2 Timothy

2 Timothy 1

2 Timothy 1:1-2

Ni Pablo

"Manipud kenni Pablo" wenno "Siak, ni Pablo nga nangisurat daytoy a surat"

babaen iti pagayatan ti Dios

"gapu iti pagayatan ti Dios" wenno "gapu ta kayat ti Dios daytoy." Nagbalin ni Pablo nga apostol gapu ta kayat ti Dios a ni Pablo ket agbalin nga apostol, ken saan a gapu ta pinili isuna iti tao.

sigun iti

Dagiti mabalin a kaipapananna ket: 1) "ti panangsalwad iti," kayatna a sawen daytoy ket kas iti inkarkari ti Dios a ni Jesus ti mangted iti biag, inaramidna ni Pablo nga apostol; 2) "para iti panggep nga," kayatna a sawen a dinutokan ti Dios ni Pablo tapno ibagana kadagiti dadduma ti maipanggep iti kari ti Dios a biag nga adda ken ni Jesus.

iti naikari a biag nga adda kenni Cristo Jesus

"inkari ti Dios a biagenna dagiti adda kenni Cristo Jesus"

patpatgek nga anak

"patpatgek nga anak" wenno "inay-ayat nga anak" wenno "anak nga inayatko." Binalbaliwan ni Cristo ni Timoteo babaen kenni Pablo, ket isu nga imbilang ni Pablo isuna a kas bukodna nga anak.

Parabur, asi, ken kapia

"Parabur koma, asi ken kapia ti adda kadakayo manipud" wenno "Mapadasanyo koma iti kinaimbag, asi ken kapia manipud"

Dios Ama

"Ti Dios nga isu ti Amatayo" wenno "Ti Dios nga Amatayo"

ken ni Cristo Jesus nga Apotayo

"ken Cristo Jesus nga isu ti Apotayo"

2 Timothy 1:3-5

pagserserbiak manipud pay kadagiti kapuonak

Pagrukrukbaban ni Pablo ti Dios a kas inaramid dagiti kapuonanna. "...iti pagar-aramidak kadagiti pagrebbengak a kas maysa a Kristiano a kas iti inaramid dagiti kapuonak sakbay kaniak.."

iti nadalus a konsensia

"a nabuyogan iti nadalus a konsensia." Saan isuna a nasinga babaen kadagiti panpanunot a saan a nasayaat nga aramid gapu ta kanayonna nga aramiden no ania iti umno.

a kas kankanayonka a laglagipen

"no agtultuloy a malaglagipka" wenno "bayat a malaglagipka iti amin a tiempo"

rabii ken

Dagiti mabalin a kaipapananna ket 1) "dagiti karkararagko iti rabii ken aldaw" wenno 2) "laglagipenka a kankanayon iti rabii ken aldaw wenno 3) "tarigagayak a makitaka iti rabii ken aldaw."

kalikagumak a makitaka

"kayatko la unay a makitaka"

Malaglagipko dagiti luluam

"pagtalinaedek iti panunotko amin a banbanag a sinagabam "

tapno mapunno-ak iti rag-o

"addaan iti napalalo a rag-o" wenno "naragsak unay"

Napalagipanak met

"gapu ta napalagipanak" wenno "no maipalagip kaniak" wenno "ta naipalagip manen kaniak" wenno "ken napalagipanak"

napudno a pammatim

"ti pammatim a pudno" wenno "ti pammatim ket saan nga agpampammarang." Dakdakamatenna daytoy ti panagbalin a napudno wenno saan nga ulbod(honest) wenno agpayso(true).

pammatim... nga immun-una nga adda ken ni apongmo... nagbiag met kenka

Ti apong ni Timoteo ket napasnek a babai ket inyarig ni Pablo ti pammati ni Timoteo ken ni apongna.

2 Timothy 1:6-7

Salaysay a Mangisilpo:

Pinabileg ni Pablo ni Timoteo tapno agbiag iti pigsa, ayat, ken disiplina ken saan a mabain gapu iti panagsagsagaba ni Pablo iti pagbaludan gapu iti pammatina ken Jesus.

Daytoy ti makagapu

"Ta daytoy ti gapuna" wenno "Gapu iti napudno a pammatim ken ni Jesus" wenno "Gapu ta addaanka iti napudno a pammati kenni Jesus"

ipalagipko kenka

"ipalpalagipko kenka" wenno "Ibagbagak manen kenka"

parangrangem manen ti sagut ti Dios kenka babaen iti panangiparabawko kadagiti imak

Imparabaw wenno impatay ni Pablo dagiti imana ken ni Timoteo, ket iyum-uman iti Espiritu Santo ken iti maysa a naespirituan a kababalin wenno naisagut kenkuana. Ibagbaga ni Pablo ken ni Timoteo a "pasilawenna" wenno "parangrangenna" dayta a neisprituan a kababalin iti trabahona a para kenni Cristo. Ti ladawan iti panagpuyot wenno panagpaypay kadagiti beggang ket maysa a '"metaphor" para iti pannakabiag dagiti naespirituan a kababalin ken kadagiti sagut a nabaybay-an wenno saan nga us-usaren ni Timoteo.

Ta...ti Dios

"Gapu iti Dios"

saannatayo nga inikkan ti Dios iti espiritu ti buteng

Inawat ni Pablo iti Espiritu manipud iti Dios. Idi nga imparabawna dagiti imana kenni Timoteo, isu met laeng nga Espiritu ti inawat ni Timoteo. Saan a daytoy nga Espiritu iti makagapu tapno agbutengda iti Dios wenno kadagiti sabali a tattao.

espiritu ti...disiplina

Dagiti mabalin a kaipapananna ket "Ikkannatayo ti Espiritu ti Dios iti kabaelan tapno matengngel wenno malapadantayo dagiti bagitayo" (kitaem UDB) wenno 2) "Ikkannatayo iti Espiritu ti Dios ti kabaelan a mangtubngar kadagiti sabali a tattao a nagbiddut."

2 Timothy 1:8-11

Isu a saanmo nga ibain

"Ngarud saanka nga agbuteng" wenno "Isu a saanka a mabuteng"

makibingayka iti panagsagaba para iti ebanghelio

Agsagsagaba ni Pablo para iti pagsayaatan ti Ebanghelio. Ibagbagana kenni Timoteo a saan nga agbuteng nga agsagaba para iti Ebangelio kas iti inaramidna.

babaen iti pannakabalin ti Dios

"panangitulok a papigsaennaka ti Dios"

saan a sigun kadagiti aramidtayo

"daytoy ket saan a babaen iti kaadu ti nasayaat a banag nga inaramidtayo isu a naisalakantayo" wenno "saan nga nagibasaran ti Dios dagiti nasayaat a naaramidtayo iti panangisalakanna kadatayo" wenno "insalakannatayo iti Dios uray pay no nakaaramidtayo iti dakes a banbanag"

nangisalakan kadatayo...sigun iti bukodna a panggep

Pinanggep ti Dios nga isalakannatayo, ket ita naisalakantayo" wenno "inkeddeng ti Dios nga isalakannatayo ken inkeddengna no kasanonatayo nga isalakan" wenno "a nangisalakan kadatayo...ti wagas a pinanggepna"

sakbay a nangrugi ti tiempo

"sakbay nga nangrugi ti lubong" wenno "sakbay a nangrugi ti tiempo."

tiempo

Daytoy ket "metonym" para iti lubong, amin nga adda ditoy lubong. (Kitaen: (See: INVALID translate/figs-metonymy

ti panangisalakan ti Dios ket naiparangarang babaen ti panagparang iti Mangisalakantayo a ni Cristo Jesus

'impakita ti Dios no kasano ti pinangisalakan na kadatayo babaen iti panagparang ti Mangisalakantayo a ni Jesus a Mesias. (Kitaen: INVALID translate/figs-activepassive)

nangikabil iti pagpatinggaan ti patay

'isu ti nangdadel iti pannakabalin ti patay kadatayo"

nangiyeg iti biag a saan a pulos nga agpatingga nga aglawag babaen iti ebanghelio

"isuro no ania ti biag nga awan patinggana babaen iti panangikasaba iti ebanghelio"

nadutokanak mangaskasaba

"pinilinak iti Dios a mangikasaba iti mensahe"

2 Timothy 1:12-14

Maigapu iti daytoy

"Gapu ta siak ket maysa nga apostol"

nagsagabaak met kadagitoy a banbanag

Dakdakamaten ni Pablo ti panagbalin a balud.

namnamaek

"naallukoyak"

iti dayta nga aldaw

Dagiti mabalin a kaipapananna ket 1) ti aldaw nga iyuumay manen ti Dios wenno 2) ti aldaw nga ukomen ti Dios dagiti tattao.

Salimetmetam ti paguadan dagiti napudno a mensahe a nangngegam kaniak

"Itultuloymo nga isuro dagiti umno a kapanunotan nga insurok kenka" wenno "Usarem dagiti saok ken dagiti wagasko a mangisursuro a kas pagtuladam ken no kasanoka a mangisuro"

Ti nasayaat a banag

"husto a kapanunotan" wenno "pudno a sasao"

Dayta a nasayaat a banag

Dakdakamatenna daytoy ti trabaho nga umno a panangiwaragawag iti ebanghelio.

salaknibam daytoy

Masapul a naalibtak ni Timoteo gapu ta suppiaten dagiti tattao ti trabahona, padasenda a pasardengen isuna, ken ballikugenda no ania dagiti ibagbagana.

babaen iti Espiritu Santo

"aramidenyo amin no ania laeng ti imbaga ti Espiritu Santo nga aramidenyo"

2 Timothy 1:15-18

timmalikodda nga immadayo kaniak

Pinanawanda isuna gapu ta tiniliw ken imbaludda isuna.

saanna nga imbain ti pannakaikawarko

Saan nga imbain ni Onesiforo ni Pablo gapu ta adda isuna iti pagbaludan ngem kanayonna a mapan sarungkaran. Ti "Kadena" ket "metonym" iti pannakaibalud. (Kitaen: INVALID translate/figs-metonymy)

ipalubos...masarakanna ti asi... iti dayta nga aldaw

Tarigagay ni Pablo a ni Onesiforo ket makaawat iti asi ken saan met a madusa 1) ti aldaw nga iyuumay manen ti Dios wenno 2) ti aldaw a panangukomto ti Dios kadagiti tattao.

2 Timothy 2

2 Timothy 2:1-2

Salaysay a Mangisilpo:

Inladawan ni Pablo ti Na-Kristiannoan a biag ni Timoteo a kas iti biag ti maysa a soldado, kas iti biag ti mannalon, ken kas iti biag ti maysa nga atleta.

pumigsaka iti parabur nga adda kenni Jesu-Cristo

Dagiti mabalin a kaipapananna ket 1) "palubosam ti Dios a mangusar iti parabur nga intedna kenka babaen ken Cristo Jesus tapno agbalinka a napigsa" (UDB) wenno 2) "pabiligem ta bagim, ta ammom nga impaay ti Dios kenka ti parabur nga naggapu laeng babaen ken Cristo Jesus"

kadagiti adu a saks

"kadua dagiti adu a saksi sadiay a mangibaga a dagiti saok ket pudno"

napudno

"mapagtalkan "

2 Timothy 2:3-5

Makipagsagabaka iti rigat kaniak

Dagiti mabalin a kaipapananna ket 1) "ibturam ti panagsagaba kas iti inaramidko" (UDB) wenno 2) "makipagsagabaka kaniak"

Makipagsagabaka ti rigat kaniak

Dagiti mabalin a kaipapananna ket 1) "Anusam ti makipagsagaba..a kas kaniak." (kitaen UDB) wenno 2) "makibingayka iti sagabaek."

Awan ti soldado nga agserbi kabayatan a karaman isuna kadagiti aramid iti daytoy a biag

"Awan ti soldado nga agserbi kabayatan a karaman isuna iti inaldaw nga aramid iti daytoy a biag" wenno "No agserserbi dagiti soldado, saanda a maisinga kadagiti kadawyan a banbanag nga ar-aramiden dagiti tattao." Masapul a saan nga ipalubos dagiti agseserbi ken Cristo a mataktak ti trabahoda nga agpaay ken Cristo gapu laeng kadagiti inaldaw nga ar-aramidenda. (Kitaen: INVALID translate/figs-metaphor)

karaman

Malappedan ti panagserbi gapu kadagiti sabali a banbanag, daytoy ket maiyarig kas iti natiliw babaen iti iket.

kangatoan nga opisialna

"Ti nangilista kenkuana a kas soldado"

kas atleta, saan...saan isuna a makoronaan malaksid no makisalisal babaen kadagiti pagannurotan

Dagiti agserserbi ken Cristo ket masapul nga aramidenna no ania dagiti ibaga ni Cristo nga aramidenna. (Kitaen: INVALID translate/figs-metaphor)

saan isuna a makoronaan

"saanna magun-od ti gungguna"

makisalisal babaen kadagiti pagannurotan

"makisalisal sigun kadagiti pagannurotan" wenno "nainget nga agtulnog kadagiti pagannurotan"

2 Timothy 2:6-7

Ti nagaget nga agtaltalon ket masapul nga umawat nga umuna iti bingay ti apitna

Daytoy ti maikatlo a 'metaphor' nga inted ni Pablo kenni Timoteo. Masapul a maawatan dagiti agbasbasa a dagiti adipen ni Cristo ket masapul a nagaget nga agtrabaho. (Kitaen: INVALID translate/figs-metaphor)

Panunotem no ania ti ibagbagak

Nangted ni Pablo ken ni Timoteo iti sao a mangiladladawan, ngem saanna nga inlawlawag dagiti kaipapananna dagitoy. Mangnamnama isuna a matakuatan ni Timoteo no ania ti ibagbagana maipapan kadagiti adipen ni Kristo.

ta ti apo

"gapu iti Apo"

2 Timothy 2:8-10

Salaysay a Mangisilpo:

Nangted ni Pablo kenni Timoteo kadagiti annuroten no kasano ti agbiag a maipaay ken Cristo, no kasano nga isuroan dagiti sabali tapno agbiag a maipaay ken Cristo.

sigun iti mensahe ti ebangheliok

"kasla iti ibagbaga ti mensahe ti ebangheliok"

isu ti gapuna nga agsagsagabaak

"isu't gapuna ti panagsagabak"

pannakaikawarko

"pannakaibalod" ( Kitaen: INVALID translate/figs-metaphor)

ti sao ti Dios ket saan a naikawar

"ket saan a maiparit" wenno "ket saan a naibalud" wenno "ket addaan naan-anay a waya-waya" (Kitaen: INVALID translate/figs-litotes)

gapu kadagidiay a napili

"para kadagiti tattao a pinili ti Dios"

tapno magun-odda ti pannakaisalakan

"maawatda ti pannakaisalakan" wenno" isalakan ida ti Dios"

addaan iti agnanayon a gloria

"daydayawen ti Dios iti agnanayon"wenno "ikamang dagiti tattao iti Dios iti agnanayon"

2 Timothy 2:11-13

daytoy a pagsasao

"dagitoy a sasao"

natay

Ti kayatna a sawen ditoy ket ti maysa a tao ti matmatay. Wenno pagkedkedanna nga ited dagiti a tarigagayna.

No saantayo a napudno

"uray no pinaaytayo ti Dios" wenno "uray no saan tayo nga inaramid no ania ti pinati tayo a kayat ti Dios nga aramiden tayo"

saanna a mailibak ti bagina

"masapul nga agtignay isuna a sigun iti kababalinna" wenno "saan isuna nga agtignay kadagiti wagas a maisupadi iti pudpudno a kababalinna"

2 Timothy 2:14-15

kadakuada

Dagiti mabalin a kaipapananna: 1) "dagiti mangisursuro" (UDB) wenno 2)"dagiti tattao iti uneg ti iglesia"

iti sangoanan ti Dios

"iti presensia ti Dios" wenno "ta ammom a buybuyaennaka ti Dios kasta met kadakuada"

saan nga agaapa maipapan kadagiti sasao

"saan nga agsususik no ania ti kayatna a sawen dagiti sasao" wenno "saan nga agsao iti pangrugian ti riri" wenno "saan nga agsao iti makapasakit iti sabali"

awan ti naimbag nga maipaayna

"saan a makaited iti uray ania a pagsayaatan" wenno "awan serserbina"

pannakadadael

Ti iladladawanna ket ti pannakarba ti maysa a pasdek. Dagidiay makangeg iti panagaapa ket saandan a raemen ti mensahe dagiti Kristiano. (Kitaen: INVALID translate/figs-metaphor)

kadagidiay agdengdengngeg

"kadagidiay agdengngeg"

mangiparang ta bagim a makaay-ayo iti Dios

"iparangmo ti bagim iti Dios a kas tao nga maikari kenkuana"

a kas mangmangged

"maiyarig iti maysa a mangmangged" wenno "maiyarig iti maysa a trabahador" (Kitaen: INVALID translate/figs-simile)

Iggamam a nasayaat

"umno a panangilawlawag"

2 Timothy 2:16-18

Dagiti sasaoda ket agwaras a kasla kanser

"No ania ti ibagbagada ket agwaras a kas makaakar a sakit." Kasla kanser a dagus nga agwaras ken mangdadael iti bagi ti tao, mabalin nga agwaras dagiti ibagbaga dagiti tao iti maysa ken maysa ket maperdi ti pammati dagiti makangngeg. AT: "Dagus nga agwaras dagiti saoda nga isu ti pakaigapuan ti pannakadadael a kasla kanser" wenno "Dagus a mangeg dagiti tattao ti imbagada ket madangranda babaen iti daytoy." (Kitaen: INVALID translate/figs-simile)

kanser

natay, marunrunot a lasag. Ti laeng wagas tapno saan nga agwaras ti kanser ken mangpapatay iti masakit a tao ket ti panangputed iti naaringan a paset ti bagina.

naiyaw-awan iti kinapudno

Mabali a ti kayat a sawen daytoy ket 1) "nagbiddut maipanggep iti kinapudno," wenno "nagbiddutda maipanggep iti kinapudno," a kasla iti maysa a pana a saanna a natamaan ti puntiriana, wenno 2) "nagsardeng a namati iti kinapudno."

ti panagungar ket napasamaken

"pinagungaren ti Dios dagiti namati tapno gun-odendan ti biag nga agnanayon"

Inupayda ti pammati dagiti dadduma.

"mangaramid iti pagduaduan dagiti dadduma a namati" wenno "mangallukoy kadagiti sumagmamano a namati nga agsardeng a mamati"

2 Timothy 2:19-21

pundasion ti Dios

Dagiti mabalin a kaipapananna ket: 1) "ti iglesia ti Dios ket naipatakder manipud pay idi punganay" wenno 2) "ti kinapudno a maipapan iti Dios"(UDB) wenno 3) "Kinapudno ti Dios."

Tunggal maysa a mangawag ti nagan ti Apo

"ti mangibagbaga a namati isuna ken ni Cristo"

umadayo manipud iti saan a kinalinteg

Dagiti mabalin a kaipapananna ket: 1) "agsardeng iti kinadakesna" wenno 2) "agsardeng a mangaramid kadagiti biddut a banbanag."

pagkargaan

Daytoy ti dagiti kadawyan nga awag kadagiti banbanag a kas iti mallukong, pinggan ken dagiti banga a pagkargaan. No ti pagsasaoyo ket awan ti sapasap a sao, usarem ti sao para iti mallukong wenno banga. Daytoy ket 'metaphor' a maipapan kadagiti tattao. (Kitaen: INVALID translate/figs-metaphor)

agkakadayaw...saan nga agkakadayaw

Dagiti mabalin a kaipapananna ket: 1) "naisangsangayan nga okasion...gagangay a tiempo (UDB) wenno 2) "dagiti banbanag nga ar-armiden dagiti tattao iti publiko...dagiti banag a nalimed nga ar-aramiden dagiti nasayaat a tattao.

dalusan ti maysa a tao ti bagina manipud iti saan a nadayaw a pannakausar

Dagiti mabalin a kaipapananna ket: 1) "sumina manipud kadagiti kababain nga tattao" wenno 2) "pasin-awenna ti bagina."

nadayaw a pagkargaan

"mausar kadagiti naisangsangayan nga okasion" wenno "mausar para kadagiti aramid nga aramiden dagiti nasayaat a tattao iti publiko."

2 Timothy 2:22-23

adaywam...gun-oden

Kayat a sawen dagitoy a 'metaphor' napartak unay a panagtaray. Ti panangadayo ket ti panagtaray manipud iti maysa a banag a pakadangram; ti gun-odem ket ti panagtaray nga agturong iti maysa a banag a mangted kenka iti pagsayaatan. (Kiataen: INVALID translate/figs-metaphor.)

Adaywam ti kinagartem iti kinaagtutubom

"Panangadayo kadagiti kinagartem a pakasulisogan dagiti agtutubo" a kas iti panangadayo ti tao iti panangdarup iti ayup kenkuana wenno iti maysa a mammapatay. No saan a mabalin nga aramiden a 'noun' iti pagsasaoyo ti "kinagartem," AT: "saanmo nga aramiden dagiti banbanag a pagay-ayat nga ar-aramiden dagiti agtutubo a lallaki" wenno" aramiden ti amin a banag tapno maadaywam wenno maliklikam ti panagaramid iti daytoy"

gun-odem ti kinalinteg

"birukem ti kinalinteg"

kadua

Dagiti mabalin a kaipapananna ket 1) "a kadua dagiti," ti kayatna a sawen ket "maitipon kadagiti dadduma a Kristiano iti pananggun-od iti kinalinteg" wenno 2) "a kas mainaig iti " ti kayatna a sawen ket "aramidem ti amin a kabaelam ...makikapia kadagiti dadduma a Kristiano."

dagidiay umaw-awag iti Apo

"dagiti Kristiano" wenno" dagiti mangibagbaga a tattao ida ti Apo"

a nagtaud iti nadalus a puso

"nga addaan ti napudno a panggep" wenno "nasayaat a rason"

pagkedkedam dagiti minamaag ken awan mamaayna a salsaludsod

"liklikam ti mangsungbat ti minamaag a salsaludsod ken awan mamaayna a salsaludsod"

minamaag...salsaludsod

"dagiti saludsod dagiti tattao nga awan panagraemna iti Dios"

awan mamaayna a salsaludsod

"dagiti saludsod dagiti tattao a saanna a kayat a maamoan ti kinapudno"

2 Timothy 2:24-26

naalumanay

"napakumbaba"wenno"naalumanay"

mangisuro

"bilbilinen" wenno "sursuroan" wenno "ilinteg"

ikkan ti Dios ida iti panagbabawi

"tulongan ida a mangtallikod kadagiti basolda"

maammoanda ti kinapudno

"tapno maamoanda iti kinapudno"

tapno maisubli dagiti riknada

"tapno saandan nga agpanunot iti dakes a kapanunotan" wenno" tapno mangrugida manen a dumngeg iti Dios"

ti palab-og ti diablo

Daytoy ket maysa a "metaphor" para iti tao nga ipagarupda a sursurotenda ti Dios ngem ti pudno a sursurotenda ket ti diablo.(Kitaen: INVALID translate/figs-metaphor)

pannakatiliwda kenkuana para iti pagayatanna

"nangtiliw kadakuada ken ita inaramidna ida a mangaramid kadagiti kayatna nga ipaaramid kadakuada." (Kitaen: INVALID translate/figs-metaphor)

2 Timothy 3

2 Timothy 3:1-4

Salaysay a Mangisilpo:

Binay-an ni Pablo a maammoan ni Timoteo nga iti masakbayan ket tallikodanto dagiti tattao ti kinapudno ken addanto ti pannakaidadanes, ngem mabalinna a pagtalkan ti nasantoan a surat ti Dios.

napeggad a tiempo

Dagitoyto dagiti al-aldaw, bulbulan, wenno uray tawtawen nga agbalin a napeggad para kadagiti Kristiano manipud kadagiti tattao nga inladawan ni Pablo iti bersikulo 2-4.

managayatdanto kadagiti bagbagida

Ditoy ti pannakausar ti "dagiti mangay-ayat" kayatna a sawen ket ti nainkabsatan nga ayat wenno ayat iti maysa a gayyem wenno kameng iti pamilia, ti gagangay a panagayat iti nagbaetan dagiti aggagayyem wenno agkakabagian. Daytoy ket ti saan a kita ti ayat a naagtaud iti Dios.

napalangguad

tao nga ipanpannakkelna ti bagina

napudno a panagayat

"saanda nga ayaten wenno ipateg ti bukodda a pamilia"

natangken ti ulona

"saan nga umanamong iti uray siasinoman" wenno "saan a mannakikapia iti uray siasinoman"

mammadpadakes

"managpabpabasol"

naranggas

"nauyong" wenno "nariri" wenno "masansan nga agaramidda kadagiti banbanag tapno mapasaktanda dagiti dadduma a tattao"

saan nga managayat iti naimbag

"kagurana ti nasayaat"

darasudos

"saan a naannad"

natangsit

"panunotenda a nalalaingda a tattao ngem kadagiti dadduma"

2 Timothy 3:5-7

Maaddaandanto iti pakakitaan iti nadiosan nga aramid

"agpammarang a relihioso" wenno "agpammarang a nalinteg" wenno "agpammarang a nasingpet wenno nasayaat"

ngem ilibakdanto ti bilegna

Dagiti mabalin a kayatna a sawen ket 1) "Saanda a kayat nga awaten ti bileg a kayatna nga ited ti Dios kadakuada" (UDB) wenno 2) "saan a makita iti biagda ti pammaneknek iti nasantoan nga aramidda nga ibagbagada nga adda kadakuada."

Adaywanyo

"Liklikan"

a sumrek kadagiti

"dagiti palibas a sumrek iti"

pagtaengan

Dagiti mabalin a kayatna a sawen ket 1) "dagiti pamilia" wenno "ti pamilia nga agnanaed iti balay" wenno 2) "babbalay" (UDB)

allukoyenda

"addaan pannakabalin a mangimpluwensia"

maag a babbai

"babbai a nakapuy iti naespirituan." Mabalin a daytoy ket gapu ta napaayda iti panagbalinda a nadiosan wenno gapu ta sadutda wenno gapu ta "naparmek ida ti basol."

nagabsuonan iti basbasol

Dagiti mabalin a kayatna a sawen ket 1) "naabak babaen kadagiti adu a basbasol" wenno 2) "masansan nga agbasol." Saanda a kabaelan a liklikan ti agbasol.

a.....ken naiyadayo gapu iti nadumaduma a tarigagay

AT: "Adu a banbanag ti tartarigagayan dagitoy a babbai a maliwayanda payen wenno agsardengda iti panagtulnogda ken ni Cristo" wenno "Nagsardeng dagitoy a babbai iti panagtulnogda kenni Cristoken inaramidda dagiti adu a banbanag a tartarigagayanda."

pannakaammo

Ti kayat a sawen daytoy a sao ket maammoam no ania ti kababalin ti maysa a tao no makitkitam isuna iti atiddog a tiempo.

2 Timothy 3:8-9

Janes ken Jambres

Iti Biblia laeng ti pakasarakan dagitoy dua a nagan. Pinanaganan ida ti maysa a tradision a kas salamangkero a taga-Egipto a simmupiat kenni Moises iti Exodo 7-8. (Kitaen: INVALID translate/translate-names.)

timmakder a maibusor

"simmuppiat" AT: "bimmusor" wenno "kimmontra"

isu

"iti isu met laeng a wagas"

iti kinapudno

"ti ebanghelio ni Jesus"

nadadael iti panunotda

"Saandan a makapanunot iti umno"

agtuloy

"umabante"

kinamaagda

"kurang ti pannakaawat" wenno "mauyong"

makitanto

"nalaka a makita" wenno "nalaka a mailasin wenno mabigbig"

2 Timothy 3:10-13

Ngem...sinurotmo

"ngem binuyayo nga nalaing"

sursurok

"pagannurotan"

ugali

"wagas iti biag"

panggep

"ikeddeng" wenno "kinatibker"

atiddug nga panagsagaba

"kinaanus nga adda kadagiti tattao"

kinaanus

Dagiti mabalin a kipapananna ket 1) "Agtuloyak nga agserbi iti Dios uray no narigat unay daytoy nga aramiden" (UDB) wenno 2) "Salimetmetak ti umno nga ugali wenno galad, iti narigat man a kasasaad."

inispalnak

"naisalakan"

kayatna

"tarigagay"

managpammarang

"tattao a mangallilaw iti sabali maipanggep iti bagbagida" wenno "tattao nga agpammarang a naidumada ngem iti pudno a kababalin"

2 Timothy 3:14-15

agtalinaedka iti nasursurom

"saanmo a liplipatan no ania ti nasursurom."

nasagradoan a sursurat, ti mamagbalin kenka a nasirib

"ti sao ti Dios ti mangted kenka iti kinasirib a kasapulam"

iti pannakaisalakan babaen iti pammati nga adda kenni Cristo Jesus

"tapno usaren ti Dios ti pammatim kenni Cristo-Jesus tapno maisalakannaka."

pannakaisalakan

Dagiti mabalin a kayatna a sawen ket 1) "Ikkannakayo ti Dios iti agnanayon a biag" wenno 2) "Isalakannakayo ti Dios manipud iti kinamaag iti daytoy a biag."

2 Timothy 3:16-17

Amin a nasantoan a surat ket napabileg babaen ti Dios

"Imbaga ti Dios amin dagiti nasantoan a surat babaen iti Espirituna" UDB) wenno "amin a nasantoan a surat ket napataud babaen iti Espiritu ti Dios. Imbaga ti Dios kadagiti tattao no ania ti isuratda.

pakagungunaan

"mausar" wenno "pakagun-odan"

pannakababalaw

"panangibaga iti banag a saan nga husto"

pannakaatur

"panangtarimaan kadagiti banag a saan nga husto"

panangsanay

"panangdisiplina" wenno "panangpadakkel iti nasayaat a wagas"

lumaing

"naan-anay"

2 Timothy 4

2 Timothy 4:1-2

Salaysay a Mangisilpo:

Intultuloy ni Pablo a pinalagipan ni Timoteo nga agbalin a napudno ken ni Pablo ket nakasaganan a matay.

Iti imatang ti Dios ken ni Cristo Jesus

"Iti presensia ti Dios ken ni Cristo Jesus." Kitaen no kasano ti pannakaurnosna daytoy a salaysay iti UDB.

a mangukomto

"nga umay iti mabiit a mangukom"

sipapasnek

"iyunay-unay" wenno "ipaganetget" wenno "ibuksilan ti tunggal sao"

ken saan

"kadagiti tiempo a saan a nanam-ay" (Kitaen: INVALID translate/figs-ellipsis)

Mangbabalaw

"Ibaga kadagiti tattao no adda ti biddutda" wenno " Ibagam kadakuada no ania ti naaramidda nga saan a nasayaat"

mangtubngar

"sipapasnek a ballaag"

nga addaan kinaanus ken panangisuro

Dagiti mabalin a kayatna a sawen 1) daytoy ket no kasano ti panangbagbaga ni Timoteo kadagiti tattao wenno 2) daytoy ket no kasano ti rumbeng a panagkasaba ni Timoteo wenno 3) daytoy ket no kasano nga aramiden ni Timoteo amin a banag iti maudi a salaysay.

kinaanus

"panagibtor"

nga addaan kinaanus

"addaan dakkel a panaganus" wenno "babaen iti kasta unay a panaganus"

2 Timothy 4:3-5

Ta dumtengto ti tiempo a

"Gapu ta addanto ti tiempo iti masakbayan"

tattao

Ti linaonna daytoy ket ipaspasimudaagna dagiti kamkameng iti iglesia (kitaenUDB).

ti pudno a sursuro

Kayat a sawen daytoy ket ti sursuro a pudno ken umno nga ibilbilang ti sibubukel nga iglesia .

gabsuonandanto dagiti bagbagida kadagiti manursuro sigun kadagiti tarigagayda. Makaay-ayonto kadagiti panagdingngegda.

Dagitoy ti mabalin a kayatna a sawen 1) gapu kadagiti tarigagay ti bagbagida, ummongenda dagiti manursuro a mangibaga kadagiti kayatda nga dingngen wenno 2) ummongenda dagiti manursuro a makianamong kadagiti tarigagay ti bagbagida tapno ibaga dagidiay a manursuro ti kaykayatda a dingngen.

tarigagay ti lasagda

"bukodda a tarigagay"

Makaay-ayonto kadagiti panagdingngegda

"dagitoy a manursuro ti mangkikinto kadagiti lapayagda." "Mangkiki kadagiti lapayagda" ket 'metaphor' ti panangibaga kadakuada kadagiti banag a pakaragsakanda a dingdinggen, dagiti banag a mangparagsak kadakuada. (Kitaen: INVALID translate/figs-metaphor)

ti trabaho ti maysa nga ebanghelista

Daytoy ket ti panangibaga kadagiti tattao maipapan iti kinasiasino ni Hesus, no ania ti inaramidna para kadakuada, ken no kasanoda ti agbiag para kenkuana.

panagserbim

Kayat a sawen daytoy ket ti naespirituan a panagserbi kadakuada babaen iti panangisuro kadakuada maipanggep iti Dios.

2 Timothy 4:6-8

Ti tiempo ti ipapanawko ket dimtengen

"iti mabiit ket pumusayakto ket panawak daytoy a lubong" (UDB). Naamiris ni Pablo a saan nga agpaut ti biagna/Saan nga agbiag iti mabayag.

Nakisalisalak iti nasayaat a dangadang

Daytoy ket 'sports metaphor' iti pannakilaban, pannakigabbo, wenno pannakidinnanog. Inaramid ni Pablo ti kabaelanna. Mabalin met daytoy nga ipatarus a kas "Inaramidko ti amin a kabaelak" wenno "Intedko ti amin a kabaelak."(Kitaen: INVALID translate/figs-metaphor)

Naileppasko ti lumba

Iladladawan daytoy a 'metaphor' ti pannakaleppas ti biag a kas iti pannakadanon iti linya a pagleppasan ti lumba. AT: "Inleppasko no ania ti masapul nga aramidek."

Sinalimetmetak ti pammati

Dagitoy ti mabalin a kayatna a sawen 1) "Pinagtalinaedko a nadalus dagiti sursuro maipanggep iti pinatitayo" wenno 2)"Inaramidko dagiti trabaho ti Apo a sipupudno"(kitaen ti UDB).

Ti korona ti kinalinteg ket naisagana para kaniak

AT: "ti korona ti kinalinteg ket maitedto kaniak."

korona ti kinalinteg

Dagiti mabalin a kayatna a sawen 1) ti korona ket ti gunguna nga ited ti Dios kadagiti tattao a nagbiag iti nalinteg a wagas (kitaen ti UDB) wenno 2) ti korona ket maysa a 'metaphor' para iti kinalinteg. Kas iti panangited ti hurado iti korona iti nangabak iti lumba, inton maturpos ni Pablo ti biagna, iwarawagawagto met ti Dios a ni Pablo ket nalinteg. (Kitaen: INVALID translate/figs-metaphor)

korona

ti pabukel a naurnos a bulong ti laurel a maited kadagiti atleta a nangabak iti maysa a salisal

iti dayta nga aldaw

"iti aldaw nga iyuumay manen ti Apo" wenno "iti aldaw nga ukomen ti Dios dagiti tatttao."

2 Timothy 4:9-10

Salaysay a Mangisilpo:

Iti panagleppasna, inallukoy ni Pablo ni Timoteo a mapan kenkuana, dinawatna nga itugotna ni Lucas, innagananna ti sumagmamano a tattao a timmallikod iti Dios, ken kinablaawanna dagiti tattao a kadua ni Timoteo.

dagus

"iti kabiitan a panawen."

ta

gapu ta

daytoy agdama a lubong

Dagiti mabalin a kayatna a sawen 1) dagiti banag a saan nga agnanayon ditoy lubong, "dagiti ragragsak ken liwliwa ditoy lubong," wenno 2) daytoy agdama a biag ken pannakaisalakan manipud iti ipapatay (Mabalin a mabuteng ni Demas nga mapapatay isuna dagiti tattao no agtalinaed nga kaduana ni Pablo.)

Napan ni Cresente...ken ni Tito ket napan....

Pinanawan dagitoy a dua a lallaki ni Pablo, ngem saan nga imbaga ni Pablo nga uray isuda ket "ipatpategda daytoy agdama a lubong" a kas ken ni Demas.

2 Timothy 4:11-13

makatulong isuna kaniak iti trabaho

Dagiti mabalin a kayatna a sawen 1) "matulongannak iti panagserbi iti Apo" wenno 2) "matulongannak babaen ti panagserbina kaniak."

2 Timothy 4:14-16

impakitana a kinadakes nga aramid kaniak

"nagaramid iti dakes a banbanag a maibusor kaniak" wenno "dinangrannak"

Masapul a salaknibam met ti bagim a maibusor kenkuana

"Agalwadka met kenkuana" wenno "Agannadka la unay kenkuana" wenno "Masapul nga protektaram ti bagim kenkuana"

isuna...na...kenkuana...na

Ti dakdakamatena ket ni Alejandro.

dakkel ti panangsuppiatna kadagiti sasaotayo

"inaramidna ti kabaelanna tapno suppiatenna ti mensahetayo" wenno "kasta unay ti panangkontrana kadagiti saotayo"

awan ti uray maysa a nakipagtakder kaniak, ngem pinanawandak ti tunggal maysa

"awan ti nagtalinaed ken nangtulong kaniak. Ngem ketdi, pinanawannak ti tunggal maysa"

Sapay koma ta saan daytoy a maibilang a maibusor kadakuada

"Saanko a kayat a dusaen ti Dios dagitoy a namati gapu iti panangpanawda kaniak"

2 Timothy 4:17-18

timmakder iti abayko

"timmakder iti abayko tapno tulungannak"

ti pannakaiwaragawag ket mabalin a naan-anay a matungpal, ken tapno amin dagiti Hentil ket mabalin a mangngeganda

Dagiti mabalin a kayatna a sawen 1) daytoy ket napasamaken (kitaen ti UDB) wenno 2) daytoy ket masakbayan pay laeng ken ni Pablo, "tapno mabaelak nga ibaga ti saona ken tapno mangngegan daytoy dagiti amin a Hentil."

naispalak manipud iti ngiwat ti leon

Daytoy a peggad ket mabalin nga iti pisikal, naespirituan wenno agpadpada. AT: "Naispalak manipud iti nakaro a peggad." (Kitaen: INVALID translate/figs-metaphor)

2 Timothy 4:19-22

kablaawaam

"kabalaawam isuna…para kaniak" wenno "Ibagam…nga panpanunotek isuda."

kadagiti adda idiay balayni Onesiforo

"familia ni Onesiforo"

Ikagumaam

Daytoy ket mabalin met nga ipatarus a "Mangaramidka iti wagas tapno makaumayka."

kasta met ni Pudente, ni Lino, ni Claudia, ken amin dagiti kakabsat

"Ni Pudente, Lino, Claudia ken amin dagiti kakabsat ket kabkablaawan daka."

amin dagiti kabkabsat

"amin dagiti namati ditoy," lallaki ken babbai

Sapay koma ta ti Apo iti makikaadda dita espiritum

"Idawdawat ko iti Dios a papigsaen na koma ti espiritum"

Parabur koma ti adda kenka

"Idawdawat ko iti Apo nga kaasian na kayo amin nga adda dita" wenno "Idawdawat ko iti Apo nga paraburan na kayo amin nga adda dita."