲင်း” မိန်းခန်းနုဲင်းနဝ်ꩻသွူ။
“အသွဉ်းအသယ်ႏနဝ်ꩻ ထောက်ခင်ႏအုံလင်ꩻသွူ ခွန်ဖဲ့ꩻငါတဲင်
“သယ်ႏခံႏဖေႏသွော့ꩻခွေ တဆင်ႏ၊ နီးဖုံႏယို ခွေေဖေႏကဖေႏနွောင်ꩻအတွက် ခွေသွဉ်းအီႏဆပ်ကေႏဒျာႏ” ကထွိုင်ႏဒေါ့ꩻဟွိုန်နုဲင်းနဝ်ꩻ
တဲင် ခွန်နဝ်ꩻသꩻသညင်ꩻပေါႏ ထွာလွဉ်တဲင်တွော့ꩻ ပါꩻအသွဉ်းအ
သယ်ႏနီးဖုံႏယို ချော့ꩻဖေႏထွူ ဖေႏခန်းလွေꩻခွင်ꩻနဝ်ꩻသွူ။”
ကွဲတွော့ꩻ အသွဉ်းအသယ်ႏနောဝ်ꩻ ထန်ႏလွဉ်ခွန်ထျꩻချိန်ႏတွင်ꩻဝွေꩻထီႏခန်း အဝ်ႏလွိုႏဖေႏနီးလစ်လာတာႏအသွဉ်းအသယ်ႏတဖြာꩻနဝ်ꩻသွူ။ အသွဉ်းအသယ်ႏနဝ်ꩻနောဝ်ꩻ ဆွမ်ꩻသွူ နီးကအဝ်ꩻဒါႏ အသွဉ်းအသယ်ႏယိုတဲင် နာꩻကအဝ်ႏလွိုႏဖေႏဒါႏ “ခွေအနီးဖုံႏယို ဖေႏခန်းလုဲင်း” ဒေါ့ꩻခန်းနုဲင်းနဝ်ꩻသွူ။
“နီးကအဝ်ႏဒင်ႏဒါႏ အသွဉ်းအသယ်ႏနဝ်ꩻ ထောက်လꩻခင်ႏအုံလင်ꩻသွူတဲင် “အွဉ်ႏသꩻဆွာꩻဆွာꩻ သယ်ႏခံႏ ဖေႏသွော့ꩻ ခွေအလောင်း၊ ခွေနီးကားကအဝ်ႏယို မဲ့ꩻခွေဆပ်လို့ဒျာႏ” ကွဲတွော့ꩻ အသွဉ်းအ သယ်ႏနောဝ်ꩻ ဝွေꩻအ လောင်း နီးကအဝ်ႏဒါႏ အသွဉ်းအသယ်ႏယို နီးမဆပ်မချင်း သော့ꩻခါꩻခန်းထောင်ကိုနဝ်ꩻသွူ။”
“အသွဉ်းအသယ်ႏ အလင်ꩻကထွိုင်ႏထီႏ နုဲင်းနဝ်ꩻတဲင် အကျောင်ꩻခရာႏကားကအဝ်ႏဖုံႏယို သျောက်နယ်ခန်း ခွန်နဝ်ꩻသွူ။”
“ခွန်နောဝ်ꩻ ဟဲ့ꩻသွူ အသွဉ်းအသယ်ႏနဝ်ꩻတဲင် “နာꩻနောဝ်ꩻ ထွာ သွဉ်းသယ်ႏသꩻတကျင်ႏတဖြာꩻနဝ်ꩻသွူ။ နာꩻတောင်ꩻပြန်ႏခွေတဲင် ဗွိုန်နုဲင်းခွေကချော့ နီးအတွိုင်ꩻ ဝွေꩻယိုလဲ့ꩻ မာꩻဖေႏဗာႏနုဲင်းနဝ်ꩻ” မိန်းခန်းနုဲင်းနဝ်ꩻသွူ။ ခွန်နောဝ်ꩻ သꩻဒွေါင်ႏသွူထာꩻတဲင် အသွဉ်းအသယ်ႏယို ဝွေꩻနီးဖုံႏမဖေႏမချင်း သော့ꩻခန်းထောင်ႏကိုနဝ်ꩻသွူ။”
နဝ်ꩻဆချာ ‘ကိုယ်ႏတောႏယေရှု’ နဝ်ꩻ “အခရာႏနဝ်ꩻဖုံႏနဝ်ꩻ သီသꩻသယ်ႏခံႏခွင်ꩻလွစ်မုꩻ မဉ်ႏတအဝ်ႏတဝ်းနဝ်ꩻ ခွေနိဗ္ဗာန်ႏခံꩻဝေင်ꩻယို ဖာဗွေႏနဝ်ꩻ သီတဖူးဝေးဖုံႏယို မာꩻနုဲင်းနဝ်ꩻနေနေ” မိန်းခန်းနုဲင်းနဝ်ꩻသွူ။
သျင်ႏမဿဲခရစ်နွို့ꩻ ၁၈: ၂၁-၃၅ မꩻ သမ္မာႏလိတ်ကျမ်ꩻ ငဝ်းခြုဲင်း