၄၃ - ချက်ကျောင်ꩻဖုံႏ ပျုꩻလွဉ်စꩻ

‘ကိုယ်ႏတောႏယေရှု’ သဲင်ꩻချာနိဗ္ဗာန်ႏခံꩻဝေင်ꩻတောႏထွူအချိန်ႏတွင်ꩻ ‘ကိုယ်ႏတောႏယေရှု’ တပဲ့ꩻလွိုက်ꩻဆ ချာသားဖုံႏနဝ်ꩻ ‘ကိုယ်ႏတောႏယေရှု’ ကမိန်းခါꩻဒါႏအတွိုင်ꩻအုံဆွိုက်ဆုဲင်ꩻခန်း ‘ဂျေရုဆလင်’ ဝေင်ꩻနဝ်ꩻသွူ။ ခင်ႏ လမ်းနဝ်ꩻကိုကအဝ်ႏဒါႏ လိုꩻယွုမ်းသားဖုံႏနဝ်ꩻ အဆွုက်မပျက်စုꩻဗူႏသွူဝင်ꩻတဲင်ဝွတ်ပျုဆုꩻတောင်ꩻခန်းနဝ်ꩻသွူ။

နေင်ႏတွိုင်ꩻပသခါအံႏပွယ်ꩻထွူ ကထွိုင်ႏညမွူႏနီꩻငတ်ꩻဆီရပ်တွင်ꩻ ‘ဂျူး’ လိုꩻမျိုꩻဖုံႏနဝ်ꩻ Pentecost ကဟဲ့ꩻ ဒါႏ အရေꩻကတန်ငါႏမွူးနီꩻယို မာꩻလွခန်းနဝ်ꩻသွူ။ Pentecost ကရိုꩻနဝ်ꩻ ‘ဂျူး’ လိုꩻမျိုꩻဖုံႏ ထွာမာꩻရဲ့ꩻသိမ်ꩻလွေꩻ ဂျုံ နဝ်ꩻသွူ။ ကမ္ဘာႏတခွင်ꩻကိုကအဝ်ႏဒါႏ ‘ဂျူး’ လိုꩻမျိုꩻဖုံႏနဝ်ꩻ အနီꩻနောဝ်ꩻနဝ်ꩻ ဖေႏကမာꩻနွောင်ꩻ Pentecost အတာႏ လွဉ်စုꩻဗူႏခန်းဝင်ꩻ ‘ဂျေရုဆလင်’ ကိုနဝ်ꩻသွူ။ အနီꩻနောဝ်ꩻနဝ်ꩻ Pentecost ယို ‘ကိုယ်ႏတောႏယေရှု’ သဲင်ꩻပြန်ႏချာ နိဗ္ဗာန်ႏခံꩻဝေင်ꩻတောႏထွူ ကထွိုင်ႏညတပတ်တွင်ꩻ တွိုႏလွဉ်ခန်းနဝ်ꩻသွူ။

ယွုမ်းဒါႏလိုꩻဖုံႏကထွိုင်ႏစုꩻဗူႏလွဉ်အချိန်ႏတွင်ꩻ ဝွေꩻသီးကစုꩻဒါႏလမ်းနဝ်ꩻ တလဲင်ႏချင်ꩻဗွိုန်နုဲင်းတလီꩻသန် အငဝ်းတဲင် အငဝ်းဖုံႏဗွေဗိတ်ထိုꩻခန်းနဝ်ꩻသွူ။ ယွုမ်းအံႏလိုꩻဖုံႏကတူႏလောင်းယို ဗွိုန် နုဲင်းမေႏပေါႏလွဉ်ခန်းဒျာႏ နဝ်ꩻသွူ။ ဝွေꩻသီးဖုံႏနဝ်ꩻ ဗွေဗိတ်သွူ တွမ်ႏဉာဏ်ႏအရောင်ႏတောႏတဲင် ဘုရာꩻသျင်ꩻယို အံႏဖြာႏခန်း တွမ်းဘာႏသာႏ အလင်ငဝ်းနဝ်ꩻသွူ။ ဝွေꩻသီးဖုံႏနောဝ်ꩻ ဘာႏသာႏယိုအငဝ်းဖုံႏယို တသေတဝ်းရိုꩻကီလဲ့ꩻ ဘာႏသာႏငဝ်းယိုဉာဏ်ႏအ ရောင်ႏတောႏယို ဝွေꩻသီးယိုဖေႏကဒေါ့ꩻနွောင်ꩻနဝ်ꩻ မာꩻခါꩻဖေႏခန်းဒျာႏနဝ်ꩻသွူ။

‘ဂျေရုဆလင်’ ကိုကအုံဒါႏလိုꩻဖုံႏနဝ်ꩻ ကထွိုင်ႏဟွိုန်ငဝ်းယိုအချိန်ႏတွင်ꩻ ထွာတမုဲင်ꩻတန်နဲ လွဉ်ထွားညီꩻ ခန်းဝင်ꩻနဝ်ꩻသွူ။ ကယွုမ်းဒါႏလိုꩻသားဖုံႏနဝ်ꩻ ဘုရာꩻသျင်ꩻကမာꩻခါꩻဒါႏ ကမျတ်တန်ငါႏ အကျောင်ꩻခရာႏ အာဖုံႏ အကျောင်ꩻယို ဟွိုန်ဗာႏခန်းနဝ်ꩻသွူ။ ဝွေꩻသီးဖုံႏနောဝ်ꩻ ကဗွိုန်အာဒါႏနုဲင်ႏငံႏဖုံႏ တဗွိုန်အာတဝ်းဘာႏသာႏ ငဝ်းယို ဒေါ့ꩻရိုꩻစွဉ်ႏလဲ့ꩻ လိုꩻနဝ်ꩻဖုံႏကဒေါ့ꩻဒါႏငဝ်းယို သေနာႏလွဒျာႏတဲင် အံႏယောꩻလွꩻမွေးဝင်ꩻနဝ်ꩻသွူ။ ဆချာသားဖုံႏနဝ်ꩻ ထွာ ‘အစ္စရေး’ လိုꩻမျိုꩻဖုံႏတဲင် Aramaic (အာရမစ်) ‘ဟေပရူး’ တွမ်ႏ ‘ဂရိ’ ငဝ်းဖုံႏယို ဒေါ့ꩻဟွိုန်ခန်းစွဉ်ႏလဲ့ꩻ လိုꩻ တဖြာꩻတဖြာꩻစီနောဝ်ꩻ ဘုရာꩻသျင်ꩻကဒေါ့ꩻဒါႏအကျောင်ꩻဖုံႏယို ဟွိုန်စွဉ်ႏဒျာႏနုဲင်းဝွေꩻသီးဖုံႏ မွိုးဖာဘာႏသာႏငဝ်း အတွိုင်ꩻနဝ်ꩻသွူ။

လိုꩻယဟန်ႏဖုံႏနဝ်ꩻ တပဲ့ꩻယိုဖုံႏအမွန်လွဝင်ꩻ ဒေါ့ꩻလွခန်းနုဲင်းနဝ်ꩻသွူ။ ကွဲတွော့ꩻ ‘ပေတရု’ နဝ်ꩻ ထွိုင်ႏသွူ တွော့ꩻ “နာႏသွော့ꩻခွေ ငဝ်ႏ၊ လိုꩻယိုဖုံႏနဝ်ꩻမွန်လွဝင်ꩻတမွေးတဝ်း။ နဝ်ꩻကိုယ်ႏစာꩻ သီဖုံႏယိုခါကထီႏဗာႏနဝ်ꩻ မဲ့ꩻအီႏ ထွာနိမိတ် ထွားဟော်ꩻပညာႏအဝ်ႏ ‘Joer ’ ကဒေါ့ꩻဟွိုန်ခါꩻဒါႏအတွိုင်ꩻ ဘုရာꩻသျင်ꩻနဝ်ꩻ အဆုဲင်ꩻသွတ်ꩻနီꩻယို အီႏ လော့ꩻထန်ႏထိုꩻခွေဝိညာဉ်ႏတောႏ ဒေါ့ꩻခါꩻနုဲင်းနဝ်ꩻသွူ။ ထွာ ထွာပေါႏလွဉ်နဝ်ꩻသွူ။” ဒေါ့ꩻဟွိုန်ခန်းနုဲင်းနဝ်ꩻသွူ။

“အစ္စရေး ကိုကအဝ်ႏဒါႏ ခမ်းသားထီသားလိုꩻအမျာꩻဖုံႏ ‘ကိုယ်ႏတောႏယေရှု’ နဝ်ꩻအီႏအွဉ်ႏနယ်ဝွေꩻတမုဲင်ꩻ ကရိုꩻယိုအတာႏအံႏဖြာꩻခရာႏအာဖုံႏယို ထွာမာꩻနယ်ပျခါꩻနဝ်ꩻသွူ။ ဝွေꩻနောဝ်ꩻ တွမ်ႏဘုရာꩻသျင်ꩻတန်ႏခိုꩻအစွမ်ꩻတဲင် အံႏဖြာꩻခရာႏအာယို မာꩻသေꩻခါꩻ နဝ်ꩻသွူ။ သီဖုံႏနဝ်ꩻ ကွပ်ထီႏယိုတဲင် သီဖုံႏသေသွူ။ ကွဲတွော့ꩻသီဖုံႏနဝ်ꩻ ဒင်ႏထိုꩻဝွေꩻ စူယာꩻကပ်ꩻထွန်ႏလောင်းနဝ်ꩻသွူ။”

“ကိုယ်ႏတောႏယေရှု သီထိုꩻနဝ်ꩻသွူ။ ကွဲတွော့ꩻ ဘုရာꩻသျင်ꩻနဝ်ꩻ ‘ကိုယ်ႏတောႏယေရှု’ ယို အဝ်ႏထာꩻသီဒုံ မꩻ ထွဉ်ႏထွိုင်ႏမွန်ချာ ပြန်ႏနဝ်ꩻသွူ။ အချက်ယိုနောဝ်ꩻ နိမိတ်ထွားဟော်ꩻပညာႏအဝ်ႏ ကတဲမ်းခါꩻဒါႏ “သီဖုံႏနောဝ်ꩻ လိုꩻမျတ်တန်ယို အုတ်ဂူႏအကို တဖေႏတဝ်းသေင်ခွင်ꩻ” ကရိုꩻဒါႏအကျောင်ꩻခရာꩻယို မဲဉ်ႏလွဉ်သွူနဝ်ꩻသွူ။ ဘုရာꩻ သျင်ꩻနဝ်ꩻ ‘ကိုယ်ႏတောႏယေရှု’ ယို အဝ်ႏထာꩻသီဒုံမꩻ ထွိုင်ႏမွန်ပြန်ႏတချာကရိုꩻယို နီဖုံႏယိုထွာသက်သေႏနဝ်ꩻသွူ။

“ဖာဘုရာꩻသျင်ꩻနောဝ်ꩻ ‘ကိုယ်ႏတောႏယေရှု’ ယို ထွဉ်ႏအုံလင်ꩻခါꩻဝွေꩻစူယာꩻစေႏဖဲ့ꩻတဲင် ထူႏဂွုဏ်ႏဖေႏထွူ လဲဉ်းနဝ်ꩻသွူ။ နဝ်ꩻဆချာ ‘ကိုယ်ႏတောႏယေရှု’ နဝ်ꩻ ဝွေꩻကဖေႏခါꩻဒါႏနီဖုံႏကတိအတွိုင်ႏ အွဉ်ႏလွစ်ဖေႏသွူ ဉာဏ်ႏ အရောင်ႏတောႏနဝ်ꩻသွူ။ သီဖုံႏကထီႏဗာႏကားကအဝ်ႏယိုနောဝ်ꩻ ထွာဒျာႏဉာဏ်ႏအရောင်ႏတောႏ မာꩻဖေႏနဝ်ꩻသွူ။

“သီဖုံႏနဝ်ꩻ ‘ကိုယ်ႏတောႏယေရှု’ ယို ဒင်ႏလွဝင်ꩻ စူယာꩻကပ်ꩻထွန်ႏလောင်းနဝ်ꩻသွူ။ ကွဲတွော့ꩻသီဖုံႏ သေႏ သေႏချာႏချာႏကသေခါꩻဒါႏအခရာႏယို ဘုရာꩻသျင်ꩻနဝ်ꩻ ‘ကိုယ်ႏတောႏယေရှု’ ယို အခရာႏကားကအဝ်ႏအဗွေႏတွမ်ႏ ‘မေရှိယ’ နီမျိုꩻလွုမ်းဖေႏကထွာ ဆောင်ႏရွက်ခါꩻဖေႏနဝ်ꩻသွူ။”

‘ပေတရု’ ကဒေါ့ꩻဒါႏအကျောင်ꩻခရာꩻအာယို ကနာႏခံႏဒါႏလိုꩻအာဖုံႏနဝ်ꩻ ကွပ်ငဝ်းယိုဖုံႏတဲင် သꩻတနွို့ꩻ ထိုꩻဗာႏခန်းနဝ်ꩻသွူ။ နဝ်ꩻတွော့ꩻဝွေꩻသီးဖုံႏနဝ်ꩻ ‘ပေတရု’ တွမ်ႏ လွိုက်ꩻဖဲ့ꩻချာသားဖုံႏနဝ်ꩻ “ဖူးဝေးသီးဖုံႏ နီဖုံႏအီႏ ဆောင်ႏရွက်မာꩻဗာႏနုဲင်းမုဲင်ꩻဟောင်း။”

‘ပေတရု’ နဝ်ꩻ ဒေါ့ꩻခန်းလိုꩻစားနဝ်ꩻဖုံႏ “သီဖုံႏအလို့ယို ဘုရာꩻသျင်ꩻနဝ်ꩻခွင်ꩻလွစ်ဖေႏသီဖုံႏအပဲစ်အတာႏ လိုႏအပ်ငါႏနဝ်ꩻသွူ။ နဝ်ꩻတွော့ꩻ သီဖုံႏအပဲစ်အတွက် လꩻသွူသံႏဝွေႏဂတဲင် လိုꩻဖြာꩻတွိုင်ꩻတွမ်ႏ ‘ယေရှု’ နာႏမတောႏ ခံႏဗာႏထီႏမျွုတ်ꩻမင်္ဂလာႏနဝ်ꩻသွူ။ နဝ်ꩻဆချာ ဘုရာꩻသျင်ꩻနဝ်ꩻ ဉာဏ်ႏအရောင်ႏတောႏယို လက်ဆောင်ႏအထွာ အီႏ ဖေႏသီဖုံႏနဝ်ꩻသွူ။

လိုꩻသွံရေင်ရပ်နောဝ်ꩻ ယွုမ်းသွူ ‘ပေတရု’ ကဒေါ့ꩻဖုံႏယိုတဲင် ထွာထိုꩻခန်း ‘ကိုယ်ႏတောႏယေရှု’ တပဲ့ꩻ လွိုက်ꩻဖဲ့ꩻချာသားဖုံႏနဝ်ꩻသွူ။ ဝွေꩻသီးဖုံႏနဝ်ꩻ ခံႏထွူလဲဉ်းဖေႏထီမျွုတ်ꩻမင်္ဂလာႏတဲင်ထွာလွဉ်ခန်း ‘ဂေျရုဆလင်’ ကိုကအဝ်ႏဒါႏ ဘုရာꩻသျင်ꩻတခူႏတခဝ်နဝ်ꩻသွူ။

ကယွုမ်းဒါႏလိုꩻသားဖုံႏနောဝ်ꩻ ကသွဉ်သင်ဖေႏဒါႏလိုꩻသားဖုံႏငဝ်းဖုံႏယို အဝ်ႏနာႏခံႏတသေႏဒျာႏနဝ်ꩻသွူ။ ဝွေꩻသီးဖုံႏနဝ်ꩻတဆင်ႏ ဆင်ႏခွဲကျွုံꩻသွူတဲင် အံႏညီꩻသွူဝင်ꩻတွော့ꩻ ဝုဲင်ꩻလွꩻခန်းဘုရာꩻနဝ်ꩻသွူ။ ဝွေꩻသီးဖုံႏနောဝ်ꩻ အံႏ ဖြာꩻညီꩻသွူဝင်ꩻဘုရာꩻသျင်ꩻတွော့ꩻ ဝွေꩻသီးဖုံႏကအဝ်ႏဒါႏကားကအဝ်ႏယိုတဖြာꩻတွမ်ႏတဖြာꩻဖန်းဖြယ်ဖေႏခန်းနဝ်ꩻ သွူ။ ဝေင်ꩻကိုကအဝ်ႏဒါႏလိုꩻဖုံႏနဝ်ꩻ ဝွေꩻသီးဖုံႏယိုယူႏဖေႏသွော့ꩻအဟဝ်ဖဲ့ꩻ။ တနီꩻထွူတနီꩻ ကယွုမ်းအံႏဒါႏလိုꩻဖုံႏတိုꩻ ပွာꩻလွဉ်ခန်းဒျာႏနဝ်ꩻသွူ။

တမန်တောႏ ၂ မꩻ သမ္မာႏလိတ်ကျမ်ꩻ ငဝ်းခြုဲင်း