၂၂ - လွူးဖွာꩻယောဟန်

ထွူထိုꩻဒါႏကာႏလတွင် ဘုရာꩻသျင်ꩻနဝ်ꩻ နိမိတ်ထွားဟောꩻပညာႏအဝ်ႏသားဖုံႏယို ကွပ်မိန်းဟောꩻကျာꩻနွိုင်ꩻတဲင် နိမိတ်ထွားဟောꩻ ပညာꩻအဝ်ႏသားနဝ်ꩻလဲ့ꩻ ကနွို့ဘုရာꩻသျင်ꩻ အနွယ်ႏသားဖုံႏယို မိန်းကျာꩻဖေႏနွောင်ꩻ ဘုရာꩻ သျင်ꩻ တရာꩻတောႏဖုံႏနဝ်ꩻသွူ။ နဝ်ꩻဆချာ ဝွေꩻနဝ်ꩻ လိုꩻဖုံႏယို မိန်းငဝ်းခရာႏလွိုႏတဝ်းဒွုမ်တဲင် ညတွိုႏစွဉ်ႏ နေင်ႏပေါင်ꩻ လစ်ရျာꩻနဝ်ꩻသွူ။ နဝ်ꩻဆချာ ဘုရာꩻသျင်ꩻနဝ်ꩻ အွဉ်ႏလွစ်လွေꩻခန်း တနံဗျဟ္မာႏ ‘ဇာခရိ’ ကဟဲ့ꩻဒါႏ နိမိတ်ထွား ဟောꩻပညာꩻအဝ်ႏသားထျꩻနဝ်ꩻသွူ။ ‘ဇာခရိ’ တွမ်ႏဝွေꩻမာကထွာဒါႏ ‘အဲလိဇဘက်’ နောဝ်ꩻ ဘုရာꩻသျင်ꩻ ထူႏဂုဏ်ႏကေꩻ ဇူꩻတင်ႏဒျာႏနဝ်ꩻသွူ။ ဝွေꩻသီးဖုံႏနဝ်ꩻ ဖြားလဲဉ်းရိုꩻကီလဲ့ꩻ ဝွေꩻမူႏနဝ်ꩻ အချိန်ႏမုဲင်ꩻတယဝ်း လွူးဖိုတဝ်းဒွုမ်းပို ထွာ မိယပ်မူႏ တဖြာꩻနဝ်ꩻသွူ။

တနံဗျဟ္မာႏ နဝ်ꩻ ရိုꩻ ‘ဇာခရိ’ “နာꩻမာꩻနဝ်ꩻ အီႏလွူးပို နာꩻအီႏဖေႏဗာႏ ဝွေꩻမဉ်ꩻ ‘ယောဟန်’ နဝ်ꩻသွူ။ ဘုရာꩻ သျင်ꩻနောဝ်ꩻ ဉာဏ်ႏအရောင်ႏတောႏဖေႏကတွိုႏဝွေꩻထျꩻတဲင် လိုꩻဖုံႏဖေႏကလက်ခံႏ ‘မေရှိယ’ ယို ထွာဝွေꩻဖန်ဆင်ꩻဖေႏ” မိန်းခန်းနုဲင်းနဝ်ꩻသွူ။ ‘ဇာခရိ’ နဝ်ꩻ ခွေတွမ်ႏခွေမာ အီႏလွူးပို သက်တန်လဲဉ်းသွူတဲင် နာꩻနဝ်ꩻ ခွေဒေါ့ꩻအမန်ႏတွိုင်ꩻ ခွေမာꩻနုဲင်းမုဲင်ꩻအီႏသေ” ဒေါ့ꩻချာခန်းနုဲင်းနဝ်ꩻသွူ။

တနံဗျဟ္မာႏသူနဝ်ꩻ ‘ဇာခရိ’ “အီဒေါ့ꩻဟွိုန်နာꩻ သတင်ꩻဟဝ်တဲင် ဘုရာꩻသျင်ꩻ အွဉ်ႏလွစ်လွဉ်ခွေသွူ။ နာꩻတယွုမ်းတဝ်းခွေတဲင် ကလားကအီႏဖေႏလွူးပိုချိန်ႏတွင်ꩻ နာꩻအီႏဒေါ့ꩻနွောင်ꩻငဝ်း တမွေး တဝ်း” ဒေါ့ꩻချာခန်းနုဲင်းနဝ်ꩻသွူ။ နဝ်ꩻတလဲင်ႏချင်ꩻ ‘ဇာခရိ’ နဝ်ꩻ ဒေါ့ꩻနွောင်ꩻတဝ်းဒွုမ်ငဝ်းနဝ်ꩻသွူ။ နဝ်ꩻဆချာ တနံဗျဟ္မာႏနဝ်ꩻ အွဉ်ကုဲင်သေꩻခန်း ‘ဇာခရိ’ နဝ်ꩻသွူ။ ‘ဇာခရိ’ နဝ်ꩻ သဲင်ꩻသွူလမ်း တဲင် နောဝ်ꩻဆချာဝွေꩻမာအဝ်ႏနမ်းလောင်းခန်းဒျာႏထာꩻ နဝ်ꩻသွူ။

‘အဲလိဇဘက်’ အဝ်ႏနမ်းလောင်းထာꩻ ကထွိုင်ႏည သူလာ တနံဗျဟ္မာႏနဝ်ꩻနဝ်ꩻ ‘အဲလိဇဘက်’ မျိုꩻခွိုꩻစပ်ထွာ ‘မာရိ’ ယို တလဲင်ႏ ချင်ꩻ ပျꩻနယ်ခန်း အနမ်းနဝ်ꩻသွူ။ ဝွေꩻမူႏနောဝ်ꩻ ထွာမူႏနံစဲစ်တဖြာꩻတဲင် အီႏတောႏလမ်း ‘ယောသပ်’ စေ့စပ်ရီဖြောင်ခါꩻငဝ်း လိုꩻတဖြာꩻနဝ်ꩻသွူ။ တနံဗျဟ္မာႏရိုꩻ “နာꩻနဝ်ꩻ အဝ်ႏနမ်းလောင်းသွူထာꩻတဲင် အီႏလွူးလင်ꩻပိုခိုတဖြာꩻသွူ။ နာꩻပိုယို ဖေႏဗာႏအမဉ်ꩻ ‘ယေရှု’ သွူ။ ဝွေꩻနဝ်ꩻ ထွာဘုရာꩻသျင်ꩻ ပိုခိုအမျတ်ꩻသွတ်ꩻတဲင် အီႏအုပ်စိုꩻ ထာꩻ၀ရဒျာႏ” မိန်းခန်းနုဲင်းနဝ်ꩻသွူ။

‘မာရိ’ ရိုꩻ “ခွေသွဉ်းမူႏနဝ်ꩻ ထွာမူႏနံတဲင် မာꩻနုဲင်းမုဲင်ꩻထွာနွောင်ꩻဟောင်း” ။ အချိန်ႏနဝ်ꩻနဝ်ꩻ တနံဗျဟ္မာႏ “ဘုရာꩻသျင်ꩻထာꩻသေဉာဏ်ႏအရောင်ႏတောႏနဝ်ꩻ ကျွꩻလွဉ်သွူ နာꩻထျꩻတဲင် ဘုရာꩻသျင်ꩻတန်ႏခိုꩻအစွန်ꩻယိုလဲ့ꩻလွဉ်နာꩻထျꩻသွူ။ နောဝ်ꩻတွော့ꩻ ပါꩻပေႏယို နဝ်ꩻ ထွာဘုရာꩻသျင်ꩻ ပိုခိုတောႏတဲင် မျတ်တန်ငါႏ” သျင်ꩻပျနယ် ခန်းနုဲင်းနဝ်ꩻသွူ။ နဝ်ꩻတွော့ꩻ ‘မာရိ’ နဝ်ꩻ ယွုမ်းခန်း တနံဗျဟ္မာႏဖုံႏ ကဒေါ့ꩻဒါႏနဝ်ꩻသွူ။

ထွာနုဲင်းယို တညတဝ်းအချိန်ႏ ‘မာရိ’ နောဝ်ꩻ လွေꩻလယ်ႏတွိုႏခန်း ‘အဲလိဇဘက်’ ထျꩻနဝ်ꩻသွူ။ ‘မာရိ’ ကထွိုင်ႏ နှုတ်ဆက်ဝွေꩻမူႏအ ခိန်ႏတွင်ꩻ ‘အဲလိဇဘက်’ ဟို့ꩻကိုလိုꩻပေႏနဝ်ꩻလဲ့ꩻ ရုဲင်ꩻခန်းဒျာႏထာꩻ နဝ်ꩻသွူ။ ပါꩻမူႏယို ၀င်ꩻနီနဝ်ꩻ ဘုရာꩻသျင်ꩻ ကဆောင်ႏရွက်ဖေႏဝွေꩻသီး ကားကအဝ်ႏမန်ႏသမျှယို သꩻရေꩻမွေးငါႏနဝ်ꩻသွူ။ ‘မာရိ’ လယ်ႏခန်း ‘အဲလိဇဘက်’ ထျꩻ သွံလာရပ်တဲင် သဲင်ꩻချာခန်းနဝ်ꩻသွူ။

ထွာလွဉ်နုဲင်းနဝ်ꩻ ကထွိုင်ႏထွူ ‘အဲလိဇဘက်’ နဝ်ꩻ ဝွေꩻမူႏလွူးဖွာꩻပိုတဲင် ‘ဇာခရိ’ တွမ်ႏ ‘အဲလိဇဘက်’ နဝ်ꩻ တနံဗျဟ္မာႏ ဒေါ့ꩻအ တွိုင်ꩻ ဝွေꩻသီးပိုခိုယိုဖေႏခန်းအမဉ်ꩻ ‘ယောဟန်’ နဝ်ꩻသွူ။ နဝ်ꩻဆချာ ဘုရာꩻသျင်ꩻနဝ်ꩻ ‘ဇာခရိ’ ဖေႏကဒေါ့ꩻချာနွောင်ꩻငဝ်းနောဝ်ꩻ မာꩻဖေႏခန်းဒျာႏနဝ်ꩻသွူ။ ‘ဇာခရိ’ ဒေါ့ꩻဟွိုန်ရိုꩻခန်း “ဘုရာꩻသျင်ꩻနဝ်ꩻ ဝွေꩻလိုꩻဖုံႏယို ကူႏညီႏအီႏတာႏ ယူႏလꩻထွူတဲင် ထွဉ်ႏဖေႏခန်းထာꩻဟဝ်ဖုံႏနဝ်ꩻသွူ။ ခွေပို ကထွာဒါႏနာꩻနဝ်ꩻ မဲ့ꩻအီထွာ အတန်မျတ်သွတ်ꩻဘုရာꩻသျင်ꩻသီး နိမိတ်ထွားဟောꩻ ပညာႏအဝ်ႏသားနဝ်ꩻသွူ။ နာꩻနဝ်ꩻ မဲ့ꩻအီႏထွာ လိုꩻဖုံႏအတွက် ဝွေꩻသီး အပဲစ်ဖုံႏယို စံႏစာႏဗာႏခွင်ꩻလွစ်အနယ်ꩻ ဒေါ့ꩻသား” နဝ်ꩻသွူ။

သျင်ႏလုကာခရစ်နွို့ꩻ ၁ မꩻ သမ္မာႏလိတ်ကျမ်ꩻ ငဝ်းခြုဲင်း