Joel

Joel 1

Joel 1:1-3

Sapasap a Pakaammo:

Agsasao ni Yahweh kadagiti tattao ti Israel babaen kenni Joel a nangaramat iti daniw. (Kitaen: Parallelism)

Daytoy ti sao ni Yahweh nga immay kenni Joel

Mabalin nga ipatarus daytoy a kas: "ti mensahe nga inted ni Yahweh kenni Joel" wenno " ti mensahe nga imbaga ni Yahweh kenni Joel" (Kitaen: Idiom)

Petuel

Ti ama ni Joel.

Adda kadin kastoy a napasamak iti panawenyo wenno iti panawen dagiti kapuonanyo?

Mabalin nga ipatarus daytoy a kas: “Saan pay pulos a napasamak daytoy sakbay iti panawenyo wenno iti panawen dagiti kapuonanyo” (Kitaen: Rhetorical Question)

Joel 1:4

pangen ti dudon

Dakkel a bunggoy ti insekto nga agkakadua a tumayab ken mangan kadagiti mula. Nalawa a disso dagiti mula ti kabaelanda a kanen. (Kitaen: Translate Unknowns)

Joel 1:5-7

Sapasap a Pakaammo:

Balballaagan ti Dios dagiti tattao maipapan iti paumay a pangen ti dudon.

adda nasion

Ti pangen ti dudon ket kas iti rumaut nga armada. (Kitaen: Metaphor)

Dagiti ngipenna .. addaan isuna iti ngipen ti babai a leon… inukisanna

Naiyarig dagiti dudon iti maysa a nasion a kasla maysa a tao.

Dagiti ngipenna ket kas kadagiti ngipen ti leon, ken addaan isuna iti ngipen ti babai a leon

Nadakamat ti ngipen dagiti dudon a kas iti katadem ti ngipen dagiti leon tapno mangiyunay-unay iti kinarungsotda iti panangibusda kadagiti amin a mula iti daga. (Kitaen: Parallelism ken Metaphor)

Ti dagak…ti kaubasak..ti kayok nga igos

Daga ni Yahweh, kaubasanna, ken kayona nga igos.

Nakabutbuteng

Mabutbuteng dagiti makakitkita iti daga gapu ta naan-anay a nadadael daytoy.

Joel 1:8-10

Sapasap a Pakaammo:

Itultuloy ti Dios ti agsasao kadagiti tattao ti Israel.

agladladingit ti daga

Ti daga ket naisao a kasla maysa a tao ken 'metonym" dagiti tattao nga agladladingit. Mabalin nga ipatarus daytoy a kas: "agladladingit dagiti mannalon" (Kitaen: Metaphor ken Metonymy)

nadadaelen dagiti bukbukel

Dinadael dagiti dudon dagiti amin a bukel. (Kitaen: Metaphor)

Joel 1:11-12

Sapasap a Pakaammo:

Itultuloy ti Dios nga agsasao kadagiti tattao ti Israel.

sebada

Maysa a kita ti mula, a kas iti trigo a mabalin a mausar dagiti bukelna nga aramiden a tinapay.(Kitaen: Translate Unknowns)

Nalaylay

Nagango ket natay.

Igos…granada..mansanas-

Nadumaduma a kita ti bunga ti kayo. (Kitaen: Translate Unknowns)

Joel 1:13-14

Sapasap a Pakaammo:

Agsasao ti Dios kadagiti padi ti Israel.

Agkaweskayo iti nakersang a lupot ket agladingitkayo, dakayo a papadi! Aganug-ogkayo, dakayo nga agserserbi iti altar. Umaykayo, agiddakayo nga agpatpatnag a sikakawes iti nakersang a lupot, dakayo nga adipen ti Diosko

Ibagbaga ti Dios kadagiti papadi nga agpakumbabada ken agsangitda gapu iti ladingit. Mabalin nga ipatarus daytoy a kas: “Agladingitkayo amin a padi, aganug-ogkayo ken agpakumbabakayo babaen iti agpatpatnag a panagkawesyo iti nakersang a lupot” (Kitaen: Parallelism)

dagiti daton a bukbukel ken dagiti daton a mainum

Dagiti kanayon a maidatdaton iti templo.

ti balay ti Diosyo

Ti templo idiay Jerusalem.

Joel 1:15-17

Sapasap a Pakaammo:

Daytoy ti ibagbaga ti Dios nga ibaga dagiti papadi.

Iti daytoy nga aldaw, iyegto ti Mannakabalin-amin ti pannakadadael

Mabalin nga ipatarus daytoy a kas: "Iti dayta nga aldaw, dadaelento ti Mannakabalin-amin dagiti kabusorna. (Kitaen: Abstract Nouns ken Assumed Knowledge ken Implicit Information)

Saan kadi a napukawen dagiti taraon iti imatangtayo, ken naawanen ti rag-o ken ragsak iti balay ti Diostayo?

Mabalin nga ipatarus daytoy a kas: “Nakitami a naibusen dagiti taraonmi, ket napukawen ti rag-o ken ragsak iti balay ti Diostayo.” (Kitaen: Ellipsis ken Active wenno Passive)

iti imatangtayo

Maipapan daytoy kadagiti amin a nasion ti Israel. (Kitaen: Synecdoche)

Joel 1:18-20

Sapasap a Pakaammo:

Itultuloy ti Dios nga ibagbaga kadagiti papadi no kasanoda nga agkararag para iti Israel.

panagasug

aganug-og gapu iti ut-ot

Ta inkisap ti apuy dagiti pagpaaraban idiay let-ang, ken inuram ti gil-ayab dagiti amin a kayo kadagiti tay-ak

Ipakpakitada dagitoy dua nga agpada a ragup ti sasao a nadadael ti entero a daga, naarado man wenno saan. (Kitaen: Parallelism)

Joel 2

Joel 2:1-2

Sapasap a Pakaammo:

Itultuloy ni Joel ti daniw a nangrugi iti immuna a kapitulo. (Kitaen: Parallelism)

Pagunienyo ti trumpeta…pagunienyo ti tangguyob

Iyunay-unay ni Joel ti kinapateg iti panang-ayab kadagiti Israelita tapno agsaganada para iti umadanin a pannakadadael.

Daytoy ket aldaw iti kinasipnget ken kinalidem

Mabalin nga ipatarus daytoy a kas: “ti aldaw a kasta unay ti kinasipngetna’’ wenno “ti aldaw iti nakabutbuteng a panangukom.” (Kitaen: Doublet ken Metonymy)

aldaw a naulep ken nalulem

Mabalin nga ipatarus daytoy a kas: “aldaw a nakapuspuskol unay ti ulepna.” (Kitaen: Doublet ken Metonymy)

Kas iti parbangon nga agsaknap kadagiti bantay, sumungsungaden ti dakkel ken nabileg nga armada

Mabalin nga ipatarus daytoy a kas: “Maysa a dakkel nga armada a naggapu kadagiti kabanbantayan nga agturong iti daga. Nagwarasda iti rabaw ti daga a kas iti lawag ti panagsingising ti init’’ (Kitaen: Simile)

dagiti dakkel ken nabileg nga armada

Mabalin nga ipatarus daytoy a kas: “Ti dakkel a pangen dagiti dudon” (UDB) wenno “ti dakkel unay nga armada iti tao.” (Kitaen: Metaphor ken Doublet)

Joel 2:3

Sapasap a Pakaammo:

Agtultuloy ti panangiladawan ni Joel iti sumungsungad nga armada.

Ti daga ket kas iti minoyungan ti Eden

Napintas a lugar ti minoyungan ti Eden. (Kitaen: Simile)

Ti daga ket kas iti minoyungan ti Eden iti sangoananna, ngem iti likudanna ket adda iti nadadael a let-ang

Ipakpakita daytoy nga idi sinangpetanna ti daga ket kasla minuyongan ti Eden daytoy, ngem idi pananwanna ket kasla let-ang nga awan naggianna.

Joel 2:4-5

Sapasap a Pakaammo:

Agtultuloy ti pannakailadawan ti dalagudog dagiti kabalio ti armada.

Kasla kabalio ti langa ti armada

Ti ulo ti dudon ket kasla iti ulo ti bassit a kabalio ken ti armada ket nabileg ken kas kapartak iti maysa a kabalio. (Kitaen: Simile)

kasla kumakabalio ti panagtarayda

Napartak nga agtignay dagiti armada, kas iti ar-aramiden dagiti lallaki a kumakabalio. (Kitaen: Simile)

kasla kadagiti karuahe iti ngatoen dagiti bantay… kasla iti uni ti gumilgil-ayab nga apuy …kas iti nabileg nga armada a nakasagana a makigubat

Naiyasping dagitoy kadagiti uni dagiti pangen dagiti dudon. (Kitaen: Simile)

Joel 2:6-7

Sapasap a Pakaammo:

Itultuloy ni Joel nga iladladawan dagiti pangen dagiti dudon ni Yahweh.

ti panagtarayda ket kasla iti nabileg a mannakigubat; kumalay-atda kadagiti pader a kasla kadagiti soldado

Nailadawan dagiti pangen dagiti dudon a kas iti panagtignay dagiti pudno a soldado. (Kitaen: Personification ken Simile)

Joel 2:8-9

Sapasap a Pakaammo:

Agtultuloy ti pannakailadawan dagiti pangen dagiti dudon ni Yahweh.

lumasatda kadagiti sarikedked

Mabalin nga ipatarus daytoy a kas: "naparmekda dagiti soldado a mangsalsalaknib iti siudad."

Joel 2:10-11

Agkintayeg ti daga iti sangoananda, agpigerger dagiti langit, simmepnget ti init ken bulan, ken saanen nga agraniag dagiti bituen

Nakaad-adu unay dagiti dudon a nangpakintayeg iti daga ken langit, ken saanen a makita dagiti amin a banbanag iti langit. (Kitaen: Hyperbole)

Binilin ni Yahweh ti armadana

Mabalin nga ipatarus daytoy a kas: “Adda kenni Yahweh ti turay” (Kitaen: Synecdoche)

Siasino ngay koma ti makalasat iti daytoy?

Mabalin nga ipatarus daytoy a kas: “Awan ti uray maysa a nabileg tapno makalasat iti panangukom ni Yahweh.”

Joel 2:12-13

Agsublikayo kaniak iti amin a pusoyo

Mabalin nga ipatarus daytoy a kas: “Talikudanyo dagiti basbasolyo ket agsublikayo kaniak” (Kitaen: Metonymy).

Ipakitayo ti sipupuso a panagbabawiyo ken saan laeng nga iti panangpigisyo kadagiti kawesyo

Ti panangpigis iti kawes ti maysa a tao ket mangipakita iti pannakaibabain wenno panagbabawi. (Kitaen: Idiom)

Joel 2:14

No ngay agbaliw ti pangngeddengna...Dios?

“No ngay bumaaw ti ungetna…Dios.’’ (Kitaen: Rhetorical Question)

Joel 2:15-16

kadagiti siled a pagur-urayanda iti tiempo ti seremonia ti kasarda

Dagiti siled a pagur-urayan dagiti nobia iti tiempo ti seremonia ti kasarda, a kadawyan nga iti balay dagiti naggannak ti nobia.

Joel 2:17

maiyarig a tawidmo

Dagiti tattao ti Israel a naisangsangayan a tattao ti Dios. (Kitaen: Metaphor)

Apay nga ibaga dagiti nasion, ayanna ngayen ti Diosda?''

Mabalin nga ipatarus daytoy a kas: “Saanto nga ibaga dagiti dadduma a nasion a binaybay-an ti Dios ti Israel dagiti tattaona.” (Kitaen: Rhetorical Question).

Joel 2:18-19

iti dagana

“ti nasion ti Israel”

dagiti tattaona

“dagiti tattao ti Israel”

adtoy

“Ipangagyo ti ibagak”

Mapnekkayonto kadagitoy

"Maitedto dagiti amin a pakasapulanyo."

Joel 2:20

Sapasap a Pakaammo:

Itultuloy ti Dios ti karina iti Israel.

baybay iti daya

"ti Natay a baybay"

baybay iti laud

"ti baybay Mediterranean"

Joel 2:21-23

Saanka nga agbuteng, daga

Mabalin nga ipatarus daytoy a kas: “Saankayo nga agbuteng, dakayo a tattao iti daga,” (Kitaen: Metaphor)

ti tudo iti tiempo ti panagrurusing ken tiempo ti panagregreg iti bulong

Ti umuna a tudo iti tiempo ti panagtutudo iti umuna a paset ti Disyembre ken ti maudi a panagtutudo iti Abril ken Mayo.

Joel 2:24-25

Mainayon a palawag ken pakaammo:

Rinugian ni Yahweh iti daytoy a paset ti panagkarina kadagiti naimbag a banbanag.

dagiti mula nga inay-aywananyo iti adu a tawen a kinnan dagiti nagsasaruno a pangen dagiti dudon

“dagiti mula nga inaywananyo iti adu a tawtawen a kinnan dagiti pangen dagiti dudon”

Joel 2:26-27

Sapasap a Pakaammo:

Itultuloy ni Yahweh ti agkarkari kadagiti naimbag a banbanag para kadagiti tattao ti Israel a rinugianna idiay Joel 2:25.

Joel 2:28-29

Sapasap a Pakaammo:

Itultuloy ni Yahweh ti agkarkari kadagiti naimbag a banbanag para kadagiti tattao ti Israel a rinugianna idiay Joel 2:25.

ibukbukkonto ti Espirituk

“Itedko a siaayat ti Espirituk kadagiti tattao a kas iti panangibuyat iti danum” (Kitaen: Metaphor)

kadagiti amin a lasag

"amin a tattao"

Joel 2:30-31

Sapasap a Pakaammo:

Itultuloy ni Yahweh ti agkarkari kadagiti naimbag a banbanag para kadagiti tattao ti Israel a rinugianna idiay Joel 2:25.

dara, apuy ken dagiti adigi nga asok

Ti kayat a sawen ti sao a “dara” ket ti pannakatay dagiti tattao. Mabalin nga ipatarus daytoy a kas: “pannakatay, apuy ken dagiti adigi ti asuk” (Kitaen: Metonymy)

Joel 2:32

Sapasap a Pakaammo:

Itultuloy ni Yahweh ti agkarkari kadagiti naimbag a banbanag para kadagiti tattao ti Israel a rinugianna idiay Joel 2:25.

iti Bantay Sion ken idiay Jerusalem

Agpada a lugar ti dakdakamaten dagitoy. Mabalin nga ipatarus daytoy a kas: “iti ngatoen ti Bantay Sion idiay Jerusalem.” (Kitaen: Doublet)

Joel 3

Joel 3:1-3

Sapasap a Pakaammo:

Itultuloy ni Yahweh ti agkarkari kadagiti naimbag a banbanag para kadagiti tattao ti Israel a rinugianna idiay Joel 2:25. Ket rinugianna nga agsao no ania ti aramidennanto kadagiti tattao dagiti nasion.

Pagammoan

"Denggem" wenno "ipangagmo"

Jehosafat

Ti nagan a ti kayatna a sawen ket "Manguk-ukom ni Yahweh," isu ti ari ti Juda sakbay a naipasngay ni Joel.

kadagiti tattaok ken iti tawidko nga Israel

Iyunay-unay dagitoy a ragup ti sasao ti panangiladawan ni Yahweh iti Israel a kas napapateg a tattaona. Mabalin nga ipatarus daytoy a kas: “dagiti Israelita a kasla tawidko.” (Kitaen: Doublet)

insukatda ti maysa a lalaki iti balangkantis, ket naglakoda iti babai a kasukat iti arak tapno makainumda

Dagitoy laeng dagiti dadduma a banbanag nga inaramidda. Mabalin nga ipatarus daytoy a kas: “ken nangaramidda kadagiti banbanag a kas iti panangisukatda iti maysa a lalaki iti balangkantis ken panangilakoda iti maysa a babai para iti arak, tapno makainumda".

Joel 3:4-6

Sapasap a Pakaammo:

Itultuloy ni Yahweh ti agsasao, ket agsasao isuna ditoy a paset maipapan kadagiti tattao ti Tiro, Sidon ken Filistia.

apay a kaungetdak

Inaramat ti Dios daytoy a saludsod tapno ungtan dagiti tattao ti Tiro, Sidon ken Filistia. Mabalin nga ipatarus daytoy a kas: “Awan ti karbenganyo nga agunget kaniak” (Kitaen: Rhetorical Question)

Balsendak kadi?

“Agibaleskayo kadi kaniak?” Sinaludsod daytoy ti Dios tapno pagpanunotenna dagiti tattao maipapan iti ar-aramidenda. Mabalin nga ipatarus daytoy a kas: “Ipagarupyo kadi a makaibaleskayo kaniak” (Kitaen: Rhetorical Question)

Joel 3:7-8

Sapasap a Pakaammo:

Itultuloy ni Yahweh ti agkarkari kadagiti naimbag a banbanag para kadagiti tattao ti Israel a rinugianna idiay Joel 2:25. Ket itultuloyna nga agsasao no ania ti aramidennanto kadagiti tattao dagiti nasion.

ipanaw kadagiti lugar a nangilakoanyo kadakuada

Panawanto dagiti tattao ti Israel dagiti lugar a nagbalinda a tagabu ket agsublida iti daga ti Israel. (Kitaen: Assumed Knowledge ken Implicit Information)

kadagiti ima dagiti tattao ti Juda

Mabalin nga ipatarus daytoy a kas: “babaen iti bileg dagiti tattao ti Juda” wenno “babaen kadagiti tattao ti Juda”

taga-Saba

Dagiti tattao ti Saba, a maawagan met laeng iti Seba. Agnanaed dagitoy a tattao iti abagatan ti Israel. (Kitaen: How to Translate Names)

Joel 3:9-10

Sapasap a Pakaammo:

Inrugi ni Yahweh ditoy a paset a pagsaganaen dagiti tattao dagiti nasion a makigubat, ket naan-anay a dadaelen ni Yahweh dagiti nasion.

ummongenyo dagiti nabileg a lallaki

“pagsaganaen dagiti nabileg a lallaki”

Pitpitenyo dagiti aradoyo tapno agbalin a kampilan ken dagiti kumpayyo tapno agbalin a gayang

Agpada dagitoy a mangbalbalakad kadagiti tattao a pagbalinenda nga armas dagiti usarda iti talon. (Kitaen: Parallelism)

Joel 3:11

Sapasap a Pakaammo:

Itultuloy ni Yahweh a pagsaganaen a makigubat dagiti nasion.

Joel 3:12-13

Sapasap a Pakaammo:

Itultuloy ni Yahweh ti agsasao maipapan kadagiti nasion.

Agriing koma dagiti nasion … amin a kabangibang a nasion

Dagiti sasao a “dagiti nasion” ken “kabangibang a nasion” madakdakamat dagiti isu met laeng a nasion iti aglawlaw ti Juda. Ukomento ida ni Yahweh iti tanap ni Jehosafat gapu kadagiti inaramidda iti Jerusalem.

Alaenyo dagiti kumpay… ta napnon ti pagpespesan ti ubas

Dagiti mabalin a kaipapananna ket1) ti panangdarup kadagiti managbasol a nasion ket kasla iti panang-apit iti trigo ken panangpespes iti ubas, wenno 2) ti kinaganat a panangukom ti managbasol a nasion ket kasla iti kinaganat a panang-urnong kadagiti naluom nga apit ken panagpespes kadagiti ubas.

Alaenyo dagiti kumpay, ta naluomen ti apit

Sarsaritaen ni Yahweh dagiti nasion a kaslada la mulmula iti kataltalunan a naluom iti panagapit. Mabalin a maipatarus daytoy a kas: “Alaenyo dagiti kumpay, ta kasla naluomen a mula dagiti nasion. (Kitaen: Metaphor)

Alaenyo dagiti kumpay

“Gapasenyo dagiti trigo”

naluomen ti apit

“mabalinen a maapit dagiti trigo”

Umaykayo, pespesenyo dagiti ubas, ta napnon ti pagpespesan ti ubas

Mabalin nga ipatarus daytoy a kas: “Umaykayo, pespesenyo dagiti nasion, ta kasla da kadagiti ubas a mapespes iti pagpespesan” (Kitaen: Metaphor)

agluplupias dagiti pagkargaan, ta kasta unay ti kinadangkesda

Sarsaritaen ni Yahweh ti kinadangkes ti nasion a kasla tubbog nga agay-ayus manipud iti pagpespesan nga agturong iti pagkargaan iti tubbog. Saan nga umanay ti pagkargaan a manglaon iti kinaadu ti kinadangkes a naikarga kadagitoy. (Kitaen: Metaphor)

Joel 3:14-15

Adda ti ariwawa, ariwawa

Naulit daytoy a ragup ti sasao a mangipakita a nakatagtagarinto unay dagiti amin a tattao.

tanap ti Panangukom...tanap ti Panangukom

Naulit dagitoy a ragup ti sasao a mangipakita nga awan duadua a mapasamakto ti panangukom.

tanap ti Panangukom

"ti Tanap a Pangukoman ni Yahweh"

Joel 3:16-17

Agpukkawto ni Yahweh manipud Sion, ken ipigsananto ti timekna idiay Jerusalem

Mabalin nga ipatarus daytoy a kas: “Agpukkaw ni Yahweh manipud Jerusalem” (Kitaen: Parallelism)

Agkintayeg ti langit ken daga

Mannakabalin unay ti timek ni Yahweh a mangpakintayeg iti langit ken daga.

agbalinto ni Yahweh a kamang dagiti tattaona, ken sarikedked dagiti tattao ti Israel

Mabalin nga ipatarus daytoy a kas: “Agbalinto a natibker a sarikedked ni Yahweh kadagiti tattaona” (Kitaen: Metaphor ken Parallelism)

Ket maammoanyonto

"Inton aramidek dagitoy a banbanag, maammoanyonto."

Joel 3:18-19

Sapasap a Pakaammo:

Itultuloy ti Dios ti agsasao maipapan iti aldaw ti Apo.

agtedtedto ti nasam-it nga arak dagiti kabanbantayan

Mabalin nga ipatarus daytoy a kas: “Addanto kaubasan kadagiti banbantay a pagtaudan ti adu a nasam-it nga arak” (Kitaen: Hyperbole)

agayusto ti gatas kadagiti turturod

Mabalin nga ipatarus daytoy a kas: “Mangipaayto iti aglaplapusanan a gatas dagiti bakayo ken kaldingyo nga adda kadagiti katurturodan”

padanumannanto ti tanap ti Acacia

“pataudenna ti danum iti tanap ti Acacia.” “Sittim” ti nagan ti lugar iti daya a paset ti Karayan Jordan. Ti kayatna a sawen ket “Kayo dagiti Acacia.” (Kitaen: How to Translate Names)

Agbalinto a langalang ti Egipto

Mabalin nga ipatarus daytoy a kas: “Madadaelto ti Egipto ket panawanto daytoy dagiti tattao” wenno “Dadaelento dagiti kabusor a nasion ti Egipto ket panawanto dagiti tattao ti Egipto ti pagilianda”

agbalinto a disierto ti Edom

“Agbalinto a langalang ti Edom ket panawanto daytoy dagiti tattao”

gapu iti kinaranggas nga inaramidda kadagiti tattao ti Juda

“gapu iti kinaranggas nga inaramid ti Egipto ken Edom kadagiti tattao ti Juda”

gapu ta pinapatayda dagiti inosente a tattao idiay daga dagiti tattao ti Juda

Mabalin nga ipatarus daytoy a kas: “gapu ta pinatay ti Egipto ken Edom dagiti inosente a tattao iti daga dagiti tattao ti Juda” (Kitaen: Metonymy)

Joel 3:20-21

Sapasap a Pakaammo:

Itultuloy ti Dios ti agsasao maipapan iti aldaw ti Apo.

Ibaleskonto ti pannakatayda a saanko pay a naibales

Mabalin nga ipatarus daytoy a kas: “Dusaekto dagiti kabusor a saanpay a nadusa a nangpapatay kadagiti tattao ti Israel”