၄၁ - ‘ဘုရာꩻသျင်ꩻ’ နဝ်ꩻ ‘ယေရှု’ ယို အဝ်ႏထာꩻသီမꩻ ထွဉ်ႏထွောင်ႏပြန်ႏတချာ

စဲ့ꩻသားဖုံႏ ဒင်ႏ ‘ကိုယ်ႏတောႏယေရှု’ စူယာꩻကပ်ꩻထွန်ႏလောင်း ထွိုင်ႏထွူအချိန်ႏတွင်ꩻ ‘ဂျူး’ လိုꩻမျိုꩻအွဉ်ငါ သားဖုံႏနဝ်ꩻ “ပါꩻလိုꩻ လဲဉ် ‘ယေရှု’ နဝ်ꩻ မဉ်ႏညသွံနီꩻအတွင်ꩻ အဝ်ႏထာꩻသီမꩻအီႏသဲင် ပြန်ႏချာဒေါ့ꩻခါꩻနုဲင်းနဝ်ꩻတဲင် ဝွေꩻအလောင်ꩻယို ဝွေꩻတပဲ့ꩻဖုံႏဖေႏကတခွန်ꩻနွောင်ꩻမွိုန်းနဝ်ꩻ လိုꩻယဟန်ႏနဝ်ꩻလိုႏပွိုးငါႏသွူ။ ဝွေꩻသီးမဉ်ႏတခွန်ꩻ နွောင်ꩻထိုꩻနဝ်ꩻ မဲ့ꩻအီႏဒေါ့ꩻလွဝင်ꩻ ‘ယေရှု’ အဝ်ႏထာꩻသီမꩻ သဲင်ꩻပြန်ႏချာ” ဒေါ့ꩻဟွိုန်လွꩻခန်းဝင်ꩻနုဲင်းနဝ်ꩻသွူ။

‘ပိလပ်’ နဝ်ꩻ ဟဲ့ꩻသွူစဲ့ꩻသားယဟန်ႏတဲင် အုတ်ဂူႏယိုအုံပွိုးနွောင်ꩻခွုင်းမုဲင်ꩻအုံပွိုန်းဟုဲင်း” ဒေါ့ꩻဟွိုန်ခန်း နုဲင်းနဝ်ꩻသွူ။ နဝ်ꩻတွော့ꩻဝွေꩻသီးဖုံႏနဝ်ꩻ “အုတ်ဂူႏပေါက်ꩻယိုခတ်ꩻခါꩻခန်းတံဆိပ်နဝ်ꩻသွူ။ ဖေႏကတခွန်ꩻမွန်း နမ်း ခန္ဓာႏအတာႏ စဲ့ꩻသားယဟန်ႏယို ချꩻသေꩻခန်းအအုံပွိုးသားနဝ်ꩻသွူ။

‘ယေရှု’ သီထွူထွိုင်ႏညတနီꩻနဝ်ꩻ ထွာပသခါနီꩻနဝ်ꩻသွူ။ ပသခါနီꩻယို တမုဲင်ꩻလဲ့ꩻတမာꩻတဝ်းထာꩻမာꩻ တဲင် ‘ယေရှု’ သွꩻပါꩻမုဲင်ꩻတဲ့ꩻ တလွေꩻလွတဝ်းဝွေꩻအုတ်ဂူႏထျꩻနဝ်ꩻသွူ။ ကွဲတွော့ꩻ ပသခါနီꩻထွူ ဆုဲင်ꩻတနီꩻမွူးရဝ်ꩻ ခိုႏစဝ်းစဝ်းတွင်ꩻ လိုꩻမူႏစွိုꩻအာဖုံႏနဝ်ꩻ အီႏလွေꩻ ‘ကိုယ်ႏတောႏယေရှု’ အုတ်ဂူႏထျꩻအတာႏ ဖျင်ဆဲင်ႏလွꩻခန်းဒျာႏ နဝ်ꩻ သွူ။ ‘ကိုယ်ႏတောႏယေရှု’ နမ်းခန္ဓာႏလောင်းယို မဲဉ်လူႏပူႏဇောႏလွိုသော့ꩻယင်းအလွီးဟွမ်နံႏသာႏဖုံႏနဝ်ꩻသွူ။

ကလားလိုꩻမူႏအာစွိုꩻကတွိုႏချိန်ႏတွင်ꩻ ‘ကိုယ်ႏတောႏယေရှု’ အုတ်ဂူႏကအဝ်ႏဒါႏခင်ႏလမ်းနဝ်ꩻ ဟံႏတစွိုး သန်တဗာႏထွာလွဉ်ခန်းဒျာႏနဝ်ꩻသွူ။ တနံဗျဟ္မာႏတဖြာꩻနဝ်ꩻ အဝ်ႏနိဗ္ဗာန်ႏခံꩻဝေင်ꩻလွဉ်သွူ တဲင် အုတ်ဂူႏပေါက် ကပေ့ꩻခါꩻဒါႏလုံးတူႏယို ဖုဲင်းထိုꩻသွူတွော့ꩻ အုံခန်းနဝ်ꩻအလောင်းနဝ်ꩻသွူ။ အုတ်ဂူႏထျꩻကအဝ်ႏဒါႏစဲ့ꩻသားဖုံႏနဝ်ꩻ ထီႏထိုꩻခန်းတနံဗျဟ္မာႏနဝ်ꩻသွူ။ တနံဗျဟ္မာႏနဝ်ꩻနဝ်ꩻ နုဲင်းဖျꩻ တောင်ႏလေလင်းခန်းနဝ်ꩻသွူ။ စဲ့ꩻသားဖုံႏနဝ်ꩻ ငမ်း လွဉ်သွူတဲင် ဗွိုန်နုဲင်းလိုꩻသီ ဝꩻလင်ꩻခန်းဒျာႏ ဟံႏတန်အလောင်းဖုံႏနဝ်ꩻသွူ။

လိုꩻမူႏအာစွိုꩻကထွိုင်ႏတွိုႏအုတ်ဂူႏထျꩻအချိန်ႏတွင်ꩻနဝ်ꩻ တနံ ဗျဟ္မာႏရိုꩻဝွေꩻသီးဖုံႏ “တွမ်ႏငမ်းလွမွိုန်းဝင်ꩻ တွမ်ႏ၊ ‘ကိုယ်ႏတောႏယေရှု’ တအဝ်ႏတဝ်ႏဒွုမ်ခင်ႏလမ်းယိုကို၊ ဝွေꩻကဒေါ့ꩻခါꩻဒါႏအတွိုင်ႏ ဝွေꩻသီထွူမꩻ ထွိုင်ႏမွန် ပြန်ႏတချာလဲဉ်းနဝ်ꩻသွူ။ ထွားလွꩻအုတ်ဂူႏကိုနဝ်ꩻဟုဲင်း” ဒေါ့ꩻဟွိုန်ခန်းနုဲင်းနဝ်ꩻသွူ။ လိုꩻမူႏစွိုꩻအာနဝ်ꩻ ထွားသွူ အုတ်ဂူႏအကိုတဲင် ထွိုင်ႏထီႏ ‘ကိုယ်ႏတောႏယေရှု’ နမ်း ခန္ဓာႏဗေင်ႏတလွာထာꩻခင်ႏလမ်းအချိန်ႏတွင်ꩻနဝ်ꩻ ‘ကိုယ်ႏ တောႏယေရှု’ နမ်းခန္ဓာႏတအဝ်ႏတဝ်းဒွုမ်ခင်ႏလမ်းနဝ်ꩻကိုသွူ။

နောဝ်ꩻဆချာ တနံဗျဟ္မာႏနဝ်ꩻ ရိုꩻလိုꩻမူႏအာစွိုꩻဖုံႏယို “လွေꩻဒေါ့ꩻဟွိုန်တပဲ့ꩻလွိုက်ꩻလွဉ်ဖဲ့ꩻသားဖုံႏသူꩻဟုဲင်း၊ ‘ကိုယ်တောႏယေရှု’ နဝ်ꩻ သီထွူမꩻထွိုင်ႏမွန်ပြန်ႏတချာသွူတဲင် အလွိုးလွေꩻရီးထိုꩻသွူသီဖုံႏ ‘ဂါလိလဲ’ ” ဒေါ့ꩻဟွိုန်ခန်းနုဲင်းနဝ်ꩻသွူ။

လိုꩻမူႏအာစွိုꩻဖုံႏနဝ်ꩻနဝ်ꩻ အံႏဖြာꩻမွေးမုဲင်းသွူတဲင် ပျောႏသွင်ႏသꩻရေꩻသွူတွော့ꩻ အီႏဒေါ့ꩻနယ်တပဲ့ꩻဖုံႏထျꩻ သတင်ꩻဟဝ်ယို ဖင်းလွေꩻခန်းဒျာႏနဝ်ꩻသွူ။

လိုꩻမူႏစွိုꩻအာနဝ်ꩻဖုံႏနဝ်ꩻ အီလွေꩻဒေါ့ꩻနယ်တပဲ့ꩻဖုံႏသတင်ꩻဟဝ် တဲင် အဝ်ႏလွေꩻတဖူꩻလောင်းတွင်ꩻ ‘ကိုယ်ႏ တောႏယေရှု’ တွိုႏလွဉ် ခန်းဝွေꩻသီးဖဲ့ꩻငါနဝ်ꩻသွူ။ ဝွေꩻသီးဖုံႏနဝ်ꩻ ဝုဲင်ႏရိုꩻသေႏခန်း ‘ကိုယ်ႏတောႏယေရှု’ ခင်ႏလောင်ꩻ နဝ်ꩻသွူ။ နဝ်ꩻတွော့ꩻ ‘ကိုယ်ႏတောႏယေရှု’ နဝ်ꩻ “တွမ်ႏငမ်းလွမွိုန်းဝင်ꩻဟုဲင်း အီႏလွေꩻခွေတပဲ့ꩻဖုံႏထျꩻတွော့ꩻ အီလွေꩻ ‘ဂါလိလဲ’ ဒေႏသအတာႏ ဒေါ့ꩻဟွိုန်ခန်းနုဲင်းနဝ်ꩻ တဲင် ဝွေꩻသီးဖုံႏနဝ်ꩻ မဲ့ꩻအီႏထီႏဒျာႏခွေခင်ႏလမ်းနဝ်ꩻကို” ဒေါ့ꩻဟွိုန် ခန်းနုဲင်းနဝ်ꩻသွူ။

သျင်ႏမဿဲခရစ်နွို့ꩻ၂၇:၆၂-၂၈:၁၅; မာကုခရစ်နွို့ꩻ ၁၆:၁-၁၁; သျင်ႏလုကာခရစ်နွို့ꩻ ၂၄:၁-၁၂; သျင်ႏယောဟန်ခရစ်နွို့ꩻ ၂၀:၁-၁၈ မꩻ သမ္မာႏလိတ်ကျမ်ꩻ ငဝ်းခြုဲင်း