Zephaniah
Zephaniah 1
Zephaniah 1:1-3
Sapasap a Pakaammo:
Dakdakamaten ti bersikulo 1:2-18 ti panangukom ni Yahweh. Iladladawan ti bersikulo 1:2-3 ti maudi a panangukom ni Yahweh iti tunggal managbasol iti masakbayan.
Yahweh
Daytoy ti nagan ti Dios nga impakaammona kadagiti tattaona iti Daan a Tulag.
Dadaelekto dagiti amin a banbanag iti rabaw ti daga…pukawekto ti tao iti rabaw ti daga
Dagiti sasao nga “amin” ken “pukawekto ti tao” ket nalabes a panangibaga ni Yahweh tapno iyebkasna ti pungtotna iti basol dagiti tattao. Dadaelento ni Yahweh dagiti managbasol nga agbabawi wenno dagiti amin a banbanag a sibibiag. (Kitaen: Hyperbole and Generalization)
dagiti dadael
Dagiti mabalin a kaipapananna ket 1) dagiti gabsuon ti dadael a mabati kalpasan ti panangukom wenno 2) dagiti didiosen a dinadael ni Yahweh.
pukawekto
Ti pukawekto ket naibaga a kasla panangisina iti maysa a banag manipud iti nagtaudanna. Mabalin nga ipatarus a kas: “dadaelen” (Kitaen: Metaphor)
Zephaniah 1:4-6
Sapasap a Pakaammo:
Dakdakamaten ti bersikulo 1:2-18 ti panangukom ni Yahweh. Iladladawan ti bersikulo 1:4-16 ti panangukom ni Yahweh kadagiti tattao ti Juda.
Iyunnatkonto ti imak iti Juda
AT: “Dusaekto ti Juda” (Kitaen: Idiom)
Pukawekto…dagiti nagnagan dagiti agdaydayaw kadagiti papadi
Ditoy ti “pukawek…dagiti nagan” ket maysa nga “idiom” a ti kayatna a sawen ket tapno lipaten dagiti tattao ida. Mabalin daytoy nga ipatarus a kas: “lipatento ti tunggal maysa dagiti papadi nga agdaydayaw kadagiti diodiosen” (Kitaen: Idiom)
Zephaniah 1:7-9
Sapasap a Pakaammo:
Dakdakamaten ti bersikulo 1:2-18 ti panangukom ni Yahweh. Iladladawan ti bersikulo 1:4-16 ti panangukom ni Yahweh kadagiti tattao ti Juda.
Agulimekkayo
Ditoy, ti kinaulimek ket mangipakdaar iti pannakakigtot ken panagsiddaaw. Mabalin nga ipatarus daytoy a kas: “Makigtot” (Kitaen: Idiom)
insagana ni Yahweh ti sakripisio ken indatonna dagiti sangailina
Dagiti tattao ti Juda ket naibaga a kasla daton ni Yahweh, ken dagiti kabusor a nasion ket naibaga a kasla dagiti sangailina a mangan iti daton. Mabalin daytoy nga ipatarus a kas: “Insagana ni Yahweh dagiti tattao ti Juda a kas daton, ken inawisna dagiti kabusor a nasion a kas sangailina” (Kitaen: Metaphor kenAssumed Knowledge and Implicit Information)
Mapasamakto
Daytoy a ragup ti sasao ket naaramat a mangmarka ti pangrugianto ti panangukom ni Yahweh iti Juda.
kadagiti amin a nakakawes iti ganggannaet a pagan-anay
Isingsingasing daytoy a ragup ti sasao a nagkawes dagiti Israelita ti kapadpada dagiti bado dagiti ganggannaet tapno ipakitada ti iyaanamongda kadagiti kaugalianda ken iti panagdaydayaw kadagiti didiosenda. Mabalin nga ipatarus daytoy a kas: “Amin nga agdaydayaw kadagiti ganggannaet a didiosen. (Kitaen: Assumed Knowledge and Implicit Information)
dagiti amin a sumrek iti ruangan
Dagiti mabalin a kaipapananna ket 1) daytoy ti pakakitaan kadagiti tattao a saan a bimmaddek kadagiti ruangan a kas paset ti panagdaydaywda iti dios a maawagan ti Dagan wenno 2) dagiti tattao a limmaktaw kadagiti pagdaydayawan dagiti didiosen dagiti pagano wenno 3) dagiti opisial ti ari a simmagpat iti agdan nga agturong iti trono.
dagiti mangpunno iti kinaranggas ken panangallilaw iti balay iti amoda
Mabalin nga ipatarus daytoy a kas: “dagiti agaramid ti naranggas a banbanag ken agul-ulbod kadagiti templo dagiti diosda”
Zephaniah 1:10-11
Sapasap a Pakaammo:
Dakdakamaten ti bersikulo 1:2-18 ti panangukom ni Yahweh. Iladladawan ti bersikulo 1:4-16 ti panangukom ni Yahweh kadagiti tattao ti Juda.
kastoy ti pakaammo ni Yahweh
Sarsaritaen ni Yahweh ti bagina babaen iti naganna tapno iyebkasna ti kinapudno ti ipakpakaammona. Mabalin nga ipatarus daytoy a kas: “ti impakaammo ni Yahweh” wenno “ti sipapasnek nga imbaga ni Yahweh” (Kitaen: First, Second, or Third Person)
Ruangan ti Lames
Ti Ruangan ti Lames ket maysa kadagiti ruangan iti pader ti siudad idiay Jerusalem.
ti dung-aw manipud iti Maikaddua a Distrito
“Agdung-awda ti napigsa manipud iti Maikaddua a Distrito.” Barbaro a paset ti Jerusalem ti Maikaddua a Distrito.
ti napigsa unay a daranudor
Dakdakamaten daytoy ti uni dagiti pasdek a marpuog. Mabalin daytoy nga ipatarus a kas: “ti napigsa nga uni dagiti pasdek a marmarpuog” (Kitaen: Assumed Knowledge and Implicit Information)
manipud kadagiti turod
Dakdakamaten daytoy dagiti turod a nakapalawlaw iti Jerusalem
ta madadaelto amin dagiti aglaklako; mapapatayto amin dagiti agtitimbang kadagiti pirak
Agpada a tattao ti dakdakamaten dagitoy a dua a ragup ti sasao ken nausar tapno mangiyunay-unay a madadaelto dagiti negosyo. Mabalin nga ipatarus daytoy a kas: “ta mapapatayto dagiti gumatang ken aglako kadagiti kasapulan. (Kitaen: Parallelism)
Zephaniah 1:12-13
Sapasap a Pakaammo:
Dakdakamaten ti bersikulo 1:2-18 ti panangukom ni Yahweh. Iladladawan ti bersikulo 1:4-16 ti panangukom ni Yahweh kadagiti tattao ti Juda.
sukimatekto ti Jerusalem babaen kadagiti pagsilawan
Sarsaritaen ni Yahweh ti panangam-ammona kadagiti amin a tattao ti Jerusalem a kasla sinapulna ida babaen kadagiti pagsilawan. (Kitaen: Metaphor)
a mangipagarup a natalgedda
Mariknada a natalgedda manipud iti riribuk. (Kitaen: Idiom)
kunaenda iti pusoda
Ti kayat a sawen daytoy nga “idiom” ket ipagarupda kadagiti bagbagida. (Kitaen: Idiom)
Awanto ti aniaman nga aramiden ni Yahweh, naimbag man wenno dakes
Mabalin nga ipatarus daytoy a kas: “Awan ti aniaman nga aramiden ni Yahweh” (Kitaen: Merism)
Zephaniah 1:14-16
Sapasap a Pakaammo:
Dakdakamaten ti bersikulo 1:2-18 ti panangukom ni Yahweh. Iladladawan ti bersikulo 1:4-16 ti panangukom ni Yahweh kadagiti tattao ti Juda.
asidegen ken napardas unay
Ti panangulit iti sao nga “asidegen” ken napasarunoan ti ragup ti sasao a “napardas unay” ket mangiyunay-unay nga umadanin a mapasamak ti panangukom ni Yahweh kadagiti tattao. Mabalin daytoy nga ipatarus a kas: “asidegen ket addanto ditoyen” (Kitaen: Doublet)
nasaem a panagsangsangit ti maysa a mannakigubat
Dagiti mabalin a kaipapananna ket 1) soldado nga agsangsangit iti pannakaupay wenno 2) ti ikkis ti soldado iti gubat.
Dayta nga aldaw ket aldaw ti pungtot… kadagiti nangato a pagwanawanan
Ti bersikulo 15-16 ket addaan kadagiti adu a pagsasao”figures of speech” a mangiyunay-unay ti makadadael a kababalin daytoy a maudi a panangukom ti Dios.
maysa nga aldaw ti riribuk ken leddaang
Dagiti sasao a “rigat” ken “leddaang” ket agpada a banag ti kayatna a sawen ket iyunay-unayna ti kinakaro ti rigat dagiti tattao. Mabalin nga ipatarus daytoy a kas: “maysa nga aldaw a makarikna dagiti tattao iti nakaro a pannakaparigat” (Kitaen: Doublet)
aldaw ti bagyo ken pannakadadael
Ditoy, dakdakamaten ti sao a “bagyo” ti nasantoan a panangukom. Iladladawan ti sao a “pannakadadael” ti pagbanagan dayta a panangukom. Mabalin nga ipatarus daytoy a kas: “maysa nga aldaw ti makadadael a bagyo” wenno “maysa nga aldaw ti makadadael a panangukom” (Kitaen: Doublet ken Metonymy)
maysa nga aldaw ti sipnget ken lulem
Dagiti sasao a “kinasipnget ken lulem” ket agpada ti kayatna a sawen ken mangiyunay-unay ti kasta unay a kinasipnget. Agpada a dakdakamaten dagitoy a sasao ti tiempo ti didigra wenno ti nasantoan a panangukom. Mabalin nga ipatarus daytoy a kas: “maysa nga aldaw a napnoan ti kinasipnget” wenno “maysa nga aldaw ti nakabutbuteng a panangukom” (Kitaen: Doublet ken Metonymy)
Aldawto daytoy dagiti trumpeta ken pakdaar
Dagiti sasao a “trumpeta” ken “pakdaar” ket agpada ti kayatda a sawen ditoy. Agpada a wagas dagitoy a pangawag kadagiti soldado nga agsagana para ti gubat. Mabalin nga ipatarus daytoy a kas: “maysa nga aldaw a pagunien dagiti tattao ti pakdaar para iti gubat” (Kitaen: Doublet)
kadagiti nasarikedkedan a siudad ken kadagiti nangato a pagwanawanan
Agpada a dakdakamaten dagitoy a ragup ti sasao dagiti sarikedked ti militar. Mabalin nga ipatarus daytoy a kas: “dagiti nasarikedkedan a nasayaat a siudad” (Kitaen: Doublet)
Zephaniah 1:17-18
Sapasap a Pakaammo:
Dakdakamaten ti bersikulo 1:2-18 ti panangukom ni Yahweh. Iladladawan ti bersikulo 1:17-18 ti maudi a panangukom ni Yahweh iti tunggal managbasol iti masakbayan.
magnadanto a kasla bulsek a tattao
Ti pagbanagan ti panangukom ni Yahweh ket matikaw ken maulawto dagiti tattao no magnada, a pagarupen dagiti tattao a bulsekda. Mabalin nga ipatarus daytoy a kas: “matikaw ken maulawdanto a magna a kas kadagiti bulsek a tattao” (Kitaen: Simile)
Maibukbukto ti darada a kasla tapuk
Ti nagayus a darada ket agbalinto nga awan ti mamaayna a kas iti tapok. Mabalin nga ipatarus daytoy a kas: “Ibukbokto dagiti kabusorda dagiti darada ket ibilangda daytoy nga awan ti mamaayna” (Kitaen: Simile)
ti nagunegda a kasla rugit
Mabalin nga ipatarus daytoy a kas: “Buttiakanto dagiti kabusorda dagiti bagbagida ket mabaybay-anto nga agrupsa a kas iti rugit” (Kitaen: Simile)
Ti apuy ti pungtot ni Yahweh
Ditoy, dakdakamaten ti sao nga “apuy” ti kinakaro ti pungtot ni Yahweh. Mabalin nga ipatarus daytoy a kas: ti kinaimonna ket nadarang a kas iti apuy” (Kitaen: Metaphor and Simile)
kadagiti agnanaed iti daga
Maawatan a dakdakamatenna daytoy dagiti nadangkes a tattao. Mabalin nga ipatarus daytoy a kas: “dagiti amin a nadangkes a tattao nga agnanaed iti rabaw ti daga” (Kitaen: Assumed Knowledge and Implicit Information)
Zephaniah 2
Zephaniah 2:1-3
Sapasap a Pakaammo:
Idiay 2:1-3, Itultuloy ni Yahweh ti agsao iti Juda, ken ibagbagana kadakuada nga agbabawida.
Agkaykaysakayo nga agtitipon
Agpada ti kaipapanan dagitoy dua a ragup dagiti sasao. Iyunay-unay dagitoy ti bilin para kadagiti tattao nga aguummongda tapno agbabawida kadagiti basbasolda. Mabalin nga ipatarus daytoy a kas: “Ummongenyo dagiti bagbagiyo” (Kitaen: Doublet)
O nasion nga awan babainna
Saan a nagbabawi ti nasion kadagiti basbasolda.
sakbay a maipatungpal ti bilin
Ti kaipapanan daytoy a ragup ti sasao ket ti panangdusa a mapasamakto maigapu iti paglinteg ni Yahweh. Mabalin nga ipatarus daytoy a kas: “sakbay a dusaennakayo ni Yahweh” (Kitaen: Metonymy)
ti aldaw...ti aldaw ti pungtot ni Yahweh...iti aldaw ti pungtot ni Yahweh
Dakdakamaten dagitoy a ragup dagiti sasao ti “aldaw ni Yahweh.” Ipatarus dagitoy a ragup dagiti sasao a kas iti inaramidyo iti isu met laeng a ragup dagiti sasao idiay Sofonias 1:7-9.
ti aldaw a maiyarig iti taep
Ti taep ket maysa a paset ti mula nga awan serbina a maiyang-angin. Iti isu met laeng a wagas, ti aldaw ti ukom a napardas a lumabas. Mabalin nga ipatarus daytoy a kas: “dayta nga aldaw ket lumabas a kas iti kapardas ti pannakaiyangin ti taep” (Kitaen: Simile)
sakbay a dumteng ti nakaro a pungtot ni Yahweh kadakayo
Ul-uliten ti profeta ti agpapada a ragup ti sasao a dandani a kapadpada daytoy tapno iyunay-unayna no kasano a nakaam-amak a panangukomto ni Yahweh ken ti dagus a panagbabawi dagiti tattao. (Kitaen: Parallelism)
pungtot ni Yahweh
Ibagbagi daytoy ti panggep ti Dios a mangdusa. Mabalin nga ipatarus daytoy a kas: “Ti pannusa ni Yahweh” (Kitaen: Metonymy)
Birukenyo ni Yahweh
Ti panangbiruk kenni Yahweh ket mabalin a maipapan iti 1) panangkiddaw iti tulong ti Dios wenno 2) panangpanunot/pananglagip iti Dios ken panagtulnog kenkuana. (Kitaen: Metaphor)
Birukenyo ti kinalinteg! Birukenyo ti kinapakumbaba
Mabalin nga ipatarus daytoy a kas: “aramiden ti nalinteg ken agbalin a napakumbaba” (Kitaen: Abstract Nouns)
nalabit a masalaknibankayonto iti aldaw ti pungtot ni Yahweh
Mabalin nga ipatarus a kas: “Salaknibannakayonto ni Yahweh iti aldaw ti panagpungtotna” (Kitaen: Active or Passive)
Zephaniah 2:4-5
Sapasap a Pakaammo:
Iti 2:4-15, Ipakpakaammo ni Yahweh ti panangukomna kadagiti kabangibang a nasion nga adda iti aglawlaw ti Juda.
Gaza…Askelon…Asdod…Ekron
Dagitoy dagiti uppat a kangrunaan a siudad ti Filistia iti dayta a tiempo.
Ta mabaybay-anto...madadaelto
Dagitoy a ragup dagiti sasao ket agpada ti kayatda a sawen ken mangiyunay-unay ti naan-anay a pannakadadael kadagitoy a siudad. (Kitaen: Parallelism)
Papanawendanto ti Asdod iti katengngaan ti aldaw
Ditoy, dakdakamaten ti “da” (papanawendanto) dagiti kabusor dagiti Filisteo. Dagiti mabalin a kaipapanan ti “katengngaan ti aldaw” ket 1) parmekento dagiti kabusor ti Asdod sakbay ti katengngaan ti aldaw wenno 2) rautento dagiti kabusor ti asdod iti katengngaan ti aldaw kabayatan nga agin-innana dagiti tattao ken saanda a mapakpakadaan.
parutendanto ti Ekron
Nadakamat ti pannakaparmek ti Ekron a kasla maysa a kayo a pinarot iti daga ket naibelleng. Mabalin a maipatarus daytoy a kas: “ipanawdanto dagiti tattao ti Ekron a kasla panangparut iti maysa a kayo” (Kitaen: Metaphor)
agnanaed iti igid ti baybay, ti nasion dagiti taga-Keretim
Ipalpalawag ti umuna a ragup ti sasao ti pagnanaedan dagiti taga-Keretim.
O Canaan, daga dagiti Filisteo
Dagiti Filisteo ti maysa kadagiti sumagmamano a bunggoy dagiti tattao nga agnanaed idiay Canaan.
agingga nga awan matda nga agnanaed
“agingga nga awan pulos ti mabati.” Mabalin nga ipatarus daytoy a kas: “agingga a matay amin dagiti agnanaed”
Zephaniah 2:6-7
Ket agbalinto a pagaraban ti baybay para kadagiti agpaspastor ken pangiyapunan ti karnero
Mabalin a ti kayat a sawen daytoy ket, awanen dagiti siudad ti Filistia, ket dagiti laeng tay-ak ti nabati.
pangiyapunan ti karnero
Ti kulongan ti karnero ket bassit a paset a naaladan tapno aguummong dagiti karnero.
dagiti tattaoda
“Dagiti tattao ti Juda”
Agiddanto
“agidda a maturog”
Zephaniah 2:8-9
Sapasap a Pakaammo:
Idiay 2: 4-15, iwarwaragawag ni Yahweh ti panangukomna kadagiti kabangibang a nasion ti Juda.
dagiti panangum-umsi...ti pananglalais
“dagiti panangum-umsi…dagiti pananguy-uyaw.” Dagitoy a ragup dagiti sasao ket agpada ti kaipapananna ken mangiyunay-unay nga inuyaw ti Moab ken Ammon ni Yahweh. (Kitaen: Parallelism)
linabsingda dagiti beddengda
Dakdakamaten daytoy ti pananglasat iti teritoryo ti Juda tapno rauten ida.
iti Naganko nga adda iti agnanayon
“iti Naganko nga adda iti agnanayon.” Ar-aramaten ni Yahweh daytoy a balikas tapno ipakita a ti sumaruno nga ibagana ket pudno. Maysa daytoy a wagas iti panangtungpal iti napasnek a panagkari. Mabalin nga ipatarus daytoy a kas: “sipapasnekak nga agkari” (Kitaen: Idiom)
kastoy ti pakaammo ni Yahweh a Mannakabalin-amin, a Dios ti Israel
Isasao ni Yahweh ti mismo a naganna tapno ibaga ti kinapudno ti ipakpakaammona. Mabalin nga ipatarus daytoy a kas: “daytoy ti ipakpakaammo ni Yahweh a Mannakabalin-amin, a Dios ti Israel” wenno “daytoy ti impakaammok, siak a ni Yahweh a Mannakabalin-amin, ti Dios ti Israel” (Kitaen: First, Second, or Third Person)
kas iti Sodoma...kas iti Gomorra
Kasta unay ti kinadangkes dagitoy dua a siudad a dinadael ti Dios a naan-anay babaen iti apuy manipud langit. Dakdakamaten dagitoy a “simile” ti naan-anay a pannakadadael. Mabalin nga ipatarus daytoy a kas: “naan-anay a nadadael a kasla Sodoma…kasla Gomorra” (Kitaen: Assumed Knowledge and Implicit Information and Simile)
karuruotan a lugar ken pagaramidan ti asin
“ti lugar a kasisiitan ken ti pagaramidan ti asin.” Iladladawan daytoy ti natikag, awan serserbina a daga.
dagiti matda kadagiti tattaok, dagiti nabatbati iti nasionko
Agpada ti kayat a sawendagitoy a ragup dagiti sasao ken dakdakamaten dagitoy dagiti Israelita a nakalasat iti pannusa ni Yahweh. (Kitaen: Parallelism)
Zephaniah 2:10-11
Sapasap a Pakaammo:
Iti 2: 4-15, iwarwaragawag ni Yahweh ti panangukomna kadagiti kabangibang a nasion nga adda iti aglawlaw ti Juda.
agsipudta inumsi ken inuyawda dagiti tattao ni Yahweh a Mannakabalin-amin...gapu ta umsiennanto dagiti amin a didios iti daga
Umsiennanto dagiti awan serserbina a didiosen iti isu met laeng a wagas a panangumsi dagiti tattao nga nagsebi kadagiti didiosen kadagiti tattao ni Yahweh.
Zephaniah 2:12-15
Sapasap a Pakaammo:
Idiay 2:2-14 iwarwaragawag ni Yahweh ti panangukomna kadagiti kabangibang a nasion nga adda iti aglawlaw ti Juda.
Dakayo a Cusita, maduyokkayonto met babaen iti kampilanko
Ditoy, ti “maduyok… ti kampilanko” ket “metonym” ti pannakapapatay iti gubat. Mabalin nga ipatarus daytoy a kas: “Patayenkayonto a tattao ti Cush iti gubat” (Kitaen: Metonymy and Active or Passive
ima ti Dios
Ditoy, ibagbagi ti “ima” ti pannakabalin. Mabalin nga ipatarus daytoy a kas: “pannakabalin ti Dios” (Kitaen: Metonymy)
langalang
Mabalin nga ipatarus daytoy a kas: “nadadael ken nabaybay-an” (Kitaen: Abstract Nouns)
kas kamaga iti let-ang
Ti kayat a sawen daytoy ket agbalinto daytoy a natikag nga awanto ti agtubo sadiay. (Kitaen: Simile)
amin a narungsot nga ayup kadagiti nasion
“amin a kita ti ayup”
kadagiti tuktok dagiti adigina
No madadael ken marba dagiti pasdek, dagiti adigi a mausar a pangarkus ken panangsarapa ket kadawyan nga agtalinaed a nakatakder.
Addanto ti agpukkaw kadagiti tawa
“Mangngegto ti ayab kadagiti tawa”
sorelas a sedro
Dagiti tabla ket atiddog ken napuskol a pidaso ti kayo a nausar tapno agtalinaed a natibker ti pasdek.
Zephaniah 3
Zephaniah 3:1-2
Sapasap a Pakaammo:
Kadagiti bersikulo 3:1-5, sarsaritaen ni Sofonias ti mensahe ni Yahweh maipapan iti panangukomna kadagiti managbasol a tattao ti Jerusalem. Ibagbagi ti siudad dagiti tattao nga agnanaed iti daytoy. Tapno nalawag daytoy, makatulong ti panangsukat ti “singular” a “na” iti “plural” a “da/ida” ken “dagidiay”
ti managsukir a siudad
Mabalin nga ipatarus daytoy a kas: “dagiti tattao iti siudad a nagsukir iti Dios” (Kitaen: Assumed Knowledge and Implicit Information)
Natulawanen ti naranggas a siudad
“nagsukir dagiti tattao iti siudad isu nga ibilangko ida a narugit”
Saan daytoy a dimngeg iti timek ti Dios
Mabalin nga ipatarus daytoy a kas: “Saanna a tinungpal ti imbaga ti Dios kenkuana” (Kitaen: Metonymy)
Zephaniah 3:3-4
Sapasap a Pakaammo:
Kadagiti bersikulo 3:1-5, sarsaritaen ni Sofonias ti mensahe ni Yahweh maipapan iti panangukomna kadagiti managbasol a tattao ti Jerusalem. Ibagbagi ti siudad dagiti tattao nga agnanaed iti ditoy. Tapno nalawlaag daytoy, maymayat a ti “singular” a “na” iti “plural” a “da/ida” ken “dagidiay” (Kitaen: Metonymy)
Dagiti prinsipena ket kasla ngumerngernger a leon iti nagtengngaanna
Agngernger dagiti leon a mangkamat kadagiti dadduma nga ayup a naanupanda. Naisao dagiti prinsipe iti Jerusalem a kasda la ngumerngernger a leon a mangiduldulin iti naanupan para kadakuada. Mabalin nga ipatarus daytoy a kas: “Dagiti ari iti Jerusalem ket naagum a kas kadagiti agngerngernger a leon” (Kitaen: Metaphor)
Dagiti ukomna ket kasla kadagiti lobo iti rabii a saan a mangitedda iti kanenda iti agsapa
Mabisin iti kasta unay dagiti lobo sakbay nga aganupda iti rabii. Nadakamat dagiti uk-ukom a kasda la mabisin a lobo. Mabalin nga ipatarus daytoy a kas: “Dagiti ukomna ket naagum a kas kadagiti mabisin a lobo a saan nga agibati para iti siasinoman” (Kitaen: Metaphor)
Dagiti profetana ket nadursok ken manangliput a lallaki
Saan a dumdumngeg iti siasinoman dagiti profetana ken saan a mapagtalkan”
Rinugitan...ti nasantoan
“saan a nagraem kadagiti nasantoan a banbanag”
nagaramid iti panaglabsing iti linteg
“saan a nagtulnog iti bilin”
Zephaniah 3:5
Sapasap a Pakaammo:
Kadagiti bersikulo 3:1-5, sarsaritaen ni Sofonias ti mensahe ni Yahweh maipapan iti panangukomna kadagiti managbasol a tattao ti Jerusalem.
Nalinteg ni Yahweh...Dinto agaramid iti biddut
Agpada ti kayat a sawen dagitoy a ragup dagiti sasao, ken iyunay-unay dagitoy ti kinalinteg ni Yahweh uray kadagiti nadadangkes a tattao idiay Jerusalem. (Kitaen: Parallelism)
iti nagtengngaanna
“kadakuada”
Iti tunggal bigat
Kayat a sawen daytoy nga “idiom” ket Inaldaw-aldaw.” (Kitaen: Idiom)
ipaayna ti hustisia
Mabalin nga ipatarus daytoy a kas: “tratoennanto dagiti tattao a sililinteg” (Kitaen: Metaphor)
Saanto nga mailemmeng iti lawag
Nangaramat daytoy iti negatibo a salaysay tapno iyunay-unay ti positibo a kinapudno a ti husticia ni Yahweh ket makita a kankanayon. Mabalin nga ipatarus daytoy a kas: “Ti hustisiana ket nalawag a naipakita iti amin” (Kitaen: Litotes)
dina ammo ti agbain
“saan a mabain”
Zephaniah 3:6-7
Sapasap a Pakaammo:
Kadagiti bersikulo 3: 6-7, tinubngar ni Yahweh dagiti tattao ti Jerusalem gapu ta saanda a nakasursuro iti panangukomna kadagiti managbasol a siudad. Mabalina a makatulong no mainayon ti “Kastoy ti kuna ni Yahweh:” iti rugrugi ti bersikulo 6 tapno nalawag daytoy. (Kitaen: Assumed Knowledge and Implicit Information)
inadaelko dagiti kalsadada tapno pulos nga awan ti makalasat kadagitoy. Nadadael dagiti siudadda ket awan ti tao a makapagnaed kadagitoy
Ibagbaga dagiti dua a salaysay ti agpada a kapanunotan iti dua nga agsinnabali a wagas tapno iyunay-unay ti naan-anay a pannakadadael dagiti siudad. (Kitaen: Parallelism)
awan ti makalasat kadagitoy
“awan ti uray maysa a magna kadagitoy”
awan ti tao a makapagnaed kadagitoy
“Awan pulos ti agnanaed sadiay.” Mabalin nga ipatarus daytoy a kas: natay amin dagiti tattao”
Kinunak, ‘Sigurado nga agbutengkanto kaniak...iti amin a pinanggepko nga aramiden kenka
Mabalin nga ipatarus daytoy a kas: “Impagarupko nga awan duadua nga agbutengdanto kaniak ken awatenda ti pangilinteg tapno saanda a mapapanaw kadagiti balbalayda kadagiti amin a pinanggepko nga aramiden kadakuada.” (Kitaen: Direct and Indirect Quotations)
saanka a mapapanaw kadagiti pagtaengam
Ditoy, ti “mapapanaw” ket maysa nga “idiom” a ti kayatna a sawen ket ikkaten. Mabalin nga ipatarus daytoy a kas: “tapno saankayonto a papanawen kadagiti balbalayyo” (Kitaen: Idiom and Active or Passive)
Zephaniah 3:8
Sapasap a Pakaammo:
Iti bersikulo 3:8, ibalballaag ni Yahweh nga ukomennanto ti amin a nasion.
urayendak...agingga iti aldaw
Daytoy a ragup ti sasao ket iparparipiripna nga ur-urayenda ti panangukom.
kastoy ti pakaammo ni Yahweh
Isasao ni Yahweh ti bagina babaen iti naganna tapno ibalikas ti kinapudno ti ipakpakaammona. Mabalin nga ipatarus daytoy a kas: “Kastoy ti ipakpakaammo ni Yahweh” wenno “daytoy ti ipakpakaammok, siak a ni Yahweh” (Kitaen: First, Second, or Third Person)
tumakderak nga agsamsam
Ti panangukom ni Yahweh kadagiti nasion ket nadakamat a kasla isuna ket mabisin nga ayup a nangdarup iti maysa a basbassit nga ayup. Mabalin nga ipatarus daytoy a kas: “Tumakderak ket dadaelek ida a kas iti sibbarut ti maysa nga ayup iti naanupanna” (Kitaen: Metaphor)
urnongek dagiti nasion, ummongek dagiti pagarian
Agpada ti kayat a sawen dagitoy dua a ragup dagiti sasao ken mangiyunay-unay nga ukomento ni Yahweh dagiti amin a nasion. (Kitaen: Doublet)
ti ungetko...narungsot a pungtotko
Dagiti sasao nga “unget” ken “umap-apuy a pungtot” ket agpada ti kayatna a sawen ken iyunay-unayna ti kinakaro nga unget ni Yahweh. Mabalin nga ipatarus daytoy a kas: “ti nakaro a pungtotko” (Kitaen: Doublet)
tapno ikisap amin ti apuy iti daga babaen iti ungetko
Mabalin nga ipatarus daytoy a kas: “alun-onento ti apuy ti kinaimonko ti enteo a daga” (Kitaen: Passive)
tapno ikisap amin ti apuy iti daga babaen iti ungetko
Ti kinaimon ni Yahweh ditoy ket naisao a kasla apuy a mangkisap iti maysa a banag. Mabalin nga ipatarus daytoy a kas: “ikisapto ti kinaimonko iti entero a daga a kas iti apuy” (Kitaen: Metaphor and Simile)
Zephaniah 3:9-11
Sapasap a Pakaammo:
Kadagiti bersikulo 3:9-10, imbaga ni Yahweh a pabaruenna dagiti Hentil kalpasan ti panangukom.
Sapasap a Pakaammo:
Kadagiti verses 3:11-13, pabpabilgen ni Yahweh dagiti nabati nga Israelita a nakalasat iti panangukom.
ikkakto iti nadalus a pagsasao dagiti tattao
Mabalin nga ipatarus daytoy a kas: “ikkak dagiti tattao iti kabaelan a mangibaga iti umno” (Kitaen: Metonymy)
umawagda amin iti nagan ni Yahweh
Daytoy ket maysa nga “idiom” a ti kayatna a sawen ket agdaydayawda kenni Yahweh. Mabalin nga ipatarus daytoy a kas: “dayawenyo ni Yahweh” (Kitaen: Idiom)
umawagda amin iti nagan ni Yahweh
Mabalin a dakdakamaten daytoy ti paset a pakasarakan ti Sudan ita.
ti dayta nga aldaw...iti dayta a tiempo
“Inton mapasamak dayta…iti dayta a tiempo.” Dakdakamaten dagitoy a ragup dagiti sasao ti tiempo ti kappia ken pannakaisubli a pannakaisaruno a dagus ti aldaw ni Yahweh.
saankayonto a maibabain gapu kadagiti amin nga aramidyo
Mabalin nga ipatarus daytoy a kas: “saanton a mabain kadagiti amin nga aramidyo” (Kitaen: Active or Passive)
Zephaniah 3:12-13
Sapasap a Pakaammo:
Kadagiti bersikulo 3:11-13, pabilbilgen ni Yahweh ti natda ti Israel a nakalasat iti panangukom.
Ngem ibatikayo a kas nanumo ken napanglaw a tattao...Dagiti nabatbati ti Israel
Iladladawan ti immuna a ragup ti sasao ti “nabati” iti maikadua a ragup ti sasao.
agkamangkayonto iti nagan ni Yahweh
Nadakamat ti panangsalaknib ni Yahweh kadagiti nabati a kasla isuna ket pagkamangan wenno pagsammakedan. Ditoy, ibagbagi ti “nagan ni Yahweh” ti kinasiasinona. Mabalin nga ipatarus daytoy a kas: “umaydanto kenni Yahweh ket tulongannanto ida” (Kitaen: Metaphor and Metonymy)
saanton nga aglabsing
“aramiden ti saan a nalinteg a banbanag”
awan ti manangallilaw a dila ti masarakanto kadagiti ngiwatda
Ditoy, ibagbagi ti “dila…iti ngiwatda” dagiti banbanag a paisao ti dila iti ngiwat. Mabalin nga ipatarus daytoy a kas: “awanto kadakuada ti agsao kadagiti makaallilaw a banbanag” wenno “saandanto a mangibaga kadagiti makaallilaw a banbanag” (Kitaen: Active or Passive and Metonymy)
isu nga agarab ken agiddada
Sarsaritaen ni Yahweh ti pagkasapulanna para kadagiti tattao ti Israel a kasda la urbon ti karnero nga agar-arab ken natalged nga agin-innana. (Kitaen: Metaphor)
Zephaniah 3:14-16
Sapasap a Pakaammo:
Kadagiti bersikulo 3:14-20, ibagbaga ni Sofonias kadagiti nabati a tattao ti Israel a nakalasat iti panangukom ni Yahweh a rumbeng nga agrag-oda.
O anak a babbai ti Sion...O anak a babai ti Jerusalem
Ditoy, ibagbagi ti “anak a babai” dagiti amin a tattao nga agnanaed iti siudad. (Kitaen: Idiom)
Agrag-o ken agragsakka
Agpada ti kayat a sawen dagitoy a dua a ragup dagiti sasao ken mangiyunay-unay no kasano ti kinaragsakdanto. Mabalin nga ipatarus daytoy a kas: “Agragsakkayo iti kasta unay” (Kitaen: Doublet)
iti amin a pusom
Ditoy, dakdakamaten ti sao a “puso” ti kaunggan ti maysa a tao. Mabalin nga ipatarus daytoy a kas: “iti amin a kaunggam” (Kitaen: Metonymy)
Inikkaten ni Yahweh ti dusam
Ditoy, ti “inikkat”(inikkaten) ti dusa ket maysa nga “Idiom” a ti kayatna a sawen ket isardeng ti panagaramid iti daytoy. Mabalin nga ipatarus daytoy a kas: “Insardeng ni Yahweh iti panangdusana kadakayo” (Kitaen: Idiom)
Saanmonto manen a kabuteng ti dakes
Mabalin nga ipatarus daytoy a kas: “Saankayonto nga agbuteng a dangrandakayo dagiti tattao” (Kitaen: Abstract Nouns)
Iti dayta nga aldaw
Iti dayta a tiempo” wenno “Inton mapasamak daytoy.” Ti kaipapanan daytoy a ragup ti sasao ket ti tiempo ti kappia ken pannakaisubli dagiti nabati a naisaruno a dagus iti aldaw ni Yahweh.
kunaendanto iti Jerusalem...O Sion
Ibagbagi dagiti nagan dagiti siudad ditoy dagiti tattao nga agnanaed kadagitoy. Mabalin nga ipatarus daytoy a kas: “ibagam kadagiti tattao ti Jerusalem…tattao ti Sion” (Kitaen: Metonymy)
Saanmo nga ipalubos a kumapuy dagiti imam
Nadakamat ti panagkapuy wenno nakakakaasi a kasla kimmapuy dagiti imada. Ditoy, ibagbagi “dagiti ima” ti kabuklan ti tao” (“Saanka nga agbalin a nakapuy” (kitaen: Metaphor and Synecdoche)
Zephaniah 3:17-18
Sapasap a Pakaammo:
Kadagiti bersikulo 3:14-20, Ibagbaga ni Sofonias kadagiti nabati a tattao ti Israel a nakalasat iti panangukom a masapul nga agrag-oda.
ti mannakabalin a mangisalakan kadakayo
“Mannakabalin isuna ken isalakannaka.” Naisao ni Yahweh a kasla maingel a mannakigubat. Mabalin nga ipatarus daytoy a kas: “maingel a mannakigubat isuna ken itednanto ti balligi kenka” (Kitaen: Metaphor)
Agrambakto isuna gapu kadakayo...Maragsakanto isuna kadakayo ket agpukkawto isuna iti rag-o
Agpada ti kayat a sawen dagitoy a ragup dagiti sasao ken naulit-ulit dagitoy a mangiyunay-unay iti kinaragsak ni Yahweh a naisubli kenkuana ti nabati kadagiti Israelita. (Kitaen: Parallelism)
paginanaen nakayto iti ayatna nga addaan rag-o
Dagiti mabalin a kaipapananna ket 1) “pagtalnaennaka babaen iti ayatna kenka” wenno 2) “pabaruennaka ta ay-ayatennaka.”
Zephaniah 3:19-20
Sapasap a Pakaammo:
Kadagiti bersikulo 3:14-20, Agsasao ni Yahweh kadagiti natda ti Israel a nakalasat iti pannangukom ken imbagana kadakuada a masapul nga agrag-oda.
dusaekto dagiti amin a nangparparigat kadakayo
Mabalin nga ipatarus daytoy a kas: “Dusaekto iti kasta unay dagiti nangparparigat kadakayo” (Kitaen: Assumed Knowledge and Implicit Information)
Ispalekto dagiti pilay ken ummongekto dagiti napatalaw
Ditoy, dagiti Israelita a nagsagaba iti pannakaitalaw a kas balud ket naisao a kasda la pilay ken napatalaw a karnero. Mabalin nga ipatarus daytoy a kas: “Ispalekto ken urnongekto iti natda ti Israel a kasla pilay ken napatalaw a karnero” (Kitaen: Metaphor and Simile)
Ti pilay
Dakdakamaten daytoy dagiti tattao ken dagiti ayup a saan a makapagna.
ti dayta a tiempo, idauloan ken pagmaymaysaenkayonto
Dagitoy dua a linya ket agpada ti kaipapananna ken ipakpakaawatna a pagsubliento ni Yahweh dagiti naitalaw a kas balud kadagiti bukodda a daga. Mabalin nga ipatarus daytoy a kas: “Iti dayta a tiempo, ummongenkayo ken iturongkayonto iti balayyo” (Kitaen: Parallelism)