၄၈ - ‘မေရှိယ’ အနေႏကတိဖေႏခံႏခါꩻဗာႏဒါႏ ကိုယ်ႏတောႏ ‘ယေရှု’

ဘုရာꩻသျင်ꩻကထွိုင်ႏဖန်ꩻဆင်ꩻကမ္ဘာႏဟံႏတန်ကားကအဝ်ႏနဝ်ꩻအပဲစ်ကရိုꩻယိုအဝ်ႏတဝ်းတဲင်ပြဲ့ꩻစွုမ်ႏငါႏ နဝ်ꩻသွူ။ ‘အာဒမ်’ တွမ်ႏ ‘ဧဝ’ သီးနဝ်ꩻတဖြာꩻတွမ်ႏတဖြာꩻရက်သွူဝင်ꩻတဲင်ဘုရာꩻသျင်ꩻယိုလဲ့ꩻရက်ဒျာႏနဝ်ꩻသွူ။ ကျန်ႏမာႏရေꩻတဟဝ်တဝ်း၊ ထာꩻသီကရိုꩻလဲ့ꩻတအဝ်ႏတဝ်းသွူ။ အပွုံႏစံႏယိုနဝ်ꩻ ဘုရာꩻသျင်ꩻကမဲဉ်အွဉ်ႏထွာကမ္ဘာႏ တန်အပွုံႏစံႏနဝ်ꩻသွူ။

‘စာတန်’ နဝ်ꩻရူးမꩻတဆွိုက်အီႏလဲဉ်အံႏ ‘ဧဝ’ တဲင်ဒေါ့ꩻခန်းငဝ်းဥယျာဉ်ႏကိုနဝ်ꩻသွူ။ နဝ်ꩻဆချာဝွေꩻမူႏတွမ်ႏ ‘အာဒမ်’ နဝ်ꩻပဲစ်မာႏခန်းဘုရာꩻသျင်ꩻအလောင်းနဝ်ꩻသွူ။ ဝွေꩻသီးဖုံႏကွပ်မာꩻမာႏအပဲစ်ဖုံႏတဲင်ကမ္ဘာႏလောင်းကအဝ်ႏဒါႏ လိုꩻကားကအဝ်ႏသီထိုꩻဗာႏနဝ်ꩻသွူ။

‘အာဒမ်’ တွမ်ႏ ‘ဧဝ’ သီးနဝ်ꩻဘုရာꩻသျင်ꩻအလောင်းကွပ်မာꩻအပဲစ်ဖုံႏတဲင်ထွာလွဉ်သွူကဟုဲင်းသန်ငါႏ အကျောင်ꩻခရာꩻတဗာႏတွော့ꩻထွာထိုꩻခန်းဘုရာꩻသျင်ꩻရန်ႏသူႏနဝ်ꩻသွူ။ ကွပ်အကျိုꩻရလဒ်ယို တဲင် နဝ်ꩻတွော့ꩻလိုꩻ တွိုင်ꩻနဝ်ꩻလွူးစကာႏပဲစ်မာႏထွူအပဲစ်တဲင်ထွာလွဉ်ခန်းဘုရာꩻသျင်ꩻရန်ႏသူႏနဝ်ꩻသွူ။ ဘုရာꩻသျင်ꩻတွမ်ႏလိုꩻဖုံႏ အခါႏငိမ်ꩻချံꩻမုꩻတအဝ်ႏတဝ်းသွူ။ ကွဲႏတွော့ꩻဘုရာꩻသျင်ꩻနဝ်ꩻအဝ်ႏလွိုႏမာꩻငိမ်ꩻချံꩻရေꩻနဝ်ꩻသွူ။

‘ဧဝ’ ဆုဲင်ꩻချာသားတဖြာꩻနဝ်ꩻထွာအီႏယမ်း ‘စာတန်’ ကတူႏတဲင် ‘စာတန်’ နဝ်ꩻအီႏအဲင်ႏပါꩻနဝ်ꩻခင်ႏဒွိုင်ႏ ဘုရာꩻ သျင်ꩻဖေႏခါꩻကတိ နုဲင်ႏနဝ်ꩻသွူ။ မိဉ်ႏနုဲင်ႏအနယ်အလင်တဲ့ꩻ ‘စာတန်’ နဝ်ꩻမာꩻသီစွဉ်ႏ ‘မေရှိယ’ လဲ့ꩻဘုရာꩻသျင်ꩻနဝ်ꩻသွင်ꩻ ဖေႏချာဝွေꩻအသက် နဝ်ꩻသွူ။ ‘မေရှိယ’ နဝ်ꩻမဲ့ꩻထူႏလွေꩻထိုꩻ ‘စာတန်’ အစွန်ꩻကားက အဝ်ႏနဝ်ꩻသွူ။ နေင်ႏပေါင်ႏကထွိုင်ႏ ည ‘မေရှိယ’ ယိုနဝ်ꩻ ထွာ ကိုယ်ႏတောႏ ‘ယေရှု’ အကျောင်ꩻဘုရာꩻသျင်ꩻအွဉ်ႏနယ်ဖေႏဒျာႏ နဝ်ꩻသွူ။

ဘုရာꩻသျင်ꩻနဝ်ꩻဖေႏကကယ်ႏဒင်ႏဖေႏအီႏတွိုႏထီသန်မုꩻယို ဒေါ့ꩻခန်း ‘နောဧ’ တွမ်ႏဝွေꩻမိသားစုꩻဖေႏကမာꩻလွေꩻ သင်္ဘောႏတဆွိုင်ꩻနဝ်ꩻသွူ။ ဘုရာꩻသျင်ꩻနဝ်ꩻကယွုမ်းအံႏဒါႏဝွေꩻယိုဝွေꩻနဝ်ꩻကယ်ႏဒင်ႏဖေႏတွမ်ႏအနယ်ႏယိုသွူ။ ဗွိုန်နုဲင်းယို လိုꩻတွိုင်ꩻပဲစ်မာႏတသေႏအပဲစ်ဖုံႏတဲင်ဘုရာꩻသျင်ꩻထျꩻထွိုက်တန်ႏတွမ်ႏထာꩻသီနဝ်ꩻသွူ။ ကွဲတွော့ꩻဘုရာꩻသျင်ꩻနဝ်ꩻ ဖေႏက sကယ်ႏအီႏလိုꩻယွုမ်းသားဖုံႏတဲင် အွဉ်ႏလွစ်လွေꩻခန်းကိုယ်ႏတောႏ ‘ယေရှု’ နဝ်ꩻသွူ။

နေင်ႏပေါင်ꩻရျာꩻစုꩻရပ်အခိန်ႏတွင်ဘာႏသာႏရေꩻအွဉ်ငါသားဖုံႏနဝ်ꩻမာꩻလေွꩻခန်းပူႏဇောႏပသဘုရာꩻသျင်ꩻနဝ်ꩻသွူ။ ယိုနဝ်ꩻလိုꩻဖုံႏပဲစ်မာႏသွူအပဲစ်ဖုံႏတဲင်ထွိုက်တန်ႏလဲဉ်းဘုရာꩻသျင်ꩻဖေႏအပဲစ်မုꩻဖုံႏခံꩻစာႏဗာႏနုဲင်းနဝ်ꩻသွူ။ ကွဲတေွာ့ꩻထာꩻပူႏ ဇောႏမုꩻဖုံႏယိုအီႏခွင်ꩻလွစ်ဖေႏဝေွꩻသီးဖုံႏအပဲစ်နဝ်ꩻတမာꩻနွောင်ꩻတဝ်းသွူ။ ကိုယ်ႏတောႏ ‘ယေရှု’ နဝ်ꩻသာႏသနာႏဆဲင်ႏရာꩻ မဟာႏနာႏယကထွာခွန်တန်နဝ်ꩻသွူ။ ဘာႏသာႏရေꩻအွဉ်ငါသားဖုံႏတမာꩻနွောင်ꩻတဝ်းအခရာႏဖုံႏနဝ်ꩻ ကိုယ်ႏတောႏ ‘ယေရှု’ မာꩻဖေႏနွောင် ꩻနဝ်ꩻသွူ။ ဝွေꩻနဝ်ꩻဖေႏကခွင်ꩻလွစ်နွောင်ꩻလိုꩻတွိုင်ꩻအပဲစ်ဖုံႏအတွက်ခွေအသက်ယိုဇီဝိတဒါႏနအထွာပူႏဇောႏ ခန်းဘုရာꩻသျင်ꩻနဝ်ꩻသွူ။ ဝွေꩻအပဲစ်ဖုံႏအတွက်ဖေႏကတွိုႏလိုꩻတဖြာꩻထျꩻတဲင်ခံႏခန်းဘုရာꩻသျင်ꩻဖေႏအပဲစ်နဝ်ꩻသွူ။ ကွပ် အကျောင်ꩻဖုံႏယိုတဲင် ကိုယ်ႏတောႏ ‘ယေရှု’ နဝ်ꩻကတန်မျတ်ပြဲ့ꩻစွုမ်ႏဒါႏထွာမဟာႏနာႏယကတပါꩻနဝ်ꩻသွူ။

ဘုရာꩻသျင်ꩻယို “ခွေနဝ်ꩻနာꩻမꩻတဆွိုက်ကမ္ဘာႏလောင်းက အဝ်ႏဒါႏခမ်းနိုင်ႏငံႏလိုꩻမျိုꩻတွိုင်ꩻယိုဖေႏသွော့ꩻ ထာꩻဟဝ်” ဒေါ့ꩻခန်း ‘အာဗြဟံ’ နဝ်ꩻသွူ။ ကိုယ်ႏတောႏ ‘ယေရှု’ နဝ်ꩻထွာ ‘အာဗြဟံ’ မျိုꩻဆွိုက်တဖြာꩻနဝ်ꩻသွူ။ ဘုရာꩻသျင်ꩻနဝ်ꩻ ကယွုမ်းအံႏဒါႏကိုယ်ႏတောႏ ‘ယေရှု’ လိုꩻတွိုင်ꩻယို ကယ်ႏဒင်ႏဖေႏအပဲစ်ဖုံႏတဲင်လိုꩻအစုꩻအဗူႏဖုံႏ နဝ်ꩻ ‘အာဗြဟံ’ မꩻတဆွိုက်ထွာဖေႏထာꩻဟဝ်ꩻနဝ်ꩻသွူ။ လိုꩻယိုဖုံႏကထွိုင်ႏယွုမ်းကိုယ်ႏတောႏ ‘ယေရှု’ တဲင် ဘု ရာꩻသျင်ꩻ နဝ်ꩻဝွေꩻသီးဖုံႏယိုခံႏထူႏခန်း ‘အာဗြဟံ’ မျိုꩻဆွိုက်ဖုံႏ နဝ်ꩻသွူ။

ဘုရာꩻသျင်ꩻနဝ်ꩻ ‘အာဗြဟံ’ ယိုဖေႏကပူႏဇောႏဝွေꩻပိုခိုတဲင်ဝွေꩻ ကိုယ်ႏတိုင်ႏဒေါ့ꩻဟွိုန်ခန်းဒျာႏနဝ်ꩻသွူ။ ကွဲတွော့ꩻဘု ရာꩻသျင်ꩻနဝ်ꩻ အီႏပူႏဇောႏဝွေꩻပိုခို ‘ဣဇာက်’ ကိုယ်ႏစာꩻဖေႏခန်း ‘အာဗြဟံ’ ဗဲ့ꩻတဗာႏနဝ်ꩻသွူ။ နီဖုံႏကားကအဝ်ႏနဝ်ꩻနီအပဲစ် ဖုံႏအတွက်သီသင်ꩻ လဲဉ်းနဝ်ꩻသွူ။ ကွဲတွော့ꩻဘုရာꩻသျင်ꩻနဝ်ꩻ အီႏခံႏဖေႏနီဖုံႏထာꩻသီအတွက်ထွဉ်ႏစွဉ်ႏနစ်နာႏခန်းဒျာႏ ကိုယ်ႏ တောႏ ‘ယေရှု’ နဝ်ꩻသွူ။ နဝ်ꩻတွော့ꩻ နီဖုံႏနဝ်ꩻကိုယ်ႏတောႏ ‘ယေရှု’ ယိုဟဲ့ꩻလွဝင်ꩻ ဘုရာꩻ သျင်ꩻဗဲ့ꩻနဝ်ꩻသွူ။

ဘုရာꩻသျင်ꩻနဝ်ꩻ ‘အီဂျစ်’ ခမ်းအဆုဲင်ꩻသွတ်ꩻအွဉ်ႏလွစ်ကပ်ရောႏဂါႏထွူချိန်ႏတွင်ꩻ ‘ဣစရေး’ လမ်းသား တွိုင်ꩻထွဉ်ႏမာꩻသီဗဲ့ꩻတဗာႏစီႏနဝ်ꩻသွူ။ ဗဲ့ꩻနဝ်ꩻနဝ်ꩻ အပဲင်အမင်ꩻအဝ်ႏလꩻတဝ်းသွူ။ နဝ်ꩻဆချာဗဲ့ꩻသွီႏဖုံႏနဝ်ꩻ အွဉ်ႏသူႏ သေꩻခန်းလမ်းတခါꩻနီဖဲ့ꩻတွမ်းဟဲ့ꩻကီနဝ်ꩻသွူ။ ဘုရာꩻသျင်ꩻကထွိုင်ႏထီႏဗဲ့ꩻသွီႏနဝ်ꩻတဲင်လမ်းနဝ်ꩻကိုကလွူးရီးဒါႏ ပထမသွတ်ꩻပိုခိုဖုံႏယိုတမာꩻသီတဝ်းတဲင် အွဉ်ႏကုဲင်ကျောလွေꩻခန်းဒျာႏနဝ်ꩻသွူ။ ကထွာဒါႏအထွာအကုဲင်နုဲင်းယို နဝ်ꩻဘုရာꩻသျင်ꩻဟဲ့ꩻပွယ်ꩻတောႏ ပသခါ နဝ်ꩻသွူ။

ကိုယ်ႏတောႏ ‘ယေရှု’ နဝ်ꩻဗွိုန်နုဲင်ႏစွဉ်ႏဗဲ့ꩻပသခါ ပွယ်ꩻတောႏနဝ်ꩻသွူ။ ဝွေꩻနဝ်ꩻတမာꩻဖုံႏတဝ်းအပဲစ်တဲင် ပက်သဲက်သွူတွမ်ႏဝွေꩻတဲင်တမုဲင်ꩻတဲ့တအဝ်ႏတဝ်းသွူ။ ခွေနဝ်ꩻမဉ်ꩻတွိုႏ ပွယ်ꩻပသခါအ ချိန်ႏတွင်ꩻခံႏဗာႏအသီနဝ်ꩻ သွူ။ ပါမုဲင်ꩻခန်းတယဝ်းကထွိုင်ႏ ယွုမ်းလွဉ်ကိုယ်ႏတောႏနဝ်ꩻ ကိုယ်ႏတောႏ ‘ယေရှု’ သွီႏယိုဖေႏဆပ်ထွာလဲဉ်ႏလိုꩻအ ပဲစ်ဖုံႏနဝ်ꩻသွူ။ ပွိုးတမုဲင်ꩻနဲးတဲင်လိုꩻနဝ်ဗွိုန်နုဲင်းအုံꩻ ဗဲ့ꩻသွီႏဖုံႏကသူႏခါꩻဒါႏလမ်းတခါꩻဆလတဲင်ထွာလွစ်ထိုꩻဘုရာꩻ သျင်ꩻဖေႏအပဲစ်နဝ်ꩻသွူ။

ဘုရာꩻသျင်ꩻနဝ်ꩻဝွေꩻကိုယ်ႏတိုင်ႏခံႏထူႏသေꩻ ‘ဣစရေး’ လိုꩻမျိုꩻဖုံႏပဲင်ႏဆဲင်ႏတဲင်တွမ်ႏ ‘ဣစရေး’ လိုꩻမျိုꩻမာꩻသေꩻ ခန်းကတိညာဉ်ႏတဗာႏနဝ်ꩻသွူ။ ကွဲတွော့ꩻဘုရာꩻသျင်ꩻနဝ်ꩻလိုꩻတွိုင်ꩻအတွက်မာꩻသေꩻခန်းကတိညာဉ်ႏတသာတဗာႏနဝ်ꩻ သွူ။လိုꩻမျိုꩻမုဲင်ꩻတယဝ်း မဉ်ႏလက်ခံႏကတိညာဉ်ႏတသာယို ထွာဘုရာꩻသျင်ꩻအနွယ်ႏတောႏ နဝ်ꩻသွူ။ ဝွေꩻနဝ်ꩻကွပ်ယွုမ်းကိုယ်ႏတောႏ ‘ယေရှု’ တဲင်မာꩻဗာႏနုဲင်း ယိုနဝ်ꩻသွူ။

‘မောရှေ’ နဝ်ꩻဘုရာꩻသျင်ꩻတရာꩻတောႏဖုံႏယိုတန်ꩻခိုꩻကတန်ဒါႏ တွမ်ႏစွန်ꩻအာႏတဲင်ထွာဝွေꩻဒေါ့ꩻနယ်ဖေႏနဝ်ꩻသွူ။ ကွဲတွော့ꩻ ကိုယ်ႏတောႏ ‘ယေရှု’ နဝ်ꩻလိုꩻနဝ်ꩻအကိုအမျတ်တန်သွတ်ꩻထွာနိမိတ်ထွားဟော်ꩻပညာႏအဝ်ႏသားတဖြာꩻနဝ်ꩻသွူ။ ဝွေꩻနဝ်ꩻလဲ့ꩻထွာဘုရာꩻသျင်ꩻတဲင်ဝွေꩻကမာꩻလွေꩻဒါႏထာꩻမာꩻဖုံႏကားကအဝ်ႏတွမ်ႏငဝ်းတွိုင်ꩻယိုထွာဘုရာꩻသျင်ꩻတရာꩻတောႏ အတွိုင်ꩻနဝ်ꩻသွူ။

ဘုရာꩻသျင်ꩻယိုခွန် ‘ဒါဝိဒ်’ ဆုဲင်ꩻချာသားဖုံႏနဝ်ꩻဘုရာꩻသျင်ꩻမျိုꩻဆွိုက်ဖုံႏမဲ့ꩻအုပ်ချွုတ်ဒျာႏကရိုꩻယို ဖေႏ သတိခန်းဒျာႏနဝ်ꩻသွူ။ ကိုယ်ႏတောႏ ‘ယေရှု’ နဝ်ꩻထွာ ‘မေရှိယ’ တဖြာꩻတဲင်ဘုရာꩻသျင်ꩻပိုခိုတောႏလဲ့ꩻထွာသွူ။ နဝ်ꩻတွော့ꩻဝွေꩻနဝ်ꩻထွာ ‘ဒါဝိဒ်’ ခွန်ဆုဲင်ꩻမျိုꩻ ဆွိုက်တဲင်ထာဝရအုပ်ချွုတ်ခွင်ꩻလဲ့ꩻအဝ်ႏသွူ။

‘ဒါဝိဒ်’ ခွန်နဝ်ꩻထွာစွဉ်ႏ ‘ဣစရေး’ ခွန်ရိုꩻကီလဲ့ꩻကိုယ်ႏတောႏ ‘ယေရှု’ နဝ်ꩻထွာစကျာႏဝဠာႏတဖြုံႏလွုမ်း ခွန်နဝ်ꩻသွူ။ ဝွေꩻနဝ်ꩻ ဆုဲင်ꩻတချိန်ႏကျွꩻလွဉ်ချာသွူတဲင်တွမ်ႏတရာꩻမျှတမုꩻ၊ ငိမ်ꩻချံꩻမုꩻဖုံႏဝွေꩻအီႏအုပ်ချွုတ်လွေꩻဒျာႏ နဝ်ꩻသွူ။

ကမ္ဘာႏဦꩻကျမ်ꩻ ၁-၃, ၆, ၁၄, ၂၂; ဓမ္မလီꩻ ၁, ၂၀; ၂ တရာꩻရာႏဇ ဝင်ႏ ၇; ဟေဗြဲ ၃:၁-၆, ၄:၁၄-၅:၁၀, ၇:၁-၈:၁၃, ၉:၁၁-၁၀:၁၈; ဗျာဒိတ်ကျမ်ꩻ ၂၁ မꩻ သမ္မာႏလိတ်ကျမ်ꩻ ငဝ်းခြုဲင်း