၁၄-လယ်ႏလဲ့ ထာꩻခြာ ကန္တာရကို

တွမ်ႏဘုရာꩻသျင်ꩻ ကပျုꩻခါꩻဒါႏ ကတိညာဉ်ႏအလꩻ ‘ဣစရေး’ လိုꩻမျိုꩻဖုံႏ လွိုက်နာႏဗာႏ ပညတ်တရာꩻဖုံႏယို သျင်ꩻပျꩻနယ်သွူတဲင် ဝွေꩻသီးဖုံႏယို ဟဲ့ꩻလွေꩻခန်း တွမ်ႏ ‘သိနာ’ ကောင် ကညာꩻရာꩻနဝ်ꩻသွူ။ ဘုရာꩻသျင်ꩻနဝ်ꩻ ဟဲ့ꩻလွေꩻခန်း ဝွေꩻသီးဖုံႏ ကတိတောႏကဖေႏခါꩻဒါႏ ခမ်းနဝ်ꩻသွူ။ နုဲင်ႏငံႏနောဝ်ꩻနဝ်ꩻ ‘ခါနန်’ တဲ့ ဟဲ့ꩻဒျာႏနဝ်ꩻသွူ။ ဘုရာꩻသျင်ꩻနဝ်ꩻ မို့ꩻအေႏတန်အနေႏ အွဉ်ႏငါခန်း ဝွေꩻသီးဖဲ့ꩻငါတဲင် ဝွေꩻသီးဖုံႏနဝ်ꩻ ပါလွဉ်ꩻခန်းနဝ်ꩻဖဲ့ꩻချာသွူ။

ဘုရာꩻသျင်ꩻနဝ်ꩻ ‘အာဗြဟံ’၊ ‘ဣဇက်’၊ ‘ယာကုပ်’ သီးတွမ်ႏ ဝွေꩻသီးဖုံႏ မျိုꩻဆွိုက်ဖုံႏယို အီႏဖေႏဟံႏယာႏ က တိတောႏ ကဖေႏခါꩻဒါႏ ခင်ႏလမ်းယို လိုꩻစွိုꩻအာဖုံႏ တွိုႏလွေꩻရီးလဲဉ်းနဝ်ꩻသွူ။ ဝွေꩻသီးဖုံႏယို ဟဲ့ꩻသွူ ‘ခါနန်’ လိုꩻမျိုꩻ တဲင် ‘ခါနန်’ လိုꩻမျိုꩻဖုံႏနဝ်ꩻ ကိုႏကွယ်ႏတဝ်း ဘုရာꩻသျင်ꩻတဲင် ဘုရာꩻသျင်ꩻငဝ်းယိုလဲ့ တနာႏခံႏတဝ်းနဝ်ꩻသွူ။ ဝွေေꩻ သီးဖုံႏနဝ်ꩻ ကိုႏကွယ်ႏသွူ ဘုရာꩻအတုအယောင်ႏတဲင် ထာꩻတဟဝ်တဝ်းယိုလဲ့ မာꩻဒျာႏနဝ်ꩻသွူ။

ဘုရာꩻသျင်ꩻနဝ်ꩻ ‘ဣစရေး’ လိုꩻမျိုꩻဖုံႏယို “ကဖေႏခါꩻဒါႏ သီဖုံႏ နုဲင်ႏငံႏယို နွို့ꩻသော့ꩻသွူတဲင် ခင်ႏလမ်းနဝ်ꩻ ကို ကအဝ်ႏဒါႏ ‘ခါနန်’ လိုꩻမျိုꩻကားကအဝ်ႏယို ဖုဲင်းထိုꩻဗာႏနဝ်ꩻသွူ။ တွမ်ႏဝွေꩻသီး အီႏအုံငိမ်ꩻချံႏညီꩻဝင်ꩻယို တွမ်ႏ ဖေႏမွိုန်း ကတိဟုဲင်း။ တောႏလမ်းဗာႏ တဝ်း တွမ်ႏဝွေꩻသီး။ ဝွေꩻသီးဖုံႏ ရျွုတ်ထုယို သီဖုံႏ အီႏမာꩻကုဲင်လို့ဗာႏနောဝ်ꩻ သွူ။ သီဖုံႏမဉ်ႏတလွိုက်နာႏတဝ်း ခွေငဝ်းနဝ်ꩻ ဆုဲင်ꩻသီဖုံႏ အီႏကိုႏကွယ်ႏခွေကိုယ်ႏစာႏ ကိုႏကွယ်ႏဗာႏ ဝွေꩻသီးရျွုတ် ထု” မိန်းခန်းနုဲင်းနဝ်ꩻသွူ။

‘ဣစရေး’ လိုꩻမျိုꩻဖုံႏ ကထွိုင်ႏတွိုႏ ‘ခါနန်’ နယ်ႏစပ်ထျꩻတဲင် ‘မောရှေ’ နောဝ်ꩻ လိုꩻမျိုꩻတမျိုꩻ လိုꩻတဖြာꩻစီႏ ဖေႏကထွာ တဆီနီဖြာꩻ နဝ်ꩻ လွိုက်ရွေꩻခန်းဒျာႏနဝ်ꩻသွူ။ ဝွေꩻနဝ်ꩻ ဝွေꩻလိုꩻဖုံႏယို အီႏအွဉ်ႏစုံစမ်းတခွန်တေ့ꩻခန်း နုဲင်ႏ ငံႏနဝ်ꩻ အခေႏနေႏတဲင် ဒေါ့ꩻနယ်ခန်းဒျာႏနဝ်ꩻသွူ။ ‘ခါနန်’ လိုꩻမျိုꩻ အာႏပေႏချက် အာႏတလာꩻချက်ဖုံႏယိုလဲ့ အွဉ်စုံ စမ်းတခွန်ခန်းဒျာႏနဝ်ꩻသွူ။

လိုꩻနဝ်ꩻဖုံႏ တဆီနီဖြာꩻနဝ်ꩻ လွေꩻ ‘ခါနန်’ တဖူꩻ ကထွိုင်ႏည နီꩻ ပေါင်ꩻလစ်ဆီတဲင် သဲင်ꩻလွဉ်ခန်းဒျာႏနဝ်ꩻ သွူ။ ခင်ႏလမ်းနဝ်ꩻကို နဝ်ꩻ ဟံႏဗဲ့ꩻဟဝ်သွူတဲင် ဗွူဟူ နဝ်ꩻလဲ့ꩻ ပြန်ႏပျွော်ႏဟဝ်ငါႏ လိုꩻနဝ်ꩻဖုံႏ ဒေါ့ꩻလွဝင်ꩻ နုဲင်းနဝ်ꩻ သွူ။ ကွဲတွော့ꩻ ဝွေꩻထောက်လမ်းသား ဆီဖြာꩻနဝ်ꩻ “ဝေင်ꩻဖုံႏနောဝ်ꩻ တဉ်ႏခွေါင်ႏသွူတွော့ꩻ လိုꩻဖုံႏနဝ်ꩻလဲ့ ထွာလိုꩻ ဆွော့ꩻကတဲ့ꩻဖုံႏနဝ်ꩻသွူ။ မဲဉ်ႏတွိုက်ခꩻဝွေꩻသီးဖုံႏယို နီဖုံႏ အီႏထဲ့သွုမ်ꩻသွူတဲင် နီဖုံႏယို အီႏခံႏဗာႏ ဝင်ꩻမာꩻသီ” ဒေါ့ꩻ ခန်းနုဲင်းနဝ်ꩻသွူ။

တလဲင်ႏချင်ႏစွဉ်ႏဒျာႏ ‘ကာလက်’တွမ်ႏ ‘ယောရှု’ ကရိုꩻဒါႏ အဝ်ႏ ကုဲင် ထောက်လမ်းသား ဝင်ꩻနီနောဝ်ꩻတဲ့ꩻ “ခါနန် လိုꩻမျိုꩻနဝ်ꩻ နမ်းဆွာꩻ ဆွော့ꩻကတဲ့ꩻငါႏတဲင် နီအီႏသွုမ်ꩻယို ထွာအမန်ႏရိုꩻကီလဲ့ꩻ ဘုရာꩻသျင်ꩻနဝ်ꩻ နီဖုံႏတွက်တာႏ အီႏတွိုက်ခꩻလွေꩻဖေႏဒျာႏ” ဒေါ့ꩻခန်းနုဲင်းနဝ်ꩻသွူ။

ကွဲတွော့ꩻ လိုꩻဖုံႏနဝ်ꩻ တနာႏတဝ်း ‘ကာလက်တွမ်ႏ ‘ယောရှု’ ငဝ်း နဝ်ꩻသွူ။ ဝွေꩻသီးဖုံႏနဝ်ꩻ ဒေါသထန်ႏ ခန်း ‘မောရှေ’ တွမ်ႏ ‘အာရုန်’ ယိုတဲင် “သီဖုံႏ ပွိုးတမုဲင်ꩻ ဟဲ့ꩻလွဉ်တွိုႏ နီဖုံႏ အန္တရာယ်ႏအဝ်ႏ ခင်ႏလမ်းနုဲင်းယို ဟောင်း။ နီဖုံႏအဝ်ႏလွိုꩻ အုံကုဲင်ဆုဲင်ꩻဒျာႏ ‘အီဂျစ်’ ကိုနဝ်ꩻသွူ။ နီဖုံႏ မိဉ်ႏနွို့သော့ꩻ နုဲင်ႏငံႏသူနဝ်ꩻ အီသီဗာႏ တွိုက် ပွယ်ꩻကိုတဲင် ‘ခါနန်’ လိုꩻမျိုꩻဖုံႏနဝ်ꩻ နီမာဖုံႏတွမ်ႏ နီပိုယို အီႏထွဉ်ႏမာꩻအသွဉ်းအသယ်ႏ” ဒေါ့ꩻခန်းနုဲင်းနဝ်ꩻသွူ။ လိုꩻအမျာꩻဖုံႏနဝ်ꩻ အီႏဟဲ့ꩻသဲင်ꩻချာ ဝွေꩻသီးဖုံႏ ‘အီဂျစ်’ ကိုယို အဝ်ႏလွိုႏငါႏ အွဉ်ငါသား တဖြာꩻနဝ်ꩻသွူ။

လိုꩻဖုံႏကထွိုင်ႏဒေါ့ꩻ နုဲင်းနဝ်ꩻတဲင် ဘုရာꩻသျင်ꩻနဝ်ꩻ ဒေါသ ထန်ႏသန် ခန်းဒျာႏထာꩻနဝ်ꩻသွူ။ ဝွေꩻနဝ်ꩻ ကျွꩻလွဉ်သွူ မော့ꩻခွဲသိုမ်းကိုတဲင် “သီဖုံႏ မဲ့ꩻအီႏလွေꩻထောင်ဗာႏ ထာꩻခြာကန္တာရကိုနောဝ်ꩻသွူ။ သက်နီဆီမာꩻကီ လိုꩻ တွိုင်ꩻယို အီႏသီဗာႏ ခင်ႏလမ်းနောဝ်ꩻကိုတဲင် ခွေကဖေႏဒါႏ သီနုဲင်ႏငံႏယို မုဲင်ꩻခါတယဝ်း နွို့လꩻတဝ်းသွူ။ နွို့လꩻကွို့ꩻ ‘ယောရှု’ တွမ်ႏ ‘ကာလက်’ သီးလွုမ်ꩻ” မိန်းခန်းနုဲင်းနဝ်ꩻသွူ။

လိုꩻဖုံႏ ကထွိုင်ႏဟွိုန် ဘုရာꩻသျင်ꩻဒေါ့ꩻနုဲင်းနောဝ်ꩻတဲင် ဝွေꩻသီးဖုံႏ အပဲစ်ယို လꩻသွူ သံႏဝွေႏဂတွော့ꩻ အီႏ တွိုက်ꩻခꩻ ‘ခါနန်’ လိုꩻမျိုꩻ ဆွုံꩻဖျက်နုဲင်းခန်း နုဲင်းနဝ်ꩻတဲင် ဝွေꩻသီး ဖေႏကလွေꩻမွုန်းနဝ်ꩻ ‘မောရှေ’ ဖေႏသတိ လွေꩻခန်း နုဲင်းနဝ်ꩻသွူ။ ပွိုးထမုဲင်ꩻနဲးတဲင် ဘုရာꩻ သျင်ꩻပါလွေꩻလွဉ်ꩻတဝ်း ဝွေꩻသီးဖုံႏနဝ်ꩻသွူ။ ကွဲတွော့ꩻ ဝွေꩻသီးဖုံႏ နဝ်ꩻ နာႏတဝ်း ‘မောရှေ’ ငဝ်းနဝ်ꩻသွူ။

ဘုရာꩻသျင်ꩻနဝ်ꩻ ပါလွဉ်ꩻတဝ်း ဝွေꩻသီးတွိုက်ပွယ်ꩻကိုတဲင် လိုꩻဖုံႏသီထိုꩻအာခန်းဒျာႏ နဝ်ꩻသွူ။ နဝ်ꩻတွော့ꩻ ‘ဣစရေး’ လိုꩻမျိုꩻဖုံႏနဝ်ꩻ လဲ့ꩻပြန်ႏသဲင်ꩻချာသွူ ‘ခါနန်’ တဲင် လယ်ႏထောင်လွေꩻ ထာꩻခြာကန္တာရကို ညစွဉ်ႏနေင်ႏ လစ်ဆီရပ်နဝ်ꩻသွူ။

‘ဣစရေး’ လိုꩻမျိုꩻဖုံႏ လယ်ႏထာꩻခြာကန္တာရကို နေင်ႏလစ်ဆီတွင်ꩻ ဘုရာꩻသျင်ꩻ ကူႏညီႏပွိုးထွားလွေꩻ ဖေႏ ဝွေꩻသီးဖုံႏနဝ်ꩻသွူ။ ဝွေꩻ နဝ်ꩻ ဝွေꩻသီးဖုံႏယို ‘မန္န’ ကရိုꩻဒါႏ တခိုးတမျိုꩻယို အဝ်ႏ နိဗ္ဗာန်ႏခမ်းဝေင်ꩻ ဖေႏသွူတဲင် ဝွေꩻသီးဖေႏကအံႏဗာႏ အယာႏနဝ်ꩻ အ ရွယ်ႏပွုံႏမဲဉ်ႏ ‘ဝါးရွို့ꩻ’ ဖုံႏယို ပသာဖေႏခန်း ဝွေꩻသီးစခန်ꩻကိုနဝ်ꩻသွူ။ ဘုရာꩻသျင်ꩻနဝ်ꩻ ဝွေꩻသီးခွမ်ꩻလာꩻတွမ်ႏ ခင်ႏဖာႏဖုံႏယို ဖေႏကကုဲင်ယိုꩻမွိုန်းနဝ်ꩻ မာꩻဖေႏခန်းဒျာႏနဝ်ꩻသွူ။

ဘုရာꩻသျင်ꩻနဝ်ꩻ ဖေႏကဖေႏနွိုင်ꩻ ဝွေꩻသီးထီအွꩻတွက်တာႏ ထီဖေႏကထန်ႏ လုံးကောင်ကိုတဲင် မာꩻဖေႏ ခန်းထူႏထူႏဆန်ꩻဆန်ꩻနဝ်ꩻသွူ။ ကွဲတွော့ꩻ ထောက်သေတဝ်း ကိစ္စယိုတဲင် တဖျခန်း ဘုရာꩻသျင်ꩻတွမ်ႏ ‘မောရှေ’ နဝ်ꩻသွူ။ ထွာထိုꩻ ခန်းနုဲင်းယိုရိုꩻကီလဲ့ꩻ ဘုရာꩻသျင်ꩻနဝ်ꩻ အွဉ်ႏဆွိုက်စွူစွူဒျာႏ သစ္စာႏတရာꩻနဝ်ꩻသွူ။ ဝွေꩻနဝ်ꩻ ‘အာ ဗြဟံ’၊ ‘ယာကုပ်’၊ တွမ်ႏ ‘ဣ ဇာက်’သီး ဆုဲင်ꩻချာသားတာႏ မဲ့ꩻအီႏမာꩻဖေႏကရိုꩻဒါႏ ကတိတောႏဖုံႏယိုလဲ့ ဆောင်ႏရွက် ဖေႏနဝ်ꩻသွူ။

တခိန်ႏတွော့ꩻ လိုꩻဖုံႏနောဝ်ꩻ လတဝ်းဒွုမ်ထီအွꩻတဲင် ဘုရာꩻသျင်ꩻရိုꩻ ‘မောရှေ’ “လွေꩻဒေါ့ꩻရီလုံးတူႏသူဟုဲင်း၊ မဲ့ထီထန်ႏလွဉ်ဒျာႏ” မိန်းခန်းနုဲင်းနဝ်ꩻသွူ။ ကွဲတွော့ꩻ ‘မောရှေ’ နဝ်ꩻ ကအီလွေꩻဒေါ့ꩻရီလုံးတူႏကိုယ်ႏစာႏ ထူႏ သွူခွဉ်းတွော့ꩻ တွဲႏခန်းနီဆင်ႏနဝ်ꩻသွူ။ ဝွေꩻအနယ်ꩻယိုနဝ်ꩻ မာꩻထဲ့မွေးစွဉ်ႏ ဘုရာꩻသျင်ꩻဂွုဏ်ႏသိက္ခာႏနဝ်ꩻသွူ။ လိုꩻ တွိုင်ꩻအွꩻအီႏတာႏလုံးတူႏကိုထီထန်ႏလွဉ်စွဉ်ႏရိုꩻကီလဲ့ꩻ ဘုရာꩻ သျင်ꩻဒေါသထန်ႏမွေးခန်း ‘မောရှေ’ နဝ်ꩻသွူ။ ဘုရာꩻသျင်ꩻမိန်း “ကွပ်နာꩻမာꩻနုဲင်းယိုတဲင် ကတိတောႏကဖေႏခါꩻဒါႏနုဲင်ႏငံႏယိုနာꩻနွို့ခွင်ꩻလꩻတဝ်း” မိန်းခန်းနုဲင်းနဝ်ꩻသွူ။

‘ဣစရေး’ လိုꩻမျိုꩻဖုံႏနဝ်ꩻ လယ်ႏလွေꩻထာꩻခြာ ကန္တာရကို ကထွိုင်ႏတွိုႏနေင်ႏပေါင်ꩻ လစ်ဆီတဲင် ကပွုံႏ ကန်ႏ ကလွိုဆန်ꩻဒါႏ ဘုရာꩻသျင်ꩻလိုꩻတွိုင်ꩻနဝ်ꩻ သီထိုꩻလို့လဲဉ်းနဝ်ꩻသွူ။ နဝ်ꩻဆချာ ဘုရာꩻ သျင်ꩻနဝ်ꩻ ဟဲ့ꩻလွေꩻခန်း လိုꩻဖုံႏ ကဖေႏခါꩻဒါႏ ကတိတောႏ နုဲင်ႏငံႏ စပ်ထျꩻနဝ်ꩻသွူ။ ‘မောရှေ’ နဝ်ꩻ ယိုခါ ဖြားထိုꩻလဲဉ်းတဲင် ဘုရာꩻ သျင်ꩻနဝ်ꩻ အွဉ်ငါဖေႏလိုꩻဖုံႏအတာႏ လွိုက်ရွေꩻခန်း ‘ယောရှု’ နဝ်ꩻသွူ။ ဘုရာꩻသျင်ꩻနဝ်ꩻ ဗွိုန်နုဲင်း ‘မောရှေ’ ဘုရာꩻသျင်ꩻတနံ ဗြဟ္မာႏတဖြာꩻယို မဲ့ꩻအွဉ်ႏလွစ်လွဉ်ဖေႏဒျာႏ ဖေႏကတိခါႏ ‘မောရှေ’ နုဲင်း နဝ်ꩻသွူ။

နဝ်ꩻဆချာ ဘုရာꩻသျင်ꩻနဝ်ꩻ ကတိကဖေႏခါꩻဒါႏ ‘မောရှေ’ နုဲင်ႏငံႏယို ဖေႏကထီႏအွဉ်ႏလွေꩻခန်း ကောင်နာ လောင်းနဝ်ꩻသွူ။ ‘မောရှေ’ ထီႏစွဉ်ႏ ကတိတောႏကဖေႏခါꩻဒါႏ နုဲင်ႏငံႏနောဝ်ꩻ ရိုꩻကီလဲ့ꩻ ဘုရာꩻသျင်ꩻ တဖေႏနွို့တဝ်းဝွေꩻသွူ။ နဝ်ꩻဆချာ ‘မောရှေ’ သီထိုꩻတဲင် ‘ဣစရေး’ လိုꩻမျိုꩻဖုံႏနဝ်ꩻ သꩻပေႏညခန်း နီꩻပေါင်ꩻသွံဆီနဝ်ꩻသွူ။ ‘ယောရှု’ နောဝ်ꩻ ထွာလွဉ်သွူ ဝွေꩻသီးဖုံႏ အွဉ်ငါသားတသာတဲင် ကွပ်ကေႏညိုꩻဘုရာꩻသျင်ꩻတွော့ꩻထွာလွဉ်စွဉ်ႏ အွဉ်ငါသား လိုꩻယံတဖြာꩻနဝ်ꩻသွူ။

ဓမ္မလီꩻ ၁၆-၁၇ ရဲဉ်ႏ ၁၀-၁၄:၂၀:၂၇: တရာꩻဟောꩻကျမ်ꩻ ၃၄