၄၂ - ‘ကိုယ်တောႏယေရှု’ သဲင်ꩻနိဗ္ဗာန်ႏခံႏဝေင်ꩻတောႏ

‘ကိုယ်ႏတောႏယေရှု’ ယို ဘုရာꩻသျင်ꩻအဝ်ႏထာꩻသီဒုံꩻမꩻ ကထွဉ်ႏထွိုင်ႏမွန်ပြန်ႏတချာဒါႏနီꩻယို ဝွေꩻတပဲ့ꩻနီ ဖြာꩻနဝ်ꩻ တွိုႏလွေꩻခန်းအဗော့ꩻအဗꩻကအဝ်ႏဒါႏ ဝေင်ꩻတဝေင်ꩻနဝ်ꩻသွူ။ ဝွေꩻသီးဖုံႏနဝ်ꩻ ထောင်ပါတဖူꩻဒေါ့ꩻခြုဲင်း လွꩻဝင်ꩻ ‘ကိုယ်ႏတောႏယေရှု’ ကထွာထွူဒါႏအထွာအကုဲင်ဖုံႏနဝ်ꩻသွူ။ ‘ကိုယ်ႏတောႏယေရှု’ ယို ဖေႏကထွာ ‘မေရှိ ယ’ နဝ်ꩻ ကော့ꩻမောင်ꩻစွဉ်ႏရိုꩻကီလဲ့ꩻ ‘ကိုယ်ႏတောႏယေရှု’ နဝ်ꩻ ခံႏဗာႏထိုꩻဝင်ꩻမာꩻသီနဝ်ꩻသွူ။ ယိုခါနောဝ်ꩻ ‘ကိုယ်ႏ တောႏယေရှု’ သက်မွန်ချာလဲဉ်း လိုꩻမူႏအာစွိုꩻဖုံႏဒေါ့ꩻလွခန်းဝင်ꩻနုဲင်းနဝ်ꩻသွူ။ ဝွေꩻသီးဖုံႏနောဝ်ꩻ အီႏယွုမ်းဗာႏ တမုဲင်ꩻယို တသေတဝ်းဒွုမ်သွူ။

‘ကိုယ်ႏတောႏယေရှု’ နဝ်ꩻ လွေꩻတွိုက်သွူဝွေꩻသီးထျꩻတဲင် တွမ်ႏဝွေꩻသီးစထောင်လွေꩻညီဝင်ꩻတဖူꩻရိုꩻကီ လဲ့ꩻ ဝွေꩻသီးနဝ်ꩻတသေငါꩻတဝ်း ‘ကိုယ်ႏတောႏယေရှု’ သွူ။ ‘ကိုယ်ႏတောႏယေရှု’ နဝ်ꩻ ရီ ခန်းဝွေꩻသီးဖုံႏ ဒေါ့ꩻဟွိုန် လွꩻဝင်ꩻအကျောင်ꩻခရာႏတမုဲင်ꩻဖုံႏဟောင်း နုဲင်းနဝ်ꩻသွူ။ ဝွေꩻသီးဖုံႏနဝ်ꩻ ကထွူထိုꩻလဲဉ်းဒါႏတနီꩻနီနီꩻအတွင်ꩻ က ပေါႏထွာလွဉ်ဒါႏ ‘ကိုယ်ႏတောႏယေရှု’ အကျောင်ꩻခရာꩻအလို့ယို ဒေါ့ꩻနယ်ခန်း ‘ကိုယ်ႏတောႏယေရှု’ နောဝ်ꩻသွူ။ ‘ကိုယ်တောႏယေရှု’ ယို ဝွေꩻသီးဖုံႏနဝ်ꩻ ‘ဂျေရုဆလင်’ ကို ကထွာထွူ လဲဉ်းဒါႏအကျောင်ꩻဖုံႏယို တသေတဝ်းခမ်း တဖြာꩻသားလိုꩻတဖြာꩻစထင်းခန်းနုဲင်းနဝ်ꩻသွူ။

နဝ်ꩻဆချာ ‘ကိုယ်ႏတောႏယေရှု’ နဝ်ꩻ သျင်ꩻပျꩻနယ်ခန်း ‘မေရှိယ’ အကျောင်ꩻ ဘုရာꩻသျင်ꩻသီးငဝ်းဖုံႏနဝ်ꩻ သွူ။ စိုးအွိုးကရီးခါ အရိယာႏသူႏတောႏဗွာဖုံႏနဝ်ꩻ ကယွုတ်ညံးဒါႏလိုꩻဖုံႏ ထွဉ်ႏခံႏစာႏသွူ ‘မေရှိယ’ တဲင် မဲ့ꩻအီႏအွဉ်ႏ သီ ဒေါ့ꩻခါꩻနုဲင်းနဝ်ꩻသွူ။ ကွဲတွော့ꩻ အရိယာႏသူႏတောႏဗွာဖုံႏနဝ်ꩻ ဝွေꩻယို သွံနီꩻအကို အီႏထွိုင်ႏမွန်ပြန်ႏ တ ချာနုဲင်းနဝ်ꩻလဲ့ꩻ ဒေါ့ꩻဟွိုန်ခါꩻခန်းနုဲင်းနဝ်ꩻသွူ။

ဝွေꩻသီးဖုံႏနဝ်ꩻ ကထွိုင်ႏတွိုႏလိုꩻနဝ်ꩻဝင်ꩻနီကအုံဒါႏဝေင်ꩻအချိန်ႏ တွင်ꩻ တွိုႏလဲဉ်းသွူအချိန်ႏမွူးဟာဒွိုနဝ်ꩻ သွူ။ ဝွေꩻသီးဖုံႏနဝ်ꩻ ‘ကိုယ်ႏတောႏယေရှု’ ဖေႏကအုံညီꩻဝွေꩻသီး ကွပ်ဖစ်ဟဲ့ꩻတဲင် ‘ကိုယ်ႏတောႏယေရှု’ နဝ်ꩻ တွမ်ႏ ဝွေꩻသီးနွို့ꩻသော့ꩻခန်းလမ်းကိုနဝ်ꩻသွူ။ ‘ယေရှု’ နဝ်ꩻ အီႏအံႏဒဲဉ်ဟာ အုံလင်ꩻခန်းနဝ်ꩻသွူ။ ‘ကိုယ်ႏတောႏယေရှု’ နဝ်ꩻ ခွိုန်သွူတခိုးပေါင်မုန့်တဖြုံႏတဲင် အံႏဖြာႏသွူဘုရာꩻသျင်ꩻတဲင် ဗျာႏတခဝ်ခန်းဒျာႏနဝ်ꩻသွူ။ နဝ်ꩻဆချာ ဝွေꩻ သီးဖုံႏနဝ်ꩻ တောင်ꩻထိုꩻသွူ ‘ယေရှု’ တဲင် နဝ်ꩻအချိန်ႏတွင်ꩻ ‘ကိုယ်ႏတောႏယေရှု’ နဝ်ꩻ ဝွေꩻသီးထာꩻထီႏကွင်ꩻကို ထိုꩻမားထိုꩻခန်းဒျာႏနဝ်ꩻသွူ။

လိုꩻစားနဝ်ꩻဝင်ꩻနီနဝ်ꩻ အချင်ꩻချင်ꩻဒေါ့ꩻခန်းဝင်ꩻ “ဝွေꩻနဝ်ꩻထွာ ‘ကိုယ်ႏတောႏယေရှု’ သွူ။ နဝ်ꩻသနဲ့ꩻဝွေꩻ ကဒေါ့ꩻနယ်နီဖုံႏ ဘုရာꩻသျင်ꩻသီးငဝ်ꩻအကျောင်ꩻခရာꩻချိန်ႏတွင်ꩻနဝ်ꩻ သꩻတနွို့ꩻထွာသန်မွေးမုဲင်းစွဉ်ႏထာꩻ” ဒေါ့ꩻ ဟွိုန်ခန်းနုဲင်းနဝ်ꩻသွူ။ တလဲင်ႏချင်ꩻဝွေꩻသီးဖုံႏနဝ်ꩻ သဲင်ꩻချာလွခန်း ‘ဂျေရုဆလင်’ နဝ်ꩻသွူ။ ဝွေꩻသီးဖုံႏကထွိုင်ႏတွိုႏ သဲင်ꩻ ‘ဂျေရုဆလင်’ အချိန်ႏနဝ်ꩻ တပဲ့ꩻအလင်ဖုံႏယို “ကိုယ်ႏတောႏယေရှု အသက်မွန်နေကဒွုမ်း။ နီဖုံႏထီႏ ထွူလဲဉ်းဝွေꩻ” ဒေါ့ꩻဟွိုန် ခန်းနုဲင်းနဝ်ꩻသွူ။

တပဲ့ꩻဖုံႏဒေါ့ꩻငဝ်းအချိန်ႏတွင်ꩻ ‘ကိုယ်ႏတောႏယေရှု’ နဝ်ꩻ တွမ်ႏဝွေꩻသီးဖုံႏပေါႏလွဉ်ခန်းအခန်ꩻကိုနဝ်ꩻသွူ။ ‘ကိုယ်ႏတောႏယေရှု’ နဝ်ꩻ “သီဖုံႏငိမ်ꩻချံꩻနေဟောင်း” ဒေါ့ꩻဟွိုန်ခန်းနုဲင်းနဝ်ꩻသွူ။ တပဲ့ꩻဖုံႏနဝ်ꩻ ‘ကိုယ်ႏတောႏယေ ရှု’ ယို ထင်ႏဒျာႏထာꩻလောက်ꩻရိုꩻကီလဲ့ꩻ ‘ကိုယ်ႏတောႏယေရှု’ နဝ်ꩻ သီဖုံႏပွိုးထမုဲင်ꩻငမ်းတွိုႏဟောင်း ခွေ ‘ယေရှု’ ယို ပွိုးတမုဲင်ꩻတယွုမ်းလွတဝ်း ခွေခင်ႏတွမ်ႏခွေစူဖုံႏယို ကဉ်းခွုင်စံႏစံꩻ ထာꩻလောက်ꩻဖုံႏနဝ်ꩻ နမ်းခန္ဓာႏနုဲင်းခွေယို တအဝ်ႏတဝ်း” ဒေါ့ꩻ ဟွိုန်ခန်းနုဲင်းနဝ်ꩻသွူ။ ‘ကိုယ်ႏတောႏယေရှု’ နဝ်ꩻ တွမ်ႏအနယ်ꩻယိုတဲင် ခွေထာꩻလောက်ꩻတမွေးတဝ်းအကျောင်ꩻယို အွဉ်ႏနယ်ခန်း နဝ်ꩻသွူ။ နဝ်ꩻဆချာဝွေꩻကထွိုင်ႏကွီအံႏခရာႏတဗာႏတဲင် ဝွေꩻတပဲ့ꩻဖုံႏနောဝ်ꩻ ဖေႏခန်း ‘ကိုယ်ႏတောႏယေရှု’ ထꩻပေႏတကွို့ꩻနဝ်ꩻသွူ။ ‘ကိုယ်ႏတောႏယေရှု’ နဝ်ꩻ အံႏသွုံꩻခန်းထꩻပေႏတကွို့ꩻနောဝ်ꩻ သွူ။

‘ကိုယ်ႏတောႏယေရှု’ နဝ်ꩻ “ခွေအကျောင်ꩻကဒေါ့ꩻခါꩻဒါႏဘုရာꩻ သျင်ꩻသီးငဝ်းအတွိုင်ꩻအီထွာလွဉ်နဝ်ꩻသွူ။ နုဲင်ႏမုဲင်ꩻမုဲင်ꩻလဲ့ꩻအီႏထွာလွဉ်ဒျာႏ ခွေဒေါ့ꩻခါꩻသီဖုံႏ” ဒေါ့ꩻဟွိုန်ခန်းနုဲင်းနဝ်ꩻသွူ။ နဝ်ꩻဆချာ ‘ယေရှု’ နဝ်ꩻ ဝွေꩻသီးဖုံႏ ဖေႏကနားလယ်ပိုႏ ဘုရာꩻသျင်ꩻသီးငေါဝ်းဖုံႏယို မာꩻဖေႏခန်းဒျာႏနဝ်ꩻသွူ။ ‘ကိုယ်ႏတောႏယေရှု’ နောဝ်ꩻ အွိုးစခါ အရိယာႏသူႏတောႏဗွာဖုံႏနဝ်ꩻ ‘မေရှိယ’ ကထွာဒါႏခွေယို ခံႏစာꩻဗာႏတွော့ꩻ မဲ့ꩻအီႏသီ။ နဝ်ꩻဆချာ သွံနီꩻမျောက်တွင်ꩻ အဝ်ႏထာꩻသီဒုံ မꩻ ထွိုင်ႏမွန်ပြန်ႏတချာတဲမ်းသေꩻခါꩻနုဲင်းနဝ်ꩻ” ဒေါ့ꩻဟွိုန်ခန်းနုဲင်း နဝ်ꩻသွူ။

“အရိယာႏသူႏတောႏဗွာဖုံႏနောဝ်ꩻ ခွေတပဲ့ꩻဖုံႏယို ဘုရာꩻသျင်ꩻသီးငေါဝ်းသတင်ꩻအီႏဖန်းဖြယ်ဖေႏယိုလဲ့ꩻ တဲမ်းခါꩻသွူ။ ဝွေꩻသီးဖုံႏ နဝ်ꩻ လိုꩻတွိုင်ꩻအပဲစ်ဖုံႏအတွက် ဖေႏကလꩻသံႏဝွေႏဂယို အီႏဒေါ့ꩻဟွိုန်ဖေႏဒျာႏနောဝ်ꩻသွူ။ ဘုရာꩻသျင်ꩻနဝ်ꩻ ဝွေꩻသီးဖုံႏအပဲစ်ယို မဲ့ꩻခွင်ꩻလွစ်ဖေႏဒျာႏနဝ်ꩻသွူ။ ခွေတပဲ့ꩻဖုံႏနဝ်ꩻ ငဝ်းသတင်ꩻဖုံႏယို အီႏ ဖန်းဖြယ်စ ‘ဂေျရုဆလင်’ ကိုနဝ်ꩻသွူ။ နဝ်ꩻဆချာဝွေꩻသီးဖုံႏနဝ်ꩻ မဲ့ꩻအီႏလွေꩻလိုꩻဗူႏလိုꩻစုꩻကအဝ်ႏဒါႏခင်ႏလမ်းတွိုင်ႏနဝ်ꩻသွူ။ သီဖုံႏနောဝ်ꩻ ခွေက မာꩻခါꩻဒါႏ အခရာႏတွိုင်ႏ၊ ခွေကမဲဉ်ထွာဒါႏအခရာႏတွိုင်ꩻ၊ ခွေကဒေါ့ꩻသေꩻဒါႏအခရာႏတွိုင်ꩻယို အီႏထွာမဲ့ꩻထီႏသက်သေႏဖုံႏနဝ်ꩻသွူ။

ဆုဲင်ꩻမွူးနီꩻလစ်ဆီအကိုတွင်ꩻ ‘ကိုယ်ႏတောႏယေရှု’ နဝ်ꩻ ပေါႏလွဉ်ဝွေꩻတပဲ့ꩻဖုံႏထျꩻယို အလဲင်ႏပေါင်ႏအာ လဲဉ်ႏနဝ်ꩻသွူ။ တလဲင်ႏတွော့ꩻ ပေါႏလွဉ်ခန်းလိုꩻငတ်ရျာꩻဖဲ့ꩻငါနဝ်ꩻသွူ။ ဝွေꩻတပဲ့ꩻဖုံႏယို တွမ်ႏအနယ်ꩻအာစားတဲင် ဝွေꩻသက်မွန်အကျောင်ꩻအွဉ်ႏနယ်သွူတွော့ꩻ ဘုရာꩻသျင်ꩻသီးနိုင်ႏငံႏတောႏအကျောင်ꩻယို သွဉ်သင်ဖေႏခန်းနဝ်ꩻသွူ။

‘ကိုယ်ႏတောႏယေရှု’ နဝ်ꩻ ဝွေꩻတပဲ့ꩻဖုံႏယို “ဘုရာꩻသျင်ꩻနဝ်ꩻ ခံႏ ဝေင်ꩻတောႏတွမ်ႏ ကမ္ဘာႏအလောင်းက အဝ်ႏဒါႏ လိုꩻတွိုင်ꩻအလောင်းဖေႏခါꩻထွူလဲဉ်းခွေအုပ်ချွုတ်ခွင်ꩻနဝ်ꩻသွူ။ နဝ်ꩻတွော့ꩻခွေနဝ်ꩻ သီဖုံႏယိုဖေႏကလွေꩻ ထုမ်ႏတပဲ့ꩻအာ အွိုးလိုꩻလင်အဖွဲ့ကိုသွူတဲင် ယိုခါထွာဒေါ့ꩻဟွိုန်ဗာႏသီဖုံႏနောဝ်ꩻသွူ။ သီဖုံႏအီႏမာꩻဖေႏ ထီမျွုတ်ꩻ မင်္ဂလာႏအတာႏ ဝွေꩻသီးဖုံႏယို မာꩻဖေႏဗာႏတွမ်ႏ ဖာ ဘုရာꩻသျင်ꩻပိုခိုတောႏတွမ်ႏ ဉာဏ်ႏအရောင်ႏသီးဖုံႏ အမဉ်ႏနာႏမတောႏနဝ်ꩻသွူ။ သီဖုံႏနဝ်ꩻ ဝွေꩻသီးဖုံႏယို ခွေကမိန်းသေꩻခါꩻဒါႏသီအတွိုင်ꩻသွဉ်သင်ဖေႏဗာႏနဝ်ꩻသွူ။ ခွေနဝ်ꩻ အဝ်ႏညီꩻသေႏသေႏတွမ်ႏသီအကျောင်ꩻ ယူႏလꩻသွော့ꩻဟုဲင်း” မိန်းဟွိုန်ခန်း နုဲင်းနဝ်ꩻသွူ။

‘ကိုယ်ႏတောႏယေရှု’ အဝ်ႏထာꩻသီသဲင်ꩻပြန်ႏချာ ကထွိုင်ႏညမွူးနီꩻလစ်ဆီနဝ်ꩻ ‘ကိုယ်ႏတောႏယေရှု’ မိန်း ခန်းဝွေꩻတပဲ့ꩻဖုံႏ “သီဖုံႏယို ကလားကတွိုႏခွေဖာကဖေႏသီအစွန်ꩻဖုံႏအချိန်ႏ အုံသွော့ꩻ ‘ဂျေရှ ဆလင်’ ။ ဝွေꩻနောဝ်ꩻ ဉာဏ်ႏအရောင်ႏတောႏယိုမဲ့ꩻအီႏအွဉ်ႏလွစ်သီအလောင်းတဲင် မဲ့ꩻအီႏမာꩻဆောင်ႏရွက်နုဲင်းနဝ်ꩻ” မိန်းခန်းနုဲင်း နဝ်ꩻ သွူ။ နဝ်ꩻဆချာ ‘ကိုယ်ႏတောႏယေရှု’ နဝ်ꩻလွေꩻသွူနိဗ္ဗာန်ႏခံႏ ဝေင်ꩻတဲင် မို့ꩻအေႏဖုံႏနဝ်ꩻဒို့ꩻရဲးထိုꩻခန်းဝွေꩻတပဲ့ꩻဖုံႏထျꩻ နဝ်ꩻသွူ။ ‘ကိုယ်ႏတောႏယေရှု’ နဝ်ꩻ နိဗ္ဗာန်ႏခံꩻဝေင်ꩻတောႏယို အီႏအုပ်ချွုတ်ကားကအဝ်ႏအလောင်းတဲင် အုံလင်ꩻ ခန်းဘုရာꩻသျင်ꩻအစေႏဖဲ့ꩻ နဝ်ꩻသွူ။

သျင်ႏမဿဲခရစ်နွို့ꩻ ၂၈:၁၆-၂၀; မာကုခရစ်နွို့ꩻ ၁၆:၁၂-၂၀; သျင်ႏလုကာခရစ်နွို့ꩻ ၂၄: ၁၃-၅၃; သျင်ႏယောဟန်ခရစ်နွို့ꩻ ၂၀:၁၉-၂၃; တ မန်တောႏ ၁:၁-၁၁ မꩻ သမ္မာႏလိတ်ကျမ်ꩻ ငဝ်းခြုဲင်း