1 John

1 John 1

1 John 1:1-2

Insurat daytoy ni Apostol Juan kadagiti Kristiano

Insurat daytoy ni Apostol a Juan kadagiti Kristiano.

Ti adda manipud idi punganay

Ti sasao a "Ti adda manipud idi punganay" ket maipapan kenni Jesus, nga addan sakbay pay a naaramid ti amin a banbanag. Mabalinyo nga ipatarus daytoy a kas "Isursuratmi kadakayo ti maipanggep iti maysa nga addan sakbay iti pannakaparsua dagiti amin a banbanag."

idi punganay

"ti pagrugian ti amin a banbanag" wenno "ti pannakaparsua ti lubong"

a nangeganmi

Daytoy ket maipapan iti insuro ni Jesus kadakuada. Mabalin nga ipatarus a kas iti: "Nangngegmi nga insurona."

"....mi" iti sasao nga "nangngeganmi", "nakitami"....

Iti bersikulo 1 ken 2, ti sao a "...mi"(nakitami) ket da Pedro ken dagiti makaam-ammo kenni Jesus idi immay isuna ditoy daga.

a mismo a nakitami

Kayat a sawen daytoy nga isuda a mismo nakitami ti nakakita kenkuana."

ken iniggaman dagiti imami

"nasagidmi kadagiti im-imami" wenno naiggamanmi"

iti Sao ti biag

Daytoy ket maipapan kenni Jesus. "Isuna ti mangmangted iti biag nga agnanayon kadagiti tattao."

ti biag......

Maipapan daytoy iti iyuumay ni Jesus ditoy daga. Mabalin nga ipatarus a kas "Imbaon siuna ti Dios ditoy lubong. (Kitaen: INVALID translate/figs-activepassive)

ken minatmatanmi

"ket nakitami isuna"

ken sinaksianmi

"ken imabagmi kadakayo ti maipanggep kenkuana"

biag nga agnanayon

Maipapan daytoy kenni Jesus, a mangmangted kadatayo iti biag nga agnanayon. Mabalin nga ipatarus a kas iti: "a pakaigapuan iti panagbiagtayo iti agnanayon."

nga adda iti Ama

"adda isuna iti Dios a Ama"

ken naipakaammo kadatayo

"ngem immay tapno makipagnaed kadatayo" (UDB)

1 John 1:3-4

Ti nakita ken nangngeganmi ket impakammomi met kadakayo

"Impakaammomi met laeng kadakayo ti nakita ken nangngeganmi"

maaddaankayo met iti pannakikadua kadakami. Ken ti panagkakaduatayo ket adda iti Ama ken iti Anakna, a ni Jesu-Cristo.

Ti sao a pannakikadua ket maipapan iti nasinged a pannakigayyem. Mabalin dagitoy nga ipatarus a kas iti "agbalin a nasinged a gagayyemmi ken aggagayyemtayo iti Dios nga Ama"

panagkakaduatayo

Saan a nalawag no inraman wenno linaksid ni Juan dagiti agbasa. Mabalin nga ipatarusmo iti uray ania a wagas.

Cristo

Daytoy sao a "Cristo" ket maysa a pangawag, saan a nagan wenno apelyido ken ti kayatna a sawen ket "ti napili". Maipapan daytoy iti panangpili ti Dios kenni Jesus kas mangisalakantayo.

tapno agbalin koma a naan-anay ti rag-otayo

"tapno agbalin a naan-anay ti rag-tayo" wenno "tapno agragsaktayo" (Kitaen: INVALID translate/figs-activepassive)

1 John 1:5-7

nangeganmi

Ditoy, ti sao a "...mi"(nangngegmi) ket da Juan ken dagiti makaam-ammo kenni Jesus idi adda isuna ditoy lubong. (Kitaen INVALID translate/figs-exclusive)

kadakayo

Daytoy a "....kayo" ket maipapan kadagiti pangisursuratan ni Juan. (Kitaen: INVALID translate/figs-you)

ti Dios ket lawag

Kayatna a sawen a ti Dios ket naan-anay a nasin-aw ken nasantoan. Mabalin nga ipatarus a kas iti: "Ti Dios ket pudno a nalinteg a kas iti lawag" No iti kulturayo ket maawatan a ti lawag ket nasayaat wenno naimbag, saanaen a masapul nga ipalawagyo daytoy. (Kitaen: INVALID translate/figs-metaphor)

pulos nga awan ti kinasipnget kenkuana

Kayatna a sawen a ti Dios ket saan pulos nga agbasol ken awan pulos iti dakes kenkuana iti aniaman a wagas. Mabalin nga ipatarus a kas "awan a pulos ti basol kenkuana." No iti kulturayo ket maawatan a ti kinasipnget ket dakes, saanen a masapul nga ipalawagyo daytoy.

ket magmagnatayo met iti kasipngetan

Ti kayat a sawen daytoy ket "panangaramid iti dakes" wenno "kanayon a panangaramid iti dakes."

magmagnatayo iti lawag

Ti kayat a sawen daytoy ket "panangaramid iti kinaimbag" wenno "kanayon nga aramiden no ania ti nasayaat."

ti dara ni Jesus

Daytoy ket maipapan iti ipapatay ni Jesus. (Kitaen: INVALID translate/figs-metonymy)

1 John 1:8-10

No ......tayo(No ibagatayo)

Iti bersikulo 8, 9, ken 10, dagitoy a sao "No ......tayo" ket rugiananna ti maysa a sitwasyon a mabalin a mapasamak. (Kitaen: INVALID translate/figs-hypo)

"....tayo" ....kadatayo

Iti bersikulo 8-10, dagitoy a sasao a "....tayo" ket maipapan kadagiti amin a namati. (Kitaen: INVALID translate/figs-inclusive)

nga awan basoltayo

"saantayo a nagbasol" wenno "saantayo a pulos a nagbasol"

al-allilawentayo dagiti bagitayo

"luklukwentayo dagiti bagbagitayo"

ken ti kinapudno ket awan kadatayo

"saantayo a mamati a pudno ti imbagana"

isuna....isuna...."...na"(saona)

Ti Dios ti madakdakamat ditoy.

mapagtalkan ken nalinteg

"napudno ken naimbag"

a mamakawan kadatayo kadagiti basoltayo ken dalusannatayo manipud iti amin a kinakillo

Dagitoy a sasao ket maymaysa ti kaipapananda. Inaramat dagitoy ni Juan tapno iyunay-unayna a ti Dios ket sigurado a naan-anay a pakawanenna dagiti basbasoltayo. AT:"ken naan-anay a pakawanennatayo iti aniaman a basol nga inaramidtayo." (Kitaen: INVALID translate/figs-parallelism)

pagbalbalinentayo isuna nga ulbod,

"daytoy ket kas met laeng iti panangawag kenkuana nga ulbod, gapu ta imbagana nga amintayo ket nakabasol." Ti sasao a "gapu ta imbagana nga amintayo ket nakabasol." ket saan a nalawag a naibaga iti ULB ngem mabalin nga ibagatayo iti patarustayo tapno nalawag a maawatan. (Kitaen: INVALID translate/figs-explicit)

ken ti saona ket awan kadatayo

Mabalin nga ipatarus a kas iti: "saantayo a pagan-ano wenno sursuroten ti aniaman nga ibagbagana."

1 John 2

1 John 2:1-3

Patpatgek nga annakko

Ni Juan ket maysa a panglakayen ken mangidadaulo kadakuada. Inaramatna daytoy a balikas tapno ipakitana ti panagayatna kadakuada. Mabalin nga ipatarus a kas iti: "Ipatpategko nga annak kenni Cristo" wenno "Dakayo a napateg kaniak a kas bukodko nga annak." (Kitaen: INVALID translate/figs-metaphor)

Ngem no agbasol ti siasinoman

Daytoy ket maysa a banag a mabalin a mapasamak. "Ngem no adda siasinoman nga agbasol" (Kitaen: INVALID translate/figs-hypo)

"...tayo"(addaantayo)....kadatayo

Iti bersikulo 1-3, dagitoy a sasao ket maipapan kenni Juan ken kadagiti tattao a pagsursuratanna. (Kitaen: INVALID translate/figs-inclusive)

mangibabaet iti Ama

"isuna ti makisasao iti Dios nga Ama ken mangkidkiddaw iti Ama a pakawanennatayo "

ti nalinteg a ni Jesu-Cristo

"ken dayta ket ni Jesu-Cristo, ti isu laeng nga awan pagkuranganna"

Isuna ti nakapnekan ti Dios a nakapakawanan dagiti basoltayo,

Kayatna a sawen nga iti pannakatay ni Jesus, napnek ti kinasanto ti Dios gapu ta ni Jesus ket awanan basol. Gapu ta napnek ti kinasanto (holiness) ti Dios iti inaramid ni Jesus, mabalinen a pakawanen ti Dios ti basol dagiti mamati kenni Jesus.

Babaen iti daytoy ammotayo nga am-ammotayo isuna, no salimetmetantayo dagiti bilbilinna.

Daytoy a ragup ti sasao nga "am-ammotayo isuna" ket "addaantayo iti pannakikaddua kenkuana." Mabalin daytoy nga ipatarus a kas "No aramidentayo ti ibagbagana nga aramidentayo, ket makasiguradotayo nga addaantayo iti nasayaat a pannakikaddua kenkuana."

isuna...."....na"(bilbilinna)

Dagitoy a sasao ket maipapan iti Dios wenno ken ni Jesus.

1 John 2:4-6

Isuna nga agkunkuna nga

"Siasinoman nga agkuna nga" wenno "Ti tao nga agkuna nga"

Am-ammok ti Dios

Mabalin daytoy nga ipatarus a kas "Addaanak iti nasayaat a pannakikadua iti Dios."

saanna a salimetmetan

"saan a mangar-aramid" wenno "saan nga agtultulnog iti"

dagiti bilinna

"ti ibagbaga ti Dios nga aramidenna"

awan kenkuana ti kinapudno

"saanna a patpatien ti imbaga ti Dios ket pudno"

mangsalimetmet

"mangar-aramid" wenno "agtultulnog"

iti saona

"ti imbaga ti Dios nga aramidenna"

ti ayat ti Dios

Dagiti mabalin a kaipapananna ket 1) "ti ayattayo para iti Dios" wenno 2) "Ti ayat ti Dios para kadatayo."

pudno nga iti dayta tao ket nagbalin a naan-anay ti ayat ti Dios

Mabalin daytoy nga ipatarus a kas "active sentence": "Ngem dagiti agtulnog iti imbilin ti Dios nga aramidenda ket dagiti tattao a mangay-ayat iti Dios iti amin a wagas" (UDB) wenno "Naan-anayen ti ayat ti Dios maipaay kadagiti tattao no aramidenda ti ibaga ti Dios nga aramidenda." (Kitaen: INVALID translate/figs-activepassive)

Babaen iti daytoy, ammotayo nga am-ammotayo isuna

Kayat a sawen daytoy a dagiti namati ket kanayon a nakitimpuyog iti Dios wenno agtultuloy a makikadkadua iti Dios. Masansan iti 1Juan, ti ragup dagiti sasao nga "agtalinaed kenkuana" ket naaramat tapno mangipakita iti maymaysa a kaipapanan. Mabalin daytoy nga ipatarus a kas "No agtulnogtayo iti aniaman nga ibagbaga ti Dios, makasiguradotayo a makikadkaduatayo kenkuana. "

rumbeng met ngarud a magmagna a kas iti pannagna ni Jesus

Mabalin nga ipatarus a kas iti: "masapul met ngarud nga agbiag a kas iti panagbiag ni Jesu-Cristo" wenno "rumbeng met nga agtulnog iti Dios a kas iti inaramid ni Cristo"

1 John 2:7-8

Ay-ayatek

Mabalin nga ipatarus a kas "Gagayyem" wenno "Patpatgek a namati kenni Cristo"

saan a baro ti bilin nga isursuratko kadakayo, ngem daytoy ket daan a bilin

Ti bilin ni Jesus a panangayat iti tunggal maysa ti dakdakamaten ni Juan ditoy. Mabalin nga ipatarus a kas ti: "Isursuratko kadakayo nga ayatenyo ti tunggal maysa. Saan dayta a baro a banag nga aramiden ngem maysa a daan a bilin a naibaga kadakayo."

manipud idi punganay

"manipud idi namatikayo kenni Cristo" (Kitaen: INVALID translate/figs-explicit)

Nupay kastaa, baro a bilin ti isursuratko kadakayo

Mabalin daytoy nga ipatarus a kas iti: "Ngem iti maysa a wagas, ti bilin nga isuratko kadakayo ket baro." wenno "Ngem isuratko kadakayo ti bilin iti baro a wagas."

a pudno kenni Kristo ken kadakayo

Mabalin daytoy nga ipatarus a kas iti: "Baro daytoy gapu ta ti inaramid ni Cristo ket baro, ken ti ar-aramidenyo ket baro."

ti sipnget ket aglablabasen, ken ti pudno a lawag ket agranraniagen

Ditoy, ti "sipnget" ket maipapan iti kinadakes, ti "lawag" ket maipapan iti kinaimbag. Mabalin nga ipatarus a kas iti: "gapu ta saankayon nga agar-aramid iti dakes ken ad-adda pay nga agar-aramidkayo iti nasayaat." (Kitaen: INVALID translate/figs-metaphor)

1 John 2:9-11

Isuna nga agkunkuna

"Siasinoman a mangibagbaga" wenno "Dagiti agkunkuna nga" (UDB). Saan a nalawag ti dakdakamatenna.

isu ket adda iti lawag

Daytoy ket panangibalikas iti maipanggep iti umno a panagbiag. No aramiden dagiti tattao ti umno, maaramidda dayta iti lawag, ken saanda nga aglemmeng iti kasipngetan. Mabalin daytoy nga ipatarus a kas iti: "ar-aramidenna no ania ti umno" wenno "adda isuna iti lawag a mangar-aramid iti umno." (Kitaen: INVALID translate/figs-metaphor)

ket adda iti sipnget

Daytoy ti panangibalikas iti maipanggep ti panagbibiag a managbasol. No agaramid dagiti tattao iti biddut, kayatda ti aglemmeng iti sipnget. Mabalin daytoy nga ipatarus a kas iti: "ket adda iti nasipnget, nga agar-aramid iti dakes."

awan iti tiempo ti pannakaitublak kenkuana

"awan ti makaipatublak kenkuana." Ti sao nga "pannakaitublak" ket "metaphor" a ti kayatna a sawen ket pannakapaay iti naespirituan wenno saan a nasayaat ti panagkita dagiti tao. Mabalin nga ipatarus a kas "awan ti pakaigapuan iti panagbasolna" wenno "aramidna ti aniaman a makaay-ayo iti Dios. " wenno "saannanto pulos a liwayan nga aramiden ti makaay-ayo iti Dios."

adda iti sipnget ken magmagna iti sipnget

Daytoy nga agpada a kapanunotan ket naibaga iti namindua tapno maiparangarang no kasano iti kinadakes ti manggura iti pada a namati. AT: "ket agbibiag iti sipnget" wenno "ket agbibiag iti kinasipnget ti basol" (Kitaen: INVALID translate/figs-parallelism)

saanna nga ammo no sadino ti papananna

Daytoy ket "metaphor" a mabalin nga ipatarus a kas "saanna pay nga ammo a ti ar-arammidenna ket dakes."

gapu ta kinullaapan ti kinasipnget dagiti matana

"gapu iti sipnget saan isuna a makakita." Mabalin daytoy nga ipatarus a kas "saanna a maawatan ti kinapudno gapu iti basol."

1 John 2:12-14

patpatgek nga annak

Kitaenyo no kasanoyo nga impatarus daytoy iti 1JN 2:1.

gapu ta napakawanen kadagiti basolyo

Mabalin nga ipatarus a kas iti: "Pinakawan ti Dios dagiti basbasolyo" (UDB). (Kitaen: INVALID translate/figs-activepassive)

maigapu iti nagan ni Cristo

Ti "nagan ni Cristo" ket sasao a maipapan kenni Cristo ken dagiti amin nga inaramidna ti dakdakamatenna. Mabalin daytoy nga ipatarus a kas iti: "gapu iti inaramid ni Cristo a maipaay kadakayo" (UDB). (Kitaen: INVALID translate/figs-metonymy)

Nagsuratak kadakayo, amma

Ti sao nga "amma" ket "metaphor" a ti dakdakamatenna ket dagiti nataengan a namati. Mabalin daytoy nga ipatarus a kas "Nagsuratak kadakayo, nataengan a namati."

ammoyo

"addaankayo iti pannakikaddua iti/ken ni"

isuna a naggapu iti punganay

"isuna nga adda iti agnanayon" wenno "isuna a sibibiay idi pay laeng." Mabalin a ti dakdakamatenna ditoy ket ni "Jesus" wenno ti "Dios nga Ama".

agtutubo

Daytoy ket "metaphor" a maipapan kadagiti saanen a baro a namati ken dumakdakkelen iti naan-anay a panagdakkel iti naespirituan. Mabalin daytoy nga ipatarus a kas iti: "ubbing a namati" wenno "ubbing iti pammati."

ti sao ti Dios ket agtaltalinaed kadakayo

Mabalin daytoy nga ipatarus a kas "ammoyo ti sao ti Dios."

napagballigianyo

"inabakyo"(UDB)

1 John 2:15-17

Saanyo nga ayaten ti lubong

Iti 2:15-17, ti sao nga "lubong" ket maipapan kadagiti ar-aramiden dagiti tattao ken dagiti kaykayatda a saan a makaay-ayo iti Dios. Mabalin daytoy nga ipatarus a kas iti: "Saankayo nga agtignay a kas kadagiti tattao iti lubong a saan nga agdaydayaw iti Dios" (UDB). (Kitaen: INVALID translate/figs-metonymy)

wenno dagiti banbanag nga adda iti lubong

"ken saanyo a tarigagayan dagiti banbanag a kayat dagiti saan nga agdaydayaw iti Dios"

ti ayat ti Ama ket awan kenkuana

"Saanna nga ay-ayaten ti Ama" ti kayat a sawen daytoy.

No addaman iti mangay-ayat iti lubong, ti ayat ti Ama ket awan kenkuana

Mabalin daytoy nga ipatarus a kas "Saan a mabalin a paggiddanen ti maysa a tao nga ayaten ti Ama ken ayaten daytoy a lubong ken amin a saan a makaay-ayo iti Dios."

ti kinaderrep ti lasag, ti kinaderrep dagiti mata, ken ti kinapalangguad iti biag

Daytoy dagiti sumagmamano kadagiti banbanag ditoy lubong. Ipalawagna ti kayat a sawen ti "amin a banag nga adda iti lubong."

ti kinaderrep ti lasag

"ti napalalo a tarigagay a maaddaan iti nainlasagan a ragsak"

ti kinaderrep ti mata

"ti naplalo a tarigagay a maaddaan kadagiti banbanag a makitkita"

ken ti kinapalangguad iti biag

"ti panagpangas maipanggep iti adda iti maysa a tao " wenno "ti kinatangsit a marikrikna dagiti tattao gapu kadagiti banbanag nga adda kadakuada"

biag

Ti madakdakamat ditoy ket dagiti banbanag nga adda kadagiti tattao tapno agbiagda, kas kadagiti gameng ken kinabaknang.

ket saan a naggapu iti Ama

Mabalin nga ipatarus a kas iti: "saan a nagtaud iti Ama" wenno "saan nga isu ti insuro ti Ama a pagbiagtayo."

ket mapukaw

"iti maysa nga aldaw, ket mapukaw"

1 John 2:18-19

Annak

Kitaenyo no kasanoyo nga impatarus daytoy iti 1JN 2:1.

daytoy ti maudi nga oras

Ti ragup ti sasao nga "ti maudi nga oras" ket maipapan iti tiempo sakbay ti panagsubli ni Jesus ken panangukom kadagiti tattao ditoy daga. Mabalin daytoy nga ipatarus a kas iti: "Agsublinto ni Jesus iti mabiit." (Kitaen: INVALID translate/figs-metonymy)

babaen iti daytoy, ammotayo

Mabalin daytoy nga ipatarus a kas iti: "ken gapu iti daytoy, ammotayo" wenno "ken gapu ta adu dagiti anti-cristo nga immay, ammotayo."

adu dagiti anti-cristo nga immay

"adu dagiti tattao a mangbusbusor kenni Cristo."

Pimmanawda manipud kadatayo

"Pinanawandatayo"

ngem saantayo ida a kaddua

"Saanda a pudpudno a naibilang kadatayo" wenno "umuna iti amin, saanda a pudpudno a paset iti bunggoytayo." Ti makagapu a saanda a pudpudno a paset iti bunggoy ket saanda a pudpudno a namati kenni Jesus.

Ta no kaduatayo koma ida, nagtultuloyda koma a kaduatayo

Mabalin daytoy nga ipatarus a kas iti: "Gapu ta, no pudpudno a namatida ket saandatayo koma a pinanawan."

pimmanawda tapno maipakita nga isuda ket saantayo a kaddua

Mabalin daytoy a maibaga nga "Pinanawandatayo tapno maipakita ti Dios kadatayo a saanda a pudpudno a namati." (See: INVALID translate/figs-activepassive)

1 John 2:20-21

Ngem addaankayo ti pannakapulot manipud iti Nasantoan

"Ngem pinulotannakayo ti Nasantoan." Iti Daan a Tulag, ti "pannakapulot" ket maipapan iti panangibukbok iti lana iti tao tapno mailasin isuna nga agserbi iti Dios. Ditoy, ti "pannakapulot" ket maipapan iti pannangited ni Jesus iti Espiritu Santo kadagiti namati tapno mailasin nga agserserbida iti Dios. Mabalin daytoy nga ipatarus a kas iti: "Ngem ni Jesu-Cristo, a Nasantoan, intedna kadakayo ti Espirituna." (Kitaen: INVALID translate/figs-metaphor)

awan ulbod a naggapu iti kinapudno.

"awan ti kinaulbod nga agtaud iti kinapudno." Ti ragup dagiti sasao a "ti kinapudno" ket maipapan iti Dios, ti isu laeng a napnoan iti kinapudno. Mabalin daytoy nga ipatarus a kas "Awan ti kinaulbod nga agtaud iti kapupudnoan."

1 John 2:22-23

Siasino ti ulbod no saan a ti mangilibak a ni Jesus ti Cristo?

Saan a dumawdawat ni Juan iti sungbat ngem ketdi kayatna laeng nga iyunay-unay no siasino dagiti ulbod. Mabalin nga ipatarus a kas saludsod a mabalin a masungbatan: "Siasino ti ulbod? Dagiti siasinoman a mangilibak a ni Jesus ti Cristo." (Kitaen: INVALID translate/figs-rquestion)

mangilibak a ni Jesus ti Cristo?

"agkedked a mangibaga a ni Jesus ti Cristo" wenno "mangibaga a ni Jesus ket saan a Cristo"

ilibakna ti Ama ken ti Anak

Mabalin daytoy nga ipatarus a kas "agkedked a mangibaga iti kinapudno maipanggep iti Ama ken iti Anak" wenno "laksidenna ti Ama ken ti Anak."

mangbigbig iti Anak

"agsasao iti kinapudno maipanggep iti Anak"

adda met kenkuana ti Ama.

"maibilang a kukua ti Ama"

1 John 2:24-26

No dakayo

Iti 2:24-26, ti sao nga "....kayo"(kadakayo) ket maipapan kadagiti tattao a pagsursuratan ni Juan.

agtalinaed koma kadakayo ti nangngeganyo manipud idi punganay

"laglagipen ken patienyo ti nangngeganyo manipud idi punganay." Kasanoda a nangngegan dayta, ania ti nangngeganda, ken ti kayat a sawen iti "ti punganay" ket mabalin a maipalawag: "agtultuloykayo nga agtalek iti insuromi kadakayo maipanggep kenni Jesus a kas iti panagtalekyo sipud nagbalinkayo a namati." (Kitaen: INVALID translate/figs-explicit)

a nangngeganyo manipud idi punganay

Mabalin daytoy nga ipatarus a kas iti: "ti insuromi kadakayo maipanggep kenni Jesus sipud nagbalinkayo a namati."

No dayta a nangngeganyo manipud idi punganay ket agtalinaed kadakayo

"No itultuloyyo ti agtalek iti aniaman nga insuromi kadakayo"

agtalinaedkayonto met iti Anak ken iti Ama

Kitaenyo no kasanoyo nga impatarus daytoy iti 1JN 2:5-6

Ken daytoy ti kari nga inkarina kadatayo; ti agnanayon a biag

"Ken daytoy ti inkarina nga ited kadatayo; ti agnanayon a biag" wenno "Ken inkarina a pagbiagennatayo iti agnanayon."

inkarina kadatayo

Ditoy, ti sao nga "...na"(inkarina) ket mangiyunay-unay ken maipapan kenni Cristo. Ti sao a "kadatayo" ket maipapan kenni Juan ken kadagiti amin a namati, mairaman dagidiay pagsursuratanna. (Kitaen: INVALID translate/figs-inclusive)

mangiyaw-awan kadakayo

"mangpadas a mangallilaw kadakayo tapno patienyo ti kinaulbod" wenno "mangkayat a mangiyadayo kadakayo manipud iti Dios ken iti Kinapudnona"

1 John 2:27-29

Ket no dakayo

Iti 2:27-29, ti sao nga "...yo" wenno "kadakayo" ket dagiti tattao a sursuratan ni Juan. (Kitaen: INVALID translate/figs-you)

ti pannakapulot

Daytoy ket maipapan iti "Espiritu ti Dios". Kitaenyo ti naisurat maipanggep iti "pammulot" wenno "pannakapulot" iti 1JN 2:20.

Ngem iti panangisuro kadakayo ti pammulotna

"gapu ta isursuronakayo ti pammulotna"

amin a banbanag

Ditoy, daytoy ket maysa a panaglabes. Mabalin nga ipatarus a kas "amin a masapul a maammoanyo" (UDB) (Kitaen: INVALID translate/figs-hyperbole)

agtalinaedkayo kenkuana

Kitaenyo ti pannakaipatarus daytoy a ragup dagiti sasao iti 1JN 2:5-6. Ti panagtalinaed ti maysa a tao kenni Jesus ket mabalin nga ipatarus a nalawag: "agtalinaed kenkuana babaen iti panamati ken panagtulnog kenkuana." (Kitaen: INVALID translate/figs-explicit)

ita

Daytoy ket maysa a pakakitaan ti baro a paset iti surat.

patpatgek nga annak

Kitaenyo no kasanoyo nga ipatarus daytoy iti 1JN 2:1.

agparang isuna

"makitatayo isuna"

kinatured

"addaan iti talek"

iti sangoananna iti iyuumayna

Daytoy a ragup ti sasao nga "iti iyuumayna" ket maipapan iti iyuumay manen ni Jesus kas ari ken ukom iti sangalubongan. Mabalin daytoy nga ipatarus a kas iti: "no agsubli isuna tapno mangukom kadagiti amin a tattao."

naipasngay kenkuana.

"ket naipasngay ti Dios" wenno "ket anak ti Dios"

1 John 3

1 John 3:1-3

Kitaenyo no ania a kita ti panagayat ti impaay kadatayo ti Ama

"Panunotenyo no kasano ti panagayat ti Dios kadatayo"(UDB)

ti impaay kadatayo

"naited kadatayo" wenno "naipakita kadatayo"

kadatayo...datayo

Iti 3:1-3 dagitoy a sasao ket ni Juan, dagiti agbasa wenno agdengngeg, ken dagiti amin a namati ti dakdakamatenna.

datayo ket masapul a maawagan nga annak ti Dios

Mabalin daytoy nga ipatarus a "ti Ama ket awagannatayo nga annakna." (Kitaen: INVALID translate/figs-activepassive)

saannatayo nga ammo ti lubong, gapu ta saanna isuna nga am-ammo

Ditoy, ti sao a "ti lubong" ket maipapan kadagiti tattao a saan nga agraraem iti Dios. Ti saan nga ammo "ti lubong" ket mabalin a maipatarus a nalawag: "Dagidiay saan nga agdayaw iti Dios ket saanda nga ammo a naibilangtayo iti Dios, gapu ta saanda nga am-ammo ti Dios" (Kitaen: INVALID translate/figs-metonymy and INVALID translate/figs-explicit)

saanpay a naiparangarang

Mabalin daytoy nga ipatarus nga "saan pay nga imparangarang ti Dios"

Ken tunggal maysa nga addaan iti kastoy a kinatalged a saan a maikkat kenkuana ket pasin-awenna ti bagina a kas isuna ket nasin-aw

Mabalin daytoy nga ipatarus a kas "Amin a mangnamnama a makakita ken ni Cristo iti pudpudno a langana ket masapul nga pagtalinaedenna a nadalus ti bagina gapu ta ni Cristo ket nasin-aw."

1 John 3:4-6

agbasol

"agtultuloy nga agbasol" (UDB)

agaramid iti kinaawan-linteg

"ket agkedkedked nga agtulnog iti linteg ti Dios" (UDB)

"....yo" iti sao nga "Ammoyo"

Daytoy ket maipapan kadagiti tattao a pagsursuratan ni Juan. (Kitaen: INVALID translate/figs-you)

ni Cristo ket naipakaammo

Mabalin daytoy nga ipatarus a, "nagparang ni Cristo" wenno "impakaammo ti Dios Ama ni Cristo." (Kitaen: INVALID translate/figs-activepassive)

agtalinaed kenkuana

Kitaenyo no kasanoyo nga impatarus iti 1JN 2:5-6

Awan ti siasinoman nga agtultuloy nga agbasbasol a nakakita kenkuana wenno nakaammo kenkuana.

Inaramat ni Juan dagiti sasao a "nakakita" ken "nakaammo" tapno maiyunay-unay a ti tao a kanayon nga agbasbasol ket saanna pulos a naam-ammo ni Cristo iti naespirituan. AT: "ket saan a pudpudno a namati kenkuana" (Kitaen: INVALID translate/figs-doublet)

1 John 3:7-8

Patpatgek nga annak

Kitaenyo no kasanoyo nga impatarus daytoy iti 1JN 2:1.

saanyo nga itulok nga adda mangiyaw-awan kadakayo

Mabalin daytoy nga ipatarus a kas iti: "saanyo nga itulok nga adda mangluko kadakayo" wenno "saanyo nga itulok nga allilawen dakayo ti siasinoman"

Isuna nga agar-aramid iti kinalinteg ket nalinteg, a kas kenni Cristo a nalinteg

Mabalin daytoy nga ipatarus a kas iti: "Isuna a mangar-aramid iti umno ket makaay-ayo iti Dios kas kenni Cristo a makaay-ayo iti Dios."

Isuna nga agar-aramid iti basol

"Ti siasinoman nga agtultuloy nga agbasol" (UDB)

ket kukua ti diablo

"naibilang iti diablo" wenno "kas iti diablo"

manipud idi punganay

Daytoy ket maipapan iti kaunaan a tiempo iti pannakaparsua sakbay a nagbasol ti tao iti umuna a gundaway. Daytoy ket mabalin a maipatarus a kas "sipud idi tiempo ti pannakaparsua." (Kitaen: INVALID translate/figs-metonymy)

a naiparangarang ti Anak ti Dios

Mabalin daytoy nga ipatarus nga "Imparangarang ti Dios ti anakna" (Kitaen: INVALID translate/figs-activepassive)

1 John 3:9-10

Siasinoman a naipasngay iti Dios

Mabalin daytoy nga ipatarus a "Siasinoman nga imbilang ti Dios nga anakna." (Kitaen: INVALID translate/figs-activepassive)

saan nga agbasol

"saan nga agtultuloy nga agbasol" (UDB)

bukel ti Dios

Ti maysa a bukel a naimula iti daga nga agtubo ket naidilig iti Espiritu Santo nga inted ti Dios iti namati a mangted kadakuada iti pannakabalin a mangsupring iti basol ken mangaramid iti aniaman a makaay-ayo iti Dios. Mabalin daytoy nga ipatarus a kas iti: "ti Espiritu Santo." (Kitaen: INVALID translate/figs-metaphor)

naipasngay isuna iti Dios

Mabalin daytoy nga ipatarus nga, "Inikkan isuna ti Dios iti naespirituan a biag" wenno "anak isuna ti Dios."

Iti daytoy, dagiti annak ti Dios ken dagiti annak ti diablo ket naiparangarang.

Mabalin dayoty nga ipatarus nga "Babaen iti daytoy ket maammoantayo dagiti annak ti Dios ken dagiti annak ti diablo."

1 John 3:11-12

masapul nga agiinnayattayo

Ditoy, ti sao nga "...tayo"(agiinnayattayo) ket maipapan kadagiti amin a namati. (Kitaen: INVALID translate/figs-inclusive)

Apay a pinatayna isuna? Gapu ta

Nangaramat ni Juan iti saludsod a mangisuro kadagiti pagsursuratanna. Mabalin daytoy nga ipatarus a kas salaysay: "Pinatayna isuna gapu ta" (Kitaen: INVALID translate/figs-rquestion)

dagiti aramidna ket dakes, ket dagiti aramid ti kabsatna a lalaki ket nalinteg

Mabalin daytoy nga ipatarus "gapu ta kankanayon nga agar-aramid iti agkakadakes a banbanag ken ti ub-ubing a kabsatna ket agar-aramid iti nasayaat a banbanag."

1 John 3:13-15

Saankayo nga agsiddaaw

"Saankayo nga agsiddaaw."

kakabsatko

"pada a namati"

no kaguradakayo ti lubong

Ditoy, ti sao a "lubong" ket maipapan kadagiti tattao a saan nga agdaydayaw iti Dios. Mabalin daytoy nga ipatarus a kas iti "no kaguradakayo dagiti saan nga agdaydayaw iti Dios" (Kitaen: INVALID translate/figs-metonymy)

nakalasattayon manipud iti patay ket addatayon iti biag

"saantayon a natay iti naespirituan ngem sibibiag iti naespirituan"

agtalinaed iti patay

"ket natay iti naespirituan"

Siasinoman a manggura iti kabsatna ket mammapatay

Ti tao a manggurgura iti padana a namati ket naidilig iti maysa a mammapatay. Gapu ta ti gura ket pakaigapuan iti pammapatay, ibilang ti Dios ti siasinoman a manggurgura a kas iti maysa a nangpatay iti maysa a tao. Mabalin daytoy nga ipatarus a kas iti: "Siasinoman a manggurgura iti kabsatna a namati ket nakabasol a kas iti maysa a nangpatay iti maysa a tao." (Kitaen: INVALID translate/figs-metaphor)

ti agnanayon a biag ket saan nga agtalinaed iti mammapatay.

Ti "Agnanayon a biag" ket ited ti Dios kadagiti namati kalpasan iti ipapatay, ngem it-ited met laeng daytoy ti Dios kadagiti namati a sibibiag pay laeng tapno agpaay a katulunganda iti kasta ket saandan nga agbasol ken tapno aramidenda ti makaay-ayo kenkuana. Mabalin daytoy nga ipatarus a kas iti: "Saan nga agtrabtrabaho ti bileg ti naespirituan a panagbiag iti biag ti maysa a mammapatay."

1 John 3:16-18

inted ni Cristo ti biagna gapu kadatayo

Panangibalikas daytoy a ti kaipapananna ket "situtulok ni Cristo a nangted iti biagna para kadatayo" wenno "situtulok ni Cristo a natay para kadatayo." (Kitaen: INVALID translate/figs-idiom)

banbanag iti lubong

Mabalin daytoy nga ipatarus a kas "sanikua a kas iti kuarta, taraon, wenno kawkawes"

makitana ti kabsatna nga agkasapulan

"ken mapanunotna a masapul ti padana a namati ti tulong"

ket iserrana ti manangngaasi a pusona iti agkasapulan iti tulongna

Ti kaipapanan daytoy a balikas ket "ngem saan a makipagrikrikna" wenno "ngem saanna a tulungan".

kasano a maibaga nga adda ti ayat ti Dios kenkuana?

Inaramat ni Juan daytoy a saludsod a mangisuro kadagiti pagsursuratanna. Mabalin daytoy nga ipatarus a kas salaysay: "Awan ti ayat ti Dios kenkuana." (Kitaen: INVALID translate/figs-rquestion)

Patpatgek nga annak

Kitaenyo no kasanoyo nga impatarus daytoy iti 1JN 2:1.

saantayo nga agayat iti sao laeng wenno iti dila

Ti ragup ti sasao nga "iti sao" ken "iti dila" ket agpada nga maipapan iti ibagbaga ti maysa a tao. AT: "saanyo laeng nga ibaga nga ay-ayatenyo dagiti tattao no di ket ipakitayo ti panagayatyo babaen iti panagaramid iti naimbag kadakuada" (Kitaen: INVALID translate/figs-doublet and INVALID translate/figs-metonymy)

ngem iti aramid ken kinapudno

Mabalin nga ipatarus a kas "ngem ipakitayo a pudpudno nga ay-ayatenyo dagiti tattao babaen iti panangtulongyo kadakuada."

1 John 3:19-22

addatayo iti kinapudno

Mabalin daytoy nga ipatarus a kas "agbibiagtayo a maiyannurot iti insuro ti Dios kadatayo"

patalgedentayo ti pusotayo

Iti 3:19-22, ti sao a "puso" ket maipapan iti konsensia ti tao wenno iti paset ti panagpanpanunot ti tao a pangipakpakaammoan ti Dios kenkuana nga ti ar-aramidenna ket basol. Mabalin daytoy nga ipatarus a kas "saantayo a makarikna iti pannakapabasol iti presensia ti Dios." (UDB) (Kitaen: INVALID translate/figs-metonymy)

dakdakkel ti Dios ngem ti pusotayo

Mabalin daytoy nga ipatarus a kas "ammotayo a nasaysayaat nga ukom ti Dios ngem ti pusotayo"

ar-aramidentayo dagiti banbanag a makaay-ayo iti imatangna

Mabalin daytoy nga ipatarus nga "ar-aramidentayo ti makaay-ayo kenkuana"

1 John 3:23-24

daytoy ti bilinna

Mabalin daytoy nga ipatarus a kas iti: "daytoy ti kayat ti Dios nga aramidentayo."

ket agtalinaed kenkuana, ken agtaltalinaed ti Dios kenkuana

Kitaenyo no kasanoyo nga impatarus daytoy iti 1JN 2:5-6.

1 John 4

1 John 4:1-3

saankayo a mamati lattan iti tunggal espiritu

Iti 4:1-3, ti sao nga "espiritu" ket maipapan iti naespirituan a pannakabalin wenno kinatao a mangmangted iti tao iti mensahe wenno padto. Mabalin daytoy nga ipatarus a kas "saankayo nga agtalek kadagiti profeta nga agkunkuna nga addaanda iti mensahe manipud iti espiritu."

ngem suotenyo dagiti espiritu

Mabalin daytoy nga ipatarus nga "ngem utobenyo a naimbag ti ibagbaga ti profeta."

nga immay iti lasag

"nagbalin a kas iti langa ti tao" wenno "immay iti nainlasagan a bagi"

Daytoy ti espiritu ti anti-cristo

Mabalin daytoy nga ipatarus nga "Isuda ket dagiti mannursuro a sumuppiat kenni Cristo" (UDB)

a nangngeganyo nga umay

Mabalin daytoy nga ipatarus a, "Nangngeganyo a ti kas kadagita a tattao ket agtaud kadatayo a tattao."

ken ita ket addan iti lubong

Mabalin daytoy nga ipatarus nga, "Uray ita ket addadan ditoy lubong!" (UDB)

1 John 4:4-6

Dakayo ket iti Dios

"Naibilangkayon a tattao ti Dios." wenno "Kukuanakayo ti Dios."

patpatgek nga annak

Kitaenyo no kasanoyo nga impatarus daytoy iti 1JN 2:1.

napagbaliggianyo dagidiay nga espiritu

Mabalin daytoy nga ipatarus a "Saankayo a namati kadagiti ulbod a mannursuro."

isuna nga adda kadakayo

Ti "isuna" a madakdakamat ditoy ket ti Dios.

ngem isuna nga adda iti lubong

Ti "isuna" a madakdakamat ditoy ket ni Satanas.

iti lubong

Ti sao a lubong ket maipapan kadagiti tattao a saan nga agtultulnog iti Dios.

Dagidiay nga espiritu ket nagtaud iti lubong

Mabalin daytoy nga ipatarus nga "Dagidiay a palso a mannursuro ket isuda dagiti tattao a saan nga agtultulnog iti Dios."

ngarud dagiti ibagada ket mainaig iti lubong

Mabalin daytoy nga ipatarus a "ngarud agisuroda kadagiti kapanunotan a maibusor iti Dios"

ken ti lubong ket dumngeg kadakuada

Mabalin daytoy nga ipatarus a "tapno dagiti tattao a saan nga agtultulnog iti Dios ket dumngeg kadakuada"

1 John 4:7-8

Ay-ayatek

"Patpatgek a gagayyem." (UDB)

agiinnayattayo

"Dagiti namati ket masapul nga ayatenda dagiti padada a namati."

naipasngay iti Dios

Ti kayat a sawen daytoy ket addaan iti pannakikadua iti Dios a kas iti anak iti amana.

ta ti ayat ket iti Dios

Mabalin nga ipatarus a kas iti: "ta ti Dios ti mangmangted kadatayo iti kabaelan a mangipateg iti dadduma a tattao."

ken amin nga agay-ayat ket naipasngay iti Dios ken am-ammona ti Dios.

Mabalin daytoy nga ipatarus a "gapu ta dagiti mangayat iti padada a namati ket nagbalin nga annak ti Dios ken am-ammoda isuna" (UDB)

Isuna a saan nga agayat ket saanna nga am-ammo ti Dios, ta ti Dios ket ayat

Mabalin daytoy nga ipatarus a, "Ti kababalin ti Dios ket ti mangayat iti amin a tattao. Dagidiay saan a mangayat kadagiti padada a namati ket saanda nga am-ammo ti Dios gapu ta ti kababalin ti Dios ket managayat kadagiti tattao."

ta ti Dios ket ayat

Daytoy ket panangidilig a ti kayatna a sawen ket "Ti Dios ket managayat."

1 John 4:9-10

Iti daytoy, ti ayat ti Dios ket naiparangarang kadatayo

Mabalin daytoy nga ipatarus a, "Impakita ti Dios nga inay-ayatnatayo,"

tapno mabalintayo nga agbiag babaen kenkuana

Mabalin daytoy nga ipatarus nga, "inikkannatayo iti biag nga agnanayon gapu iti inaramid ni Jesus."

Iti daytoy ket ti ayat

Mabalin daytoy nga ipatarus nga "Impakita ti Dios kadatayo no ania ti pudpudno nga ayat"

saan a gapu ta inayattayo ti Dios

Mabalin daytoy nga ipatarus nga "saan a kas iti panagayattayo iti Dios "

pakapnekan ti Dios a pakapakawanan dagiti basbasoltayo

Daytoy ket daton a nakapnekan ti kinalinteg wenno kinasanto ti Dios ken tapno saantayo a madusa

ken imbaonna ti anakna tapno agbalin a pakapakawanan dagiti basbasoltayo a pakapnekan ti Dios.

Mabalin daytoy nga ipatarus a "ken imbaonna ti Anakna a mangidaton iti bagina tapno pakawanen ti Dios dagiti basbasoltayo."

1 John 4:11-14

Ay-ayatek

"Patpatgek a gagayyem." (UDB)

no inay-ayatnatayo unay ti Dios

Mabalin daytoy nga ipatarus nga "agsipudta ay-ayatennatayo ti Dios iti kasta unay"

ayaten ti maysa ken maysa

"Rebbengna met nga ayaten dagiti namati dagiti padada a namati."

agtalinaed ti Dios kadatayo...agtalinaedtayo kenkuana ken isuna kadatayo

Kitaenyo no kasanoyo nga impatarus daytoy iti 1JN 2:5-6.

ti ayatna ket nagbalin a naan-anay kadatayo

Mabalin daytoy nga ipatarus nga "Naan-anayen ti ayat ti Dios kadatayo."

gapu ta intedna ti espirituna kadatayo

Mabalin daytoy nga ipatarus nga "gapu ta intedna ti Espiritu Santo kadatayo"

Ket nakitatayo ken nagsaksitayo a ti Ama ket imbaonna ti Anakna tapno agbalin a Mannangisalakan iti lubong

Mabalin daytoy nga ipatarus nga "Ket dakami nga apostol ket nakitami ti Anak ti Dios ken ibagami iti amin a ti Dios, ti Ama, ket imbaonna ti Anakna tapno mangisalakan kadagiti tattao iti daytoy a lubong."

1 John 4:15-16

Siasinoman a mangbigbig a ni Jesus ket ti Anak ti Dios

"Dagidiay mangibaga iti kinapudno maipanggep kenni Jesus nga isuna ti Anak ti Dios." (UDB)

agtalinaed kenkuana ti Dios, ken isuna iti Dios

Kitaenyo no kasanoyo nga impatarus daytoy iti 1JN 2:5-6.

Ti Dios ket ayat

Ti kayat a sawen daytoy ket "Ti Dios ket managayat." (Kitaen: INVALID translate/figs-metaphor)

ket isuna nga agtaltalinaed iti ayat ket agtaltalinaed iti Dios, ken agtaltalinaed ti Dios kenkuana.

Mabalin daytoy nga ipatarus a, "dagiti agtultuloy nga agayat iti dadduma ket addaan iti nasinged a pannakikadua iti Dios, ken ti Dios ket addaan iti nasinged a pannakikadua kadakuada."

1 John 4:17-18

Iti daytoy, nagbalin a naan-anay ti ayat kadatayo, tapno maaddaantayo koma iti kinatalged iti aldaw ti pannaka-ukom

Dagiti mabalin a kaipapapananna ket 1) ti sao a "daytoy" ket maipapan met laeng iti 4:16. Mabalin a pakaipatarusanna: "Ken no ti tao ket agay-ayat, ket adda isuna iti Dios ken adda ti Dios kenkuana, ti panagayattayo ket naan-anay. Ken, maaddaantayo koma iti naan-anay a kinatalged iti aldaw ti pannakaukom." Wenno 2) ti sao a "daytoy" ket maipapan iti "kinatalged." Mabalin a pakaipatarusanna: "No agtalektayo nga awatennatayonto ti Dios iti aldaw nga ukomenna ti tunggal maysa, ket ammotayo a ti ayattayo ket naan-anay kadatayo."

gapu ta kas kenkuana, addatayo met iti daytoy a lubong

"gapu ta ti nasinged a pannakikadua ni Jesus iti Dios Ama ket kasta met laeng iti pannakikaduatayo iti Dios ditoy lubong"

ti naan-anay nga ayat ket paksiatenna ti buteng,

Ditoy, ti "ayat" ket nailadawan a kas iti tao nga addaan pannakabalin a mangikkat iti buteng. Mabalin a kaipatarusan: "Ngem no ti ayattayo ket naan-anay, saantayon a mabuteng." (Kitaen: INVALID translate/figs-personification)

gapu ta ti buteng ket mainaig iti pannakadusa

"gapu ta mabutengtayo no panunotentayo a dusaennatayonto ti Dios inton umayna ukomen ti tunggal maysa"

Ngem isuna nga agbuteng ket saan a napagbalin a naan-anay iti ayat

"No mabuteng ti maysa a tao a dusaento isuna ti Dios, ti kayatna a sawen ket saan a naan-anay ti ayatna"

1 John 4:19-21

"...tayo"(Agayattayo)

Ti madakdakamat ditoy ket da Juan, dagiti tattao a sursuratanna, ken dagiti namati iti sadinoman." (Kitaen: INVALID translate/figs-inclusive)

manggurgura iti kabsatna

"manggura iti padana a namati." (UDB)

bilin manipud kenkuana

ti "kenkuana" ket ti Dios ti dakdakamatenna.

1 John 5

1 John 5:1-3

ket naipasngay iti Dios

"ket anak ti Dios"

kenkuana a nagtaud iti ama

"ti Ama." Mabalin nga ipatarus a kas iti: "kenkuana a nangibilang kadatayo nga annakna"

mangay-ayat kenkuana a nagtaud iti ama ket ayatenna met dagiti annakna

"ayatenna met ti anakna." AT: "ay-ayatenna met dagiti annakna."

Babaen iti daytoy ammotayo nga ay-ayatentayo dagiti annak ti Dios, no ayatentayo ti Dios ken aramidentayo dagiti bilbilinna

"No ay-ayatentayo ti Dios ken aramidentayo dagiti ibilinna, ket ammotayo nga ay-ayatentayo dagiti annak ti Dios"

Ta daytoy ti panagayat maipaay iti Dios, ti panangtungpaltayo kadagiti bilbilinna

"Gapu ta ti panangtungpaltayo kadagiti ibilinna ti mangipakita a pudno nga ay-ayatentayo ti Dios"

Ken saan a makapadagsen dagiti bilinna

"Ken dagiti ibilinna ket saan a pakadagsenan" wenno "Ken dagiti ibilinna ket saan a narigat nga aramiden"

1 John 5:4-5

amin a naipasngay iti Dios

Daytoy ket maipapan kadagiti amin nga annak ti Dios.

mapagballigianda ti lubong

Mabalin daytoy nga ipatarus nga "agkedked a mangaramid kadagiti dakes a banbanag nga ar-aramiden dagiti saan a namati"

Ken daytoy ti balligi...ti pammatitayo

Mabalin daytoy nga ipatarus nga "Ti pammatitayo ket mangmangted kadatayo iti pannakabalin tapno saan nga agbasol a maibusor iti Dios."

Siasino ti mangparparmek iti lubong?

Ti dakdamaten daytoy a saludsod ket dagiti namati. (Kitaen: INVALID translate/figs-rquestion and INVALID translate/figs-metonymy)

1 John 5:6-8

Isuna daydiay immay babaen iti danum ken dara - ni Jesu-Cristo,

"Ni Jesu-Cristo ti kakaisuna nga immay babaen iti danum ken dara." Ditoy, ti "danom" ket maipapan iti pannakabautisar ni Jesus. Ti "dara" ket maipapan iti pannakatay ni Jesus idiay krus. AT: "Impakita ti Dios a ni Jesu-Cristo ti anakna iti pannakabautisar ni Jesus ken iti ipapatayna iti krus." (Kitaen: INVALID translate/figs-metonymy)

saan laeng isuna nga immay babaen iti danum, ngem babaen iti danum ken dara

Mabalin nga ipatarus kas baro a salaysay: "Immay isuna a saan laeng a babaen iti danum, ngem babaen iti danum ken iti dara." AT: "Saan laeng nga imparangarang ti Dios kadatayo ni Jesus nga anakna babaen iti pannakabautisarna, ngem babaen iti pannakabautisarna ken iti ipapatayna iti krus."

Ta adda dagiti tallo nga agsaksi

"Ta adda tallo a nangpaneknek iti maipanggep kenni Jesus"

ti Espiritu ken ti danom ken ti dara

Ditoy, ti "danom" ken "dara" ket nailadawan kas iti tao nga agtaktakder iti pangukoman a mangibagbaga kadagiti tattao iti nakita ken nangngegna. (Kitaen: INVALID translate/figs-personification)

ken dagiti tallo ket umanamong iti tunggal maysa

"ken dagiti tallo ket nagsaksi kenkuana"

1 John 5:9-10

No awatentayo ti panangsaksi dagiti tao, ad-adda pay a natan-ok ti saksi ti Dios

AT: "No mamatitayo ti ibagbaga dagiti tattao, ad-adda pay koma a mamatitayo kadagiti ibaga ti Dios gapu ta pudno a kanayon dagiti ibagbagana."

Isuna a mamati iti Anak ti Dios ket addaan iti pammaneknek iti bagina

AT: "Siasinoman a mamati kenni Jesus ket sigurado nga ammona nga isuna ket Anak ti Dios."

pinagbalinda isuna nga ulbod

"ket pinagbalinda nga ulbod ti Dios"

gapu ta saan isuna a namati kadagiti saksi nga inted ti Dios mainaig iti Anakna

"gapu ta saan isuna a mamati iti imbaga ti Dios a kinapudno maipanggep iti Anakna"

1 John 5:11-12

Ken ti saksi ket daytoy

"Daytoy ti ibagbaga ti Dios." (UDB)

daytoy a biag ket adda iti Anakna

"Agbiagtayo iti agnanayon no makitipontayo iti Anakna" (UDB), wenno "Agbiagtayo iti agnanayon no nakipagmaymaysatayo iti Anakna."

Isuna nga adda kenkuana ti Anak ket adda kenkuana ti biag

Mabalin nga ipatarus nga "Isuna a mamati kenni Jesus ket addaan iti agnanayon a biag."

1 John 5:13-15

kadakayo a mamati iti nagan ti Anak ti Dios

Ti sao a "nagan" ket maipapan iti Anak iti Dios. AT: "kadakayo nga agtaltalek iti Anak ti Dios." (Kitaen: INVALID translate/figs-metonymy)

Ken daytoy ti kinatalged nga adda kadatayo iti sangoananna

"Ken gapu ta agtalektayo iti Anak ti Dios makasiguradotayo iti daytoy"

no dumawattayo iti aniaman a maiyannatup iti pagayatanna

"no agdawattayo kenkuana kadagiti banbanag a kayat ti Anak ti Dios"

ammotayo nga awatentayo dagiti dawatentayo kenkuana

"ammotayo nga maawattayo dagiti kiddawentayo kenkuana"

1 John 5:16-17

kabsatna

"padana a namati." wenno "kabsatna iti pammati"

ket ikkan isuna ti Dios iti biag

Ti "biag" ditoy ket maipapan iti agnanayon a biag.

1 John 5:18-21

Ammotayo a

Ti "...tayo"(ammotayo) ket dagiti amin a namati ti dakdakamatenna. (Kitaen: INVALID translate/figs-inclusive)

saan nga agbasol

"saan a kankanayon nga agbasol." (UDB)

ken ti sangalubongan ket adda

Daytoy ket maipapan iti wagas nga adda iti lubong nga inturayan ni Satanas. (Kitaen: INVALID translate/figs-metonymy)

ti diablo

Ti "diablo" ket sabali pay a pangawag kenni Satanas. (Kitaen: INVALID translate/figs-metonymy)

ken ti sangalubongan ket adda iti tengngel ti diablo

Mabalin daytoy nga ipatarus nga "iturturayan ni Satanas dagiti amin a saan a namati ditoy lubong."