၄၅ - ‘သတေဖန်’ တွမ်ႏ ‘ဖိလိပ္ပု’

ပထမအရီးသွတ်ꩻ ကိုယ်ႏတောႏ ‘ယေရှု’ လွိုက်လွဉ်ꩻသားဘာႏသာႏရေꩻအွဉ်ငါသားအမျိုꩻသာꩻတဖြာꩻ အမဉ်ꩻနဝ်ꩻ ‘သတေဖန်’ ကဟဲ့ဒါႏလိုꩻတဖြာꩻနဝ်ꩻသွူ။ လိုꩻတွိုင်ꩻနဝ်ꩻထူႏရေꩻထွူဝွေꩻတဲင်ꩻဘုရာꩻဝိညာဉ်ႏတောႏ နဝ်ꩻဖေႏအပ်သေꩻခန်းဝွေꩻစွန်ꩻအာႏဖုံႏတွမ်ႏ ဉာဏ်ႏပညာႏဖုံႏနဝ်ꩻသွူ။ ‘သတေဖန်’ နဝ်ꩻတထွာနွောင်ꩻတဝ်းအခ ရာႏဖုံႏယိုဖေႏကထွာမာꩻလွေꩻခန်းဒျာႏနဝ်ꩻသွူ။ ဝွေꩻနဝ်ꩻလိုꩻအမျာꩻဖုံႏဖေႏကယွုမ်းအံႏကိုယ်ႏတောႏ ‘ယေရှု’ အ လောင်းသွဉ်သင်ဖေႏထွူတဲင်လိုꩻဖုံႏနဝ်ꩻယွုမ်းလွခန်းဝွေꩻနဝ်ꩻသွူ။

တွိုႏတနီꩻတွော့ꩻ ‘သတေဖန်’ နဝ်ꩻသွဉ်သင်ဖေႏကိုယ်ႏတောႏ ‘ယေရှု’ အကျောင်ꩻခိန်ႏတွင်ꩻ တယွုမ်းတဝ်း ကိုယ်ႏတောႏ ‘ယေရှု’ ‘ယုဒ’ယဟန်သားတွိုႏလွဉ်သွူတဲင်တွမ်ႏဝွေꩻမာꩻခန်းထာꩻငြင်ꩻထာꩻထိန်မုꩻဖုံႏနဝ်ꩻသွူ။ ဝွေꩻ သီးဖုံႏနဝ်ꩻဒေါသထန်သန်သွူထာꩻတဲင် တွိုꩻလွေꩻသွူ ‘ယုဒ’ ဘာႏသာႏရေꩻအွဉ်ငါသားထျꩻဖုံႏတွော့ꩻဒေါ့ꩻလဲဉ်ခန်း ‘သတေဖန်’ အကျောင်ꩻဖုံႏနဝ်ꩻသွူ။ ဝွေꩻသီးနဝ်ꩻ “သတေဖန် ဒေါ့ꩻ မောရှေ တွမ်ႏ ဘုရာꩻသျင်ꩻတဟဝ်တဝ်းအ ကျောင်ꩻယိုနီဖုံႏအဝ်ႏဟွိုန်” ဒေါ့ꩻလဲဉ်ခန်းနုဲင်းနဝ်ꩻသွူ။ နဝ်ꩻတွော့ꩻဘာႏသာႏရေꩻ အွဉ်ငါသားဖုံႏနဝ်ꩻ ဆွမ်ꩻသွူ ‘သတေဖန်’ တဲင်ဟဲ့ꩻလွေꩻခန်းသာႏသနာႏရေꩻဆဲင်ႏရာႏမဟာႏနာႏယကတန်တွမ်ႏဘာႏသာႏရေꩻအလင်ထျꩻနဝ်ꩻသွူ။ မဲ့ꩻထီႏသက်သေႏအတုအယောင်ꩻဖုံႏနဝ်ꩻလဲ့ꩻလွဉ်ဒေါ့ꩻလဲဉ်ခန်း ‘သတေဖန်’ အကျောင်ꩻနဝ်ꩻသွူ။

သာႏသနာႏရေꩻဆဲင်ႏရာꩻမဟာႏနာႏယကတန်နဝ်ꩻ ‘သတေဖန်’ ယို “နာꩻအကျောင်ꩻလိုꩻဖုံႏကဒေါ့ꩻဒါႏယို မန်ႏဒျာႏနဲ့” ရီခန်းနုဲင်းနဝ်ꩻ သွူ။ ‘သတေဖန်’ နဝ်ꩻအီႏဖြေႏချာသာႏသနာႏရေꩻဆဲင်ႏရာꩻမဟာနာႏယကတန်ငဝ်း ရီယိုဒေါ့ꩻအာခန်းငဝ်းနဝ်ꩻသွူ။ ဝွေꩻနဝ်ꩻစꩻအာဗြဟံအဝ်ႏချိန်ႏမꩻ ဗꩻကိုယ်ႏတောႏ ‘ယေရှု’ အချိန်ႏတွင်ꩻဘုရာꩻသျင်ꩻ နဝ်ꩻလိုꩻဖုံႏအလောင်းမာꩻဖေႏအံႏသြခရာႏဖုံႏနဝ်ꩻသွူ။ ကွဲတွော့ꩻ လိုꩻဖုံႏနဝ်ꩻဘုရာꩻသျင်ꩻငဝ်းဖုံႏယိုနာႏခံႏဖိုတဝ်းသွူ။ ‘သတေဖန်’ နဝ်ꩻ “သီဖုံႏယိုကတူႏဆွို့ထွူတဲင်ဘုရာꩻသျင်ꩻငဝ်းယိုလဲ့ꩻလွိုဆန်ꩻလွꩻဝင်ꩻနဝ်ꩻသွူ။ နီဖုံႏမွိုးဖြားဖာဖြား ဖုံႏနဝ်ꩻလွိုဆန်ꩻသွူဘုရာꩻ သျင်ꩻတဲင်မာꩻသီနိမိတ်ထွားပညာႏအဝ်ႏသားဖုံႏတွော့ꩻသီဖုံႏလဲ့ꩻ ငြင်ပယ်ႏစွဉ်ꩻထိုꩻခန်း ဘုရာꩻထာသေဉာဏ်ႏအရောင်ႏနဝ်ꩻသွူ။ ကွဲတွော့ꩻသီဖုံႏကမာႏဒါႏထာꩻဟဝ်တဝ်းမာꩻသီထိုꩻဘုရာꩻသျင်ꩻက အွဉ်ႏ လွစ်ဒါႏ မေရှိယ ယိုယိင်းဟုဲင်းဟုဲင်း” ဒေါ့ꩻဟွိုန်ခန်းနုဲင်းနဝ်ꩻသွူ။

ဘာႏသာႏရေꩻအွဉ်ငါသားဖုံႏနဝ်ꩻ ကထွိုင်ႏဟွိုန်ငဝ်းနဝ်ꩻတဲင်သꩻ ဒွေါင်ႏသွူထာꩻတွော့ꩻ ပေ့ꩻခါꩻသွူနားတဲင်ခြဝ် သန်ခန်းငဝ်းနဝ်ꩻသွူ။ ဝွေꩻသီးဖုံႏနဝ်ꩻအီႏမာꩻသီ ‘သတေဖန်’ တဲင်ထွို့ꩻထန်ႏသွူဝေင်ꩻအထန်ႏတွော့ꩻ နုဲင်ႏခန်းတွမ်ႏ လုံးတူႏဖုံႏနဝ်ꩻသွူ။

‘သတေဖန်’ သီချိန်ႏကထွိုင်ႏတွိုႏ “ကိုယ်ႏတောႏ ယေရှု လက်ခံႏသွော့ꩻခွေဝိညာဉ်ႏ” ဒေါ့ꩻဖြဝ်ႏသန်ခန်း နဝ်ꩻသွူ။ ဝွေꩻနဝ်ꩻထောက်သွူခင်ႏလေဲင်းတဲင် “ဗွေႏ ခွင်ꩻလွစ်ဖေႏသွော့ꩻလိုꩻဖုံႏယိုအပဲစ်” ဖြဝ်ႏသန်ယင်းထွူတဲင် သီထိုꩻခန်းဒျာႏနဝ်ꩻသွူ။

အနီꩻနဝ်ꩻတွော့ꩻ ‘ယေရုရှလင်’ ကအဝ်ႏဒါႏလိုꩻဖုံႏနဝ်ꩻကိုယ်ႏတောႏ ‘ယေရှု’ လွိုက်ꩻဖဲ့ꩻချာသားဖုံႏမာꩻသီရီးတဲင် လိုꩻယွုမ်းသားဖုံႏလဲ့ꩻ ထန်ႏလွေꩻခန်းခင်ႏလမ်းအွိုးအလင်ꩻနဝ်ꩻသွူ။ ကိစ္စယိုထွာနုဲင်းနဝ်ꩻရိုꩻကီလဲ့ꩻဝွေꩻသီးဖုံႏနဝ်ꩻခင်ႏလမ်း အလင်သွဉ်သင်ဟော်ꩻပျꩻထဲင်းယင်းကိုယ်ႏတောႏ ‘ယေရှု’ အကျောင်ꩻနဝ်ꩻသွူ။

လိုꩻကယွုမ်းဒါႏကိုယ်ႏတောႏ ‘ယေရှု’ ယို လိုꩻ ‘ဖိလိပ္ပု’ ကဟဲ့ꩻဒါႏလိုꩻတဖြာꩻအဝ်ႏသွူ။ ဝွေꩻနဝ်ꩻလဲ့ꩻလိုꩻကယွုမ်း သားအလင်နဝ်ꩻလဲ့ꩻ ထန်ႏထိုꩻခန်း ‘ယေရုရှလင်’ နဝ်ꩻသွူ။ ဝွေꩻနဝ်ꩻလွေꩻသွူ ‘ရှာမာရိ’ ဒေႏသတဲင်ကိုယ်ႏတောႏ ‘ယေရှု’ အကျောင်ꩻယိုသွဉ်သင်ဟော်ꩻပျꩻဖေႏခန်းလိုꩻကအဝ်ႏဒါႏခင်ႏလမ်းနဝ်ꩻကိုတဲင်လိုꩻအာဖုံႏနဝ်ꩻ ယွုမ်းလွꩻဝင်ꩻတွော့ꩻ ခံႏဗာႏ ကယ်ႏဒင်ႏနဝ်ꩻသွူ။ တွိုႏတနီꩻတွော့ꩻဘုရာꩻသျင်ꩻတနံဗျဟ္မာႏတပါꩻနဝ်ꩻလွဉ်သွူ ‘ဖိလိပ္ပု’ ထျꩻတဲင်အီလွေꩻတခြာကန္တာရကိုတဖူꩻတလီးယိုလွဉ်ဒေါ့ꩻသွူတဲင်လွေꩻခန်း ခင်ႏလမ်းနဝ်ꩻကိုသွူ။ ဝွေꩻနဝ်ꩻတဖူꩻသောင်အတွိုင်ႏလွေꩻထာꩻအ ချိန်ႏတွင်ꩻ ထီႏခန်းပါꩻတဖြာꩻထွုမ်းသေလောနဝ်ꩻသွူ။ ဝွေꩻနဝ်ꩻနဝ်ꩻ ‘အဲသယောပိ’ အရေꩻကတန်ဒါႏလိုꩻတဖြာꩻနဝ်ꩻသွူ။ ဘုရာꩻသျင်ꩻ ထာꩻသေဉာဏ်ႏအရောင်ႏနဝ်ꩻအီႏလွေꩻဒေါ့ꩻရီတွမ်ႏလိုꩻနဝ်ꩻတဲင် ထွဉ်ႏခန်း ‘ဖိလိပ္ပု’ နဝ်ꩻသွူ။

နဝ်ꩻတွော့ꩻ ‘ဖိလိပ္ပု’ နဝ်ꩻလွေꩻတွိုႏခန်းသေလောထျꩻနဝ်ꩻသွူ။ ဝွေꩻနဝ်ꩻ ‘အဲသယောပိ’ လိုꩻမျိုꩻဖတ်ဘုရာꩻသျင်ꩻ ငဝ်းဖုံႏယိုအဝ်ႏဟွိုန်ခန်းဒျာႏနဝ်ꩻသွူ။ ဝွေꩻနဝ်ꩻ ဖတ်နိမိတ်ထွားဟော်ꩻပညာႏအဝ်ႏသား ‘ဟေရှာယ’ တဲမ်းသေꩻခါꩻလိတ် ဖုံႏနဝ်ꩻသွူ။ လိုꩻနဝ်ꩻနဝ်ꩻ “ဝွေꩻသီးဖုံႏယိုအီႏမာꩻသီလိုꩻနဝ်ꩻတဲင်ဟဲ့ꩻသွူ ဗဲ့ꩻ တဗာႏတဲင်ꩻဟဲ့ꩻလွေꩻသွူတွော့ꩻ ဗဲ့ꩻ နဝ်ꩻနဝ်ꩻအုံ တေ့ꩻတ့ထာꩻအတွိုင်ႏ ဝွေꩻလဲ့ꩻအုံတေ့ꩻစွူခန်းဒျာႏနဝ်ꩻသွူ။ ဝွေꩻသီးဖုံႏနဝ်ꩻဝွေꩻယိုဖေႏဆွိုက်ဆံတရာꩻတဝ်းတဲင် ထာꩻရိုꩻ သေꩻလဲ့ꩻအဝ်ႏတဝ်းသွူ။ ဝွေꩻသီးဖုံႏနဝ်ꩻ ထွို့ꩻဖျꩻလွေꩻထိုꩻခန်းကိုယ်ႏတောႏ ‘ယေရှု’ အသက်” အွဉ်ႏထန်ႏသွူအငဝ်းဖတ် ခန်းဒျာႏနဝ်ꩻသွူ။

‘ဖိလိပ္ပု’ နဝ်ꩻ ‘အဲသယောပိ’ လိုꩻမျိုꩻယို “အုံနာꩻဖဲ့ꩻယိုနာꩻသေနာႏနေဟောင်း” ရီ ‘အဲသယောပိ’ လိုꩻမျိုꩻ နုဲင်းနဝ်ꩻတဲင် “ခွေယိုသျင်ꩻပျꩻလိုꩻတဖြာꩻဖြာꩻတအဝ်ႏတဝ်းတဲင်ခွေအီႏသေနာႏယိုတအဝ်ႏ တဝ်းသွူ။ ကေꩻဇူꩻပျုꩻ ထွူတဲင် လွဉ်အုံလင်သွူခွေထျꩻတဲင် ‘ဟေရှာယ’ နဝ်ꩻလိုꩻအလင်တဖြာꩻအကျောင်ꩻယိုတဲမ်းသေꩻခါနေဟောင်း” ဖြေႏပြန်ႏသွူတဲင်ရီချာခန်းဒျာႏနဝ်ꩻသွူ။

‘ဖိလိပ္ပု’ နဝ်ꩻထင်ႏသွူလောလောင်းတွော့ꩻအုံလင်သွူတဲင် ‘ဟေရှာယ’ တဲမ်းသေꩻကိုယ်ႏတောႏ ‘ယေရှု’ အကျောင်ꩻယို ‘အဲသယောပိ’ လိုꩻမျိုꩻသျင်ꩻပျꩻခန်းနဝ်ꩻသွူ။ ‘ဖိလိပ္ပု’ နဝ်ꩻဘုရာꩻသျင်ꩻအကျောင်ꩻခရာꩻအလင်ဖုံႏနဝ်ꩻ လဲ့ꩻသျင်ꩻပျꩻဖေႏနဝ်ꩻသွူ။ တွမ်ႏအနယ်ယိုဝွေꩻနဝ်ꩻဒေါ့ꩻခန်းကိုယ်ႏတောႏ ‘ယေရှု’ သတင်ꩻဟဝ်နဝ်ꩻသွူ။

‘ဖိလိပ္ပု’ တွမ်ႏ ‘အဲသယောပိ’ လိုꩻမျိုꩻဖုံႏလွေꩻညီꩻသွူဝင်ꩻတဖူꩻ တဲင်ထီယဟန်ႏကအဝ်ႏဒါႏခင်ႏလမ်းတွင်ꩻ ‘အဲသ ယောပိ’ လိုꩻမျိုꩻ နဝ်ꩻ “အွိုးသူꩻထီအဝ်ႏဆေ့ꩻဆေ့ꩻ၊ ခွေသွဉ်းခံႏထူႏထီမျွုတ်ꩻမင်္ဂလာႏလꩻနေဟောင်း” ကထွိုင်ႏဒေါ့ꩻနုဲင်းနဝ်ꩻ တဲင် ပါꩻကဝါးဒါႏသေလောနဝ်ꩻ အွဉ်ႏနွိုင်းခန်းသေလောနဝ်ꩻသွူ။

နဝ်ꩻတွော့ꩻ ‘ဖိလိပ္ပု’ နဝ်ꩻ ‘အဲသယောပိ’ လိုꩻမျိုꩻလွေꩻသွူထီကို တဲင်မာꩻဖေႏခန်းထီမျွုတ်ꩻမင်္ဂလာႏနဝ်ꩻသွူ။ ဝွေꩻ သီးဖုံႏအဝ်ႏထီကိုထန်ႏလွဉ်ချိန်ႏတွင်ꩻဘုရာꩻသျင်ꩻထာꩻသေဉာဏ်ႏအရောင်ႏနဝ်ꩻ ‘ဖိလိပ္ပု’ ယိုဟဲ့ꩻလွေꩻသွူခင်ႏလမ်းအလင် တထွောင်းတဲင်ခင်ႏ လမ်ႏနဝ်ꩻကိုနဝ်ꩻ ‘ဖိလိပ္ပု’ နဝ်ꩻဘုရာꩻသျင်ꩻအကျောင်ꩻဖုံႏယိုသွဉ်သင်ဖေႏခန်းလိုꩻဖုံႏနဝ်ꩻသွူ။

‘အဲသယောပိ’ လိုꩻမျိုꩻနဝ်ꩻ သဲင်ꩻဆွိုက်သွူဝွေꩻလမ်းတဲင် သေခွင်ꩻကိုယ်ႏတောႏ ‘ယေရှု’ တဲင်ပျောႏသွင်ႏခန်းဒျာႏနဝ်ꩻသွူ။

တမန်တောႏ ၆:၈-၈:၅;၈:၂၆-၄၀ မꩻ သမ္မာႏလိတ်ကျမ်ꩻ ငဝ်းခြုဲင်း